مشاهدة النسخة كاملة : القرير الوسطى- ايام الزمن الجميل-- تعالو نحكى ونوثق


الصفحات : 1 2 [3] 4

علي شنان
12-13-2009, 07:00 PM
اسرة الاميرية سلام وتحايا .الاخ الدينمو لك تحياتى وودى على المجهود المقدر
الذى قمتم به والذى عكس لنا بعض من جوانب ذلك الصرح التعليمى العظيم الذى
احتضنا دهرا ولكن لى بعض الملاحظات وهى لقد صدمنى ما ال اليه حال هذه
المؤسسة التعليمية من تصدعات واهمال .اين الغيورين من رجال التعليم على
مستقبل ابناء المستقبل ؟ سراير مقطعة وجدران قذرة والشنط مرمية على الارض
اين الدواليب ؟ واين سراير الحديد الزوايا المتينة بدلا من هذه المواسير الضعيفة؟
هل المهم هو استبدال تلك الاسماء الخالدة فى وجداننا الدندر .الرهد.السوباط
النيل. بأسماء الشهداء ابراهيم شمس الدين وعلى عبد الفتاح لهم الرحمة والغفران؟
ام المهم هو الترميم والصيانة ؟من هذا المنبر اناشد كل شخص غيور وحادب
على ان يبقى هذا الصرح كما كان بل افضل ان يقدم ما يستطيع من جهد ايّا كان لدعم
هذا الكيان الخالد بأذن الله .هذه صرخة داوية فى اذن الجميع .
الاخ الدينمو الصور فى غاية الروعة ولكن لم توضح لنا هذه الشخصيات ياخوى
الزمان طال والناس اتغيرت ارجو الايضاح .غايتو عرفت منهم =-
شخصكم الكريم ماشاء الله لسة شباب .ثم عبدالعظيم ياسين ثم محى الدين محمد
الامين عوتيب ثم اسامة عبدالرحمن عوتيب وخيرا ود دكى عبد الرحيم عثمان
لكن الباقين مسح شديد فلهم العتبى حتى تعرفّنا بهم وشكرا(هاشم شنان)

الدينمو
12-13-2009, 09:21 PM
http://www.tungasi.com/uploader/uploads/dsc01373.jpg
من اليمين: معتصم عثمان خليفة .. محى الدين العوتيب

عبدالله محمد الجزولي
12-13-2009, 09:28 PM
انا لله وانا اليه راجعون لله الأمر من قبل ومن بعد له الرحمه ولنا ولكم ولأهله حسن العزاء اللهم صبرنا على مبتلانا نسألك اللهم ان تدخله فسيح الجنات وان تبدله دارا خير من داره واهلاً خير من أهله وان تجزل ثوابه وتعطيه لقدر ما قدم لهذا الوطن وبكل حرف علمه لتلاميذه حسنه وان تجعل الجنه مثواه انك على كل شىْ قدير

عبدالله محمد الجزولي
12-14-2009, 09:04 PM
الأخ الدنمو زالأخوان زملاء الزمن الجميل والأميريه لقد شاهدنا بعض الصور لذك الصرح العظيم ورأينا ما آلت إليه من تدهور واهمال واضح لقد تحسرت على ما حدث لهذا الصرح العظيم الك المدرسة البيضاء أصبحت ألان معدومة اللون والملامح جدران يرثى لها اسرة مواسير مهترية البلاستيك ومن ذوات الدورين وين الحديد الزوى القوى المنسوج بالحبال المتينة الذى يحمل بصمات هاشم شنان ورفاقه اللذين قامو بالنساجة . أين وأين وأين تلك الأسماء الجميله التى تحمل سر الحياه تلك الانهار الخالده ( وجعلنا من الماء كل شىْ حى) لقد ماتت الجميله البيضاء وكأنها فقدت سر الحياه بفقدانها لتلك الأسماء النيل ، الدندر ، السوباط ، الرهد . أنا اضم صوتى لزميلى هاشم شنان ونصرخ صرخة داوية انقذوا ألاميريه البيضاء من الضياع . وهل هى ما زالت متوسطة أم صارت ثانوى أم صارت كلية ؟ هذه الأسئله مطروحه للأخوان اللذين زاروها . لكم التحية والود ...

ميرغني ديمو
12-14-2009, 11:08 PM
انا لله وانا اليه لراجعون
اللهم اغفر له وارحمه وادخله فسيح جناتك .

salah hussain
12-15-2009, 06:07 AM
انا لله وانا اليه راجعون لله الأمر من قبل ومن بعد للفقيد الرحمه ولنا ولكم ولأهله حسن العزاء

salah hussain
12-15-2009, 06:14 AM
الاخوة الافاضل ابناء القرير الوسطى --- انقطاعى عن المنتدى ما كان الا لظروف وفاة ابن عمتى واخى وصديقى عبد الحميد كدكى لحادث حركة اليم باابوظبى --- اسال الله له الرحمة والمغفرة --- وقد عدت من السودان اليوم بعد سفرى مع جثمان الفقيد--- ولظروف العزاء لم اسمع بخبر وفاة الاستاذ عبد الرحمن الا بعد عودتى --- نسال الله له المغفرة ولاله حسن العزاء

سمير محمد الحردلو شامي
12-15-2009, 09:39 AM
اللهم أغفر له وأرحمه وأسكنه فسيح جناتك مع الصديقين والشهداء ....اللهم ألهم آله وذويه الصبر الجميل ....اللهم ضاعف حسناته وتجاوز عن سيئاته وأنزله مع الصالحين ..... اللهم أجعل الجنة منزله وألهمنا الصبر الجميل ...

(إنا لله وإنا إليه راجعون)

المرحوم الأستاذ عبد الرحمن أحسن أيضاً قام بتدريسنا عندما كان مديراً لمدرسة تنقاسي المتوسطة في اواسط السبعينات ..... تعازينا لأبنائة وال القاضي والي أخونا محمد أبراهيم ( ضابط بوزارة الداخلية ).

ميرغني ديمو
12-15-2009, 10:25 AM
http://www.tungasi.com/uploader/uploads/dsc01374.jpg

الزول دحين ماهو محى الدين عوتيب

الدينمو
12-15-2009, 08:22 PM
السلام عليكم اخوتى الكرام .. عذرا لتاخرى فى الكتابة لاسباب فنية .. نبدا بالصور:
الاولى :من الشمال : عبدالرحيم دكى .. فتح الرحمن سيداحمد.. اسامة العوتيب..جادالله محجوب .. المكان الباب الشرقى يفتح على بيوت المدرسين ..
التانية: رد على سؤال مرغنى ديمو وود الجزولى
التالتة:من الشمال .الدينمو .جادالله عوتيب .وددكى
الرابعة: تخيلو ... داخلية الدندر
الخامسة :حال الداخلية المحزن .. لاحظ الباب
السادسة:مكان طابور الصباح ايام زمان ..
نوصل بعده ......

الدينمو
12-15-2009, 09:15 PM
نواصل اخوانى الاعزاء
السابعة : من شوارع العمراب .. دى صورة منو ؟؟
التامنة: من الشمال وقوف ..فتح الرحمن سيداحمد . ( ؟؟؟؟) ..جادالله .ود دكى .معتصم عثمان خليفة .
جلوس:عوتيب .عبدالعظيم احمد يس .محى الدين عوتيب.
التاسعة:معتصم عثمان ..محى الدين عوتيب..
العاشرة:ربنا يرحم عبدالواحدمحمد صالح ..والصحة والعافية لاخونا حسين سيداحمد (اب بلعوم ) وحليل السراير البتكسر السنون..
الحادية عشر :امام الصفرة ..اقصى الشمال فرن .
اخوتى ارجو المساعدة فى انزال التعليق مع الصور ..وكان حيين بنتلاقى ان شاء الله ..

عبدالله محمد الجزولي
12-16-2009, 12:51 PM
الصور يا اخى الدنمو وينها ما شايفين غير 3 صور الباقى وين ابى ينزل ام جهازى دا تعبان والله الحكايه شنو ؟

عبدالله محمد الجزولي
12-16-2009, 12:53 PM
الأخ صلاح حسين احسن الله عزاكم فى فقيدكم والهمكم الصبر الجميل ربنا يسكنه فسشيح الجنات مع الصديقين والشهداء وحسن اولائك رفيقاً . وحمدلله على سلامة الأسفار .

الدينمو
12-16-2009, 05:59 PM
الاخ صلاح جسين .. احسن الله عزاكم .. اللهم اغفر له وارحمه وادخله فسيح جناتك مع الصديفبن والشهداء وحسن اؤلئك رفيقا ..






..

الدينمو
12-16-2009, 06:15 PM
الاخ العزيز عبدالله الجزولى .. لك التحية .. شككتنى فى شغلتى .. ورجعت للتاكد من الصور .. فوجدتها كلها موجودة .. تبدا من الصفحة (49) (50) ولقيتك معلق على الصور والمدرسة .. فهمنى ..
بالمناسبة وين مرغنى ديمو والنقى وشنان وباقى الناس؟؟

علي شنان
12-16-2009, 06:30 PM
الاحباب ابناء الزمان الزين لكم عاطر التحايا جميعا وحقيقة يا اخى الدينمو
رجعتنا الى ايام لها عبقها ونكهتها وروعتها ويا سبحان الله الاخوة الاعزاء
(فتاح) فتح الرحمن سيداحمد وجاد الله محجوب عبد الله (كجال ) كما كان يحلو
لنا مناداته بهذا الاسم وكان يزعل من ذلك .. هذين الشخصين هما الدفعة الورانا
وصورتهما المرسومة فى الذاكرة هى تلك الصورة لصبيين صغيرى الحجم
والان ماشاء الله من الطفولة والى الكهولة ! والله زمان يا فتح الرحمن الذى
كان يمتاز بتقليد الاشخاص وخاصة حينما يقلد لنا طريقة الفنانة بخيته سعد
الله (فرفاشة) فى اداءها للغناء .هل تذكر ذلك يا فتاح ؟؟ والله كأنك امامى الان
وانت تؤدى ذلك الدوربكل مهارة واتقان .سقى الله ذلك الزمان وابناءه .
طبعا الاخ الدينمو اتى بمن يمثل كل فصل وهم كما يلى = اسامة عوتيب
الدفعة القدام قدامنا ثم محى الدين عوتيب الدفعة القدامنا ثم الدينمو الدفعة
ثم ود دكى ,عبد العظيم يس ,فتاح ,وجادالله الدفعة الورانا , لك ولهم جميعا
التحايا والاحترام وفى انتظار مداخلات بقية الزملاء (هاشم شنان)

على الرزوقى
12-16-2009, 06:50 PM
ما شاء الله ياهاشم شنان ربنا يمتعك ويمتعنا بهذه الذاكرة ـ بالرغم من لقائى بهؤلاء الشباب كفاحا لكننى لم أستطع الربط بين شخوصهم الحالية وتلك اليافعة اللهم الا أسامة عوتيب وحسن محمد الحسن لأنهم دفعتنا ـ والدينمو ده لأنو ما إتغير كتير.

ميرغني ديمو
12-16-2009, 10:33 PM
الاخ العزيز عبدالله الجزولى .. لك التحية .. شككتنى فى شغلتى .. ورجعت للتاكد من الصور .. فوجدتها كلها موجودة .. تبدا من الصفحة (49) (50) ولقيتك معلق على الصور والمدرسة .. فهمنى ..
بالمناسبة وين مرغنى ديمو والنقى وشنان وباقى الناس؟؟
كلام الجزولى صاح شغلك نى يا الدينمو ..
صورك مره تجى مره تزوق ومره زاحه بالجنب زى العربيه الكاسره العمود ....وعفوا .

عبد المنعم الانصارى
12-18-2009, 04:27 PM
الاخ صلاح اولا لك عاطر التحايا ولك الشكر على نبش ذاكرة الايم الجميلة بالقرير فبالاضافة للمذكورين من ابناء تنقاسى المرحوم صلاح محجوب الدوش وكان يسكن السوباط مع عبد الحفيظ عبد الله وهم من دفعتنا 1973 (جالسين 50 ناجحين 50 ) مع الاخ كمال وهاشم شنان والجزولى وبقية العقد

علي شنان
12-18-2009, 08:40 PM
الاخ الدفعة الدكتور عبدالمنعم عبدالرحمن محمد عثمان الانصارى تحياتى المعطرة
وصادق ودّى .كم كان فرحى عظيما وانا اطالع هذا البوست فى هذا اليوم المبارك
وانا اجدك متحكّرا فى مكانك الطبيعى فيه .اهلا وسهلا بمقدمك والجابك يجيب الباقين
وفى انتظار ذكريات تلك السنوات الخمس بحلوها وحلوها لانها والله ما كان فيها مر
يلاّانبش وطلّع لنا (دهب ابوحمد) معليش اقصد دهب ومكنونات تلك الايام الجميلة
التى اعرف انك تذكر منها الكثير والكثير وياما فى الجراب ياحاوى.(هاشم شنان)

عبدالله محمد الجزولي
12-20-2009, 10:19 AM
نرحب بالزميل والأخ الدكتور عبدالمنعم عبدالرحمن الانصارى ويا حباب زى ما بيقول أخونا وزميلنا كامل على وداعة
ويلا طلع المستخبي وجيب الذكريات ذكريات الزمن الجميل والحكاوى الجميله . اهلا بيك فى موقعك وربنا يجيب الباقين

على الرزوقى
12-20-2009, 06:33 PM
YouTube - ‫ط¹ط¨ظˆط¯ طھط¨ظˆط±ظ‰.3gp‬‎ (http://www.youtube.com/watch?v=Bq5WxVCEqY4)

عبود تبورى الفنان الرائع ابن القرير الاميرية أيضا لكن دفعة متين ماعارف؟ هو شقيق رائد المنتدى الاثيرى والحسى عثمان الدينمو متاسف لأن التسجيل كان عبر الموبايل وطلع الصوت مانضيف لتأثير الساوند عليه ـ لكن حالة التطريب لا باس بها .
ترحيبنا الحار بالدكتور عبد المنعم عبد الرحمن الانصارى ومرحبا به وبقلمه الذى نتمنى ونطلب منه الكثير عن زكريات الزمن الجميل .
ودديمو يسأل دائما عن القرير الاميرية واسع شغالة شنو ؟؟؟ مدرسة القرير الاميرية الآن هى مدرسة شريان الشمال الصناعية الثانوية وهى واضحة فى لافتتها التى صورها الاخ/ الدينمو. سلام ......

عبدالله محمد الجزولي
12-20-2009, 09:15 PM
الأخ العزيز على الرزوقى نشكرك على ما تبذله من جهد فى ما تقدمه لنا من لقطات مفرحه لك التحية والتقدير وربنا يديك العافيه ولينا زمن نسأل من أسم الأميريه الآن والحمدلله اديتنا المفيد وياريت كان خلوها على ما كانت عليه . نواصل انشاء الذكريات .

ميرغني ديمو
12-21-2009, 02:24 PM
YouTube - ‫ط¹ط¨ظˆط¯ طھط¨ظˆط±ظ‰.3gp‬‎ (http://www.youtube.com/watch?v=Bq5WxVCEqY4)

عبود تبورى الفنان الرائع ابن القرير الاميرية أيضا لكن دفعة متين ماعارف؟ هو شقيق رائد المنتدى الاثيرى والحسى عثمان الدينمو متاسف لأن التسجيل كان عبر الموبايل وطلع الصوت مانضيف لتأثير الساوند عليه ـ لكن حالة التطريب لا باس بها .
ترحيبنا الحار بالدكتور عبد المنعم عبد الرحمن الانصارى ومرحبا به وبقلمه الذى نتمنى ونطلب منه الكثير عن زكريات الزمن الجميل .
ودديمو يسأل دائما عن القرير الاميرية واسع شغالة شنو ؟؟؟ مدرسة القرير الاميرية الآن هى مدرسة شريان الشمال الصناعية الثانوية وهى واضحة فى لافتتها التى صورها الاخ/ الدينمو. سلام ......

ود الرزوقى بركه الافدتنا .نسال بى وشينا مافى زول رد.....:clap:

علي شنان
12-21-2009, 07:25 PM
الاحباب ابناء الايام الجميلة لكم التحية جميعا
الاخ على الرزوقى لك التحايا وانت تواصل نشاطك ورفدك لهذا البوست بكل
جميل وابداع وارجو الا تفتر الهمم . اخى العزيز ميرغنى ديمو لك التحايا
والتقدير من على البعد واذكرك يا ميرغنى وانت كنت صاحب موهبة فى
كثير من الحرف فى ذلك الزمن الجميل .اذكر منها فى ذلك الزمن ظهرت موضة
خياطة العمود للجلاليب ولا انسى انك كنت تتميز بعمل هذا العمود وبمهارة
فائقة مما جعلنى احاول تقليدك ونجحت فى ذلك ولكن ليس بنفس الجودة
واذكر كانت الايام قبايل عيد والاستاذ ود شمة جابلك جلابية جديدة لكى تعمل
لها عمود ونحن فى داخلية الدندر عنبر رقم واحد وكان كل يوم يأتى ودشمه
ويطمئن على الاداء وكان كلما تخلص من جزء ينظر اليه بأعجاب ويقول
لك يلا اجتهد عشان تحصل لى العيد . هل تذكرت هذه الواقعة ياميرغنى؟؟
ما اظنك تنساها .ويالها من ايام ويالها من ذكريات .(هاشم شنان)

عبدالله محمد الجزولي
12-21-2009, 07:27 PM
الأخ ميرغنى ديمو لك التحية الحمدلله أنو على الرزوقى فشاك وجابلك خبر الأميريه . لكن انت حكايتك شنو ما عندك أى ذكريات ؟ أكيد عندك لأنك كنت شقى خالص وما تنسى رشك للحبر على ألأستاذ . ود شنان ما ريحك لكنك برضو انكت الذاكره دى شويه وطلع بلاويك انت وود معروف . لكم تحياتى وربنا يديكم العافيه

على الرزوقى
12-21-2009, 07:33 PM
بالرغم من أننى سبق وان أضفت قصيدة الاستاذ/ محمد سعيد دفع الله لهذا البوست الا اننى قد وجدت بالyoutube تسجيل جميل منقول عن قناة الشروق ـ كما وجدته أيضا وفى نفس الجلسة بصوت الفنان الجميل / محمد كرم الله:ـ

YouTube - ‫ط§ظ„ط´ط§ط¹ط± ظ…ط*ظ…ط¯ ط³ط¹ظٹط¯ ط¯ظپط¹ ط§ظ„ظ„ظ‡ - ط£ط®ظٹ ط§ظ„ط¹ط²ظٹط²‬‎ (http://www.youtube.com/watch?v=0lAK8xVIOfo)

YouTube - ‫ظ…ط*ظ…ط¯ ظƒط±ظ… ط§ظ„ظ„ظ‡ - ط£ط®ظٹ ط§ظ„ط¹ط²ظٹط²‬‎ (http://www.youtube.com/watch?v=4HGghPXAaTI)

علي شنان
12-21-2009, 08:04 PM
نواصل فى ذلك الزمن كان مسؤول الداخلية(ضابط الداخلية) الاستاذ عثمان الامين
من منطقة الجزيرة (كاب الجداد) وكان قانون الداخلية يحتم عليك عندما نذهب صباحا
للفصول ان يكون سريرك مرتب وبطانيتك مفرشة .كان هذا الاستاذ يمر بعد ذهابنا
للفصول ومعه طباشيرة ويضع خط صغير بها قصاد السرير غير المرتب .وعندما
نأتى ظهرا بعد الغداء فى فترة الراحة يمر هذا الاستاذ ومعه عصا وعندما يرى علامة
الطباشيرة اصلوا تانى ما عندك طريقة تنكر فقط تستسلم وتنجلد .اذكر اكتشف هذه
الخطة كل من الطالبين ابوبكر عبدالله ادم وعبد المنعم النحيل .وصاروا يتنبأون لنا
بمن سوف ينجلد اليوم ونحن نستغرب فى ذلك وكيف عرفوا ذلك ثم صاروا بعد
ذلك يضعون نفس الخط وبنفس لون الطباشيرة لطلاب ابرياء .وتلقى الحجة مدورة
مع الاستاذ واننى رتبت سريرى ولكن دون جدوى تنجلد يعنى تنجلد .وياما انجلد
مرارا وتكرارا وبدون ذنب اخونا التجشو له الرحمة وهو فى غاية الغبن جراء ذلك وقد
قام كل من الاخوة تاج الدين عثمان سعيد والنحيل بتأليف القصيدة الشهيرة
الحلمنتيشية والتى مطلعها يقول =-
يا منقتنا مكينى قالوا نبعه عزبة كيتى .طبعا هذا البيت طلاسم الا لمن سمعه
شفاهة ويالها من شقاوة .(هاشم شنان)

ميرغني ديمو
12-21-2009, 10:27 PM
الاحباب ابناء الايام الجميلة لكم التحية جميعا
الاخ على الرزوقى لك التحايا وانت تواصل نشاطك ورفدك لهذا البوست بكل
جميل وابداع وارجو الا تفتر الهمم . اخى العزيز ميرغنى ديمو لك التحايا
والتقدير من على البعد واذكرك يا ميرغنى وانت كنت صاحب موهبة فى
كثير من الحرف فى ذلك الزمن الجميل .اذكر منها فى ذلك الزمن ظهرت موضة
خياطة العمود للجلاليب ولا انسى انك كنت تتميز بعمل هذا العمود وبمهارة
فائقة مما جعلنى احاول تقليدك ونجحت فى ذلك ولكن ليس بنفس الجودة
واذكر كانت الايام قبايل عيد والاستاذ ود شمة جابلك جلابية جديدة لكى تعمل
لها عمود ونحن فى داخلية الدندر عنبر رقم واحد وكان كل يوم يأتى ودشمه
ويطمئن على الاداء وكان كلما تخلص من جزء ينظر اليه بأعجاب ويقول
لك يلا اجتهد عشان تحصل لى العيد . هل تذكرت هذه الواقعة ياميرغنى؟؟
ما اظنك تنساها .ويالها من ايام ويالها من ذكريات .(هاشم شنان)
ماشاء الله عليك ياهاشم وعينى عليك باااااردى .
الحقيقه غير متذكر ولكن 98/ تكون صاح .الذاكره يا حليلها ..

salah hussain
12-22-2009, 09:59 AM
ماشاء الله عليك ياهاشم وعينى عليك باااااردى .
الحقيقه غير متذكر ولكن 98/ تكون صاح .الذاكره يا حليلها ..

ال 2% نقصتها فشان شنو --- عاد كيفن ما بتكون صاح طالما كانت لقيط رزق فى سوق تنقاسي
طبعا اخونا ميرغنى كان مبارى الترزية فى سوق تنقاسي ونحن البومة بارينا الونسة فى دكان خالد --اذكر حاولت اشتغل مع البعبع --فى طبيق العراريق -- اهم حاجة تقطع الخيوط والتطبيقة بى طريقة معينة --- البعبع الله يطراهو بالخير ما هاميهو يطبق كيف كان ما علمنا صاح --مما دفع عمنا عزالدين ان انتهرنى --ياولد مالك ومال الشغلانة الفقر دى امش شوف ليك قراية تنفعك --مكنة شنو الدار تتعلما== لكن يا ميرغنى البعبع انزنق يوم الاثنين -- طبقنا معاهو واكلنا
الاخ مرغنى كان ترزى حريف بالتالى الواقعة تكون صحيحة 100% ما منقوصة ولا نشكك فى زاكرة شنان --لانها هنا مدعومة
والله شنو آ مرغنى --اخوى

ميرغني ديمو
12-22-2009, 11:06 PM
ال 2% نقصتها فشان شنو --- عاد كيفن ما بتكون صاح طالما كانت لقيط رزق فى سوق تنقاسي
طبعا اخونا ميرغنى كان مبارى الترزية فى سوق تنقاسي ونحن البومة بارينا الونسة فى دكان خالد --اذكر حاولت اشتغل مع البعبع --فى طبيق العراريق -- اهم حاجة تقطع الخيوط والتطبيقة بى طريقة معينة --- البعبع الله يطراهو بالخير ما هاميهو يطبق كيف كان ما علمنا صاح --مما دفع عمنا عزالدين ان انتهرنى --ياولد مالك ومال الشغلانة الفقر دى امش شوف ليك قراية تنفعك --مكنة شنو الدار تتعلما== لكن يا ميرغنى البعبع انزنق يوم الاثنين -- طبقنا معاهو واكلنا
الاخ مرغنى كان ترزى حريف بالتالى الواقعة تكون صحيحة 100% ما منقوصة ولا نشكك فى زاكرة شنان --لانها هنا مدعومة
والله شنو آ مرغنى --اخوى
اذن الناتج 100/100 ماطال غلبتها رياضيات
وودشنان ذاكره حديديه.
وما على الا الاستسلام .
ابو عثمان اعلك طيب والاسره . غيبتك طالت ولك العذر ...

عبدالله محمد الجزولي
12-23-2009, 09:08 PM
أخوانى زملاء الزمن الجميل ألأميريه البضاء ياما كان فيها هلع فى الأكل الذى كان لا يسد الرمق كنا فى سفره واحده أنا والمرحوم عبدالواحد محمد صالح سراج النور والأخ العزيز محمد فضل المولى مبيوع ( كشلا) وبقية الزملاء يعنى 10 فى السفره . وكان أخونا محمد فضل المولى يأكل براحه وعلى مهلتو ودائماً كان يتهمنى أنا وعبدالواحد بأننا أكالين وملهوفين وفى يوم من الأيام جابوا الغداء فته وطبعاً هنا الناس كلها بتأكل فى صحن واحد والقوى يأكل الضعيف ويلا بدينا فى الأكل ، أخونا محمد فضل المولى شفق من موضوع الأكل وبدأ يتكلم يا أخونا براحه انتو لاحقين شنو حبوب الجزولى وعبدالواحد عاد ما لقيتوها مهرودا، وضحكنا وضحك الجميع . ويا لها من ذكريات

ميرغني النقي
12-24-2009, 08:23 AM
نواصل فى ذلك الزمن كان مسؤول الداخلية(ضابط الداخلية) الاستاذ عثمان الامين
من منطقة الجزيرة (كاب الجداد) وكان قانون الداخلية يحتم عليك عندما نذهب صباحا
للفصول ان يكون سريرك مرتب وبطانيتك مفرشة .كان هذا الاستاذ يمر بعد ذهابنا
للفصول ومعه طباشيرة ويضع خط صغير بها قصاد السرير غير المرتب .وعندما
نأتى ظهرا بعد الغداء فى فترة الراحة يمر هذا الاستاذ ومعه عصا وعندما يرى علامة
الطباشيرة اصلوا تانى ما عندك طريقة تنكر فقط تستسلم وتنجلد .اذكر اكتشف هذه
الخطة كل من الطالبين ابوبكر عبدالله ادم وعبد المنعم النحيل .وصاروا يتنبأون لنا
بمن سوف ينجلد اليوم ونحن نستغرب فى ذلك وكيف عرفوا ذلك ثم صاروا بعد
ذلك يضعون نفس الخط وبنفس لون الطباشيرة لطلاب ابرياء .وتلقى الحجة مدورة
مع الاستاذ واننى رتبت سريرى ولكن دون جدوى تنجلد يعنى تنجلد .وياما انجلد
مرارا وتكرارا وبدون ذنب اخونا التجشو له الرحمة وهو فى غاية الغبن جراء ذلك وقد
قام كل من الاخوة تاج الدين عثمان سعيد والنحيل بتأليف القصيدة الشهيرة
الحلمنتيشية والتى مطلعها يقول =-
يا منقتنا مكينى قالوا نبعه عزبة كيتى .طبعا هذا البيت طلاسم الا لمن سمعه
شفاهة ويالها من شقاوة .(هاشم شنان)
قالوا نبعة فوق إليبه
وخلاها تصيح هي للطيبه
هذا هو البيت الثاني من الأغنية
رحم الله الأخ بابكر على بابكر وأسكنه فسيح جناته
تحياتي لك الأخ هاشم شنان وكل عام وأنت بخير بمناسبة العام 2010م

ميرغني النقي
12-24-2009, 08:26 AM
شكراً لك الأخ علي الرزوقي على مجهوداتك وللأخ صلاح حسين وميرغني ديمو وعثمان الدينمو وود الجزولي وشنان على ما تقومون به وتحياتي لكم جميعاً وكل عام وأنتم بخير بمناسبة 2010م

على الرزوقى
12-24-2009, 10:00 AM
يديك العافية ميرغنى النقي ـ جعله الله عام خير وبركـــــــــــــــة ... وتسلم .

عبدالله محمد الجزولي
12-24-2009, 05:50 PM
الأخ ميرغنى النقى والأخ على الرزوقى وهاشم شنان والدينمو دينمو الرابطه الذى يحركها واخونا ود ديمو ومهندس البوست المهندس صلاح حسين لكم الشكر والتدير واهنئكم بحلول العام الهجرى والميلادى الجديدين جعلهما الله عاما خير وبركه وجمعنا واياكم فيهما بخير ونرجو منكم التواصل وسرد الذكريات الجميله حتى لايموت البوست ويتركن

ميرغني النقي
12-25-2009, 07:39 AM
الأخ ميرغنى النقى والأخ على الرزوقى وهاشم شنان والدينمو دينمو الرابطه الذى يحركها واخونا ود ديمو ومهندس البوست المهندس صلاح حسين لكم الشكر والتدير واهنئكم بحلول العام الهجرى والميلادى الجديدين جعلهما الله عاما خير وبركه وجمعنا واياكم فيهما بخير ونرجو منكم التواصل وسرد الذكريات الجميله حتى لايموت البوست ويتركن
وأنت بخير أخي ود الجزولي ونسأل الله أن يديم الود والمحبة وأن يكسبنا المزيد من الأصدقاء الخيرين وسنتواصل بإذن الله
لك تحياتي وكل عام وأنت والجميع بخير

علي شنان
12-25-2009, 11:31 AM
احبتى الكرام لكم التحايا وكل سنة والجميع فى اتم صحة وعافية وجمعة سعيدة
الاخ ود النقى تحيه خاصة لك وانت تحمل فى ذاكرتك الكثير من ذلك الزمن الجميل والله
ما اعتقدت ان احدا يذكر شئ من قصيدة مينيقه بعد كل هذه السنوات والحقب الطويلة
الاخ الجزولى عاطر الود وانت تذكّرنا وتفتح شهية التذكّر لنا (ان صحّ هذا التعبير)
ارجع معك للاخ العزيز الدفعة الباشمهندس محمد فضل المولى مبيوع والذى كان
صبيا يافعا فى تلك الفترة ورغم صغر حجمه مقارنة بأترابه الا انّه كان مهابا وشفيفا
ويقارعك الحجة بالحجة ولايتلفّت للرد .حاضر البديهة ولاغرو فى ذلك فهو ابن الباديه
التى صقلته وصاغته والذى كان يفتخر بذلك حينما نحاول استفزازه ونقول له امشى
( ياعربى ).فكان رده الفورى (المو عربى باعوهو ). فيا للبلاغة والافحام فى الرد .
فى بداية العام وفى احدى الليالى فى سنه اولى وكان لدينا نقص فى الاسرّة( العناقريب)
لأن بعضها مكسّر .حضر مجهول واخذ سريره خلسة وهرب به فذهب لضابط الداخلية
واشتكى له ذلك وقال له انا سريرى بعرفو لكن عاوزك تمشى معاى فقط للحماية ممن اخذه
وفعلا اتجهوا صوب داخلية الرهد (ناس سنه رابعة) وفجأة امام احد السراير صاح ياهو دا
ياهو دا وفعلا كان هو لأنه كان عامل ليهو( وسم )بفتح الواو وكسر السين وتسكين النون
وهو مدخّل قطعة بالة من الحديد مابين الجقد والحبال ولايمكن رؤيتها الا عندما تفجّ الحبال
وقد كان العامل نائم فوق السرير فى تلك اللحظة هو اخونا حسن على سليمان هل ياترى
يذكر ذلك ام اتمسحت من الذاكرة ؟؟ ويالها من ذكريات .....(هاشم شنان).

ميرغني ديمو
12-26-2009, 07:06 PM
اهل المدرسه البيضا من جم وبلا فرز ...من اهل الذاكره الحديديه لاعند الذاكره الممسوحه ..
كل سنة وانتو طيبين وملمومين مع بعض ومع احبابكم....

على الرزوقى
12-26-2009, 08:45 PM
اهل المدرسه البيضا من جم وبلا فرز ...من اهل الذاكره الحديديه لاعند الذاكره الممسوحه ..
كل سنة وانتو طيبين وملمومين مع بعض ومع احبابكم....
وانت كمان يابو سلومى يخلى ليك اولادك ويديك العافية

عبدالله محمد الجزولي
12-26-2009, 09:55 PM
اخونا ميرغنى ديمو كل عام وانت وجميع خريجى الأميريه بخير وعافيه . نواصل الذكريات طبعاً الكل يعرف موقع السفره فى المدرسه وهى كانت اقرب لداخلية النيل من الجهه الغربيه وكان فى زاوية السفره من هذا الأتجاه برميل كبير توضع فيه بقايا الطعام من فتات الخبز الذى لا يمكن استخدامه لآن الطلبه لايتركون شىء من الخبز . وكان دائماً هذا البرميل يكون مليان بالحمام والقمرى والدباس فى ساعات الصباح الباكر وفى يوم من ألايام واذكر انو كان يوم خميس والحمام والقمرى والدباس راتع خارج وداخل البرميل يقوم يجى أخونا عبدالرحمن ديمو الله يديهو العافيه وعندو ثوب متلفحو ويقوم يفرتك الثوب وبسرعة جنونيه يكبت البرميل من فوق ويخلى الدباس والقمرى والحمام من داخل وتسمع الفططط فطط وهو ماسك قوى وبدا يدخل يده ويطلع واحده واحده ويعنى جمع عدد كبير من هذه الطيور واعتقد انو شالها وطلع بعد الحصص على تنقاسي وياترى ميرغنى متذكر الموضوع دا أم برضو اتمسح اكيد تكون متذكر لأن اليوم داك كانت الوجبه دسمه . يا لها من ذكريات ...

عبد المنعم الانصارى
12-27-2009, 07:49 PM
التحايا لكل الاخوة الذين يتواصلون عبر هذا المنتدى كبار وصغار 0( طبعا الصغار نحنا دفعة 73 )يا صلاح وقبل ان كل شىءعايز اقول ليكم شنان دا مايغشكم ويعمل فيهاصاحب الذاكرة الحديدية الكلام البكتبو دا الا ناقلو من مذكراتو عشان الزول دا راشو بقى زى حوض الراش كلو صلعة الا ما رحم ربى من بعض الشعيرات على الاطراف وى شوفتى ليهو قبل كم يوم يعنى مو قول قايل والجزولى يشهد على الكلام دا لكن نرحع ونقول الحال من بعضو التحايا لكل الزملاء الكبار منهم صلاح والرزوقى والدفعة 73 (الصغار) خاصة الدنمو وانا اتحداهو لو يتذكر رقم جلوشو فى امتحان اللجنة للدخول لمدرشة القرير الوشطى لانو كنا جنب بعض فى ذلك الامتحان كذلك التحايا للاخ النقى وميرغنى ديمو وكل منتبى القرير ( ملحوظة : حرف الشين ابى الا ان يحل محل جاره ) وحتى لقاء قريب لكم كل الود.

ميرغني ديمو
12-27-2009, 11:14 PM
اخونا ميرغنى ديمو كل عام وانت وجميع خريجى الأميريه بخير وعافيه . نواصل الذكريات طبعاً الكل يعرف موقع السفره فى المدرسه وهى كانت اقرب لداخلية النيل من الجهه الغربيه وكان فى زاوية السفره من هذا الأتجاه برميل كبير توضع فيه بقايا الطعام من فتات الخبز الذى لا يمكن استخدامه لآن الطلبه لايتركون شىء من الخبز . وكان دائماً هذا البرميل يكون مليان بالحمام والقمرى والدباس فى ساعات الصباح الباكر وفى يوم من ألايام واذكر انو كان يوم خميس والحمام والقمرى والدباس راتع خارج وداخل البرميل يقوم يجى أخونا عبدالرحمن ديمو الله يديهو العافيه وعندو ثوب متلفحو ويقوم يفرتك الثوب وبسرعة جنونيه يكبت البرميل من فوق ويخلى الدباس والقمرى والحمام من داخل وتسمع الفططط فطط وهو ماسك قوى وبدا يدخل يده ويطلع واحده واحده ويعنى جمع عدد كبير من هذه الطيور واعتقد انو شالها وطلع بعد الحصص على تنقاسي وياترى ميرغنى متذكر الموضوع دا أم برضو اتمسح اكيد تكون متذكر لأن اليوم داك كانت الوجبه دسمه . يا لها من ذكريات ...
عبدالله وليد الجزولى والله قطعت مصارينى ..
يازول انت اكتب ورص ساكت لكن لاتقولى متذكر ...الباقى تمه براك ....؟

salah hussain
12-28-2009, 09:28 AM
تعرف يا ميرغنى
الجزولى اليومين ديل تخصص --عبد الرحمن ديمو --
هذا عبد الرحمن ايام الوسطى
التحية موصولة لاخونا عبد الرحمن --- يستاهل نودي ليهو الانترنت تنقاسي--- ونعلموا يهبط يكتب
اكيد عندو فى جرابو الكثير من تلك الايام الروايع
الاخ عبد الرحمن للعلم مستقر فى تنقاسي -- تلقاهو اول ما تصل البلد -- نفس الضعفة -- والضحكة
يرجع بك لتلك الايام الجميلة -- بسخريته وضحكته التى تنسيك الهموم --

عشان كدى يالجزولى لمان تجى السودان --عليك بسوق تنقاسي --ستلقاه --ذلك الرجل النحيل --بى عمتو الفوق الكتف (ولم ارى تحكيرها على راسه من زمن )-- عندو شوية زهجه ولكنه يتلقاك بفرح واريحية ستنسيك الغربة وهمومها وستعيدك اكيد للزمن الجميل --فاحرص على لقاءه
مكلف انت اذن فى اول اجازة لجرجرته -- واستخراج بعض ما عندو
الاخ ميرغنى --لك الود -- وما تكشف اوراق كبرك -- ياخى ماتتذكر شوية
ماك براك الحال من بعضو --كلنا نريد اللزة
البركة فى شنان ودفتروا ( حكاية الدفتر اكيد ومو ساكت قوالة يالانصارى اخوى )
يا اخوانا ما تشوفوا لينا مبيوع دا بلدو وين -- اوع يكون ضرب الصين التى درس فيها الهندسة

التحايا لكم جميعا واعزرونا فى قلة المشاركات -- بعد ان اشتعل الراس شيبا --وانشغالنا بعراك المقاولين
شى هنود وشئ دروز وشى رطانة -- يطيروا ليك الفى راسك قبل يومين --مش اربعين سنة
شكرا لاخوانا الصغار النقى والانصارى والجزولى وكل الحريصين على استمرارية هذا البوست بنفس توهجه
ولن نالو جهدا جميعا للسعى لاضافة المزيد
اخونا الدينمو ارجو ان لاتفتر الهمة فى تجمع الاثنين والزيارات
شايفك اكلت اللحم --وتخمت شوية
عل المانع خير --فيدونا باخباركم واخبار الاثنين التى ارجو ان نحرص عليها جميعا

ميرغني ديمو
12-28-2009, 01:08 PM
ود الحسين انشاء الله طيب .
النيه شايلين البلد منتصف يناير انشاء الله .

عبدالله محمد الجزولي
12-28-2009, 09:43 PM
الأخ العزيز م صلاح حسين أخونا الكبير والأخ الكبير ايضاً ميرغنى ديمو لكم التحية انا والله ما قاعد أرص لكن متذكر الموضوع والله زى البارح وانت مع انك اكلت لحم الطير الذيذ إلا انك نسيت برضو ! والأخ صلاح حسين افيدك بأنى فى كل اجازه بقابل الأخ الفاضل عبدالرحمن ديمو وطول قعادى فى البلد بلاقيهو يمكن شبه يومى لأن سوق تنقاسي بقى يومى وهو نفس الرجل بجسمه الناحل وبسمته التى لا تفارق وجهه رغم عبوس الزمن وقبل 7 شهور فقط إلتقينا . يعنى عبدالرحمن ديمو من الناس الذين إلاقيهم باستمرار . له التحيه من هنا . وميرغنى بس يمد رأسه ويكتب سطرين ويزوغ برضو اخير من الباقين .

ميرغني ديمو
12-28-2009, 11:38 PM
الأخ العزيز م صلاح حسين أخونا الكبير والأخ الكبير ايضاً ميرغنى ديمو لكم التحية انا والله ما قاعد أرص لكن متذكر الموضوع والله زى البارح وانت مع انك اكلت لحم الطير الذيذ إلا انك نسيت برضو ! والأخ صلاح حسين افيدك بأنى فى كل اجازه بقابل الأخ الفاضل عبدالرحمن ديمو وطول قعادى فى البلد بلاقيهو يمكن شبه يومى لأن سوق تنقاسي بقى يومى وهو نفس الرجل بجسمه الناحل وبسمته التى لا تفارق وجهه رغم عبوس الزمن وقبل 7 شهور فقط إلتقينا . يعنى عبدالرحمن ديمو من الناس الذين إلاقيهم باستمرار . له التحيه من هنا . وميرغنى بس يمد رأسه ويكتب سطرين ويزوغ برضو اخير من الباقين .
ودالجزولى الله يديك العافى .
لايبقى زى واحد اخونا يبص من المذكرات ... وجاب خبره اخونا عبد المنعم .

الدينمو
12-29-2009, 12:29 AM
اخوانى الاعزاء .. اصدقاء الزمن الجميل ..لكم التحية ولكم الشكر .. ونرحب ترحيب شديد باخونا عبدالمنعم الانصارى الذى غاب طويلا .. فمرحبا به .. صلاح وود ديمو وشنان والرزوقى والجزولى والنقى لكم التحية .. ونحن اليوم كنا كالعادة مجتمعين وكان مفترض نزور حسن محمد الحسن (حج) وعماد محجوب(مريض) ولظرف صيام عاشوراء تاجلت الزيارة .. ونواصل ..

ميرغني النقي
12-29-2009, 09:03 AM
شكراً لك أخي الدينمو على التواصل وإفادتنا بالأخبار وما عدمناك.
تحياتي لجميع من تقومون بزيارتهم ونتمى للأخ عماد محجوب عاجل الشفاء
تحياتي وأمنياتي

على الرزوقى
12-29-2009, 06:52 PM
سلام يا أحباب وكل عام وانتم بخير وربنا يديكم العافية ـ وأرجو ان لاتفتر الهمم عن هذا التوثيق الرائع لذلك الزمن الجميل .

عبدالله محمد الجزولي
12-29-2009, 09:17 PM
التحية لكم جميعاً زملاء الزمن الجميل الشكر لأخونا الدنمو على مجهوداته المقدره فى جمع الصف والزيارات نسأل الله الشفاء العاجل لأحونا عماد محجوب . اخونا ميرغنى ديمو أنا لسع الذاكره فيها عقاب وما عندى دفتر أكتب منه . أما اخونا المهندس هاشم شنان والحمدلله عندو ذاكره كويسه وأنا شاهد على ذلك من واقع ونستنا عن ذلك الزمن الجميل طبعاً المهندس هاشم شنان زميل القرير وزميل الغربه كذلك حيث نعيش معاً منذ زمن طويل لا اريد أن اذكر عدد السنين حتى لا يظهر الكبر . وهو الحمدلله لسع بذاكرته أما أخونا الدكتور عبدالمنعم ألأنصارى طبعاً حسب معلوماتى وهو معانا برضو زميل غربه ان الذاكره تعبانه والدليل (قالولو) انه لغاية الآن لا يتذكر كامل على وداعه .ومادام ما قادر يتذكر كامل ( ياحباب) يبقى الموضوع فيهو إنا .

عبد المنعم الانصارى
12-30-2009, 10:13 AM
يا ود الجزولى ارعى بى قيدك وحكاية الذاكرة دى انا قلت الحال من بعضو وما تغش الناس بى صورتك دى . يا جماعة الخير عبدالله دا لينا عشرة سنة سوا فى البلد دى ما شفتو الا لابس جلابية وعمة قدر الضربة ( قدر عمة ترباس والقلع مع بعض ) بعدين كامل دا دحين ما ياهو الزول الشين داك ؟ له التحايا والعتبى حتى يرضى وكلو منك يا ود الجزولى . يا النقى مسعول من الخير وين اخوانا عبد الله محمد الفضل ( face) وبابكر سيداحمد يوسف ؟ يا الدنمو مارديت على التحدى ؟حكاية الطير الكبتو اخونا الكبير عبد الرحمن ديمو ماها غريبة لكن الحجة البتذكرا انو ميرغنى قبض ليهو قمرية من فوق الحيطة بعد ما اتلبد ليها وكف قبضا ( زول ولا كديسة ؟ ) نسال الله ان يجمعنا فى ساعة خير ,... . ويجعلو عامر ....

ميرغني النقي
12-30-2009, 10:59 AM
يا ود الجزولى ارعى بى قيدك وحكاية الذاكرة دى انا قلت الحال من بعضو وما تغش الناس بى صورتك دى . يا جماعة الخير عبدالله دا لينا عشرة سنة سوا فى البلد دى ما شفتو الا لابس جلابية وعمة قدر الضربة ( قدر عمة ترباس والقلع مع بعض ) بعدين كامل دا دحين ما ياهو الزول الشين داك ؟ له التحايا والعتبى حتى يرضى وكلو منك يا ود الجزولى . يا النقى مسعول من الخير وين اخوانا عبد الله محمد الفضل ( face) وبابكر سيداحمد يوسف ؟ يا الدنمو مارديت على التحدى ؟حكاية الطير الكبتو اخونا الكبير عبد الرحمن ديمو ماها غريبة لكن الحجة البتذكرا انو ميرغنى قبض ليهو قمرية من فوق الحيطة بعد ما اتلبد ليها وكف قبضا ( زول ولا كديسة ؟ ) نسال الله ان يجمعنا فى ساعة خير ,... . ويجعلو عامر ....

تحياتي لك أخي الأنصاري وكل عام وأنت بخير (المناسبة 2010م) الأخوان أبو بكر وعبد الله موجودين بالخرطوم ،
هم في أحسن حال.
تحياتي الحارة لك بعبق تلك الأيام الجميلة ولجميع أفراد الأسرة.
تشكر على السؤال ولك ودي

ميرغني النقي
12-31-2009, 10:00 AM
في رحاب الأميرية8
في تلك الأيام من الزمن الجميل كانت الاحتفالات بالمناسبات والأعياد الوطنية والقومية تقام عادة بساحة وميدان مدرسة دكام الابتدائية بنين لتوسطها القرير تقريباً، وقد كانت بالقرير في تلك الفترة (1968 – 1973)م ستة مدارس ابتدائية مناصفة ثلاثة بنين هي: مدرسة المهاجر، مدرسة دكام، مدرسة أم شجيرة. وثلاثة بنات هي: مدرسة المهاجر، مدرسة القوز، مدرسة أم شجيرة. ومدرستان متوسطتان بنين هما: مدرسة القرير الأميرية، ومدرسة القرير الأهلية، وقد فتحت مدرسة بنات متوسط بالقوز خلال هذه الفترة لا أذكر متى بالتحديد.
كانت هذه المدارس تتجمع للاحتفالات بساحة دكام وكانت الاحتفالات تتكون من عدة فقرات متنوعة من مهرجانات وألعاب رياضية كالجمباز مثلاً ومسابقات بين المدارس بالإضافة إلى ليالي ساهرة، وقد كان التنافس بين المدارس يتم بين مدارس كل مرحلة على حده، ومن الألعاب والمسابقات التي يتنافس عليها طلاب المرحلة الابتدائية على سبيل المثال جري الثلاثة أرجل، والبيضة والملعقة، وملء القارورات، والجري بالشوالات. (لم أقل الجوالات حتى لا يفهم أبناء اليوم أننا كنا نجري بالموبايلات)، أما المسابقات والألعاب التي يتنافس عليها طلاب المرحلة المتوسطة على سبيل المثال سباق الجري، والمبادلة، وكرة القدم شيء أساسي، أما الليالي الساهرة فقد كانت مشاركات طلابية تتضمنها تمثيليات وإلقاء شعري وأغاني وربما شارك بعض فناني المنطقة.
وما زلت حتى هذه اللحظة أذكر أسماء وأشكال تلك الشخصيات من الزملاء الذين كانوا غالباً ما يمثلوننا في هذه المسابقات، ففي سباق الجري والمبادلة على سبيل المثال كان هنالك محمد الفاتح الرفاعي وعبد الله عثمان ومحمد الأمين على محي الدين وعثمان محي الدين وعبد المجيد الحسن ولاحقاً أبو عبيدة وميرغني حسن.
وفي مجال كرة القدم كابتن السر جدعة ومحمد الأمين علي محي الدين وهاشم علي سليمان وسند وعبد المجيد الحسن وعلى الله الريح وحسن محمد الحسن وأحمد عمارة وتاج الدين شمباتي وتاج الدين عثمان وعوض أوسلي ولاحقاً علي إبراهيم وهاشم عبد المجيد وعثمان شمة وميرغني حسن. كما أنني ما زلت أذكر في أول لقاء لنا أشهده مع المدرسة الأهلية هزمنا بثلاثة أهداف دون مقابل وقد انطبعت بذهني من تلك المباراة صورة نجمين من الأهلية لم تفارق مخيلتي حتى هذه اللحظة هما المهاجم الساحر جعفر جاد الله وحارس المرمى الذي لم تنجح معه غمزات جدعة السحرية ولا قذائف هاشم علي الدانية وهو عبد المعطي خشم الموس.
ومن أكثر ما أذكر من هذه الاحتفالات أننا ذات مرة عدنا من دكام للأميرية ليلاً سيراً على الأقدام (لا أدري سبب ذلك) وقد كان معنا الأستاذ الجليل آدم الهبيل، ونحن في القلعة اعترض طريقنا شاب يدعى اليسع وقد كان ثملاً، ووقف يحتج على أننا سببنا إزعاجاً لأهل الحي وقد شاغله بعض الطلاب وتنابذوا معه ولولا الأستاذ آدم الهبيل لوصل الأمر لما لا يحمد عقباه وبعد أن أوقفنا الأستاذ لينصحنا وقف الشاب أمامنا وقال بالحرف الواحد هذه العبارة (بينكم راجل واحد فرد فليخرج) وفي هذه اللحظة انحنى ميرغني ديمو (الذي كنت أقف بجواره) إلى الأرض ليأخذ شيئاً وعندما عاد إلى وضعه ضربني بكوعه (دون قصد) في قفصي الصدري فكتم أنفاسي وشعرت بألم لم أشعر به وبلغت من الغيظ مبلغ وكلما استطعت فعله لعنت سراً سنسفيل ود ديمو، وهل استطيع أن أفعل أكثر من ذلك ولو كان الأمر معكوساً لكنت الآن أعور.
نواصل،،،،

عبدالله محمد الجزولي
12-31-2009, 01:38 PM
التحية لك أخى ميرغنى النقى طبعاً اخونا ميرغنى ديمو ما هايكون متذكر الموضوع تتذكرو انت لأنك موجوع ربنا ستر ما جات فى العين . بكره يرد عليك بأنو ما متذكر موضوع زى دا . ونحن فى انتظار الحلقه التاسعه لك شكرى

علي شنان
12-31-2009, 07:14 PM
دعاء دخول العام الجديد.
بسم الله الرحمن الرحيم ....الحمد لله الذّّى تواضع كل شئ لعظمته .الحمد لله الذّى
استسلم كل شئ لقدرته .الحمدلله الذى ذلّ كل شئ لعزته .الحمد لله الذى خضع كل شئ
لملكه .من قالها سخّر الله له ملائكته يستغفرون له الى يوم القيامة .
فأسأل الله لكم عمرا مديدا وصحة وعافية وفرح ومسرّات ويجمعنا واياكم يوم القيامة
على منابر من نور وفى الفردوس الاعلى من الجنة .(كل عام وانتم بخير )
اخوكم ومحبكم دوما( هاشم شنان)

عبدالله محمد الجزولي
12-31-2009, 07:35 PM
أخوتى وزملاء الزمن الجميل وكل أهل المنتدى اهنئكم بحلول العام الجديد جعله الله عام خير وبركه وعام سلام ومحبة ووئام بين الناس وعام تفرج فيه المصايب وتفتح فيه أبواب الخير أن الله على كل شى قدير . اتمنى من الله أن يجمعنا وأيام فى ساعات الخير

علي شنان
01-02-2010, 09:40 PM
ود النقى يا رايع سلام والله موضوع حضورنا من دكام دا فى ذاكرتى كأنه اليوم
وفعلا الشخص اسمه اليسع احمد الصلحابى وهو ساكن القلعة وطبعا زولك مصلّح
وجاء طوالى وبصوت عالى قال لينا هوى هوى ,دا مشى والا ازعاج ؟ طبعا استاذ
ادم الهبيل عارفوا كويس قام قال ليهو معليش حنمشى من غير ازعاج .تانى مشينا
قدام شوية تانى جاء لاحقنا وبنفس السؤال دا مشى والا ازعاج ؟ فصار الطلبة
يناوشونه وهو كل مالو يسخن .قام انترتع ووقع فوق شقلاية كلها شوك .قمنا كلنا
ضحكنا .قال مو الشوك دا انا تانى بقع فيهو وفعلا تانى رمى نفسه فوق الشقلاية
ثمّ قال العبارة الشهيرة انتو فيكم راجل ؟ فليخرج .ثم بعد ذلك حسبه لقى الموضوع
ما فى صالحه وربما يا كل علقة صاح وتراجع ونحن واصلنا المسير حتى الاميرية
وانت ياميرغنى مستغرب رجوعنا بالكرعين ليه؟ وين المواصلات فى ذلك الزمان
ومنو الكان حيدفع لو وجدت اصلا ؟ والله نحن طبعا كنا اخر دفعة فى الاميرية من
ابناء تنقاسى وقد عانينا الامرين فى المواصلات فى الطلوع نظرا لقلة عددنا والشغلة
صارت مابتخارج مع ناس العربات وياما مشينا ومشينا كدارى من والى المدرسة
لذلك مشوار دكام دا يعتبر نزهة ....لك وللاخوة الرواد التحية...(هاشم شنان)

علي شنان
01-02-2010, 10:04 PM
قصص من الواقع ..استاذنا محمد ودشمة له التحية واسال الله ان يمتعه بالصحة
والعافية كان الاستاذ الاوحد والمتمكن فى الرياضيات بدون منازع وكان دائما
يتهدد الطلبة فى امتحان الرياضيات .بأنه اذا غلبك اى سؤال اوعك تخلى مكان
الاجابة فاضى تكتب لى اى شئ لكن ما القى فاضى (انشاء الله تكتب شعر )
اذكر الاخ عبد القيوم عبدالرحمن قرافى يطراهو الله بالخير كان فى عداء مع
الرياضيات ولما دخل الامتحان وجد الاسئلة عمرو ما سمع بيها وزولك كان
من المفتونين ببواكير اشعار السر عثمان الطيب ومسك قلمو وهاك ياقصايد
ياحبيب خاين زمانى .. وهلمّ جرّا ...حتى اتى على الورقة بأكملها قصايد
وحينما جاء ودشمة فى اليوم التالى لعقابه امام زملاءه كانت حجة عبد القيوم
هى انت قلت انشاء الله تكتب شعر وانا كتبت الشعر ..وقد كانت حجة على
الاستاذ ودشمة ولكن والله لا اذكر هل عاقبه ام لا ؟ ارجو من ابناء دفعة الاخ
عبد القيوم ان يفيدونا وهو دفعة الانصارى احمد وود ديمو لهم التحية
ويالها من طرف وحكاوى ...........(هاشم شنان)

ميرغني النقي
01-03-2010, 10:54 AM
شكراً لك أخي هاشم شنان على المشاركات الجميلة والذكريات العطرة ودايماً كلامك بيعمل تنشيط للذاكرة ويزيل الغبار العالق بها ولك الشكر على أضافاتك وتوضيحاتك لذكريات أخونا اليسع أسأل الله أن يمتعه بوافر الصحة فقد خلد ذكراه في مخيلاتنا.
لك ولجميع الأخوان التحية والإجلال والمحبة
وكل عام والجميع بخير

ميرغني النقي
01-03-2010, 02:56 PM
[quote=علي شنان;78751]ود النقى يا رايع سلام والله موضوع حضورنا من دكام دا فى ذاكرتى كأنه اليوم
وفعلا الشخص اسمه اليسع احمد الصلحابى وهو ساكن القلعة وطبعا زولك مصلّح
وجاء طوالى وبصوت عالى قال لينا هوى هوى ,دا مشى والا ازعاج ؟ طبعا استاذ
ادم الهبيل عارفوا كويس قام قال ليهو معليش حنمشى من غير ازعاج .تانى مشينا
قدام شوية تانى جاء لاحقنا وبنفس السؤال دا مشى والا ازعاج ؟ فصار الطلبة
يناوشونه وهو كل مالو يسخن .قام انترتع ووقع فوق شقلاية كلها شوك .قمنا كلنا
ضحكنا .قال مو الشوك دا انا تانى بقع فيهو وفعلا تانى رمى نفسه فوق الشقلاية
ثمّ قال العبارة الشهيرة انتو فيكم راجل ؟ فليخرج .ثم بعد ذلك حسبه لقى الموضوع
ما فى صالحه وربما يا كل علقة صاح وتراجع ونحن واصلنا المسير حتى الاميرية
وانت ياميرغنى مستغرب رجوعنا بالكرعين ليه؟ وين المواصلات فى ذلك الزمان
ومنو الكان حيدفع لو وجدت اصلا ؟ والله نحن طبعا كنا اخر دفعة فى الاميرية من
ابناء تنقاسى وقد عانينا الامرين فى المواصلات فى الطلوع نظرا لقلة عددنا والشغلة
صارت مابتخارج مع ناس العربات وياما مشينا ومشينا كدارى من والى المدرسة
لذلك مشوار دكام دا يعتبر نزهة ....لك وللاخوة الرواد التحية...(هاشم شنان)[/
quote]

يا الله عليك يا شنان والله مما عرفناك في الأمرية أنت دائماً متفرد وما شاء الله صاحب ذاكرة حادة لا تشوبها شائبة. والله أنا كنت فاكر مافي واحد حيكون متذكر الحادثة دي، طلعت أنت عارف اسم الشاب لا جدو.
أخي إذا كنت تعرف الطريق إليهم حاول ضم الثنائي تاج الدين والنحيل إلى هذه الكوكبة ففي مخزونهم الكثير
تحياتي لكم جميعاً وإلى اللقاء

علي شنان
01-04-2010, 07:54 PM
الباشمهندس ود النقى (يانقى) بفتح النون وكسر القاف لك التحية والتجلة وانت حقيقة من اعظم
مكاسب هذا المنتدى العامر بمشاركاتك الراقية والمفيدة .اشكرك على ثناءك واطراءك .
اخوتى الاعزاء التحية لكم . وعبركم التحية والاجلال والاعزاز لاولئك الاساتذة العظماء والذين
تجلّى فيهم قول امير الشعراء احمد شوقى حينما قال =
قم للمعلم وفّه التبجيلا كاد المعلم ان يكون رسولا . حقيقة هم رسل أمانة عظيمة بل من اعظم
الامانات وهى اعداد اجيال الغد وقد ادى جلّهم هذه الامانة على اتمّ وجه فلهم بأسمكم جميعا
كل تقدير وعرفان ومن قصّر نسأل الله ان يتجاوز عنه وذلك لحسن النية واجر الاجتهاد امين.
هذه المقدمة اسوقها لنموذج حى حدث فى ذلك الزمان اذ اقترح الناظر عبدالرحمن (له الرحمة)
تنظيم مسابقة شعرية بصفة دورية كل شهر على ما اذكر وقد رصدت لها جوائز مالية قيّمة
بمقاييس ذلك الزمن المادية والسنّية . كانت هذه الجوائز تشجيعا وتحفيذا للطلاب حتى تنمى
فيهم ملكة الحضور والشجاعة الادبية وقد كانت هذه الجوائز وعلى لسان الناظر لنا انذاك انها
sharing منهم كأعضاء هيئة تدريس ومن مرتباتهم وهى ثلاث جوائز الاولى والثانية والثالثة
ومبلغها واحد جنيه ثمّ75 قرش ثم 50 قرش بالترتيب وكم كان لهذا الحافذ فعل السحر لدينا
اذ كان تنافسنا على اشده للظفر بأحدى الجوائز والحمد لله لقد كان لى نصيب منها .وهنالك
بعض الطرف لبعض الزملاء فى تجويدهم للالقاء حتى يظفرون بأحدى الجوائز ومنهم على
ما اذكر الاخ عبدالرحيم (الغبرة) حينما القى القصيدة الشهيرة ]
جاء الطغاة بغدرهم يا بورسعيد أتذكرين .............. جاءوا بأحلام السكارى الماجنين
وترنح حتى كاد ان يسقط من المسرح مع كلمة السكارى فضحكنا عليه جميعا وكانت
المفاجأة ان ظفر بجائزة .كذلك الاخ صلاح على عبد العزيز حينما القى قصيدة (الشهيد)
انا لا اريدك تذكرين فتاك بالدمع السخين ...بالحزن بالانات بالثأر الدفين .
أماه أماه أماه يا ام الشهيد الخالد ,واذا به يبكى وايضا انفقعنا ضحكا من منظره ذلك
واذا به ايضا ينال جائزة .وايضا الاخ الشهيد محمد طه محمد احمد حينما القى رائعة
الاستاذ محمد احمد المحجوب الترحيبية بمؤتمر الخرطوم بعد النكسة والتى مطلعها
أشرقت شمسها على الخرطوم ...وحدة الصف والمصير الكريم
ومضى نورها يقود خطاها ....فى سبيل النضال والتصميم
وقد نال عليها الجائزة الاولى وكان تعقيب الناظر عليها اعجابا ليس له حدود لأنها
كانت من خارج مقررات القصائد ولاقت هوى فى نفوس الجميع من جميع جوانبها
مناسبة ورصانة كلمات لقامة هو المحجوب. وقد كان هذا هو محمد طه متفردا دائما
له الرحمة ..كذلك اختم ذلك بجزء من قصيدة للاخ والخال عمر فتح الرحمن متعه
الله بالصحة والعافية وقد نال بها ايضا جائزة وهى من تأليفه بمناسبة حصار ابو
عمار (ياسر عرفات) من قبل الاردنيين ايام القتال الشهير بينهم عام 1970م
اليوم ابناء العروبة فى نفسهم متحاربين
هذا قتل اخيه وذاك ابيه فيسقطان بالدماء مضرجين
اذا قتل العربى اخاه فمن سيحارب المستعمرين ؟
يا ابناء الاردن اين الحسين ؟لقد اثبت انه من الخائنين
وعلى ارواحكم ليس امين وان كان امينا فاليبين
قصيدة طويلة كنت احفظها بعلاتها لان الذاكرة كانت صافيه ولكنها هرمت وسبحان
من يغير ولايتغير ولكم مودتى ويالها من ايام ............(هاشم شنان)

عبدالله محمد الجزولي
01-04-2010, 08:15 PM
لله درك يا هاشم شنان والله اتحفتنا ورجعت بنا الذاكره لتلك ألأيام وكأنى ارى ذلك المشهد ألان خاصة المشهد بتاح صلاح على عبدالعزيز وذلك الصوت الجهور العالى وقد ذاد فى علاها فى أماه أماه واذكر أيضاَ تاج الدين عثمان سعيد فى احد الليالى وهو يلقى قصيده فتلعثم ثم سقط مغشياً عليه . له التحية ولك السلام والشكر على مذكراتك هذه

ميرغني النقي
01-05-2010, 09:40 AM
لك الشكر أخي هاشم شنان على ما ظللت تتحفنا به من ذكريات جميلة كاد أن يظويها عالم النسيان لو طرق لها
فالتحية والتجلة والأميات الطيبة لك ولكل الأخوان والأحباب
سلامي

علي شنان
01-06-2010, 09:24 PM
الاحباب ابناء الاميرية وينكم ياناس ؟اين المداخلات واين من وعدنا وزاغ؟ لكن
برضو نقول الغايب عذرو معاه ولكن ما ممكن يكون الغياب بالكوم .
الكتابة صارت محصورة بين( ود النقى والجزولى وانا )...أولاد دفعة ....
--------------------------------------------------------------------------
كنت سببا فى احضار جريدتى الصحافة والايام للمدرسة
فى احدى الجمعيات الادبية تم تكليفى بعمل مسابقة فى المعلومات العامة وقد
كان ضمن الاسئلة سؤالين لم يستطع كل الحضور الاجابة عليهما وهما:-
من هو مدير جامعة الاردن ؟ والثانى كانت هنالك مشكلة فى احدى الدول الافريقية
لا اذكرها الان وقد تم تكليف لجنة من مجموعة رؤساء عرب وافارقة لحلها
برئاسة الرئيس ليوبولد سيدار سنقور السنغالى .وقد يبدو ان هذه القضية كانت
لها زخمها فى ذلك الزمان .ولا ادعى اننى كنت مثقفا او سياسيا ضليعا ولكن
كنت اقتنى مجلة المصور المصرية ولطشت منها هاتين المعلومتين وعملتهما
ضمن الاسئلة.بعد ذلك وقف الناظر عبدالرحمن يرحمه الله مخاطبا لنا وقال:-
ليس من الاهمية فى شئ ان نعرف من هو رئيس الجامعة الاردنية .ولكن
كيف أنكم لا تعرفون عن تلك القضية والتى كانت ملئ السمع والبصر وتتصدر
نشرات الاخبار ؟ وقد قرر من تلك الليلة ان يأتى للمدرسة بعددين من جريدتى
الايام والصحافة وتثبت على بورد امام الفصول لعموم الطلاب لقراءتها ومن
اشهر المواضيع التى علقت بذهنى لتلك الفترة هى كانت الحرب الباكستانية
الهندية والتى كانت سببا لاستقلال بنجلادش عن باكستان بدعم هندى ويالها
من ايام ويا لهم من اساتذة أجلاء.. تخريمة رئيس الجامعة الاردنية هو الدكتور
ناصر الدين الاسد وقد تقلد لاحقا الكثير من المناصب السياسية منها مجلس
النواب (البرلمان) ...هذه الخاطرة وددت ان احرككم بها لأستمرار المشاركات
حتى لا يتوقف هذا البوست .......(هاشم شنان)

ميرغني النقي
01-07-2010, 07:04 AM
لك الشكر الأخ هاشم شنان على التواصل وإثراء البوست بأريج ذكريات تلك الأيام الخوالد،
أخي أين هؤلاء الشباب (نقول الشباب عشان نشجعهم)، ماذا حدث لهم لعل أسباب الغياب خير وكتر بشائر
تحياتي لهم جميعاً وإلى اللقاء

ميرغني ديمو
01-09-2010, 04:56 PM
في رحاب الأميرية8

في تلك الأيام من الزمن الجميل كانت الاحتفالات بالمناسبات والأعياد الوطنية والقومية تقام عادة بساحة وميدان مدرسة دكام الابتدائية بنين لتوسطها القرير تقريباً، وقد كانت بالقرير في تلك الفترة (1968 – 1973)م ستة مدارس ابتدائية مناصفة ثلاثة بنين هي: مدرسة المهاجر، مدرسة دكام، مدرسة أم شجيرة. وثلاثة بنات هي: مدرسة المهاجر، مدرسة القوز، مدرسة أم شجيرة. ومدرستان متوسطتان بنين هما: مدرسة القرير الأميرية، ومدرسة القرير الأهلية، وقد فتحت مدرسة بنات متوسط بالقوز خلال هذه الفترة لا أذكر متى بالتحديد.
كانت هذه المدارس تتجمع للاحتفالات بساحة دكام وكانت الاحتفالات تتكون من عدة فقرات متنوعة من مهرجانات وألعاب رياضية كالجمباز مثلاً ومسابقات بين المدارس بالإضافة إلى ليالي ساهرة، وقد كان التنافس بين المدارس يتم بين مدارس كل مرحلة على حده، ومن الألعاب والمسابقات التي يتنافس عليها طلاب المرحلة الابتدائية على سبيل المثال جري الثلاثة أرجل، والبيضة والملعقة، وملء القارورات، والجري بالشوالات. (لم أقل الجوالات حتى لا يفهم أبناء اليوم أننا كنا نجري بالموبايلات)، أما المسابقات والألعاب التي يتنافس عليها طلاب المرحلة المتوسطة على سبيل المثال سباق الجري، والمبادلة، وكرة القدم شيء أساسي، أما الليالي الساهرة فقد كانت مشاركات طلابية تتضمنها تمثيليات وإلقاء شعري وأغاني وربما شارك بعض فناني المنطقة.
وما زلت حتى هذه اللحظة أذكر أسماء وأشكال تلك الشخصيات من الزملاء الذين كانوا غالباً ما يمثلوننا في هذه المسابقات، ففي سباق الجري والمبادلة على سبيل المثال كان هنالك محمد الفاتح الرفاعي وعبد الله عثمان ومحمد الأمين على محي الدين وعثمان محي الدين وعبد المجيد الحسن ولاحقاً أبو عبيدة وميرغني حسن.
وفي مجال كرة القدم كابتن السر جدعة ومحمد الأمين علي محي الدين وهاشم علي سليمان وسند وعبد المجيد الحسن وعلى الله الريح وحسن محمد الحسن وأحمد عمارة وتاج الدين شمباتي وتاج الدين عثمان وعوض أوسلي ولاحقاً علي إبراهيم وهاشم عبد المجيد وعثمان شمة وميرغني حسن. كما أنني ما زلت أذكر في أول لقاء لنا أشهده مع المدرسة الأهلية هزمنا بثلاثة أهداف دون مقابل وقد انطبعت بذهني من تلك المباراة صورة نجمين من الأهلية لم تفارق مخيلتي حتى هذه اللحظة هما المهاجم الساحر جعفر جاد الله وحارس المرمى الذي لم تنجح معه غمزات جدعة السحرية ولا قذائف هاشم علي الدانية وهو عبد المعطي خشم الموس.
ومن أكثر ما أذكر من هذه الاحتفالات أننا ذات مرة عدنا من دكام للأميرية ليلاً سيراً على الأقدام (لا أدري سبب ذلك) وقد كان معنا الأستاذ الجليل آدم الهبيل، ونحن في القلعة اعترض طريقنا شاب يدعى اليسع وقد كان ثملاً، ووقف يحتج على أننا سببنا إزعاجاً لأهل الحي وقد شاغله بعض الطلاب وتنابذوا معه ولولا الأستاذ آدم الهبيل لوصل الأمر لما لا يحمد عقباه وبعد أن أوقفنا الأستاذ لينصحنا وقف الشاب أمامنا وقال بالحرف الواحد هذه العبارة (بينكم راجل واحد فرد فليخرج) وفي هذه اللحظة انحنى ميرغني ديمو (الذي كنت أقف بجواره) إلى الأرض ليأخذ شيئاً وعندما عاد إلى وضعه ضربني بكوعه (دون قصد) في قفصي الصدري فكتم أنفاسي وشعرت بألم لم أشعر به وبلغت من الغيظ مبلغ وكلما استطعت فعله لعنت سراً سنسفيل ود ديمو، وهل استطيع أن أفعل أكثر من ذلك ولو كان الأمر معكوساً لكنت الآن أعور.
نواصل،،،،

ود النقى الرايع
ودالجزولى رد بالنيابه الرد المعهود .
لكن قولى الدنقيره على الواطه دى ..داير اضرب والله القط نعلى وفللى ...؟
اخيرا معليش وامسحها فى وشى .

ميرغني ديمو
01-09-2010, 05:06 PM
الاخ هاشم
لك التحيه والتجله ..ولكن ذكرت انو الذاكره هرمت...؟ ياربى ان كان نصيحى دار تسوى كيفن....؟
الله يديك العافى ويمد فى العمر .

الدينمو
01-09-2010, 10:02 PM
الاخوان الفضلو .. النقى والجزولى وشنان ومرة مرة ديمو .. لكم التحية .. كانت لحظات جميلة ونحن نتعشى مع الاخ بابكر نصر .. كنا تلاتة معلمين وعشرين طالب تقريبا..وبالمناسبة اليسع ود عمتى عديل .. ومشكور يا مرغنى على الاتصال ..ودمتم .

ميرغني النقي
01-10-2010, 09:01 AM
ود النقى الرايع
ودالجزولى رد بالنيابه الرد المعهود .
لكن قولى الدنقيره على الواطه دى ..داير اضرب والله القط نعلى وفللى ...؟
اخيرا معليش وامسحها فى وشى .
عزيزي ود ديمو
أطيب أمنياتي وأحر تحياتي والشكر لك على المشاركة
طبعاً دنقرت عشان تلقط حاجة وأنا ما عارف لقطها وألا لا لأني انشغلت في النفس المابي يطلع.
بعدين يا خوي أيه امسحها في وشي دي حرام عليك، دي حاجة أصبحت ذكرى وما أحلى الذكرى
لك ودي واحترامي

ميرغني النقي
01-10-2010, 09:05 AM
الاخوان الفضلو .. النقى والجزولى وشنان ومرة مرة ديمو .. لكم التحية .. كانت لحظات جميلة ونحن نتعشى مع الاخ بابكر نصر .. كنا تلاتة معلمين وعشرين طالب تقريبا..وبالمناسبة اليسع ود عمتى عديل .. ومشكور يا مرغنى على الاتصال ..ودمتم .
الدينمو يا رمز
تحياتي لك وشكراً لكم على التواصل ونتمنى أن تظلوا كالعهد
تحياتنا لأخونا اليسع الذي خلد ذكراه واسمه في مخيلتنا، رجاء خاص بلغه تحياتنا وله الود
سلامنا للجميع وخليك على تواصل معنا.

عبدالله محمد الجزولي
01-12-2010, 08:28 PM
الأخ وديمو والله ياخى دنقيرتك على الواطه دى أنا اظن انك داير تشيلك مصيبة تفكها فى اليسع لكن ربنا ستر والأحتمال الثانى انك كنت داير تشيل نعيليك وتكون جاهز لو الشغله جابتلها لوجه ولك تحياتى ،،

ميرغني ديمو
01-12-2010, 10:40 PM
الأخ وديمو والله ياخى دنقيرتك على الواطه دى أنا اظن انك داير تشيلك مصيبة تفكها فى اليسع لكن ربنا ستر والأحتمال الثانى انك كنت داير تشيل نعيليك وتكون جاهز لو الشغله جابتلها لوجه ولك تحياتى ،،

ود الجزولى الاحتمال الثانى اقرب للحقيقه....

عبدالله محمد الجزولي
01-14-2010, 08:19 PM
احبابنا زملاء الزمن الجميل وينكم خلاص معينكم نضب ؟ فى يوم من الأيام ونحن فى الصف الثانى تقريباً جاء داخل الفصل استاذنا على عثمان كرار وكتب على السبورة كلمة the واخذلو ضحكه وقبل على الطلبه وقال واحد قالولو اقرأ the قراها تهى ! طبعاً الفصل كلوا انفقع ضحك .

علي شنان
01-15-2010, 03:46 PM
الاحباب ناس الزمن الزين سلام وتحايا وكل جمعة وانتم بخير وعافية
الاخ الدينمو الحكاية شنو مديت رأسك واختفيت علما بأننا نعوّل عليك
كثيرا لأثراء هذا البوست .خاصة وأنتم تلتقون مع الزملاء وبالتأكيد
التواصل يستعيد الكثير من مكنون الذكريات .
------------------------------------------------------------------------------
هنالك الكثير من الطلاب الذين كان لهم تميّزا اكاديميا وقد تفرقت
بهم السبل منهم من وفقه الله وواصل ومنهم من يسّر الله لهم
سبلا اخرى وعلى سبيل المثال لا الحصر :-
محمد احمد التلب
عبدالله محمدالحسن (بامسيكا)
حليبى
صلاح خلف الله(الدكشنرى)
خليفة محمد عثمان الشرق
بشير محمد الحسن
صلاح حسين الحسن
عبدالعال احمد دغور
محمد الفاتح الرفاعى
تاج الدين عثمان سعيد
الطاهر احمد محمد على
عبد الحليم ابراهيم الصافى
احمد صالح بلول(ميمون)
سيف الدين عثمان سعيد
على محمد الحسن(فللة)
كمال حسين الحسن
عبدالله محمد الفضل
على محمد الحسن النافعابى
محجوب سيداحمد (الدقونى)
محمداحمد سيداحمد التوم
فتح الرحمن سيداحمد
صلاح عبدالله التوم
عبدالحليم ميرغنى عمسيب
هؤلاء غيض من فيض اين هؤلاء الان ؟ لهم جميعا
التحايا اينما كانوا ونواصل.(هاشم شنان)

علي شنان
01-17-2010, 08:09 PM
سلام اخوتى الاعزاء .لكم التحية اينما كنتم فى هذا الشتات والكون الواسع
النبوغ والذكاء هبة من الخالق جلّ وعلا يهبها لمن يشاء من عباده .وقد
كنا بصحبة الكثيرين ممن حباهم الله ذلك النبوغ ورغما عن ذلك كان التواضع
ديدنهم .اذكر ونحن فى سنة ثانية وسطى قبل التغيير .وكان يدرّسنا مادة التربية
الاسلامية (الدين) استاذ فاضل سقط اسمه سهوا من قائمة اساتذتنا الكرام
وهو عثمان على (طوالة) حضر هذا الاستاذ وهو يحمل اوراق الامتحان
بعد تصحيحها وقال لنا لقد احرز الدرجة الكاملة فى هذه المادة طالب واحد
منكم فلنقف جميعا ونصفق له قبل ان نعرف من هو ؟فوقفنا وصفقنا جميعا
لهذا الطالب وقد كان لايراودنى ادنى شك بأننى انا المقصود حيث اننى ادّيت
فى ذلك الامتحان اداء حسنا .وبالتأكيد ربما هنالك اكثر من شخص من الدفعة
يشعرون بنفس الشعور بأن احدهم هو المقصود .فأذا بالاستاذ يقرأ الاسم
سيف الدين عثمان سعيد .لله درّك ياسيف .حتى الاستاذ نفسه تفاجأ .وقال له
انت ممتاز يا ابنى لكن لماذا لم تعطينى هذا الاحساس من خلال مشاركاتك
فى الحصة .وقد اثنى على اجاباته النموذجية .وقالها بالحرف حاولت ان
اجد لك اى ثغرة لكى انال من درجاتك ولم اجد .صفقوا له ثانية .(هاشم شنان)

علي شنان
01-17-2010, 08:22 PM
وقصة اخرى على السنة ابناء الدفعة القدّامنا مباشرة وقد كانت فى وقتها
لها ما لها من الاعجاب .فى امتحان الرياضيات .للاستاذ القدير ودشمة له
التحايا وقف الطالب تاج الدين عثمان سعيد وقال له يا استاذ المسألة دى
انا ماقدرت احلها .فتندّر ودشمة بسخريته المعهودة منه وقال له اعمل لك
شنو اجى احلها ليك؟ بعد هنيهة من الزمن وقف الطالب النابغة فى زمانه
فى الرياضيات ,الطاهر احمد محمد على (حجة )وقال له يا استاذ هذه
المسألة خطأ ومن المفترض ان يكون كذا وكذا .فما من ودشمة الاّان
قام بمراجعة المسألة ووجد انه على خطأ ونجبائه هم الصواب. لهم ولكم
جميعا التحية ورحم الله ذلك الزمان .(هاشم شنان)

ميرغني النقي
01-18-2010, 11:30 AM
أخي العزيز هاشم شنان لك تحياتي وأمنياتي
ما أروعك وما أجملك وأنت تحكي عن ذكريات ذلك الزمن الجميل وتسرد لنا عن نوابغ تلك الأيام في تواضع تام وأنت أول من ينافسهم في ذلك.
أخي إن كنا قد انقطعنا فلظروف العمل الذي يزدحم عند نهاية الشهر وتأكد إننا لن نتركك بمفردك وإننا نطلع على كل حرف تكتبه ولنا عودة
لك الشكر والتقدير

ميرغني النقي
01-18-2010, 05:03 PM
في رحاب الأميرية9
لقد حبان الله في تلك الأيام بكوكبة من المعلمين الأجلاء الذين لم يبخلوا علينا وتفانوا من أجلنا فلم يكتفوا بالحصص المقررة والمنهج المحدد بل كانوا يأتون في أوقاتهم الخاصة في الصباح الباكر والمساء دون أن يطلب أحدهم أجراً إضافياً على ذلك وكان حافزهم نجاحنا وتفوقنا الذي فيه إرضاء ضمائرهم وإسعاد نفوسهم،فهل يا ترانا حققنا شيئاً مما كانوا يصبون إليه؟ وهل يا تراهم غير نادمين على تلك الأيام من ريعان شبابهم التي أفنوها من أجلنا؟ أتمنى أن يكونوا راضين كل الرضا ولا يساور أحدهم أيّ إحساس بالندم.
لقد كانوا جميعهم جادين مجدين في واجبهم، حازمين في الأمور التربوية، صارمين في تنفيذ تعليماتهم، ومع ذلك كان بعضهم بل معظمهم يتسم بروح الدعابة والمرح مما أعطى إلى حصصهم نكهة خاصة وإلى تدريسهم طعم مميز مما زاد من احترامنا وتقديرنا لهم وحرصنا على حضور دروسهم، ومن هؤلاء الأستاذ الجليل علي عثمان كرار الذي اتسم بروح الدعابة والمرح وكانت الطرفة دائماً على شفتيه تنتظر الوقت المناسب لتنطلق لأذن السامع والمستمع دون تكلف.
* ومن طرائف أستاذنا الجليل علي عثمان أننا عندما كنا بالسنة الثالثة ثانوي عام كان يقوم بتدريسنا اللغة الإنجليزية ولم يكن له أي علاقة بالسنة الثانية (الصف الثاني) حيث لم يكن يقوم بتدريسهم أيّاً من المواد، وفي ذات مرة وبينما كنا في حصة الإنجليزي كان هنالك هرج ومرج وضوضاء في الصف الثاني تعذر معها مواصلة الدرس فذهب لهم الأستاذ علي عثمان ودخل إلى نصفه من الشباك ليصمت الجميع عند رؤيته ويدور الحوار التالي:
أستاذ علي: الحصة شنو!
الطلبة: الحصة دين
أستاذ علي: وين الأستاذ
الطلبة: غائب ما جا
أستاذ علي: طيب تسكتو والله أديكم spelling
ليخيم الصمت والسكون فكأنهم في سباتٍ عميق وحتى نهاية الحصة لم نسمع ولا همسة.
* ومن طرائفه أيضاَ أننا في حصة الإنجليزي كنا لأول مرة نأخذ الكلمة cheek فظل الأستاذ علي عثمان ينطقها ونحن نردد خلفه بصوت عال، وأثناء ذلك ضم الزميل كامل علي وداعة أصابعه ووضعها على خده فقال الأستاذ مباشرة (دي جضوم).
* كذلك من طرائفه أنه بعد تصحيحه لموضوع composition أعاد إلينا الكراسات وطلب من الجميع فتح الكراسة ووضعها على الدرج ثم قام ماراً بيننا وهو يحمل عصاً قصيرة يخلفها مرتين على ظهر كل من يجد لديه خطأ إملائي أو نحوي وقد كنا نجلس في الصف قبل الأخير وعندما اقترب منا دار راجعاً وهو يردد قائلاً:
Very bad smell.
نواصل

عبدالله محمد الجزولي
01-19-2010, 01:02 PM
فى مره من المرات الأستاذ على عثمان برضو بنفس طريقته هذه مار على الطلبه فى الفصل ويجلد على الضهربالعصاء وماشى على الصف الأخير ولما وصل عند اخونا السر محمد أحمد العصايا بتاعتو انكسرت وبقت فتافيت وبقى يرصع فيهو بأيديهو الأثنين يرفعهن مع بعض وينزلهن عليه والسر يقاوم ويكورك يا استاذ يا ستاذ كفايه دق قالو انا مش حا ادقك دا انا حا اختك كوم ،انفقع الجميع بالضحك على المشهد ..

ميرغني النقي
01-19-2010, 03:55 PM
تحياتي لك أخي العزيز ود الجزولي وكم أنا سعيد بتواجدك ومشاركاتك وأتمنى أن يعود هذا البوست إلى سابق عهده
ولك الشكر والود والاحترام

عبدالله محمد الجزولي
01-20-2010, 08:59 PM
لك الشكر اخى ميرغنى النقى ونشكرك على جهودك الجباره لأثراء هذا البوست الجميل ونحن فى انتظار فى رحاب ألاميريه 10 يلا شغل الذاكره وانكت الباقى

عبدالله محمد الجزولي
01-20-2010, 09:07 PM
فى يوم من الأيام جاء الأستاذ الشفيع فى حصة انجليزى وبقى يتكلم عن الفلسفه وانو بعض الطلبه يكون عارفلو كلمتين انجليزى يحاول يتفلسف يظهر قدام زملاءه الذين لم يحلفهم الحظ فى الوصول لهذه المرحله يقوم يجيب عبارات عجيبه ، قال زى واحد يقول للثانى الليله ماشى الحفله يقوم يقولو composition god يعنى الولد بيقولو انشاء الله !!!

علي شنان
01-22-2010, 05:30 PM
نواصل نوابغ من ذلك الزمان ....
اذكر ايضا فى تلكم الفترة الخصبة الجميلة وفى امتحان الفيزياء وردت
لنا فيه مسألة من قانون ارخميدس والذى يقول( اذا غمر جسم فى سائل
فأنه يتعرض الى قوة تدفعه الى اعلى تساوى ثقل السائل المزاح)
طبعا هذا القانون اجرينا عليه عدّة تطبيقات . جميعنا حللنا المسألة ثم
وزعت لنا اوراق الاجابة .وكان الحل للجميع على نمط واحد واعطانا
الاستاذ الدرجة الكاملة عليه لأنه نفس حل الاستاذ.طالبين فقط كان لهم
حل اخر تماما واجابة غير .هما على فللة وميرغنى النقى .قاما هذين
الطالبين بملاحقة الاستاذ احمد الامين خليفة استاذ المادة ومناقشته فى
هذا الحل ولم ييئسا حتى اقتنع بوجهة نظرهما وصحة اجابتهما .واتى
الينا بالفصل واشاد بهما جدا واقر بخطأئه وبالطريقة التى فهم بها ذلك
القانون .لله دركما .على محمد الحسن بلدم وميرغنى على النقى ....
-------------------------------------------------------------------------
فى مرثية ابن الرومى الشهيرة التى رثى فيها ابنه( محمد) والتى
كانت مقررة علينا حفظا والتى يقول مطلعها:-
بكاؤكما يشفى وان كان لا يجدى فجودا فقد أودى نظيركما عندى
توخى حمام الموت أوسط صبيتى ف لله كيف اختار واسطة العقد.
قام الاخ على محمد الحسن كى يسمّع وعندما وصل لعجز البيت
الثانى قرأ كلمة ف لله كما يلى(فلله) بفتح الفاء واللام اللام .ومن
وقتها اطلق عليه هذا الاسم على فلله........(هاشم شنان)

ميرغني النقي
01-23-2010, 07:34 AM
شكراً لك أخي هاشم شنان وأنت تنبش من الذكريات ما كاد يطويه النسيان، وما شاء الله على هذه الذاكرة متقدة ونتمنى لك التوفيق والتفوق.
لك تحياتي وأمنياتي

عبدالله محمد الجزولي
01-24-2010, 08:27 PM
أيها الأحباب زملاء الزمن الجميل فى ألاميريه الوسطى هل تتذكرون البئر ؟ هنالك بئرين كانو فى الخدمه واحده قدام السفره وهذه خاصة بالعم قرعم والثانية موجوده بين داخلية النيل والجدار المواجه لبيوت المدرسين ودى كانت خاصه بالغسيل والحمام وعليها سلبه ودلو من جرادل الزنك المتينه ولكن دائماَ ما كان هذا الدلو يسقط فى البير وأنا كان عندى هوايه فى النزول فى هذه البئر لأستخراج الدلو وكنت بطلع دائما بسلام بواسطة الزملاء لكن يوم من ألأيام عملوا فيا مقلب بعد ما نزلت ومسكت الدلو علقوا الحبل ومشوا وأنا تحت أصيح والبئر حار وبعد فتره جو راجعين وطلعونى ومن ديك رفضت النزول كان بالهزار ولا بالجد . لأنو بصراحه دخلتنى خوفه ،،

علي شنان
01-29-2010, 10:54 AM
السلام احبتى .الاخ عبدالله ذكرتنى ترجمتك الحرفية أعلاه بعض
استخداماتنا للغة الفرنجة فى ذلك الزمان لبعض الاغانى
وكما يقول المثل (أعجمى فألعب به )وفعلا لعبنا بها لعبا.
فمثلا رائعة الشاعر السر عثمان الطيب .
خلاس رحل الربيع خلّف زهورو للصيف لى يباسو ولى هجيرو
تم ترجمتها حرفيا كما يلى:-
خلاس (دزيرت)( الاسبرنق)خلّف (فلورو)(تو الصمر)( تو)(درايو) (وإتس هيتو)
--------------------------------------------
وكذلك اغنية (عيون الصيد وا نارى موقدة فى قلبى حارة شديد وانارى)
(ايز الدير) وا (فيتى) (بيرننق إن هارتى) (هوت ) بشديد(وا فيّتى)
الحقيقة كثير من هذه القصايد كانت من ترجمة الطالب النابه النجيب
تاج الدين عثمان سعيد .والذى لو ركز على كتابة الشعر لكان له
اليوم مقام كبير بين الشعراء له ولكم جميعا تحياتى .(هاشم شنان)

ميرغني النقي
01-30-2010, 09:33 AM
شكراً لك الأخ هاشم شنان على التواصل والمشاركة الطيبة وأتمنى أن يعود الجميع إلى هذا البوست الذي وثق لتلك الأيام الجميلة.
تحياتي للجميع

عبدالرحمن شامي
01-30-2010, 11:34 AM
الأخوة الاعزاء جميعا" سلام الله عليكم
الاخ ميرغني .هاشم .الجزولي تجدوني متابع لهذا البوست يوميا ومستمع بمشاركاتكم للذكريات الجميله المحببه لي ولكن كما ذكرت سابقا الذاكرة لا تساعدني لاجترار الماضي نرجوا منكم المواصلة و كذلك المشاركين سابقا صلاح حسين .مامان .عبدالمنعم. عبدالله. الدينمو. ديمو.والجميع ونتمنى دخول مشاركين جدد

عبد المنعم الانصارى
02-05-2010, 08:24 PM
الاخوة الكرام شنان الجزولى النقى ( اصحاب الذاكرة الحديدية )متعكم الله بالصحة والعافية وارجو ان تقبلونا كمتابعين لهذا السرد الجميل لذكريات ذلك الزمن الاجمل .الاخ شنان اين هؤلاء الاخوة اسماعيل سعيد الشيخ (sleep) ,على احمد على ( التعريفة ) احمد محمد خير ( ال.......) مع فائق الاحترام

علي شنان
02-06-2010, 09:18 PM
الاحباب ابناء زماننا السمح لكم تحياتى المعطرة
قبل لحظات جاد علينا هذا الزمان وسنحت لى الفرصة بعد اكثر من 37 عاما
من التحدث هاتفيا مع أحد أساتذتنا العظماء الا وهو الاستاذ محمد عبدالمطلب
وصلتنى رسالة من أخى ميرغنى حسن مشكورا وأنا على مائدة العشاء يبلغنى
بأنه ونفر كريم معه الان هم فى حضرة الاستاذ ود الطلب (كما كان يحلو لنا تسميته)
إتصلت مباشرة وفى البدء عرّفنى الاخ ميرغنى بالحضور وهم كثر ولكن أذكر
منهم الاخ الرزوقى .حمزة محمد على.الدينمو.مصطفى عبدالله الحاج.ود دكى النحيل
الذى لم يعد نحيلا كما قال الطاهر حجة.حسين الفحل .صلاح سند.السر وداعة.ووو
عذرا لأننى نسيت بقية الاسماء .بعد ذلك تكلمت مع الاستاذ وكم كانت سعادته غامرة
بهذه الزيارة الميمونة وقد ذكر لى بأن أجمل سنوات العمر هى التى قضاها فى
أحضان ذلك الصرح العظيم .وأنه يفخر ويعتز بأولئك الكوكبة من الفتية الذين
تتلمذوا على يديه فى الاميرية.وقد شكرته بإسمى ونيابة عن كل ابناء الاميرية فى ذلك
الزمان على ما قاموا به تجاهنا .بل قلت له لقد شاركتم اباءنا فى تربيتنا ولكنكم
تفوقتم عليهم بالتعليم فصرتم (مربين ومعلمين) وقد نال هذا الكلام الكثير من
الاستحسان لديه وقلت له ان انسى فلن أنسى أستاذنا ودالطلب ذلك الرجل الانيق
المهندم صاحب الوجه الصبوح الذى يقدل بين الفصول من غير زهو ولا تكبّر
ضحك ضحكة عالية وقال لى اين ذلك الان يا شنان يا إبنى .لقد اشتعل الرأس
شيبا وإحدودب الظهر وتمكنت الرطوبة من الارجل والله نسأله العافية وحسن
الخاتمة .وتطرقنا لبعض المواقف وذكريات ذلك الزمان الجميل ولكن ماشاء الله
وجدته ذو ذاكرة متقدة حيث ذكر لى الكثيرين ولكن يبدو ان بعضهم لم نعاصره
نحن .وقد ذكر سيف الدين وتاج الدين وودالشرق والكثيرين .حقا لقد كانت لفتة
كريمة من إخوة كرام لهم منا التحية والتقدير على تكبدهم المشاق والتجمع
والقيام بمثل هذه المبادرات الطيبة والتى إن دلت على شئ فأنما تدل على
نبلهم وأصالة معدنهم .ولكنه واجب علينا من غير منّ تجاه اولئك الرجال الذين أفنوا
زهرة شبابهم عطاء وتضحية من أجلنا .التحية مرة أخرى لكم إخوتى وجعلكم
الله دائما سباقين ومبادرين لكل ما يشرفنا .رفع الله قدركم وأعزكم وبارك فيكم
ودمتم (هاشم شنان)

علي شنان
02-09-2010, 07:40 PM
الاخوة الاعزاء .لكم التحية والتجلة ...
اخى الرزوقى حقيقة مهما كتبت لن أفيك حقك وأنت شعلة من النشاط( ماشاء الله)
من اجمل الاخبار التى حملتها لنا من زيارتكم للاستاذ الجليل محمد عبد المطلب هو
ان استاذنا عبدالوهاب فضل حى يرزق وليس كما شاع سابقا .أتمنى لك وله وللجميع
طول العمر فى طاعة الخالق .حقيقة نوادر الاستاذ عبدالوهاب كثيرة ولى معها عودات
بإذن الله وقد كنت أحجمت عنها سابقا عملا بالحديث(أذكروا محاسن موتاكم )ولكن
لله الحمد والمنة ..كذلك أرجو من الجميع وعلى رأسهم صلاح حسين وبقية العقد
الاّ يفتر الحماس فى اثراء هذا البوست الأصل .مرة أخرى لكم ودى (هاشم شنان)

علي شنان
02-14-2010, 09:14 PM
الاحباب الكرام ..السلام عليكم .وعاطر التحايا ...
نواصل ...فى تلك الفترة كان بالمدرسة ثلاث شخصيات لم يكن لنا معهم تعامل
مباشر الا وهم الموظفين الذين كنا نسميهم( الكتبة ).ورغم فضولى ومحاولتى معرفة
كل شئ فى ذلك الزمان الا اننى لم أحاول ان أعرف ماهى طبيعة عمل هؤلاء .
كل ما كنت أعرفه عنهم أنهم كانوا يطبعون الامتحانات بما يسمى بماكينات الرونيو
قبل ان تظهر وسائل الطباعة الحديثة .وثلاثتهم بالترتيب ..احمد سعيد فضل الله نوار
وقد كان شخصية محترمة وكنا نوقره ونضع بيننا وبينه مسافة فى التعامل ربما
لفارق السن .أما الشخصية الثانية فهو عبدالرحيم (أبو عبده) كما كان يحلو لناتسميته
وهو ذلك الشاب الهادئ الشفيف فى عالمه الخاص به لا يسأل أحدا ولكن هذا
الانسان كان موسوعة وكان عبقريا كنت دائما اوادده واداعبه حتى يطمئن الىّ
ثمّ اسأله عن الكثير من معانى بعض الكلمات وكثير من مواد المقررات وانا
اعرف إجابتها سلفا .فوالله يا اخوتى أنه كان يجيبنى بأفضل وأشمل مما أعرف
اما الشخصية الثالثة فهو الاخ خضر حسن ذلك الشاب الانيق المهندم وقتها والذى
كان قريبا جدا منا وذلك لتقارب السن وقد اتى الينا ونحن فى نهاية عهدنا بالاميرية.
ثمّ التقيته بعدها وهو يعمل موظفا فى رئاسة المديرية الشمالية فى الدامر 1975م
ثم استضافنا فى داره العامرة بحى النسيم بالرياض فى بداية ايام اغترابى عام1983م
مع اخى ودفعتى (ابن اخته) صديق الحسين .فله ولمن ذكرت أزجى أطيب التحايا
والامنيات ...والى لقاء .(هاشم شنان)

على الرزوقى
02-15-2010, 07:39 PM
الاخ/ العزيز هاشم شنان لك التحية والتجلة وانت توثق لذلك الزمن الجميل ـ كان لقاءنا بالاستاذ/ محمد عبد المطلب يوما مجيداً التقينا بنفر كريم ممن يحملون هذا الارث الغالى ـ ـ ـ سجلت له لقاء فيديو لكنى إفتقدته ـ وأعد بأننى سوف أعيد هذا التوثيق وربنا يدى ود الطلب العافية .......

http://www.tangasi.com/vb/imgupload/uploads/2de8fa178048512bebd06ebd13c9b491.jpg (http://www.tangasi.com/vb/imgupload/uploads/2de8fa178048512bebd06ebd13c9b491.jpg)

صورة الاستاذ/ محمد عبد المطلب أبنعوف ـ وقد درس أيضاً بمدرسة تنقاسى الثانوية العامة بنات أيضاً.

عبدالله محمد الجزولي
02-15-2010, 08:16 PM
الأخوة الأعزاء ودشنان (كما كان يناديه عمنا جمعة السفرجى) بصوته الأجش عندما كان يهاجمه وهو عائد بسفرة فطور المدرسين والأخ العزيز على الرزوقى الذى اثرى هذا البوست بكل ماهو جميل من صور وتسجيلات فله من التحية والتقدير واستاذنا ود الطلب ذلك الرجل الأنيق اللبيس هو ما زال يواصل فى مشواره مع التبشيره ربنا يديهو العافيه وقد رسم الزمن على ملامحة علامات تقدم العمر . ربنا يوفقكم لما فيه الخير . وتتحفونا بروائع ذلك الزمن الجميل

على الرزوقى
02-16-2010, 08:39 PM
الاخ/عبد الله محمد الجزولى والاخ/ هاشم شنان لكم التحية والتقدير وأنتم تواصلون هذا التوثيق الرائع لتلك الايام العطرة
كان معنا فى زيارة أستاذنا/ محمد عبد المطلب أبنعوف الرائع الراقى الباشمهندس/ صلاح حسين سند
لم يتغير شكله كثيراً ..... مش كدة؟؟؟؟؟؟؟؟؟


http://www.tangasi.com/vb/imgupload/uploads/4838487f308a739a195b3c20f1e285ee.jpg (http://www.tangasi.com/vb/imgupload/uploads/4838487f308a739a195b3c20f1e285ee.jpg)

علي شنان
02-18-2010, 05:51 PM
الرزوقى الرائع ..لك ولكل احبابنا كل الود ..
التحية عبرك للاخ العزيز الصديق صلاح حسين سند ولا ادرى
فقد طال ابتعاده عن المنتدى. عسى المانع خيرا .فى انتظارك
اخى سند وفى انتظار مواضيعك واسهاماتك المفيدة (هاشم شنان)

ميرغني النقي
02-25-2010, 08:07 AM
شكراً للإخوة هاشم شنان وعلي الرزوقي وود الجزولي على المواصل وإثراء البوست بعبق تلك الأيام الجميلة، ونتمنى عودة الجميع لمواصلة رحلة التوثيق.
لكم جميعاً احترامي

ميرغني النقي
02-25-2010, 08:08 AM
في رحاب الأميرية 10
عندما صرنا بالسنة الثانية متوسطة تولى أمر تدريسنا اللغة الإنجليزية الأستاذ الجليل المهذب محمود محمد عبد اللطيف وقد كان شديد الاهتمام في أن يواصل في تشييد ما وضع لبنته الأولى أستاذنا العظيم محمد أحمد سليمان، لذا كان مجتهداً مخلصاً في عمله حازماً في تعليماته صارماً في تنفيذ واجباته ولم يقصر قط في أداء واجبه تجاه الطلاب ومقابل ذلك وجد الاحترام والتقدير من طلابه، وبعد أداء امتحان الفترة الأولى وخيبة الأمل التي أصيب بها من بعضنا جاء يحمل أوراق الإجابات وقام بتوزيعها علينا وامتدح وأثنى على بعض منا، ثم وقف يقول في ألمٍ شديد لقد كنت مخدوعاً في بعضكم وقد أحسست بأني لم أقم بما كان علي أن أقوم به، ولكن بعد عودتنا من الإجازة إنشاء الله سيكون لي معكم شأن آخر ويا أنا يا أنتم، كان يقول هذه الكلمات المؤلمة بحزنٍ عميق وغضبٍ حاد وهو يركز نظره حصراً علينا نحن المرحوم عبد الرحمن حاكم وأنا، مما أدخل في قلوبناً هلعاً شديداً وجعلنا لا نستمتع بيومٍ واحد من أيام الإجازة، وعندما انقضت الإجازة وعدنا لأمنا الرءوم القرير الأميرية وجدنا أن الأستاذ محمود قد نقل لا أدري إلى أين ولم يعد مرة أخرى ليواصل مجهوده معنا ففرحنا لهذا الخبر الذي كنا نحسبه بفهم تلك الأيام من أكثر الأخبار السارة، ولكننا الآن نقول ليته عاد ونفذ نواياه لكنا اليوم خلاف ما نحن الآن.
إن غالب ظني إن السبب في تعجيل نقله بهذه السرعة راجع إليه فربما كان عن رغبة منه بسبب أنه من جرادة (منطقة دنقلا)، وفي تلك الأيام كانت منطقة جرادة بالنسبة للقرير تعد أبعد من بورتسودان وواو والأبيض، حيث أن السفر إلى جرادة في تلك الأيام أما أن يكون بالباخرة إلى دنقلا حيث تقضي ليلتين في النهر العظيم لتصل في اليوم الثالث إلى دنقلا ثم بعد ذلك تفكر في جرادة، أو أن تركب اللوري إلى أم درمان ثم من أم درمان إلى دنقلا وفي كل رحلة تبيت ليلة علي الأقل في الطريق، أو عن طريق كريمة دنقلا الخلوي ولم يكن سالكاً بالطريقة المثلى في تلك الأيام كما أن السفر عبره يعتبر مجازفة.
المهم نقل ذلك الأستاذ المجتهد المجد محمود محمد عبد اللطيف ولم يمض معنا سوى فترة دراسية واحدة لا تزيد على الشهرين بكثير ليخلفه المرحوم الأستاذ الجليل أنور (عليه رحمة الله)، والحقيقة يجب أن تقال، فالأستاذ أنور له الرحمة ولذكراه احترامي لم يكن بمستوى من سبقوه خاصة في ضبط الفصل وجذب انتباه الطلاب والحزم والمتابعة في أداء الواجبات فترك الحبل على القارب لمن هم في مرحلة التأسيس في لغة الفرنجة، ليتهرب البعض بالغياب التام أو الغياب الذهني ويسرح من يسرح ويمرح من يمرح وهم غير ملومين فقد كان معظمهم في المرحلة الحرجة من مراحل العمر وكانوا في حاجة إلى شيء من الضبط والضغط والحزم.
ألا رحم الله الأستاذ أنور رحمة واسعة وأسكنه فسيح جناته، ولذكراه العطرة وللأستاذ محمود ولكل معلمينا الأفاضل كل الود والإجلال والاحترام ونسأل الله أن يتجاوز عن أخطائهم وأن يجزيهم عن كل حرف بألف، ولهم مني كل الشكر والتقدير والاحترام.
نواصل....

على الرزوقى
02-28-2010, 08:46 PM
لك الحب والاحترام الاخ العزيز ميرغنى النقى وانت تواصل سرد أحداث تلك الزكريات الجميلة الحبيبة الى نفوسنا.........
فلنواصل التوثيق .... دمت فى حفظ الله ورعايته ....

ميرغني النقي
03-03-2010, 03:28 PM
لك الحب والاحترام الاخ العزيز ميرغنى النقى وانت تواصل سرد أحداث تلك الزكريات الجميلة الحبيبة الى نفوسنا.........
فلنواصل التوثيق .... دمت فى حفظ الله ورعايته ....
شكراً لك أخي علي الرزوقي على المتابعة والتواصل وأتمنى أن نوفق جميعاً في توثيقنا لتلك الأيام الجميلة، وشكر موصول لك على ظللت تقدمه لنا من نتائج اللقاءات الاتصلات بمن علمونا.
لك التحية والأمنيات

ميرغني النقي
03-03-2010, 03:33 PM
في رحاب الأميرية11
عندما صرنا بالسنة الثالثة ثانوي عام (السنة النهائية) كنت أجلس في الصف قبل الأخير، على شمالي الممر وعلى يميني أخي العزيز وصديقي الحميم أبو بكر عبد الله آدم الذي ظل يجاورني في الفصول أغلب السنوات الخمسة التي قضيناها بالقرير الأميرية، فإن لم يكن بجانبي فهو من أمامي مما متن أواصر الصداقة وعرى المحبة بينه وبيني وجعل العلاقة بيننا علاقة متميزة، وبالرغم من أنني دفعت ثمن شقاوته كثيراً ضرباً ولكماً من الأساتذة إلا أنه ظل الجار مفضل عندي في الفصل ولم أفكر في استبدال موضعي يوماً.
ومن شقاواته التي دفعت ثمنها إننا في تلك السنة كان يقوم بتدريسنا الدين (التربية الإسلامية) الأستاذ الوقور مولانا محمد عبد الله التوم الذي كان مع وقاره وهيبته لا يخلو من المرح والطرفة التي لم تقلل من هيبته بل زادتنا توقيراً واحتراماً له، (جزاه الله خيراً ومتعه بوافر الصحة).
ومما أذكر أنه (الأستاذ محمد عبد الله التوم) كان ذات مرة عائداً عند المغرب إلى داره بالجزيرة مساوي وعند المشرغ التقى بي وأنا مع أمي (قلت أنا مع أمي ولم أقل وأمي معي)، التقى بنا ونحن عائدين بعد أن حشينا عشاء الغنم فسلم علينا وكعادة أمهاتنا في تلك الأيام سألته أمي عني قائلة: (عليك الله يا ود شيخنا الولد دا كيفنو)؟. فأثنى علي في رده وامتدحني لها وأشاد بي مستوى وسلوك، وبعد أيام قلائل ونحن في حصة الدين وبينما كان الأستاذ يقوم بالشرح والتلخيص على السبورة، كان صديقي أبو بكر يقوم بعمل زمبارة قصب بوضعها على وركه وهو يفرك فيها وعندما نفخ فيها محاولاً تجريبها أصدرت صوتاً عالياً جعل كل الزملاء يتجهون نحونا كما التفت الأستاذ الذي كان يعطينا ظهر منزعجاً لذلك الصوت فاستطاع من تركيز أنظار الزملاء نحونا أن يحدد موضع الصوت ولكن لم يستطع تحديد الشخص فهرع نحونا مسرعاً وفي لمح البصر وضع أبو بكر الزمبارة بين رجليَّ على الكرسي ولم يكن الوقت كافياً للتخلص منها ليمسك بها مولانا وهي بحوزتي فما كان منه إلا أن أوسعني ضرباً ولكماً بقبضة يده وهو يردد (أخم وأشكر فيك إنت أتاريك خبوب في خبوب، الله يخرب بيتك) ولم يتركني حتى شفى غليله مني.
كل هذا لم يؤلمني كما ألمتني ضحكة من كان السبب التي حاول كتمانها ولم يستطع.
جزا الله الأستاذ الجليل محمد عبد الله التوم عني خير الجزاء على ما قدمه لنا، ومتعه بوافر الصحة والعافية، وأدام الود والمحبة بيني والأخ أبو بكر وبينا جميعاً.
ولي عودة إلى الموضوع نفسه.
نواصل........

عبدالله محمد الجزولي
03-04-2010, 12:38 PM
الأخ ميرغنى لك التحية وانت تواصل هذه الروائع وياترى أخونا اللواء ابوبكر عبدالله آدم متذكر هذه الوقائع؟ اتمنى ان يواصل الجميع الكتابه وانا والله ما منعى إلا المشغولية الشديده والعمل اللذى لا نعرف له حد ولا موعد

عبدالله محمد الجزولي
03-04-2010, 12:55 PM
على ذكرى أخونا أبوبكر علدالله آدم طبعاً كان مشاغب جداً وعند ما تخرج من الثانوية دخل الكلية الحربية وتخرج فيها ضابطاً برتبة الملازم وكنا وقتها أنا وصديقى المرحوم عبدالواحد سراج النور متلازمين بعد الثانوية وذلك نسبة للسنين التسع التى عشناها زملاء دراسة وحتى أيام العمل فى الخرطوم كنا عايشين معاً وفى يوم من أليام سألت المرحوم عبدالواحد عن أخونا ابوبكر بحكم العلاقة الرحمية التى تربطهما فقال لى أبوبكر ؟ دا بقى هو والنميرى فوق فد سرج !!!

علي شنان
03-12-2010, 03:43 PM
موقف لن ينسى
اذكر فى ذلك الزمان وفى تلك الليالى كنا نصحوا للمذاكرة عند إقتراب الامتحانات
نضئ فوانيسنا ونفترش البلاط ونذاكر .كنت فى ذلك الزمان اتعاطى التمباك (السعوط)
بعد ان صحوت وولعت فانوسى (دردمت لى سفة دقار لورى) واستلقيت على ظهرى
وانا ممسكا بالكتاب فغلبنى النعاس ونمت والكتاب فوق وجهى لم اشعر الاّ والاستاذ ود شمة
يرفع الكتاب من وجهى وهو يقف على رأسى .قمت مخلوعا وحاولت ان ادارى السفة بيدى
ولكن دون جدوى لأنها كانت اكبر من ان تدارى .فسألنى بكل إستغراب إنت ياهاشم بتسف ؟فأجبته بنعم.
فقال لى كويس عشان تصحى وخرج .قضيت ليلتى تلك وانا فى غاية الرعب والخوف من غد .
او كما قال شاعرنا الهادى ادم (يالخوفى من غد) .ولكن ومنذ تلك اللحظة وحتى مغادرتى للاميرية
لم يتطرق الاستاذ لهذا الموقف إطلاقا ولم يذكره .
شاءت إرادة الله ان يزورنى الاستاذ ودشمة بصحبة اخيه الصادق فى منزلى عندما كان مغتربا فى السعودية ومن
خلال الونسة سألته إن كان يذكر ذلك الموقف ولماذا لم يعاقبنى عليه ؟ فأجابنى بهذا البيت
(لا تنه عن خلق وتأتى مثله عار عليك اذا فعلت عظيم ) هذا أولا..
ثم واصل .انت لم تجاهر بذلك أمام زملائك بل هذه السفة تعاطيتها ليلا وانت على فراشك وابتليت بها واكيد
لم تكن لتتركها مهما قسوت عليك او عاقبتك بل ستضطر الى اساليب اخرى اولها الكذب والخداع
لذلك تركتك (.فلله درك استاذى العزيز وكثّر الله امثالك ).وقد طمأنته بأن تلك كانت اخر سفّة لى بمزاج ولله الحمد.
وقد كنت صادقا فى ذلك الى حد ما إذ عزمت بعد ذلك على تركه وقد أعاننى الله وتخلصت منه تدريجيا
الى ان تركته نهائيا (هاشم شنان)...

عبدالله محمد الجزولي
03-15-2010, 10:43 PM
تحياتى لكم جميعاً اخوانى ابناء الأميريه وتحيتى الخاصه لك اخى وصديقى وزميل دراستى وغربتى هاشم شنان وقد عهدتك صادقاً دائما وما أظن فى واحد بسجل مثل هذه المواقف غيرك لأن اغلب الناس لا يريدون أن يظهروا وقد مرت بهم هذه الإبتلاءات من صعوط وسجاير لكن هذا هو هاشم شنان صادقاً دائماً لا يدارى شيئاً . أرجو أن تواصل !!

ميرغني النقي
03-16-2010, 05:31 PM
على ذكرى أخونا أبوبكر علدالله آدم طبعاً كان مشاغب جداً وعند ما تخرج من الثانوية دخل الكلية الحربية وتخرج فيها ضابطاً برتبة الملازم وكنا وقتها أنا وصديقى المرحوم عبدالواحد سراج النور متلازمين بعد الثانوية وذلك نسبة للسنين التسع التى عشناها زملاء دراسة وحتى أيام العمل فى الخرطوم كنا عايشين معاً وفى يوم من أليام سألت المرحوم عبدالواحد عن أخونا ابوبكر بحكم العلاقة الرحمية التى تربطهما فقال لى أبوبكر ؟ دا بقى هو والنميرى فوق فد سرج !!!
شكراً لك أخي عبد الله الجزولي ورحم الله المرحوم عبد الواحد محمد صالح رحمة واسعة وأسكنه فسيح جناته، وهو فقد عظيم لنا جميعاً.
والتحية عبر هذه المداخلة للأخ أبو بكر عبد الله آدم ولكل الزملاء
لك ودي

ميرغني النقي
03-16-2010, 05:36 PM
تحياتي لك أخي العزيز هاشم شنان والشكر لك على تعطيرنا بعبير تلك الأيام الخوالد في ذاكرتنا، وصدقني هذه هي المرة الأولى التي أعرف فيها أنك كنت بي تسف.
عموماً الحمد لله الذي خلصلك من هذه الآفة
لك ودي وتحياتي

ميرغني النقي
03-16-2010, 05:36 PM
في رحاب الأميرية12
كما ذكرت عندما كنا بالسنة الثالثة ثانوي عام، الخامسة والأخيرة بالقرير الأميرية، كان يجلس إلى يميني صديقي أبو بكر عبد الله آدم، ويجلس أمامي أخي المرحوم عبد الرحمن الحسن حاكم وإلى يمينه الأخ الصديق علي محمد الحسن النافعابي، ومما أذكر أنه في إحدى حصص العلوم التي كان يدرسها لنا الأستاذ الجليل أحمد الأمين خليفة، قام المرحوم عبد الرحمن حاكم للإجابة على سؤالٍ طرحه الأستاذ خلال الدرس، وعندما أراد الجلوس مدّ الأخ أبو بكر ساقه من تحت الأدراج محاولاً بقدمه إزاحة الكرسي من تحته، فمددتُ أنا يدي وأمسكتُ بظهر الكرسي (سنادة الظهر) محاولاً تثبيته ولكن سبقني أبو بكر وسقط المرحوم حاكم بين الأدراج على الأرض على مرأى ومشهد من الأستاذ أحمد الذي اندفع نحوي غاضباً ظناً منه بأنني أنا من فعلتُ ذلك وله الحق فقد رأى يدي ممسكة بالكرسي (خيراً تنوي شراً تكسب) وبعد أن أشبعني ضرباً ولكماً على أكتافي وأنا أضع يديَّ على رأسي طلب مني أن أقابله في المكتب خلال الفسحة ولكن عندما ذهبت له وأنا أمني نفسي بعلقة زي العلقم وجدته قد هدأ وصفح عني.
الشكر كل الشكر للأستاذ الجليل أحمد الأمين خليفة على ما قدمه لنا في تفاني ونكران ذات ونسأل الله أن يجزيه عنا خير الجزاء، والأمنيات الطيبة للأخ أبو بكر فقد كان مع شقاوته رجل الحوبات وهو يمتاز بأنه كان سريع الالتقاط والبث، فكم من مرةٍ وقفت محرجاً أمام إجابة سؤالٍ لا أدري إجابته فأتاني بها ولقنني إياها، وكم مرة وقفت حائراً وخائفاً أمام spelling كلمة فأتاني بالفرج من حيث لا أدري وأنقذني من عصا أستاذي الجليل على عثمان، (يعني كان يسويها بي هني ويضيعا بي هني) له وللأخ النافعابي التحية ووافر الود وللمرحوم عبد الرحمن حاكم الرحمة والمغفرة سائلين الله أن يسكنه فسيح جناته.
نواصل .......

عبدالله محمد الجزولي
03-16-2010, 07:45 PM
التحية لك اخى مرغنى النقى لقد عانيت من مقالب أخونا أبوبكر عبدالله آدم كثيراً لقد كان مشاغباً ويسويها ويقع فيها الغير وكنت اتمنى أن يدخل هذا البوست وأكيد عندو من الحكايات الكثير لكن المشغوليات كثيره عليه والسئؤلية أكبر بكثير ولكنه رجل كبير بحجم المسئؤليه . تحياتى لسعادة اللواء واتمنى أن نراه قريباً ولكم تحياتى

علي شنان
03-19-2010, 10:36 PM
الاحباب والمتداخلون لكم عاطر سلامى ...
الدفعة ورفيق الغربة وشريك المهجر زمانا ومكانا الاخ عبدالله الجزولى حقيقة
والفضل لله سبحانه ثم لك اخى فى تداعى هذه الذكريات عن تلك الحقبة الزاهرة من
عمرنا لأننا كثيرا ما جلسنا سويا نجترّ ذلك الماضى الجميل بجمال اؤلئك الاخوة
الذين جمعتنا بهم الام الرؤوم (الاميرية) .
كذلك لك ايضا التحية والتقدير اخى النقى وانت تثرى هذا البوست بتلك الروائع
وتزيدها ألقا وجمالا بذاكرة متقدة كيف لا وانت ضمن أميز طلاب الرياضيات فى
تلك الحقبة.
__________________________________________________ _____
جمعتنى به داخلية الدندر عنبر واحد شاب يافع ضعيف البنية ناحل الجسم نحن فى
الصف الاول وهو فى الصف الثالث .كثير الغياب .كان يقضى معظم الليالى وهو يئن ويتألم
ورغم عن ذلك كان من المتفوقين الاذكياء كنت دائما استعن به فى مسائل الرياضيات
ومعانى الكلمات الانجليزية وكان دائما عند حسن ظنى به (موسوعة ) وكان دائما يراجع
لى الspelling وكنت اخطئ فى بعض الكلمات فيحفظّنى لها بطريقة لحنية معينة حتى
ترسخ فى ذهنى ولا زلت اذكر كلمة (bicycle ) ولحنها الجميل الذى حفظّنى لها به .
عدنا للمدرسة من احد الاجازات وافتقدته فقد ذهب فى رحلة للعلاج ولكن كان ذهابا
دون عودة لقد خطفته يد المنون وهو فى ريعان الصبا وفى تلك السن الغضة النضرة
هل عرفتموه احبتى ؟؟ إنه زميلنا ابن مساوى الجزيرة (تاج السر يسين) اسأل الله
العلى القدير ان يرحمه ويجعله من اصحاب اليمين وان يجعل الفردوس الاعلى مقره
ومسكنه وان يغفر ويرحم جميع اخوتنا الذين سبقونا الى دار الخلود اامين.(هاشم شنان).

ميرغني ديمو
03-22-2010, 01:19 PM
اهلنا واخوتنا الحلوين بركه اللقيناكم سالمين وطيبين بعد غيبة شهرين .
راجعت ما فاتنى ولقيتكم ما شاء الله مواصلين ومجددين ..وعينى باااااارده ...
انتوا عارفين الاجازه دى جمعتنى بى ناس الاميريه وبى ناس لم اراهم من سنين تفوق ال 30 عاما .
والحقيقه مناسبه زواج اخونا عثمان لمت الكثير..وسوف اذكر الاسماء ان لم تخنى الذاكره ...
اولهم اخونا وشيخنا الكبير يوسف شامى ..ويوسف ياهو يوسف من دون تفسير .....
واخونا عبد العال الدغور.....والاخ اسماعيل سعيد (sleep) ..والاخ الدينمو ...وود القطن .. والاخ صلاح سند... والاخ عبدالرحمن شامى ...
والاخ الدينمو قابلته مرتين مره فى المناسبه ومره فى الشارع الذى اسكن فيه ..فى وقت متاخر من الليل قبل سفرى بيوم وهو الذى عرفنا انا والاخ عبد الرحمن كن واقفين فى الشارع وهو قادم بعربته ...وتخيلوا يكون جاى من وين ...؟
انه قادم من منزل الاخ ميرغنى حسن ...
ولسوء الحظ اكون قاعد فى نفس الشارع وما عارفه ...
ايضا قدمت لنا الدعوه بمنزل الاخ كمال محمد الحسن وجمعت الدعوه الاخوان صلاح سند...عبد الرحمن ديمو..عبد الرحمن شامى..وبرضو لم اتمكن من تلبيه الدعوه نسبة للمشغوليات من مغتربين وخلافه ...
ملحوظه
كل تلك اللقاءات كانت لدقائق معدوده فى اغلبها..وعذرا لمن فاتنى ذكره كالاخ عمر فتح الرحمن .
الاخ هاشم شنان اول مره اعرف انك كنت من اهل العمارى ...

عبدالله محمد الجزولي
03-22-2010, 02:05 PM
الأخ ميرغنى ديمو حمدله على السلامه ياجاي من السفر وحشتنا الإبتسامه وجهك والا القمر وبختك ياخوى اجازه سعيده والحمدلله انك لاقيت زملاء الزمن الجميل وانشاء الله يكون ذكروك بالماضى وتحركت الذاكره شويه عشان نسمع منك الكثير . خاصة الأخ يوسف شامى

ميرغني النقي
03-23-2010, 05:19 PM
يا ميرغني ديمو حمداً على السلامة وعوداً حميداً وكيف حالك وأحوالك
مشتاقين والله
لك التحايا والأمنيات الطيبة

ميرغني النقي
03-23-2010, 05:21 PM
في رحاب الأميرية13
لقد كنا واحدة من الدفع الأربعة التي قضت خمسة أعوام بالقرير الأميرية كما يعلم الجميع، هذه الأعوام الخمسة قضيناها في أربع غرف أو أربع فصول سمها كما شئت، في كل فصل عام واحد فيما عدا الفصل الثاني من اليمين وأنت تواجه المدرسة فقد قضينا فيه عامين (سنة ثانية متوسط، وسنة أولى ثانوي عام) هذا بالنسبة لدفعتنا نحن 68/1973م، لذا كثيراً ما أصاب بخلطٍ في ذكريات هذا الفصل لأن الوضع لم يتغير كثيراً.
عموماً وما دمنا في سيرة الشقاوة، فمن فواتير شقاوة الآخرين التي دفعت ثمنها إننا وكعادتنا خرجنا في الفسحة وعلى غير عادته لم يخرج معنا صديقنا الخلوق عمر محمد أحمد دفع الله بحجة أنه كان يقوم بنقل الملخص الذي تركه الأستاذ على السبورة (ما عارف الاجتهاد النزل عليه فجأةً شنو) فظللت وأنا أقف خارج الفصل أطالبه وألح عليه بالخروج وهو يرفض فقفزت منبطحاً في الشباك لترتفع أقدامي عن الأرض أكثر من شبر، ومددت يدي محاولاً خطف القلم من يده فشتمني بكلمة بايخة، وفي هذه الأثناء كان يمر من خلفي الأستاذ الكبير محمد أحمد إبراهيم (أبو شيبة) والذي على ما اعتقد كان يقوم مقام المدير بالإنابة آنذاك، فأمسك بقميصي من ظهري وجذبني فنزلت ولم أكن أتوقع أن من جذبني أستاذ، وعندما درت نحوه طبع راحة يده اليمنى على خدي الأيسر في صفعة لم أذق مثلها من قبل وأردف قائلاً: قليل أدب ومر في طريقه، وبالرغم من المفاجئة التي ألجمتني والصفعة التي ألمتني حمدتُ الله كثيراً على أن الكلمة لم تكن بذيئة ولا نابئة.
أما هذه الفاتورة لم أدفعها وحدي وإنما دفعناها جماعة وقد عرفنا الجلد الجماعي قبل أن يعرف الناس الزواج الجماعي، وهي أننا كنا في فصل الشتاء وعندما يكون الجو بارداً نخرج في الفسحة ونجلس في مجموعات في الشمس أمام الفصول وفي إحدى المرات ونحن في الثانية متوسط أو الأولى ثانوي عام وبينما كنا نجلس كعادتنا جاء أحد أشقياء تلك الأيام الأخ الصديق عوض سليمان مطارداً أحد أصحابه وعندما لم يستطع الإمساك به رماه بحجر فأخطأه واصطدم الحجر بباب مكتب المعلمين وانعكس إلى الداخل مردفاً إلى صوت اصطدامه المزعج صوت حركته المضرس على البلاط، ولم تهدأ حركة هذا الحجر الملعون إلا بعد أن قبل عظم الشيطان واستقر بين قدمي الأستاذ علي عثمان كرار الذي خرج مسرعاً يحمل العصا وصاح فينا: تعالوا تعالوا هنا كلكم.
وعندما تجمعنا أمامه قال لنا: مين كان بيجدع بالحصحاص، أنا حا أعد من واحد إلى تلاتة إذا ما طلعتو الكان بيجدع بالحصحاص حا أضربكم ضرب فظيع جداً، ودون أن يتوقف لحظة حسب على أصابع يده: واحد اتنين تلاتة (كان في عدِّها أسرع من حكم المصارعة الحرة)، ثم بدأ الضرب وكان نصيبي خمسة جلدات لم تشفع لمن جاءوا بعدي.
للحقيقة لم أر عوض سليمان يرمي الحجر ولكن سمعت الجماعة وهم في طريقهم للمقصلة يتمتمون دا عوض سليمان ولكن لا أحد جاهر بذلك لأن ذلك يعتبر عيباً قد يؤدي إلى عزلك من الشلة.
للمربيين الجليلين الأستاذ محمد أحمد إبراهيم والأستاذ علي عثمان كرار كل الشكر على ما قدموه لنا ونسأل الله أن يجزيهم عنا خير الجزاء.
وللصديقين الحميمين عمر دفع الله وعوض سليمان ولكم جميعاً التحية والأمنيات والود.
نواصل...

montasir500
03-24-2010, 10:26 AM
تطردوني


مخيرين


تجلدوني


مخيرين


تقبلوني

مشكورين


رضيتو ولا ابيتو انا قاعد قاعد هنا

بس اتابع وساااااااااااااكت


لكم جميعا احترامي

علي شنان
03-24-2010, 01:46 PM
الاحباب زملاء الزمن الزين ومرتادى هذا البوست لكم عاطر التحايا
يقول الشاعر العربى القديم
(قد يجمع الله الشتيتين بعدما يظنان كل الظن الاّ تلاقيا )
لقد تحقق مراد هذا البيت قبل أمس الاثنين عندما وصلتنى مكالمة من الاخ
الرائع الدفعة الدينمو يفيدنى بأنه ونفر كريم من ابناء الاميرية فى لمّتهم
الاسبوعية بحدائق الهلتون . وقد كانت ليلة من امتع الليالى اذ اتاحت لى
فرصة التحدث مع اخوة اعزاء كرام ما كنت اتوقع لقاءهم مرة اخرى بعد
مضى كل هذه السنين .ولكننى امنت بالمثل الذى يقول (الحى يلاقى).هاتفت
كل من عبد الرحمن سيداحمد شامى . حمزة محمد على الحسين.فتح الرحمن
سيداحمد .عطا المنان عبدالمجيد (عطيرى).عبدالرحيم عثمان (ود دكى)
على او عبدالحميد جعفر (الاول على اللجنة دفعة 1969م) . ومولانا
الرجل الشفيف عبدالواحد عبدالحليم (الكاهن) .وهذا اللقب له قصة سوف
اعود لها لاحقا. لقد كانت ليلة ليلاء اعادتنى الى تلك الايام الخوالى والتّى
قلوبنا منها أواهل بعبق ذكرياتها المحببة للنفس .وكانت المفاجأة ايضا
وجود الفنان القامة صديق أحمد بين الحضور والذى أعاد لنا ذكرى أول
ظهور له كفنان مبدع عرفناه من خلال مسرح القرير الاميرية عندما
حضر بصحبة طلاب مدرسة الدبة الوسطى فى زيارة لهم لمدرستنا فى
أوائل سبعينات القرن الماضى .حقا لقد استمتعت أيّما متعة وانا اتبادل اطراف
الاحاديث الودية مع هذا واداعب ذاك وأذكّر احدهم بموقف أو طرفة .
هنيئا لكم اخوتى بهذه اللمة وهذه المودة التى تجمعكم ونأمل ان يمد الله
فى العمر ونلتقيكم ونجتمع معكم .وحقا انها لسنّة محمودة لكم اجرها باذن
الله .اكرر اسفى واعتذارى لمن لم يسعفنى الحظ بالتحدث معهم ولنا معكم
احبتى لقاءات هاتفية فى مقبل اجتماعاتكم باذن الله (وذلك اضعف الايمان)
(هاشم شنان)______________________________________
الاخ المنتصر لك التحايا واهلا بك فى هذه النافذة ولقد سعدت جدا جدا
بمرورك ومجاملتك اللطيفة ..وياخوى شوف لينا الاخ ابن القرير الاميرية
عبدالرحمن الشفيع اين هو وحثّه على المشاركة .
اخى ميرغنى ديمو مرحبا بك بعد الاياب وفى انتظار ما جادت به الذّاكرة
من لقاءاتك مع عبدالرحمن (ديمو+شامى) ..وعمر فتح الرحمن .(هاشم)

montasir500
03-25-2010, 12:52 PM
الاخ على شنان

لك التحية ولكل امراء الاميريه



حقا اقرا وكأني كنت حاضرا بينكم قمة التشويق وفن الكتابه والتوثيق لعهد فريد قل ان يجود الزمان بمثله

اشكركم جميعا وسأظل مرابط

توصل تحاياكم الي ابن الخاله الاستاذ عبدالرحمن الشفيع

احترامي

على الرزوقى
04-01-2010, 05:00 PM
أحبة الصبا لكم الود
حمد الله على السلامة ودديمو وكنت مشتاق الاقيك لكن جلسة الاثنين فقدناك فيها وقابلنا رقاقى وصلاح حسين سند - وحقيقة هى جلسة ممتعة وبقينا نخرم ليها جزى الله اخونا الدينمو كل خير لحرصه على هذا اللقاء حتى فى حالة غيابه لاى عذر .
جلسة الاثنين الفات كانت عامرة ورائعة روعة ابن القرير الاميرية الشاعر الفنان / أيوب محمد الحاج ـ أترككم معه لنجتر زكريات ذلك الزمان الجميل.....

YouTube - ‫ط£ظٹظˆط¨ ظ…ط*ظ…ط¯ ط§ظ„ط*ط§ط¬‬‎ (http://www.youtube.com/watch?v=fFxowqEcy2g)

عبدالله محمد الجزولي
04-14-2010, 12:04 AM
الاخ على شنان

لك التحية ولكل امراء الاميريه



حقا اقرا وكأني كنت حاضرا بينكم قمة التشويق وفن الكتابه والتوثيق لعهد فريد قل ان يجود الزمان بمثله

اشكركم جميعا وسأظل مرابط

توصل تحاياكم الي ابن الخاله الاستاذ عبدالرحمن الشفيع

احترامي

لك التحية أخى منتصر كيف حالك ياخى فى بلاد ياجوج وماجوج ديل الله معاك طبعاً تكون مشتاق شوق شديد للجزيرى الكبيرى مرتع صباك ويا حليل الجزيرى ياخى كل شى اتبدل والزمن بقى حكاية تحياتى للأخوان حسين وحمدتو والواثق لو بينكم تواصل دائم وخليك متابع حكاوينا بتاعت المدرسة البيضاء وجيب لنا عبدالرحمن الشفيع وهو كان رئيس فريقى فى الكوره بالمناسبه ! وكان هو كبيرنا ياخوى

ميرغني النقي
04-18-2010, 11:04 AM
في رحاب الأميرية14
خلال السنوات الخمسة التي قضيناها بالقرير الأميرية كانت هنالك بعض النشاطات الأدبية والثقافية التي تمارس بالمدرسة من ندوات وليالي سمر وحفلات ترفيهية تقام في مناسباتٍ مختلفة وعلى شرف القادمين في رحلات من المدارس الأخرى كمدرسة الدبة ومدرسة كورتي على سبيل المثال، وقد كانت تقام غالباً على المسطبة الواقعة أمام السفرة والتي تعتبر المسرح الرئيسي للمدرسة، ومن أبرز هذه النشاطات الجمعية الأدبية وهي ليلة ثقافية أدبية تقام أسبوعياً كل مساء يوم أربعاء ويساهم فيها جميع الطلبة وبعض المعلمين بالحضور والقليل منهم بالمشاركة الفعلية.
كانت لهذه الجمعية إدارة مصغرة تتغير بصورة دورية لا أدري مدتها، وتتكون هذه الإدارة من مشرف على الأقل من المعلمين غالباً ما يكون من معلمي العربي أو الدين ولكن ليس شرطاً، بالإضافة إلى طالبين مكلفين ببعض المهام منها تحديد بعض الطلاب لكتابة المواضيع (هذا إن لم يجدوا متطوعين للكتابة أو أن العدد المتطوع قليل)، بالإضافة إلى ذلك من مهامهم جمع المواضيع وعرضها على المشرف ليقوموا معاً بتنقيحها وتصحيحها واختيار ما يرونه مناسباً منها، وتنتهي مهامهم في تلك الليلة عند تقديمهم لأصحاب المواضيع وتوزيع الفرص على المتداخلين بالأسئلة وإدارة حلبة النقاش، لتبدأ هذه المهام من جديد مع صباح اليوم التالي.
ومما أذكر من الزملاء الذين كلفوا بهذه المهام الأخوان عبد الرحمن الشفيع، وصلاح حسين الحسن، وعبد المنعم محمد أحمد، وتاج الدين عثمان سعيد، والمرحوم بابكر علي بابكر، وآخرون، وما أنسى لا أنسى كيف كنت أنزوي عن أعينهم وأتجنب النظر في وجوههم عندما يأتون في المذاكرة لتحديد الذين سيكلفون بكتابة المواضيع، وعندما تمر هذه اللحظات أحس بأن همّاً ثقيلاً قد انزاح من على صدري ولم يحدث أن كلفت بكتابة موضوع سوى مرة واحدة وبعد التضرع والتوسل والاستجداء تم العفو عني.
وما دمت قد زججت بنفسي في هذا الموقف فحدث ولا حرج، فقد كنت والحقُّ يقال لا أملك أدنى نسبة من الشجاعة الأدبية تؤهلني للوقوف أمام مجموعة من الناس مهما كانت قليلة العدد وقريبة مني ومن سني لأقرأ عليها بصوت مسموع أيّ موضوع، ناهيك من أن أكون أنا كاتبه وسوف أتعرض إلى سيل من الأسئلة والنقاش، فقد كانت القراءة جهراً نقطة ضعفي ومصدر خوفي لذلك كنت لا أحب الحصص التي تكون فيها قراءة مثل حصص المطالعة والأدب والدين، لذا كان وجودي في الجمعية الأدبية كوجودي في مثل هذه الحصص، فأنا الحاضر الغائب في مثل هذه الحصص، تجدني شارد الذهن وجلاً يملأني الخوف من أن يداهمني الأستاذ بطلب القراءة، وعندما يكون الأمر حتمياً أي القراءة بالدور تجدني قبل أن يصلني الدور مجتهداً في القراءة بغية أن أحفظ القطعة ومع ذلك عندما يصلني الدور ارتبك وأتلعثم وأرى السطور تتبادل مواقعها والحروف تتداخل في بعضها ولن أنسى إنني ذات مرة قرأت هذه الجملة (أيتها التعسة)، قرأتها (أيتها التسعة) فضحك الجميع وقال لي الأستاذ إنت بي تقرا من وين.
بمناسبة القراءة من الكتاب والربكة اسمحوا لي أن أعود للوراء قليلاً لأحكي لكم هذه الطرفة وهي عندما كنت بالابتدائية وفي إحدى حصص المطالعة كانت القراءة بالدور، وعندما اقترب دوري صرت أبكي فسألني الأستاذ شيخ الفيل (مالك يا بني؟) فأجبته (عيوني فيهم الشطة) فضحك وقال لي (من وين جات الشطة، قوم أغسل وجهك)، ولم يطلب مني القراءة في تلك الحصة.
لقد ظللت أتهيب القراءة جهراً ولم استطع كسر هذا الحاجز، وقبل ثلاثة أعوام تقريباً كنا نجلس في فراش بكاء قريب لنا فقام الحضور يقرؤون أوراداً من كتاب المولد، كل واحد يقرأ جزءاً ويعطي الكتاب لجاره، وعندما اقترب دوري ادعيت بعض الأسباب وخرجت من الصيوان.
للنشاطات الأدبية والفنية بالقرير الأميرية حديث طويل وسنعود له مرة أخرى.
نواصل،،،،

عبدالله محمد الجزولي
04-19-2010, 10:45 PM
الأخ ميرغنى النقى لك التحية والله شوقتنا وشد حيلك ونحن فى انتظار فى رحاب ألأميريه 15 لقد اتحفتنا بهذا السرد الجميل الرائع روعة ذلك الزمن الجميل

ميرغني النقي
04-21-2010, 09:24 AM
الأخ ميرغنى النقى لك التحية والله شوقتنا وشد حيلك ونحن فى انتظار فى رحاب ألأميريه 15 لقد اتحفتنا بهذا السرد الجميل الرائع روعة ذلك الزمن الجميل
أخي العزيز ود الجزولي تحياتي وأمنياتي لك والشكر على المرور والمداخلة وحقيقة القراءة في الحصة عامة والجمعية الأدبية خاصة كانت مصدر قلق لشخصي.
أخي لمذا هذه الإنقطاعات نتمنى أن تواصلوا أنت ومن معك فيما بدأتموه وكلنا أمل في أن يعود هذا المنبر إلى سابق عهده ولكم جميعاً الود والإجلال

على الرزوقى
04-21-2010, 04:32 PM
الأحباء ميرغنى النقى وعبد الله الجزولى
لكم عاطر التحايا
تلقينا مكالماتكم الهاتفية ونحن فى الرحلة التى أقيمت فى مزرعة وزارة الثروة الحيوانية بالفكى هاشم شمال الخرطوم بحرى فلكم الشكر على هذا التواصل وأنتم فى بلاد الغربة نسأل الله أن يردكم سالمين غانمين .
نقلت لكم وصف حى بقلم الاخ/ الدينمو منقول من منتديات القرير للرحلة ، وسوف أوافيكم بالتوثيق للفيديو والصور علّها تكون إضافة مقدرة للتوثيق :ـ
الاخوة الاعزاء الاوفياء (جد اوفياء ) لكم التحية والاحترام ..
تمنيتكم كلكم معنا فى السودان وبالتحديد فى الخرطوم وبالتحديد فى الفكى هاشم او القرى المتحدة (الاسم الجديد ) تنادينا من اطراف واواسط ولاية الخرطوم وتجمعنا اكثرية بطلمبة بشائر .. واتجهنا شمالا نحو الفكى هاشم بل اتجهو نحو الموعد .. وانتظرت انا احبابا اعزاء .. واحد فوق كبرى شمبات وواحد كبرى كوبر فاتانى الاستاذ الاديب احمد عبدالوهاب (ابداعات الطمبور ) وقبله وصل الاستاذ عوض سيداحمد على الله .. ثم الشيخ على الرزوقى .. وكذلك اتجهو شمالا .. ورجعت انا لاصطحب استاذ الاجيال محمد الحسن احمد عبدالرحمن .. وكانت اللمة بمشروع الشعب .. الذى اكرمنا به الدكتور تاج الدين عثمان سعيد .. وكذلك الطباخ والعدة .. وحتى لانملا الصفحة باسماء الناس نذكر منهم (الناس الجديدين ) عبدالغفار احمد يوسف وعمر الخضر (الكرو) .. ولا يفوتنى ذكر الشيخ والاخ العزيز والذى تاجل سفره واكرمنا بحضوره ليسافر لبورتسودان عصرا وهو يغالب الدموع ونحن كذلك اخونا يوسف شامى هذا الانسان الانسان .. واخيه عبدالرحمن الذى سافر الى تنقاسى وحضر فى نفس اليوم ليلحق بالرحلة .. ما اجملكم وما احلاكم رفاق الاميرية .. ثم الاساتذة جميعهم الااستاذ الشفيع واستاذ محمد عبدالمطلب .. تصورو استاذ على عثمان بالمواصلات من الكلاكلة وعوض الكريم من الصالحة ووداعة عكود من الحاج يوسف .. كان الاجتماع ناجحا بدرجة الامتياز ..
اخوتى لااريد ان اتكلم عن الرحلة وحلاوتها .. وابداعات اخونا الفنان عبود تبورى الذى خلانا سكارى .. وقد وثقت الرحلة للنهاية بواسطة الاخوان عوض على الله والرزوقى وابنه الممتاز والذى ابلى بلاء حسنا عبدالسلام .. وسوف تنزل بالمنتدى قريبا جدا .. منتدى تنقاسى والقرير .. لاننسى ولن ننسى ابداعات اخونا عبدالرحيم دكى .. ونواصل ..

ميرغني ديمو
04-22-2010, 07:47 PM
الاخوان ميرغنى وعبدالله والرزوقى والدينمو جزاكم الله كل خير .
وماقصرتوا ...لكن يا ميرغنى العاده دى لسه معاك ...؟اتمنى ان تزول ...

علي شنان
04-23-2010, 07:27 PM
الاحباب سلام فى انتظار صور هذه الرحلة وفعالياتها التى مضى عليها الاسبوع
همتك اخى الرزوقى ونحن على جمر وشوق لاحد له (هاشم شنان)

ميرغني النقي
04-24-2010, 10:17 AM
الاخوة الاعزاء الاوفياء (جد اوفياء ) لكم التحية والاحترام ..
تمنيتكم كلكم معنا فى السودان وبالتحديد فى الخرطوم وبالتحديد فى الفكى هاشم او القرى المتحدة (الاسم الجديد )
شكراً لك الأخ الكريم علي الرزوقي على تواصلك واهتمامك بنا ومبادرتك بإخطارنا ومدنا بأخباركم ونتمنى لك التوفيق كما نتمنى أن تصلنا الأخبار المصورة ونقول لكم هنيئاً لكم ما أنتم فيه.
والشكر لك على أمنياتك لنا بأن نكون معكم وبإذن الله سنكون معكم يوماً
لك وللإخوان جميعاً أحر التحايا وأطيب الأمنيات

ميرغني النقي
04-24-2010, 10:19 AM
الاخوان ميرغنى وعبدالله والرزوقى والدينمو جزاكم الله كل خير .
وماقصرتوا ...لكن يا ميرغنى العاده دى لسه معاك ...؟اتمنى ان تزول ...
ألف شكر لك الأخ ميرغني ديمو على المرور والمشاركة والإهتمام بأخبار الزملاء ولك التحية ولكل الإخوة.
وبالمناسبة كيف كانت أخبارك مع الجمعية الأدبية، لا يخلو طالب في الأميرية من ذكريات مع هذه الجمعية
لك الود أخي العزيز

على الرزوقى
04-24-2010, 10:18 PM
http://www.tangasi.com/vb/imgupload/uploads/b2dd8dae9def1d512afb65b1ed412285.jpg
(http://www.tangasi.com/vb/imgupload/uploads/b2dd8dae9def1d512afb65b1ed412285.jpg)

الاحباب الأعزاء الشوق اليكم
حقيقة الصورة أعلاه وبعض الصور الأخرى سلّمنى لها الصديق ابن الدفعة / صلاح الدين حسين سند وهى صور تحكى عن ذلك الزمن الجميل ...
ابتدأتها بالعزيز المرحوم / صلاح محمد عثمان محارى ـ ذلك الشاب النظيف العفيف ذو الخلق القويم والروح المرحة الطيبة نسأل الله له المغفرة والرحمة وأن يحفظ أبنائه إنه نعم المجيب.

ميرغني ديمو
04-27-2010, 10:32 PM
اللهم اغفر له وارحمه وادخله فسيح جناتك مع الصديقين والشهداء وحسن اؤلئك رفيقا.

عبدالرحمن شامي
04-28-2010, 08:10 PM
الاخوان الاعزاء لكم التحايا العطره
لقد قضيت اجازة جميلة قابلت عدد كبير من الزملاء اعدنا فيها ذكريات الزمن الجميل ايام الاثنين بحدائق الهيلتون وكذلك بالرحله الجميلة بالفكي هاشم التي جمعت عدد كبير من الدفع والأساتذة الاعزاء المحترمين . وايضأ قابلنا الأخ كمال علي الشيخ بمنزله مع الاخ منصور النزير وودالامين
الاخ والصديق العزيز المرحوم صلاح محاري نسأل الله له المغفره وارحمه وان يدخله فسيح جناته مع الصديقين والشهداء وان يرعى ابنائه .لقد افتقدته كثيرا" لقد كان لا يفارقني طيلة اجازاتي السابقه منذ وصولي حتى رحيلي عن السودان له المغفرة والرحمة

على الرزوقى
04-28-2010, 08:32 PM
هذه الصورة لجانب من الرحلة التى أقامها ابناء القرير الأميرية تعزيزاً للرابطة
يالله أنحتو راسكم وورونا منهم ديل ..
هاشم شنان ربما ؟؟؟؟؟

http://www.tangasi.com/vb/imgupload/uploads/c98e58bb2a441cb9d9fd17e386aef81f.JPG (http://www.tangasi.com/vb/imgupload/uploads/c98e58bb2a441cb9d9fd17e386aef81f.JPG)

ميرغني ديمو
04-28-2010, 10:50 PM
والله يا الرزوقى الانجيب مايكروسكوب حتى نشوفهم ....

عبدالله محمد الجزولي
04-28-2010, 11:23 PM
شكرا للأخ على الرزوقى ولكن لم اتمكن من معرفة الناس وذلك لبعد الصوره لكم الشكر على المجهود

على الرزوقى
04-29-2010, 06:05 PM
يالله دى قريبة وفيديو فتشو الناس ديل منهم؟؟
عبود تبورى إبن القرير الأميرية يثرى لحظات الرحلة الجميلة طرباً وشجناً

YouTube - ‫ط¹ط¨ظˆط¯ طھط¨ظˆط±ظ‰‬‎ (http://www.youtube.com/watch?v=v6fVzMeyodA)

montasir500
05-01-2010, 11:41 AM
ناس القرير الوسطى والزمن الجميل سلام عليكم



وليكم تحايا واشواق والرحلة كانت حلوه بس الصور يالرزوقي ما واضحة




اخوكم حافظ حمبير

على الرزوقى
05-01-2010, 05:55 PM
منتصر وحافظ حمبير تحياتى لكم جميعا ً ـ الصور راقدة بس التصوير كان بدون فلاش عشان كدة ـ بنزلها كلها إن شاء الله
اسع كدى ورونا الأولاد ديل منهم .....

http://www.tangasi.com/vb/imgupload/uploads/f5543fd2496c5cc63905a27307ac9c93.jpg (http://www.tangasi.com/vb/imgupload/uploads/f5543fd2496c5cc63905a27307ac9c93.jpg)

على الرزوقى
05-01-2010, 06:04 PM
الأحباب الأعزاء مشاهدة من الرحلة وأعتذر عن عدم وضوح الصورة والصوت لأنى سجلت هذا الجزء بالموبايل .....

YouTube - ‫ط¹ط¨ظˆط¯ طھط¨ظˆط±ظ‰ ظˆط±ط*ظ„ط© ط§ظ„ظ‚ط±ظٹط± ط§ظ„ط§ظ…ظٹط±ظٹط©‬‎ (http://www.youtube.com/watch?v=kV2NtvKVJNY)

على الرزوقى
05-01-2010, 06:21 PM
الاخوان الاعزاء لكم التحايا العطره
لقد قضيت اجازة جميلة قابلت عدد كبير من الزملاء اعدنا فيها ذكريات الزمن الجميل ايام الاثنين بحدائق الهيلتون وكذلك بالرحله الجميلة بالفكي هاشم التي جمعت عدد كبير من الدفع والأساتذة الاعزاء المحترمين . وايضأ قابلنا الأخ كمال علي الشيخ بمنزله مع الاخ منصور النزير وودالامين
الاخ والصديق العزيز المرحوم صلاح محاري نسأل الله له المغفره وارحمه وان يدخله فسيح جناته مع الصديقين والشهداء وان يرعى ابنائه .لقد افتقدته كثيرا" لقد كان لا يفارقني طيلة اجازاتي السابقه منذ وصولي حتى رحيلي عن السودان له المغفرة والرحمة

رقاقى ود القوس أسعدتنا والله أيامك الجميلة بيننا وإن شاء الله دايماً متلمين فى الخير ، ونتمنى نلاقى كل الأحباب الذين فرق بيننا وبينهم الإغتراب ...

YouTube - ‫ط¹ط¨ظˆط¯ طھط¨ظˆط±ظ‰ ظ€ ط±ط*ظ„ط© ط§ظ„ظ‚ط±ظٹط±‬‎ (http://www.youtube.com/watch?v=1umOz328_JU)

على الرزوقى
05-01-2010, 08:12 PM
ودديمو سلامة النظر غايتو إن ماشفت الجاية دى أبقى ساكت على المايكرسكوب....
تسلمــــــــــــــــــوا...........

YouTube - ‫ط¹ط¨ظˆط¯ طھط¨ظˆط±ظ‰ ط±ط*ظ„ط© ط§ظ„ظ‚ط±ظٹط± ط§ظ„ط§ظ…ظٹط±ظٹط©‬‎ (http://www.youtube.com/watch?v=Jp9sGmi2rpw)

على الرزوقى
05-02-2010, 06:28 PM
بعض صور تلاميذ القرير الاميرية

http://www.tangasi.com/vb/imgupload/uploads/14915c66fe1c890a29551986f9d3d878.jpg (http://www.tangasi.com/vb/imgupload/uploads/14915c66fe1c890a29551986f9d3d878.jpg)

الولد اللابس عسكرى ماقرأ فى القرير

ميرغني ديمو
05-03-2010, 12:01 AM
بعض صور تلاميذ القرير الاميرية

http://www.tangasi.com/vb/imgupload/uploads/14915c66fe1c890a29551986f9d3d878.jpg (http://www.tangasi.com/vb/imgupload/uploads/14915c66fe1c890a29551986f9d3d878.jpg)

الولد اللابس عسكرى ماقرأ فى القرير

الاخوان ...صلاح سند..اسامه محمد الحسين..عادل الطيب الحمودى ..عبد الرحمن شامى ..عادل الطيب قابلته فى الاجازه دى بعد 30سنه..

ميرغني ديمو
05-03-2010, 12:04 AM
منتصر وحافظ حمبير تحياتى لكم جميعا ً ـ الصور راقدة بس التصوير كان بدون فلاش عشان كدة ـ بنزلها كلها إن شاء الله
اسع كدى ورونا الأولاد ديل منهم .....

http://www.tangasi.com/vb/imgupload/uploads/f5543fd2496c5cc63905a27307ac9c93.jpg (http://www.tangasi.com/vb/imgupload/uploads/f5543fd2496c5cc63905a27307ac9c93.jpg)
الاخوان ...سند ...عثمان محى الدين ..الثالث اتعبنى وغلبنى اتذكر الاسم ...لكن لازم اتذكره..

عبدالله محمد الجزولي
05-03-2010, 11:29 AM
ياحليلك يا ود ديمو جابولك الصوره عديل برضك ما قادر تجمع الذاكره خلاص !!! ده كلو من أكل الجداد الميت فى الحليج .

عبدالرحمن شامي
05-03-2010, 05:05 PM
الاخوان ...سند ...عثمان محى الدين ..الثالث اتعبنى وغلبنى اتذكر الاسم ...لكن لازم اتذكره..
الزول التالت ده على الله الريح

ميرغني النقي
05-03-2010, 06:02 PM
الإخوة الكرام رفاق الزمن الجميل لكم التحايا والأمنيات والود
أحبائي لقد أتحفتونا برحلتكم هذه، وما شاء الله، عيني باردي وماني حاسد وربنا يتم المقاصد.
الأخ علي الرزوقي لك الشكر على نقل الحفل لنا، وأنا قمت بتحميل كل الأغاني حتى أشاهدها بمزاج.
لكم جميعاً التحايا الحارة

ميرغني ديمو
05-04-2010, 11:45 AM
ياحليلك يا ود ديمو جابولك الصوره عديل برضك ما قادر تجمع الذاكره خلاص !!! ده كلو من أكل الجداد الميت فى الحليج .
عبدالله الشخصيه فاكره الاسم الرايح منى ...وجنس دا كتير ...
اكل الجداد الميت بس ...؟
وماخفى اعظم ....

عبدالله محمد الجزولي
05-05-2010, 02:19 PM
الأخ ميرغنى ديمو لك التحية ياخى كان تستعين بصديق !! تراهو عبدالرحمن شامى جابلك الأسم بالله ما اتذكرت على الله الريح ولعبو للكوره والشقاوه الزمان ؟ انت كدى حاول نزل صورتك القديمه زمن الأميريه !!

على الرزوقى
05-05-2010, 08:29 PM
الإخوة الكرام رفاق الزمن الجميل لكم التحايا والأمنيات والود

أحبائي لقد أتحفتونا برحلتكم هذه، وما شاء الله، عيني باردي وماني حاسد وربنا يتم المقاصد.
الأخ علي الرزوقي لك الشكر على نقل الحفل لنا، وأنا قمت بتحميل كل الأغاني حتى أشاهدها بمزاج.

لكم جميعاً التحايا الحارة


لك التحية أخى/ ميرغنى النقى وإن شاء الله سوف أنزل باقى حفلة الرحلة والصور ...
أها ياودديمو ديل إن عرفتهم تكون ذاكرتك رجعت بى نسبة 65%..............

http://www.tangasi.com/vb/imgupload/uploads/8b4b123fc53212ab683b7053bc4dc208.jpg (http://www.tangasi.com/vb/imgupload/uploads/8b4b123fc53212ab683b7053bc4dc208.jpg)

ميرغني ديمو
05-05-2010, 10:44 PM
لك التحية أخى/ ميرغنى النقى وإن شاء الله سوف أنزل باقى حفلة الرحلة والصور ...
أها ياودديمو ديل إن عرفتهم تكون ذاكرتك رجعت بى نسبة 65%..............

http://www.tangasi.com/vb/imgupload/uploads/8b4b123fc53212ab683b7053bc4dc208.jpg (http://www.tangasi.com/vb/imgupload/uploads/8b4b123fc53212ab683b7053bc4dc208.jpg)


صلاحات /حسين وسند..الشفيع ..الشيخ التيجانى...الخامس صراحه نسيت الاسم ..لكن يمشى ويجى ...

علي شنان
05-05-2010, 11:17 PM
الافاضل ابناء الصرح الشامخ فى الدواخل والوجدان لكم التحايا
حقيقة صور أعادت لنا ذكريات وعبق تلك الايام الغضة ..
الاخ ميرغنى ماشاء الله عليك ..وعينى باردة .وطبعا كما كتبت
فى بوست الاميرية بمنتدى القرير هذه الصور سهل علينا معرفتها
لانها مطبوعة وباقية فى الذاكرة وهم فى هذه السن الصغيرة..
ولكن الصعوبة الحقيقية لو كانت صورهم هذه الان بعد اشتعال
الرؤوس شيبا .
الشخصية التى لم تتعرف عليها هو اسماعيل (الازهرى) حسن الحاج
وهو من الزومة . ملاحظة هذه الصور تحديدا كانت فى استديو كريمة
بكريمة ادارة احمد محمد بشير وقد كان له فرع فى تنقاسى يفتح كل
يوم ثلاثاء .قبل ظهور استديو عبدالسلام التركى ..
لك وللاخوة مرتادى البوست كل تقدير ودمتم
(هاشم شنان)

على الرزوقى
05-06-2010, 09:21 AM
الافاضل ابناء الصرح الشامخ فى الدواخل والوجدان لكم التحايا
حقيقة صور أعادت لنا ذكريات وعبق تلك الايام الغضة ..
الاخ ميرغنى ماشاء الله عليك ..وعينى باردة .وطبعا كما كتبت
فى بوست الاميرية بمنتدى القرير هذه الصور سهل علينا معرفتها
لانها مطبوعة وباقية فى الذاكرة وهم فى هذه السن الصغيرة..
ولكن الصعوبة الحقيقية لو كانت صورهم هذه الان بعد اشتعال
الرؤوس شيبا .
الشخصية التى لم تتعرف عليها هو اسماعيل (الازهرى) حسن الحاج
وهو من الزومة . ملاحظة هذه الصور تحديدا كانت فى استديو كريمة
بكريمة ادارة احمد محمد بشير وقد كان له فرع فى تنقاسى يفتح كل
يوم ثلاثاء .قبل ظهور استديو عبدالسلام التركى ..
لك وللاخوة مرتادى البوست كل تقدير ودمتم
(هاشم شنان)

تسلم تسلم الحبيب هاشم شنان على الشرح الوافى المصاحب للصور فهو يعطى التوثيق الجمال الذى يستحقه.
وحقيقة كنت مستغرب العواين ديل إتصوروا وين ؟؟ لأنى أنا أول صورة اتصورها كانت فى الثانوى وعاجبانى أعاين لها كم زمن ....

salah hussain
05-06-2010, 12:36 PM
منتصر وحافظ حمبير تحياتى لكم جميعا ً ـ الصور راقدة بس التصوير كان بدون فلاش عشان كدة ـ بنزلها كلها إن شاء الله
اسع كدى ورونا الأولاد ديل منهم .....

http://www.tangasi.com/vb/imgupload/uploads/f5543fd2496c5cc63905a27307ac9c93.jpg (http://www.tangasi.com/vb/imgupload/uploads/f5543fd2496c5cc63905a27307ac9c93.jpg)

اعود والعود احمد ---وقبل ان اعلق على هذه الصورة التحفة --ارجو ان ابدا بتحية الاخ الجنتلمان --شعلة النشاط وصاحب القدح المعلا فى هذا التجمع الراقى (رابطة ابناء القرير الوسطى)والرايع اخى وصديقى الدينمو الذى سيظل هو حادى الركب وربان السفينة الذى يتحفنا دايما تاكيدا لان القرير انجبت وستظل تنجب كعهدنا بها دايما العظماء على مر الزمن --والتحية عبره للرايع احمد سعيد نوار --صاحب الدفاتر الذى مهما نكتب عنه فلن نوفيه حقه ابدا -- وهذه مقدمة باذن الله لزيارته بمعية اخى ابازر فى الاجازة الموعودة الشهر القادم --فاستعد ياالدينمو لجرجرتنا لك والطواف على من سبقتونا بزيارتهم --- جعل الله اخى الدنمو ما تقوم به فى موازين حسناتك ولن نوفيك قدرك يارايع ---

اعود للصورة التحفة التى ارجعتنى للزمن النضير --نضارة من فى الصورة توحى بذلك -- وادعو الله للمرحوم عثمان محى الدين ان يسكنه فسيح جناته مع الصديقين والشهداء --- وانى اتخيله الان قافزا من على سريره فى اتجاه احد شبابيك عنبر الرهد الاخير من الناحية الشرقيه --- فقد كان مهوسا رحمه الله --فى ذاك الزمان بصوت الكوز --وما ادراك ما الكوز الذى يعزف عزفا -- فى بدايات رمال القرير من الناحية الشمالية --كان للسفنوج فى زماننا سطوة على طريق ام درمان مروى -- يتفنن المساعد فى نوعية الكوز وطفقته --وربطه امام المروحة --فتئن انينا هذه السفنجة --حنية لابعد الحدود --يتفنن السايق فى تغيير التروس --واخونا عثمان محى الدين (من اولاد قنتى تربطه روابط القربى بتنقاسي ) كانت له حاسية سمع للكوز من على البعد --احيانا اللورى فى قوز هندى -او بدايات الكرى --وصاحبنا عثمان ينتظره على الشباك --وتسمع --امك --شيل الترس --اح-----رررر نمرة زفت دى --اجمل اصوات الكوز فى النمر الاولى --- اما سايرين بتاعت بوحات ديك بى نمرة اربعة --مابتخارج مع مجموعة عثمان وهم كثر--مهوسين بنوعية اللوارى --وسايقيها واصحابها وانواعها وتكويشاتها --والسفنوجات كان لها مجد زماننا --- هلا هلا ياجاهورى المابتوحل --وهلا هلا يا حسن حسين وحسن على الزين وجابر وترحيلات السلام لصاحبها عمر عبد السلام

الرجل التانى -- او بالاحرى الشاب ابو سفنجة --كانت هذه عادته --ياتيك انى شاء ويلبس انى يريد وكيف يشاء -- بالله شوفو سفنجة على الله الريح الخرب بيها الصورة لى صلاح سند --مع ان الصورة بها اشارات تمدن صاغها اوسط الصورة--السفنجة كانت موضة على اية حال --فقد كنا نطلق على اخوانا من اوسلى --عرب اوسلى مكاجرة وتندرا معهم --على الله الريح فضل المولى الريح --وهذا اسمه كاملا -- كان من اميز الطلاب رياضيا --(عربى جراي جنس جرى --ولعاب جنس لعب -وصاراع جنس مصارعة --ومع ذلك شاطر وبتاع رياضيات جمعنى واياه عشقى للرياضيات ) كانت له علاقة شقاوة مع محمد معروف --ومن اولئك الذين ابتدعوا ازيه الحريقة بالبلاستيك للطلاب النيام --يحشروها مع الورق حشرا بين الاصابع --معه محمد بشير الزين من الباسا -- فتقوم مفزوعا تلعن وتسب العربى -- لان كل من مسته حريقة الاصابع --يتجه اول ما يتهم على الله الريح او محمد بشير او ود معروف (اطلق الله سراحه )-- على الله الريح كتاب قايم بذاته -- وصداقته مع عثمان محى الدين وصلاح سند تعبر عنها هذه الصورة -- فكانوا لعابين فى الكورة --اضافة لزماله التدريس بين عثمان وعلى الله --- التقيت على الله الريح اول قدومى للسلطنة فقد كان استاذا معارا قبلى ---ولكنه غادر السلطنة اوايل حضورى لها --وانقطعت بنا السبل بعدها---فياريت اخونا الدنمو يجيب لينا خبروا-- فهذا من روايع القرير وكان احد اعمدة الفريق الاول فى زماننا
لم اتكلم عن سند لانه رفيق صبا -- وشبيه اسمى-- ما افترقنا من الاولية الى يومنا هذا-- ربطتنا الجيرة والصحبة --وحب القرير - والمهنة كذلك لاحقا ---نفس الشقاوة الهندسة المدنية -- الذى مازال يصر بعض اهلنا يطلقون علينا الطيانة المستحدثين

اعتقد جراب على الرزوقى مازال مليانة

حاشية ----
مقتطع من مداخلة ببوست القرير

salah hussain
05-06-2010, 12:39 PM
لك التحية أخى/ ميرغنى النقى وإن شاء الله سوف أنزل باقى حفلة الرحلة والصور ...
أها ياودديمو ديل إن عرفتهم تكون ذاكرتك رجعت بى نسبة 65%..............

http://www.tangasi.com/vb/imgupload/uploads/8b4b123fc53212ab683b7053bc4dc208.jpg (http://www.tangasi.com/vb/imgupload/uploads/8b4b123fc53212ab683b7053bc4dc208.jpg)

الا ليت ايام الصفاء جديد
ودهرا تولى يا بثينة يعود

هذه الصورة تستحق ان تكتب فيها مجلدات---فقد اثارت كوامن الشجن والذكرى --لايام الفناها والفتنا --ولو قدر لنا ان نعود لها لما غادرنا --مراتع الصبا ---ولو كنا نعلم ما استقدم من زماننا --لما برحنا ذاك الزمان الذى من فرط جهلنا حسبناه شرا فاتى ماهو اسوا منه بمراحل ---
لكل من هم فى الصور زكرى ومكانه خاصة --- ضاع منى منهم لفترة من ربط رجله --الشيخ التجانى الحسن من اولاد بربر--كان له اتصال بنا حتى مرحلة الجامعة ولكن الغربة قطعت لنا حبل الوصل --- والشيخ التجانى هذا رجل فنان وعازف طمبور بالعشق والتعلم فى القرير -- فاصبح شايقيا بالمكان --كان كثيرا ما يخرج معنا الى تنقاسي -- وله علاقة خاصة مع الاخ الجالس على الكرسي -- كما انه كان من لعيبة كرة القدم الفنانين -- وليس من جماعة الطقع ---
اسماعيل الازهرى حسن الحاج الخليفة من ابناء الزومة ---اخر عهدى به انه معلم فى المدارس الثانوية بعد اكماله لجامعة الفرع باصراره بعد ان تخرج من معاهد المعلمين (شندى اعتفد) التى خرجتهم معلمين للمدارس الوسطى ازهرى هذا -- كنا نعتبره خرطوميا --لان والده كان يعمل فى الخرطوم --والخرطومية تلك فى زماننا لها مداعباتها وحكاويها --خاصة اذا قارنا اهلها باولاد اوسلى والباسا خصوصا --- وكنا نعتبر من اتى من البندر ايا كان --به بعض نعومة ونفاخره نحن بالقراعة والعوم وشقاوة اهل القرى --لجهلنا وقتها ----ممتثلين احيانا
حسن البدواة مجلوب بتطرية وفى البداوة حسن غير مجلوب ---
واولاد الخرطوم هولاء --خايل عليهم الرداء الشين الشايفنو فى الصور دى ---عليكم الله يا خوانا الرداء دا ما فضيحة
--اخونا عبد الرحمن الشفيع من الجزيرة التلبناب ---للجيره والصحبة لم انقطع عنه الافى اواخر الايام لافة الغربة --ولكنى كنت له بالمرصاد والمداقرة لزمن بعد ان تاخر زواجه لزمن قريب--قبل عامين او ثلاث بالكثير -- وهو الان محامى بالخرطوم --
الاخ الجالس صلاح سند ما زلنا فى الحلوة والمرة --بعد ان تلازمنا ملازمة الظل من الاولية وحتى العمل كما زكرت ---

salah hussain
05-06-2010, 02:23 PM
http://algorer.com/vb/attachment.php?attachmentid=528&stc=1&d=1273143856
http://www.tungasi.com/vb/attachment.php?attachmentid=620&stc=1&d=1273152990

للمقارنة بين الحاضر والامس ---امس الامس فى الحقيقة
وشوفو الزمن ---ساقنا وين

كنا وين وكييييف
وهسع وييييين وكيييييف

ميرغني ديمو
05-06-2010, 02:54 PM
اها شنو ليك يا الرزوقى مو العين على باااااردى ....؟

salah hussain
05-06-2010, 04:46 PM
اها شنو ليك يا الرزوقى مو العين على باااااردى ....؟

صلاة النبى --عينى باردى

دى فيها كلام يا ميرغنى

ميرغني ديمو
05-06-2010, 10:45 PM
صلاة النبى --عينى باردى

دى فيها كلام يا ميرغنى

تسلم ابو عثمان

على الرزوقى
05-08-2010, 07:09 PM
اها شنو ليك يا الرزوقى مو العين على باااااردى ....؟

أبو سلومى ماشاء الله
بعد ده ذاكرتك رجعت يالله أتحفنا بالزكريات لو جبت 35% من زكريات هاشم شنان تكون 100% ...
تسلم وتحياتى ...

على الرزوقى
05-08-2010, 07:21 PM
كلمة الشيخ/ يوسف سيداحمد شامى فى رحلة أبناء القرير الأميرية الفكى هاشم شمال الخرطوم بحرى 19/4/2010

YouTube - ‫ط±ط*ظ„ط© ط§ظ„ظ‚ط±ظٹط±‬‎ (http://www.youtube.com/watch?v=RinnCCcPRSo)

عبدالرحمن شامي
05-08-2010, 07:45 PM
http://algorer.com/vb/attachment.php?attachmentid=528&stc=1&d=1273143856
http://www.tungasi.com/vb/attachment.php?attachmentid=620&stc=1&d=1273152990

للمقارنة بين الحاضر والامس ---امس الامس فى الحقيقة
وشوفو الزمن ---ساقنا وين

كنا وين وكييييف
وهسع وييييين وكيييييف


الاخ صلاح وكل الاخوة الاعزاء لكم تحياتي العطرة
حكايتنا دي كلها عشان نرجع بذاكرتنا للماضي الجميل في الاجازة اعدنا الامس مع الزملاء ونتمنى لكم اجازة كالتي قضيناها بحدائق الهيلتون و مزارع الفكي هاشم .
الاخ الرزوقي لو عندك صور من صور سند نزله شكراً

ميرغني ديمو
05-09-2010, 02:42 PM
أبو سلومى ماشاء الله
بعد ده ذاكرتك رجعت يالله أتحفنا بالزكريات لو جبت 35% من زكريات هاشم شنان تكون 100% ...
تسلم وتحياتى ...

الرزوقى سلام
هاشم شنان دا انا سمعت تحت تحت عنده مذكرات فى دفتر كبيييير..
يعنى قعد يبصبص ...وانا من راسى ما من كراسى زى مابيقولوا ....ولك وله كل الود .

ميرغني ديمو
05-09-2010, 02:57 PM
الرزوقى انت كلمة يوسف وينا .....؟ انا بلا الشى البتدور دى مابيجينى شى..
الحكاى دى عندى بس والله مانزلت كويس ..
غايتو البوست نور بى صورة شيخنا يوسف شامى
اخونا على نزل الكلمه دى مره تانى ...

على الرزوقى
05-09-2010, 08:56 PM
رائعة أخرى من محفوظات الباشمهندس / صلاح سند ـ المرحوم/ عبد الرحيم سيداحمد شامى الرائع روعة زماننا ذلك رحمه الله بقدر تلك الشهامة والمروءة التى ظلت تلازمه طوال حياته.....
أما الآخرين فعلمى فيهما كعلم ود ديمو عنهما......

http://www.tangasi.com/vb/imgupload/uploads/8893b015f509453751c52907beadbdaa.jpg (http://www.tangasi.com/vb/imgupload/uploads/8893b015f509453751c52907beadbdaa.jpg)

salah hussain
05-09-2010, 09:06 PM
رائعة أخرى من محفوظات الباشمهندس / صلاح سند ـ المرحوم/ عبد الرحيم سيداحمد شامى الرائع روعة زماننا ذلك رحمه الله بقدر تلك الشهامة والمروءة التى ظلت تلازمه طوال حياته.....
أما الآخرين فعلمى فيهما كعلم ود ديمو عنهما......

http://www.tangasi.com/vb/imgupload/uploads/8893b015f509453751c52907beadbdaa.jpg (http://www.tangasi.com/vb/imgupload/uploads/8893b015f509453751c52907beadbdaa.jpg)

الا رحم الله اخونا عبد الرحيم شامي وغفر له وادخله فسيح جناته

طبعا يا الرزوقي الاخوان في الصوره ليسوا من ابناء المدرسه البيضاء ---وهم من تنقاسي --الذي يقف خلف المرحوم يمين الصوره هو ابن خاله المرحوم --عبد الرحمن حماد (القريد) --ومعهم حسن عوض الله(ود زينب بره ) ان ما اكضب يا ديمو --اما بخصوص كلامك يا الرزوقي عن معرفه ود ديمو فاقول ليك كضبا كاضب لانو هني-- ديل ديمو بيعرفهم عرفه جد---و ---يغني ليك كرومه كمان --واذا اخطات انا فهو من سيصححني

سمير محمد الحردلو شامي
05-09-2010, 10:03 PM
ماك غلطان ياصلاح حسين ... فعلاً ديل القريد عبد الرحمن حماد وحسن عوض الله والمرحوم العم عبد الرحيم .... غايتو بس لقيتك سبقتني في التعريف ... ماشاء الله البوست ماشي .... وأنا قبل دة قلت ليكم دة تاني حدو قضارف .... سلملــم

ميرغني ديمو
05-10-2010, 12:45 AM
الا رحم الله اخونا عبد الرحيم شامي وغفر له وادخله فسيح جناته

طبعا يا الرزوقي الاخوان في الصوره ليسوا من ابناء المدرسه البيضاء ---وهم من تنقاسي --الذي يقف خلف المرحوم يمين الصوره هو ابن خاله المرحوم --عبد الرحمن حماد (القريد) --ومعهم حسن عوض الله(ود زينب بره ) ان ما اكضب يا ديمو --اما بخصوص كلامك يا الرزوقي عن معرفه ود ديمو فاقول ليك كضبا كاضب لانو هني-- ديل ديمو بيعرفهم عرفه جد---و ---يغني ليك كرومه كمان --واذا اخطات انا فهو من سيصححني


كلامك فى محله يا ابو عثمان ..
وربنا يرحم عبد الرحيم ويغفر له .

على الرزوقى
05-10-2010, 08:38 PM
YouTube - ‫ط¹ط¨ظˆط¯ طھط¨ظˆط±ظ‰ ط±ط*ظ„ط© ط§ظ„ظ‚ط±ظٹط± ط§ظ„ط§ظ…ظٹط±ظٹط©‬‎ (http://www.youtube.com/watch?v=Jp9sGmi2rpw)

جانب من الرحلة

ميرغني ديمو
05-11-2010, 12:54 AM
youtube - ‫ط¹ط¨ظˆط¯ طھط¨ظˆط±ظ‰ ط±ط*ظ„ط© ط§ظ„ظ‚ط±ظٹط± ط§ظ„ط§ظ…ظٹط±ظٹط©‬‎ (http://www.youtube.com/watch?v=jp9sgmi2rpw)



جانب من الرحلة

الرزوقى الله يرزقك ويفتحها عليك قول اااااامين .
ومع الشكر ...

على الرزوقى
05-11-2010, 08:40 AM
[quote=ميرغني ديمو;93210]الرزوقى الله يرزقك ويفتحها عليك قول اااااامين .
ومع الشكر ...[/qu


كتر خيرك ميرغنى ....
الزول الواقف شمال يوسف الشامى اب عمة ده/ عبد الغفار أحمد يوسف .... يالله كلمنى عنه لو متذكرو؟

عبدالله محمد الجزولي
05-13-2010, 01:22 PM
الرزوقى الله يديك العافيه استمتعنا بافن الجميل والكلمات الرائعة روعة حمدسعيد وعبود ووجود زملاء الزمن الجميل لك ولهم التحية ويلا نزل الباقى من الصور وفعاليات الرحله

عبدالله محمد الجزولي
05-13-2010, 01:23 PM
الرزوقى الله يديك العافيه استمتعنا بالفن الجميل والكلمات الرائعة روعة حمدسعيد وعبود ووجود زملاء الزمن الجميل لك ولهم التحية ويلا نزل الباقى من الصور وفعاليات الرحله ولك الشكر الجزيل

عبدالله محمد الجزولي
05-13-2010, 10:58 PM
http://www.ii1i.com/uploads6/0a1569688d.jpg (http://www.ii1i.com)

هذه صوره لزملاء الزمن الجميل وكانت فى الخرطوم بعد الأمتحانات وتظهر عليها علامات النعومه

ميرغني ديمو
05-14-2010, 09:25 PM
http://www.ii1i.com/uploads6/0a1569688d.jpg (http://www.ii1i.com)

هذه صوره لزملاء الزمن الجميل وكانت فى الخرطوم بعد الأمتحانات وتظهر عليها علامات النعومه

ود الجزولى و ود الباهى بس التالت ماعرفتو ...
شنو ليك ...؟

مامان
05-15-2010, 03:36 PM
الإخوة المتداخلون

تحية للجميع

ساعدتني الظروف أن نقوم برحلة أنا والأخ محمد عوض الحاج ،أحد خريجي القرير الأميرية. والرجل يختزن في ذاكرته أحداث بتفاصيلها عن فترة الدراسة بالمدرسة.. وقد قمت بتسجيل الذكريات وسأنزلها بصوته، فإلى الحلقة الأولى

http://www.tawtheeg.info/tawtheeg/shamel/maman299a/mawad01.mp3

علي شنان
05-17-2010, 10:22 PM
الله الله عليكم .. اخى الرائع مامان ..واخى المؤرخ محمد عوض الحاج لكم عاطر التحايا
حقيقة قبل ان استمع لهذا التسجيل كنت اعتقد بأننى ذو ذاكرة حديدية كما نعتنى الزملاءولكن
الان اقتنعت وايقنت بالمثل الذى يقول (حواء والدة) .حقيقة اخى محمد سردك شيق وتوثيقى
وماشاء الله وقائع قاربت على الخمسين عاما ومن خلال سردك لها كأنها البارحة .لله
دركما ..واصلوا ونحن كلنا آذان ..
رحم الله الرئيس عبود وعهده الزاهر والذى اتاح لابناء اهلى الغبش التعليم المجانى
وقد كانت مروى الثانوية بنين تلك القلعة الشامخة ثمرة من ثمار ذلك العهد الزاهر ....

salah hussain
05-18-2010, 12:20 PM
شكرا مامان على التسجيل

انت يا ديمو الجيب الصغير الفى الرداء برضو كنتو تسمهوه جيب الساعة ---

انت ماك ترزى ---ورنا الاسم ياخوى

الجيب المسنوح دا يا مرغنى ---ختيت فيهو ابقرشين ---ونسيتو --اغسل اكوى --- محمد حجار ما بعرف جاب قماش سكوبيس والله شنو --ما عارف --ليكون هو قماش الجيب --- المهم الجيب اتقدا --- وعوقنى بعد داك --عامل حريف ادسدس --- القروش تروح ---شلنات وقع الظاهر

نحن طبعا ما حضرنا المصاريف --مجانى المدرسة البيضاء يظلمك قلمك --- الاهلية -(مدرسة بهاء الدين )--كان عليهم مصاريف الداخلية ومصاريف اخرى ---

مامان
05-18-2010, 12:56 PM
ذكريات محمد عوض الحاج - الجزء الثاني

http://www.tawtheeg.info/tawtheeg/shamel/maman299a/mawad2.mp3

عبدالرحمن شامي
05-18-2010, 09:29 PM
http://www.ii1i.com/uploads6/0a1569688d.jpg (http://www.ii1i.com)

هذه صوره لزملاء الزمن الجميل وكانت فى الخرطوم بعد الأمتحانات وتظهر عليها علامات النعومه


الاخ عبدالله الجزولي كيف حالك
غايتوا دي الصورة الفي راس الواحد مخزنة. مادام انت وود الباهي يمكن معاكم ود القطن

عبدالرحمن شامي
05-18-2010, 09:52 PM
الاخ مامان و الاخ محمد عوض لكم التحايا والاشواق الحارة
كونوا سمعنا صوتكم وذكرياتكم الجميلة كفايه علينا ونشكركم وفي انتظارالمزيد

عبدالرحمن شامي
05-18-2010, 09:53 PM
الاخ مامان و الاخ محمد عوض لكم التحايا والاشواق الحارة
كونوا سمعنا صوتكم وذكرياتكم الجميلة كفايه علينا ونشكركم وفي انتظار المزيد

ميرغني ديمو
05-18-2010, 11:09 PM
الإخوة المتداخلون


تحية للجميع

ساعدتني الظروف أن نقوم برحلة أنا والأخ محمد عوض الحاج ،أحد خريجي القرير الأميرية. والرجل يختزن في ذاكرته أحداث بتفاصيلها عن فترة الدراسة بالمدرسة.. وقد قمت بتسجيل الذكريات وسأنزلها بصوته، فإلى الحلقة الأولى


http://www.tawtheeg.info/tawtheeg/shamel/maman299a/mawad01.mp3


الاخوان مامان ومحمد اعلكم طيبين
وبركه السمعنا صوتكم ....لكن الحلقه الاولى ابت تشتغل معاى ....الحاصل شنو ...؟

ميرغني ديمو
05-18-2010, 11:14 PM
شكرا مامان على التسجيل

انت يا ديمو الجيب الصغير الفى الرداء برضو كنتو تسمهوه جيب الساعة ---

انت ماك ترزى ---ورنا الاسم ياخوى

الجيب المسنوح دا يا مرغنى ---ختيت فيهو ابقرشين ---ونسيتو --اغسل اكوى --- محمد حجار ما بعرف جاب قماش سكوبيس والله شنو --ما عارف --ليكون هو قماش الجيب --- المهم الجيب اتقدا --- وعوقنى بعد داك --عامل حريف ادسدس --- القروش تروح ---شلنات وقع الظاهر

نحن طبعا ما حضرنا المصاريف --مجانى المدرسة البيضاء يظلمك قلمك --- الاهلية -(مدرسة بهاء الدين )--كان عليهم مصاريف الداخلية ومصاريف اخرى ---

مساك الله بالخير يا صلاح ..انا مافاهم حاجه .....؟ اظنك تتكلم ان الحلقه الاولى بتاعت مامان وصلاح ...ولكن للاسف لم اسمعها لانها ابت تشتغل معاى ...اما الثانيه اشتغلت ...

الدينمو
05-21-2010, 11:30 AM
الاخوة الاعزاء اخوة الزمن الجميل .. لكم التحية ..
مشغوليات الحياة حرمتنا منكم .. وربنا يقدرنا ويديكم العافى .
غدا السبت ان شاء الله نشد الرحال لتكريم استاذ قامة .. سكب العرق ليعلمنا .. فله منا التحية استاذنا الشفيع العبيد .. وسوف نكرمه بمنزله بالثورة الحارة 19 .. وتلاقينا عند طلمبة بتروناس الواقعة بين الوادى والنص بمدخل حلايب .. قبل المغرب ..
الدعوة كذلك موجهة لطالبات تنقاسى العامة لحضور التكريم .. مع تحياتى

مامان
05-21-2010, 01:34 PM
ذكريات محمد عوض الحاج بصوته- الجزء الثالث


http://www.tawtheeg.info/tawtheeg/shamel/maman299a/mawad3.mp3

عبدالرحمن شامي
05-22-2010, 05:37 PM
ذكريات محمد عوض الحاج بصوته- الجزء الثالث



http://www.tawtheeg.info/tawtheeg/shamel/maman299a/mawad3.mp3

الاخ محمد سلامات

والله مشتاقين لى شوفتك وونستك ليه ماتشترك معانا فى المنتدى . سعدت بذكرياتك .

ميرغني النقي
05-22-2010, 06:05 PM
كلمة الشيخ/ يوسف سيداحمد شامى فى رحلة أبناء القرير الأميرية الفكى هاشم شمال الخرطوم بحرى 19/4/2010

youtube - ‫ط±ط*ظ„ط© ط§ظ„ظ‚ط±ظٹط±‬‎ (http://www.youtube.com/watch?v=rinncccprso)

ألف شكر ليك الأخ علي الرزوقي على مجهوداتك الجبارة والتحايا والأمنيات للشيخ يوسف شامي وأمنياتي له بوافر الصحة والعافية.
لكم جميعاً الود والاحترام

ميرغني النقي
05-22-2010, 06:11 PM
http://www.ii1i.com/uploads6/0a1569688d.jpg (http://www.ii1i.com)

هذه صوره لزملاء الزمن الجميل وكانت فى الخرطوم بعد الأمتحانات وتظهر عليها علامات النعومه
الله يا ود الجزولي الله يشرح قلبك زي ما شرحت قلبي، كم كانت سعادتي وأنا أراكم أنت والأخ العزيز ود الباهي فأرى نفسي فيكما.
لكما التحية والأمنيات

ميرغني النقي
05-22-2010, 06:14 PM
الإخوة المتداخلون


تحية للجميع

ساعدتني الظروف أن نقوم برحلة أنا والأخ محمد عوض الحاج ،أحد خريجي القرير الأميرية. والرجل يختزن في ذاكرته أحداث بتفاصيلها عن فترة الدراسة بالمدرسة.. وقد قمت بتسجيل الذكريات وسأنزلها بصوته، فإلى الحلقة الأولى


http://www.tawtheeg.info/tawtheeg/shamel/maman299a/mawad01.mp3

لك التحية أخي مامان وكل الود
نفس المشكلة التي واجهتني في مندى القرير وهي لا تفتح معي
تحياتي وأمنياتي

ميرغني النقي
05-22-2010, 06:28 PM
في رحاب الأميرية15
ذكرنا أنه بالإضافة للنشاط الثقافي الأساسي بالقرير الأميرية والذي يتمثل في الجمعية الأدبية التي كانت تقام أسبوعياً كانت هناك الكثير من النشاطات الأدبية والثقافية وليالي الثمر والحفلات التي تقام في المناسبات القومية وفي حالة الزيارات والرحلات المدرسية التي كانت تقوم بها بعض المدارس لمدرسة القرير الأميرية مثال مدارس الدبة وكورتي وبعض مدارس المنطقة وقد كانت هذه الحفلات تقام على مسرح الأميرية أو خارجها في المناسبات التي تشارك فيها، كما كانت تقام بواسطة طلاب المدرسة غالباً وفي أحيان ليست بالكثيرة يشارك بعض من فناني المنطقة، وكما كان لجزيرة مساوي حضور جيد في عالم الرياضة وفي مجال كرة القدم كان لقوز قرافي حضور جيد في عالم الفن وفي مجال الغناء حيث رفد قوز قرافي عالم الفن والغناء خلال فترتنا بالأميرية بكوكبة من الفنانين المتميزين أمثال محمد أحمد سليمان (ود مسعود)، إبراهيم صالح، والموهبة المرحوم عبد الواحد سراج النور، بالإضافة إلى الأديب والشاعر عبد المنعم محمد أحمد وطيب الذكر المرحوم بابكر علي بابكر وأبو ذر الكامل والسر وداعة ومحمد علي حضيري وأبو بكر عبد الله آدم وعمر سعيد وعثمان محمد أحمد وطه وطه وجاد الله محجوب وغيرهم من تلك النخبة الذين كان لهم مسرحهم الخاص الذي لا يحده المكان ولا الزمان فهو موجود حيثما وجدوا، وقد كان لتعاملهم الذي يعتبر في حد ذاته ضرباً من ضروب الفن الراقي الأثر الكبير في جذب الكثيرين من أبناء المناطق الأخرى (وأنا منهم) إلى مسرحهم الخاص وحقاً المورد العذب كثير الزحام، لهم جميعاً الود والأمنيات الطيبة.
عفواً رفاق الزمن الجميل فقد قذفتني أمواج ذكريات مسرح الأحباب (التي لا يمكن اختصارها في هذه الأسطر القليلة) بعيداً عن شاطئ مسرح الأميرية الأم، وهاأنذا بعد صراع عنيف مع أمواج وتيار الذكريات الصاخب أمسك بطرف المسرح الأم لتتمثل لي صورة الفنان الرائع عبد الرحمن الشيخ (أوسلي) في إحدى تمثيلياته تلك التي تشير إلى أنه كاد أن يقع في مصيدة نصب لو لا ابنه فظيل (بالظاء) الذي نال حظاً من التعليم على خلاف أبناء عرب البادية في ذاك الزمان، وها هي صورته وكأنه ماثل أمامي الآن وهو يقف بساق واحدة واضعاً قدم رجله اليمنى على ركبة رجله اليسرى، وواضعاً يديه على عصا متعارضة على كتفيه وهو يردد:
الليلة يا فظيل الليلة حوبتك جات
ودخلتك مدارس وعلموك خوجات
وبعد أن يكمل المقطع يقول:
اعركها يا فظيل
كما تمثل لي صورته في تمثيلية أخرى بعد أن حكمت عليه المحكمة في جنحة ارتكبها (على ما اعتقد الاعتداء على أحد رموز المستعمر) بالغرامة خمسة جنيه وهو خارج من المحكمة يردد ومن معه.
خمسة جنيه ولا هميا
خمسة جنيه ضنب حاشيا
كذلك كلما مرت بخاطري ذكريات مسرح الأميرية قفزت إلى ذهني صورة الأخ وداعة طه وهو يؤدي دور بامسيكا في تلك المسرحية التي كانت لها أيام وقد أجاده بجدارة بمقاييسي وإلا لما ظل محفوراً في ذاكرتي حتى الآن، كما ظلت صورة الأخ والصديق ابن الدفعة محمد أحمد خليفة (ود الشرق) ماثلة أمامي وأنا أسرد هذه الذكريات وكأني أراه وهو يجلس خلف المسرح ليلقن الممثلين ما فات عليهم في مسرحية بامسيكا التي كان يحفظ جميع أدوارها، كما تطوف بذاكرتي صورة الأخ تاج الدين عثمان والأخ عبد الحليم (حلم) وآخرين كثر.
أما عن دوري في مسرح الأميرية فلم يكن أفضل من دوري في الجمعية الأدبية، فلم يحدث لي أن شاركت في هذا المسرح سوى مرة واحدة فوجئت فيها باستدعائي إلى المسرح فيما يسمى بالقبعة، وقد كان لزاماً على من لا يستطيع الإجابة أن يحكي نكتةً أو يقول أبياتاً من الشعر، ومنذ اللحظة التي تم فيها استدعائي وقبل أن أعرف السؤال قفزت أفكاري تبحث عن أبيات شعرٍ أو نكتة، ولم يفتح الله عليّ إلا بهذين البيتين:
قردان من أذكى القرودِ تعلما حسن النظامْ
في كلِّ شيء قلدا الإنسانَ إلا في الكلامْ
لمن لا يعرف هذين البيتين فهما أول بيتٍ في القصيدة وآخر بيتٍ فيها.
الحديثُ عن مسرح الأميرية لا يمكن اختصاره في هذه الكبسولة، ولكن ما دمنا في زمن الملفات المضغوطة فليعتبر كلٌّ من شهد ذلك المسرح أسطرى هذه ملفاً مضغوطاً ويقوم بفكه حسب مخزونه وأنا على يقين بأن مستودعات الذكريات تنتظر من يشعل الزناد.
نواصل

مامان
05-23-2010, 04:22 PM
ذكريات محمد عوض الحاج: الجزء الرابع
http://www.tawtheeg.info/tawtheeg/shamel/maman299a/mawad4.mp3

ذكريات محمد عوض الحاج: الجزء الخامس

http://www.tawtheeg.info/tawtheeg/shamel/maman299a/mawad5.mp3

ميرغني ديمو
05-24-2010, 12:57 AM
في رحاب الأميرية15

ذكرنا أنه بالإضافة للنشاط الثقافي الأساسي بالقرير الأميرية والذي يتمثل في الجمعية الأدبية التي كانت تقام أسبوعياً كانت هناك الكثير من النشاطات الأدبية والثقافية وليالي الثمر والحفلات التي تقام في المناسبات القومية وفي حالة الزيارات والرحلات المدرسية التي كانت تقوم بها بعض المدارس لمدرسة القرير الأميرية مثال مدارس الدبة وكورتي وبعض مدارس المنطقة وقد كانت هذه الحفلات تقام على مسرح الأميرية أو خارجها في المناسبات التي تشارك فيها، كما كانت تقام بواسطة طلاب المدرسة غالباً وفي أحيان ليست بالكثيرة يشارك بعض من فناني المنطقة، وكما كان لجزيرة مساوي حضور جيد في عالم الرياضة وفي مجال كرة القدم كان لقوز قرافي حضور جيد في عالم الفن وفي مجال الغناء حيث رفد قوز قرافي عالم الفن والغناء خلال فترتنا بالأميرية بكوكبة من الفنانين المتميزين أمثال محمد أحمد سليمان (ود مسعود)، إبراهيم صالح، والموهبة المرحوم عبد الواحد سراج النور، بالإضافة إلى الأديب والشاعر عبد المنعم محمد أحمد وطيب الذكر المرحوم بابكر علي بابكر وأبو ذر الكامل والسر وداعة ومحمد علي حضيري وأبو بكر عبد الله آدم وعمر سعيد وعثمان محمد أحمد وطه وطه وجاد الله محجوب وغيرهم من تلك النخبة الذين كان لهم مسرحهم الخاص الذي لا يحده المكان ولا الزمان فهو موجود حيثما وجدوا، وقد كان لتعاملهم الذي يعتبر في حد ذاته ضرباً من ضروب الفن الراقي الأثر الكبير في جذب الكثيرين من أبناء المناطق الأخرى (وأنا منهم) إلى مسرحهم الخاص وحقاً المورد العذب كثير الزحام، لهم جميعاً الود والأمنيات الطيبة.
عفواً رفاق الزمن الجميل فقد قذفتني أمواج ذكريات مسرح الأحباب (التي لا يمكن اختصارها في هذه الأسطر القليلة) بعيداً عن شاطئ مسرح الأميرية الأم، وهاأنذا بعد صراع عنيف مع أمواج وتيار الذكريات الصاخب أمسك بطرف المسرح الأم لتتمثل لي صورة الفنان الرائع عبد الرحمن الشيخ (أوسلي) في إحدى تمثيلياته تلك التي تشير إلى أنه كاد أن يقع في مصيدة نصب لو لا ابنه فظيل (بالظاء) الذي نال حظاً من التعليم على خلاف أبناء عرب البادية في ذاك الزمان، وها هي صورته وكأنه ماثل أمامي الآن وهو يقف بساق واحدة واضعاً قدم رجله اليمنى على ركبة رجله اليسرى، وواضعاً يديه على عصا متعارضة على كتفيه وهو يردد:
الليلة يا فظيل الليلة حوبتك جات
ودخلتك مدارس وعلموك خوجات
وبعد أن يكمل المقطع يقول:
اعركها يا فظيل
كما تمثل لي صورته في تمثيلية أخرى بعد أن حكمت عليه المحكمة في جنحة ارتكبها (على ما اعتقد الاعتداء على أحد رموز المستعمر) بالغرامة خمسة جنيه وهو خارج من المحكمة يردد ومن معه.
خمسة جنيه ولا هميا
خمسة جنيه ضنب حاشيا
كذلك كلما مرت بخاطري ذكريات مسرح الأميرية قفزت إلى ذهني صورة الأخ وداعة طه وهو يؤدي دور بامسيكا في تلك المسرحية التي كانت لها أيام وقد أجاده بجدارة بمقاييسي وإلا لما ظل محفوراً في ذاكرتي حتى الآن، كما ظلت صورة الأخ والصديق ابن الدفعة محمد أحمد خليفة (ود الشرق) ماثلة أمامي وأنا أسرد هذه الذكريات وكأني أراه وهو يجلس خلف المسرح ليلقن الممثلين ما فات عليهم في مسرحية بامسيكا التي كان يحفظ جميع أدوارها، كما تطوف بذاكرتي صورة الأخ تاج الدين عثمان والأخ عبد الحليم (حلم) وآخرين كثر.
أما عن دوري في مسرح الأميرية فلم يكن أفضل من دوري في الجمعية الأدبية، فلم يحدث لي أن شاركت في هذا المسرح سوى مرة واحدة فوجئت فيها باستدعائي إلى المسرح فيما يسمى بالقبعة، وقد كان لزاماً على من لا يستطيع الإجابة أن يحكي نكتةً أو يقول أبياتاً من الشعر، ومنذ اللحظة التي تم فيها استدعائي وقبل أن أعرف السؤال قفزت أفكاري تبحث عن أبيات شعرٍ أو نكتة، ولم يفتح الله عليّ إلا بهذين البيتين:
قردان من أذكى القرودِ تعلما حسن النظامْ
في كلِّ شيء قلدا الإنسانَ إلا في الكلامْ
لمن لا يعرف هذين البيتين فهما أول بيتٍ في القصيدة وآخر بيتٍ فيها.
الحديثُ عن مسرح الأميرية لا يمكن اختصاره في هذه الكبسولة، ولكن ما دمنا في زمن الملفات المضغوطة فليعتبر كلٌّ من شهد ذلك المسرح أسطرى هذه ملفاً مضغوطاً ويقوم بفكه حسب مخزونه وأنا على يقين بأن مستودعات الذكريات تنتظر من يشعل الزناد.
نواصل

ميرغنى اذيك واعلك طيبه مالو غيبتك طالت .؟
وبعدين الله يدينى نص كبسولتك دى ...

ميرغني النقي
05-30-2010, 06:12 PM
ميرغنى اذيك واعلك طيبه مالو غيبتك طالت .؟
وبعدين الله يدينى نص كبسولتك دى ...
تشكر أخي ميرغني ديمو على المرور والمشاركة، وأكيد يا ميرغني عندك ذكريات من مسرح الأميرية، بالله عليك الله اتحفنا بي حاجة كدا.
لك الإجلال والمودة

الدينمو
06-04-2010, 09:40 PM
اخوتى اخوة الزمن الجميل .. السلام عليكم .. ونعلكم طيبين ..
مشاغل الدنيا مما فت منك ولى هادى الوكت ايضا كذلك الى ما بعدو ضدى مبشتنابى ..
اخوانى الاعزاء كان من المفترض الكتابة باستمرار .. ولكن اااه .. ومازلنا مواصلين برامجنا وتكريمنا لمعلمينا الذين سكبو العرق من اجلنا .. فاننا هذه المرة نحتفل ونكرم احد هذه القامات وهو الاستاذ محمد الحسن احمد عبدالرحمن والذى عمل بهذه المؤسسة مرتين .. وسوف يكون التكريم بمنزله بالسلمة شمال يوم غد السبت عقب صلاة المغرب ويكون التلاقى الساعة ستة ونص بطلمبة بشاير الكدرو .. مع تحياتى وشكرى..

ميرغني ديمو
06-06-2010, 01:28 PM
هاشم شنان دفترتك خلص والله شنو ......؟

على الرزوقى
06-06-2010, 09:04 PM
كنا على موعد يوم أمس 5/6/2010 بزيارة أستاذنا الجليل / محمد الحسن أحمد عبد الرحمن ـ وقد تم تكريمه بواسطة رابطة طلاب القرير الأميرية بحضور عدد كبير من طلابه وعارفى فضله ورابطة أبناء مروى بمنطقة السلمة وأم القرى إضافة للفنان/ صديق أحمد .
نتركه يوثق لتلك الأيام الجميلة فى هذه المشاهدة:ـ

YouTube - ‫طھظƒط±ظٹظ… ط§ظ„ط§ط³طھط§ط°/ظ…ط*ظ…ط¯ ط§ظ„ط*ط³ظ† ط§ط*ظ…ط¯ ط¹ط¨ط¯ ط§ظ„ط±ط*ظ…ظ†‬‎ (http://www.youtube.com/watch?v=UlGeCLbZ3YM)

ميرغني ديمو
06-07-2010, 01:02 PM
كنا على موعد يوم أمس 5/6/2010 بزيارة أستاذنا الجليل / محمد الحسن أحمد عبد الرحمن ـ وقد تم تكريمه بواسطة رابطة طلاب القرير الأميرية بحضور عدد كبير من طلابه وعارفى فضله ورابطة أبناء مروى بمنطقة السلمة وأم القرى إضافة للفنان/ صديق أحمد .
نتركه يوثق لتلك الأيام الجميلة فى هذه المشاهدة:ـ

youtube - ‫طھظƒط±ظٹظ… ط§ظ„ط§ط³طھط§ط°/ظ…ط*ظ…ط¯ ط§ظ„ط*ط³ظ† ط§ط*ظ…ط¯ ط¹ط¨ط¯ ط§ظ„ط±ط*ظ…ظ†‬‎ (http://www.youtube.com/watch?v=ulgeclbz3ym)



الاخ الرزوقى ...كيفك وشكرا ...
انت مخى دا بقى مو ياهو والله شنو ؟
الاستاذ محمد الحسن دا يبقالى ما مر على....وما درسنى ......الكلام دا ياهو ...؟

ميرغني ديمو
06-07-2010, 01:06 PM
[quote=على الرزوقى;100104]كنا على موعد يوم أمس 5/6/2010 بزيارة أستاذنا الجليل / محمد الحسن أحمد عبد الرحمن ـ وقد تم تكريمه بواسطة رابطة طلاب القرير الأميرية بحضور عدد كبير من طلابه وعارفى فضله ورابطة أبناء مروى بمنطقة السلمة وأم القرى إضافة للفنان/ صديق أحمد .
نتركه يوثق لتلك الأيام الجميلة فى هذه المشاهدة:ـ

youtube - ‫طھظƒط±ظٹظ… ط§ظ„ط§ط³طھط§ط°/ظ…ط*ظ…ط¯ ط§ظ„ط*ط³ظ† ط§ط*ظ…ط¯ ط¹ط¨ط¯ ط§ظ„ط±ط*ظ…ظ†‬‎ (http://www.youtube.com/watch?v=ulgeclbz3ym)




.............................................

ميرغني النقي
06-07-2010, 06:53 PM
الاخ الرزوقى ...كيفك وشكرا ...
انت مخى دا بقى مو ياهو والله شنو ؟
الاستاذ محمد الحسن دا يبقالى ما مر على....وما درسنى ......الكلام دا ياهو ...؟
لا مخك ياهو يا ميرغني يا خوي
نحن كنا الدفعة الواركم والأستاذ محمد الحسن دا ما درسنا ولما سألت الدينمو قال كان قبلنا وتاني جا بعدنا، وإنتو كمان ما درسكم.
كلامك ياهو ولك الود والأماني

على الرزوقى
06-07-2010, 07:54 PM
الأخوان/ ودديمو والنقى
لكم التحية والود
نحن أستاذ محمد الحسن ده درسنا فى ثالثة وكان زول قيافة جاى من السعودية يادوب الزمن داك ما كان فى إغتراب ـ لكن هو كان مغترب وأتذكرو كان بيجى لابس فل سوت البدلة والكرفتة وكانت لديه ساعة رومر دايماً يغير الاستيك حقها مع لون البدلة البيجى لابسها ـ ماقعد كتير نقلوه الزومة الوسطى بنات ومنها إتنقل مدرسة تنقاسى الوسطى بنات أيضا .
تحياتى..........

علي شنان
06-11-2010, 09:12 PM
احباب الزمن النضر لكم التحايا والاشواق وعساكم خير وعافية
اخى ورفيق الطفولة والصبا ميرغنى ديمو لك التحايا والتجلّة
لم ينضب معين ذكريات تلك الايام النضرة الجميلة والتى ستظل
باقية ما بقينا ولكن مشغوليات الحياة صارت اكثر من الزمن
اى الوقت غير كاف لإنجاز التزاماتك اليومية وهذه حقيقة والله
جلست الان وانا متهيئ لكتابة موضوع عن تلك الايام ولكن دخل
علىّ احد الضيوف الاعزاء .وقطع علىّ الموضوع ..
فمعذرة ولى عودة باذن الحى. (هاشم شنان)

ميرغني ديمو
06-20-2010, 06:33 AM
احباب الزمن النضر لكم التحايا والاشواق وعساكم خير وعافية
اخى ورفيق الطفولة والصبا ميرغنى ديمو لك التحايا والتجلّة
لم ينضب معين ذكريات تلك الايام النضرة الجميلة والتى ستظل
باقية ما بقينا ولكن مشغوليات الحياة صارت اكثر من الزمن
اى الوقت غير كاف لإنجاز التزاماتك اليومية وهذه حقيقة والله
جلست الان وانا متهيئ لكتابة موضوع عن تلك الايام ولكن دخل
علىّ احد الضيوف الاعزاء .وقطع علىّ الموضوع ..
فمعذرة ولى عودة باذن الحى. (هاشم شنان)

انت يا هاشم لا اسع تنضموا .....؟الا دايرين تحلوا قضيه فلسطين ...

على الرزوقى
06-21-2010, 09:42 AM
مشهد من زكريات الأستاذ/ آدم الهبيل والزمن الجميل :ـ

YouTube - ‫ط§ظ„ط£ط³طھط§ط°/ ط¢ط¯ظ… ط§ظ„ظ‡ط¨ظٹظ„‬‎ (http://www.youtube.com/watch?v=tpbBvYMgMc0)

ميرغني ديمو
06-24-2010, 10:13 AM
مشهد من زكريات الأستاذ/ آدم الهبيل والزمن الجميل :ـ

YouTube - ‫ط§ظ„ط£ط³طھط§ط°/ ط¢ط¯ظ… ط§ظ„ظ‡ط¨ظٹظ„‬‎ (http://www.youtube.com/watch?v=tpbBvYMgMc0)

تسلم على الرزوقى

عبدالله محمد الجزولي
07-02-2010, 01:06 AM
التحيه لك اخى على الرزوقى وانت تتحفنا بهذه الروائع وأنا اليوم استمع إلى المربي الفاضل ألاستاذ آدم الهبيل وهو يسرد هذه الذكريات الجميله رجعت بى الذاكره إلى تلك ألأيام الجميله وعشت زمن طويل فى سرور وبهجه وكأنى فى الأميريه لك الشكر أخى على ولو لا هذه التسجيلات ما كان لنا أن نرى هذا الرجل العظيم اتمنى أن تواصل ولك كل الود والتقدير

ودالشريف
07-08-2010, 11:48 PM
لكم التحية وانتم تتحفونا بروايع زمنكم الجميل فلكم كل التحية والتقدير

وياريت نتعلم مما مضى كيف نصنع المستقبل وكيف يكون الحاضر

ودمتم ايها الكبار

عبدالله محمد الجزولي
07-09-2010, 01:11 AM
السلام عليكم ايها الأحباب زملاء الزمن الجميل مالى أرى البوست بدأ فى الأندثار وتم تحريره بعد التثبيت هذا البوست كان ومازال يمثل لنا الملاذ الجميل الذى نتكى عليه لنرتاح من عناء العمل والغربه اخوانى وزملائي أن ذكريات ذلك الزمن كثيره وكل منا له ذكريات عن تلك الفتره وأرجو أن لا يكون معين الذاكره قد نضب وين أخونا ميرغنى النقى ووين أخونا هاشم شنان . نحن ما زلنا ننتظر منكم الكثير ,اخونا عبدالمنعم (النحيل) له ذكريات كثيره ومواقف جمه مع أخوان لنا منهم من رحل عن دنيانا ومنهم من هو مشغول بهموم الحياه ( بابكر على بابكر رحمه الله ) مع الثلاثى تاج الدين ، ابراهيم صالح والنحيل ، ومسميات وألقاب ورموز ( منيقا ، مكينى، ) تعابير وأشعار حلمنتيشيه كان يمتاز بها ( النحيل) وهو لا شك يحفظ منها الكثير . أرجو أن لا ينقطع البوست ، أخونا على الرزوقى نحن فى انتظار الصور والبشمهندس صرح حسين وابنه نحن ننتظر صوركم وتسجيلاتكم . ولنا لقاء انشاء الله

ميرغني ديمو
07-10-2010, 12:06 AM
السلام عليكم ايها الأحباب زملاء الزمن الجميل مالى أرى البوست بدأ فى الأندثار وتم تحريره بعد التثبيت هذا البوست كان ومازال يمثل لنا الملاذ الجميل الذى نتكى عليه لنرتاح من عناء العمل والغربه اخوانى وزملائي أن ذكريات ذلك الزمن كثيره وكل منا له ذكريات عن تلك الفتره وأرجو أن لا يكون معين الذاكره قد نضب وين أخونا ميرغنى النقى ووين أخونا هاشم شنان . نحن ما زلنا ننتظر منكم الكثير ,اخونا عبدالمنعم (النحيل) له ذكريات كثيره ومواقف جمه مع أخوان لنا منهم من رحل عن دنيانا ومنهم من هو مشغول بهموم الحياه ( بابكر على بابكر رحمه الله ) مع الثلاثى تاج الدين ، ابراهيم صالح والنحيل ، ومسميات وألقاب ورموز ( منيقا ، مكينى، ) تعابير وأشعار حلمنتيشيه كان يمتاز بها ( النحيل) وهو لا شك يحفظ منها الكثير . أرجو أن لا ينقطع البوست ، أخونا على الرزوقى نحن فى انتظار الصور والبشمهندس صرح حسين وابنه نحن ننتظر صوركم وتسجيلاتكم . ولنا لقاء انشاء الله

ود الجزولى الشوق قواسيب .....
انا موجود ...كل يوم اتمم هنى لامن جرس النوم يدق واخت بطانيتى فوقى واكرب المكيف واغسلى بركاويتات قويات واقرقش تحت البطانيه واسرح فى الداخليه ...واسمع السفنجه ام كوز واسمع اليااااااااان ..لامن انعس والتميرات يكملن وانوم ....
الزكريات كملن يا ربى ...؟

انت القوز الكان السفنجة تبكى فوقو مشى وين ..؟

ودالشريف
07-12-2010, 07:45 PM
لكم التحية دوما اهل الزمن الجميل

تخريمة وديمو شنو انت نائم ولاشنو ارفع البوست دوما اب اب اب اب up up up

ميرغني ديمو
07-16-2010, 11:56 PM
لكم التحية دوما اهل الزمن الجميل

تخريمة وديمو شنو انت نائم ولاشنو ارفع البوست دوما اب اب اب اب up up up
نان انا up up uo ابب فيهو وهو
ينخرت منى down down داون اسويلو
شنو .............؟
وهو سيدو ليهو حول مامر عليهو .....

salah hussain
07-17-2010, 08:36 PM
YouTube - 1 (http://www.youtube.com/watch?v=U0P_09GQYy4)

salah hussain
07-17-2010, 08:40 PM
YouTube - 2 (http://www.youtube.com/watch?v=aWHfqsrxTsc)

ميرغني ديمو
07-19-2010, 04:13 PM
youtube - 2 (http://www.youtube.com/watch?v=awhfqsrxtsc)

الله يفتح عليك يا ابو عثمان والله رجعتنى
كم سنه لى وراء .
ونحنا لسع راجين تصوير رجعتكم .........
حمبير دا ادو خجه مره مره الينزل الباقى
....... ليت الزمان يعود يوما......
يا اخوانا ليه الوسطى دى اجمل مرحله
فى الدراسه ...............؟

ميرغني النقي
07-20-2010, 07:18 PM
تحياتي لك الأخ باشمهند صلاح حسين والشكر لك وأنت تبذل كل جهدك كي تأتينا بهذه الهدايا القيمة الجميلة التي تركتنا ندور بالذاكرة بين تلك المباني والآثار الخالدة في أذهاننا، وكما خال الأخ الكريم ميرغني ديمو ليت الزمان يعود مرة أخرى
التحية للأخ ميرغني ديمو ولك زملاء الزمن الجميل
لك الود والإجلال

عبدالله محمد الجزولي
07-21-2010, 10:26 PM
أخوانى زملاء الزمن الجميل أولاد الأميريه وأنا أشاهد الصور الرائعة التى اتحفنا بها المهندس صلاح حسين وخاصة باب الحرية رجعت بى الذاكره إلى المدرسه وأيامها وأشجار السلم الفوق , تحت هذه الأشجار اتعلمنا لعب الكشتينه ودق الطنبور . أخونا أحمد على الحسن (ود القطن ) كان يعرف لعب الكشتينه وخاصة كونكان 14 وأنا كنت لا اعرف حتى اسماء الورق ومنه تعلمت هذه اللعبه وكان هو أيضاً مولع بالطنبور كساير ابناء جلينا وقد اشترى طنبور بمبلغ خيالى ( عشرين قرش) (ريالين) بحسابات ذلك الزمن الطيب وكنا نتعلم فى هذا الطنبور وعندما يترخى نوديهو لعبدالله محمد العوض أو عبدالواحد وأحياناً ابراهيم صالح إلى أن تعلمت أنا بدايات العزف ( انتى كلك زينه) ( ودفع الله جاء) وتطور الموضوع إلى عزف الأغانى ( ياللورى تشيل منو بلا بنات نورى تشيل منو) وأخونا صاحب الطنبور لم يتمكن من تعلم العزف حتى الآن رغم شغفه به ، وكان دائما يقولى أنا اجيب الطنبور وتتعلم فيهو انت ؟ وأنا يغلبنى بالله ده كلام دا . أنا الحقيقه أخذت دروس من عبدالله محمد العوض وعبدالواحد . خت اصبعك هنا ارفع دا ونزل دا وكده وكنت دائما أتابع أصابع العازف سواء أن كان ود العوض أو ابراهيم وكل من كان يعزف فى تلك الأيام حتى فى الإجازات كنا نتابع العازفين سيداحمد ومحجوب حليفه وود البحر . كانت أيام لها ايقاع .. ولنا عوده

ميرغني ديمو
07-21-2010, 10:44 PM
أخوانى زملاء الزمن الجميل أولاد الأميريه وأنا أشاهد الصور الرائعة التى اتحفنا بها المهندس صلاح حسين وخاصة باب الحرية رجعت بى الذاكره إلى المدرسه وأيامها وأشجار السلم الفوق , تحت هذه الأشجار اتعلمنا لعب الكشتينه ودق الطنبور . أخونا أحمد على الحسن (ود القطن ) كان يعرف لعب الكشتينه وخاصة كونكان 14 وأنا كنت لا اعرف حتى اسماء الورق ومنه تعلمت هذه اللعبه وكان هو أيضاً مولع بالطنبور كساير ابناء جلينا وقد اشترى طنبور بمبلغ خيالى ( عشرين قرش) (ريالين) بحسابات ذلك الزمن الطيب وكنا نتعلم فى هذا الطنبور وعندما يترخى نوديهو لعبدالله محمد العوض أو عبدالواحد وأحياناً ابراهيم صالح إلى أن تعلمت أنا بدايات العزف ( انتى كلك زينه) ( ودفع الله جاء) وتطور الموضوع إلى عزف الأغانى ( ياللورى تشيل منو بلا بنات نورى تشيل منو) وأخونا صاحب الطنبور لم يتمكن من تعلم العزف حتى الآن رغم شغفه به ، وكان دائما يقولى أنا اجيب الطنبور وتتعلم فيهو انت ؟ وأنا يغلبنى بالله ده كلام دا . أنا الحقيقه أخذت دروس من عبدالله محمد العوض وعبدالواحد . خت اصبعك هنا ارفع دا ونزل دا وكده وكنت دائما أتابع أصابع العازف سواء أن كان ود العوض أو ابراهيم وكل من كان يعزف فى تلك الأيام حتى فى الإجازات كنا نتابع العازفين سيداحمد ومحجوب حليفه وود البحر . كانت أيام لها ايقاع .. ولنا عوده

اتخيل يا عبدالله فوق الرمله بتاعة باب الحريه
يوسف شامى عافص بى كراعو عمر فتح....(ماداير اقول اللقب) وود معروف قدامو ....العصيير قريب المغرب .وهاك ياحكى وونسه ...

علي شنان
07-21-2010, 10:59 PM
اساتذتى الاجلاء واخوتى الزينين ابناء الزمان الزين لكم عاطر التحايا
معذرة للانقطاع عن المشاركة فى هذا البوست فى الفترة الماضية وذلك
لظروف كثيرة ومتعددة ولكن كلها خير .وجدت الكثير من المشاركات ومعذرة
ان فاتنى التعليق عليها ..
ارحب اولا بالاستاذين الجليلين ادم محمدعلى الهبيل وعلاء الدين حسن ابوبكر
وارجو من الاخ الدينمو ورفاقه الكرام ان يذللوا لهم الصعاب حتى تكون لهم مشاركة
فاعلة فى المنتدى من خلال سرد ذكرياتهم عن تلك الحقبة الزاهية .واذا لم تتيسر لهم
المشاركة المباشرة فليكتبوا وانتم تنزلوها لنا .وارجو ان ينطبق ذلك على بقية هؤلاء
العظماء من استاذتنا الكرام .
يحضرنى هنا هذا الموقف وفعلا كانت (تربية وتعليم)
----------------------------------------------------
فى احدى صباحات تلك الايام الندية وعلى ما اذكر ونحن فى الصف الاول وفى
احدى الحصص طرق الباب العم طه عبدالفتاح (الفراش) واستأذن استاذ الحصة
فى خروج زميلنا الطالب ابوبكر سيداحمد يوسف لمقابلة الناظر .خرج الطالب
ولم يعد ولم ندرى وقتها لماذا استدعاه الناظر .بعد الفسحة حضر لنا الاستاذ ادم
الهبيل وافادنا بنبأ وفاة والد زميلنا صباح ذلك اليوم وانهم سيذهبون اساتذة ومدير
لتقديم واجب العزاء لاسرة المتوفى ومعهم كل طلاب الفصل عصر اليوم .استأجرت
ادارة المدرسة وعلى نفقتها الخاصة بص العم عوض دفع الله بقيادة (المجذوب)
والذى كان يافعا ووالده يجلس بجواره ويوجهه .واتجهنا صوب الكنيسة وهناك
قابلنا زميلنا وذويه وقدمنا لهم واجب العزاء . وقد كان لهذا الموقف عظيم الاثر
فى نفوسهم لمسناه من خلال حفاوتهم بنا وشكرهم لنا ولاساتذتنا .صلينا معهم
المغرب ثم بعد ذلك قفلنا راجعين الى مدرستنا ...
بربكم ماذا يعنى هذا الموقف ؟الا يدل على عظمة هؤلاء العظام الذين كان لهم الفضل
الكبير بعد الله فى غرس وبذر اسمى واعظم القيم فى نفوس ذلك النشئ والذى اتى
اكله .لله درهم وجعل ذلك فى موازين اعمالهم ..ولهم منا التحية والاجلال والتقدير...
(هاشم شنان)

علي شنان
07-21-2010, 11:04 PM
احبابنا رواد هذا الموقع لكم اطيب التحايا
الاخ تاج الدين كفارة والف حمدا لله على السلامة وفى انتظارك هنا
فى مكانك الطبيعى والذى كلنا نعرفه ...
الاخ ود الجاك قلب دفاع منتخب المدرسة والذى كان يهابه كل المهاجمون
اتمنى لك شفاء ً تاما لا يغادر سقما .وعودا حميدا للوطن .
صلاح حسين عودا حميدا وفى انتظار انطباعاتك بعد الاياب .
اباذر الكامل ..نحن فى الانتظار لكل جميل بعد العودة
جارنا حسن التلب لماذا الغياب وانت من المتابعين لكل فعاليات
هذا البوست .
بابكر دفع الله ..الشعراء ..كما كان يخاطبكم استاذنا محمد عبدالله
التوم (وهو مزهوا بذلك)انت واخيك عمر .وين عمر؟؟ولماذا الغياب؟؟
النقى ..الجزولى ..درماس..عطاءكم ومشاركاتكم محل تقدير الجميع.
النحيل (زمان) ..ارجو استنهاض الاخ ابوبكر عبدالله ادم للمشاركة
لاننى اعرف انه كنز ثمين لتلك الحقبة .سلام والى لقاء.....
(هاشم شنان)

ميرغني ديمو
07-21-2010, 11:41 PM
احبابنا رواد هذا الموقع لكم اطيب التحايا
الاخ تاج الدين كفارة والف حمدا لله على السلامة وفى انتظارك هنا
فى مكانك الطبيعى والذى كلنا نعرفه ...
الاخ ود الجاك قلب دفاع منتخب المدرسة والذى كان يهابه كل المهاجمون
اتمنى لك شفاء ً تاما لا يغادر سقما .وعودا حميدا للوطن .
صلاح حسين عودا حميدا وفى انتظار انطباعاتك بعد الاياب .
اباذر الكامل ..نحن فى الانتظار لكل جميل بعد العودة
جارنا حسن التلب لماذا الغياب وانت من المتابعين لكل فعاليات
هذا البوست .
بابكر دفع الله ..الشعراء ..كما كان يخاطبكم استاذنا محمد عبدالله
التوم (وهو مزهوا بذلك)انت واخيك عمر .وين عمر؟؟ولماذا الغياب؟؟
النقى ..الجزولى ..درماس..عطاءكم ومشاركاتكم محل تقدير الجميع.
النحيل (زمان) ..ارجو استنهاض الاخ ابوبكر عبدالله ادم للمشاركة
لاننى اعرف انه كنز ثمين لتلك الحقبة .سلام والى لقاء.....
(هاشم شنان)

تسلم الاخ هاشم ....الجماعه ديل هزهم مره
مره ان كان يرمو شى .....

عبدالله محمد الجزولي
07-22-2010, 10:43 PM
الاخ ود ديمو لك التحية انت رجعت من الاجازه مافى شى اتذكرتو من الاميريه حتى قصص يوسف شامى وعمر فتح الرحمن وود معروف ما مذكر منها شى ؟ باب الحريه كان ناس عبدالحميد سعيد وكامل على وداعة دائما قاعدين هناك عشان يسمعوا صوت كوز اللوارى كان عشق عديل لذلك الصوت الذى يعبر عن حال اللورى ان كان ماشى ب 4 ولا 3 وتلقاهم متغالتين حتى فى السواق دى سواقة احمدى لا سواقة جابر حتى لو طلبه عاملين ازعاج تلقى جدى عبدالحميد يكورك اسكتوا بالله اسكتوا وهكذا

ميرغني ديمو
07-22-2010, 11:02 PM
الاخ ود ديمو لك التحية انت رجعت من الاجازه مافى شى اتذكرتو من الاميريه حتى قصص يوسف شامى وعمر فتح الرحمن وود معروف ما مذكر منها شى ؟ باب الحريه كان ناس عبدالحميد سعيد وكامل على وداعة دائما قاعدين هناك عشان يسمعوا صوت كوز اللوارى كان عشق عديل لذلك الصوت الذى يعبر عن حال اللورى ان كان ماشى ب 4 ولا 3 وتلقاهم متغالتين حتى فى السواق دى سواقة احمدى لا سواقة جابر حتى لو طلبه عاملين ازعاج تلقى جدى عبدالحميد يكورك اسكتوا بالله اسكتوا وهكذا

انت ما جاوبت سؤالى مالك .......؟
القوز البيبكى اللوارى لامن الكيزان تكورك مشى وين ....؟ ماهو فى مالو ...؟

ميرغني النقي
07-24-2010, 05:55 PM
الأخ ميرغني ديمو تحياتي
أنا جيت أساعدك في بحت البوست دا ورفعو لي فوق، وقلت مرة واحدة أحاول الإجابة على سؤالك دا، القوز دا يا خوي السفاية دي خمسة وتلاتين سنة بتسوي في شنو!
لك التحية والاحترام

عبدالله محمد الجزولي
07-24-2010, 11:05 PM
انت يا ود ديمو بس تمد رأسك وترجع سؤالك دا جاوبك عليهو ميرغى النقى القوز براه ياخى قوز أم شديره زاتو قرب يكمل المنطقه بقت خضراء والأميريه دخلت فى الحله ، حاول كدى ابحت فى الذاكره انكان تطرالك شى . والله هو شيتاً لا اسمع ما طريتو اظنك تانى ماك طاريهو ،

ميرغني ديمو
07-25-2010, 03:05 PM
انت يا ود ديمو بس تمد رأسك وترجع سؤالك دا جاوبك عليهو ميرغى النقى القوز براه ياخى قوز أم شديره زاتو قرب يكمل المنطقه بقت خضراء والأميريه دخلت فى الحله ، حاول كدى ابحت فى الذاكره انكان تطرالك شى . والله هو شيتاً لا اسمع ما طريتو اظنك تانى ماك طاريهو ،

الرتاين ميته مارنت طنابير
.............. ..............
كدى تم الابيات دى يا عبدالله والباقى بيجيك براهو

عبدالله محمد الجزولي
07-27-2010, 10:23 PM
الرتاين ميتى ما رنت طنابير ما زمان افراحنا بطراها الله بالخير
يار رتاين الزفه نورك كان هدا الغير ليلنا حالك بعدو فيهو اتغذر السير

انت يا ود ديمو كدى جيبلك بيت تانى حتى ولو ناقص ! وياخوى الأميريه فيها ذكريات كثيره وما تنسي عمنا محمد عثمان ( مصيبه) صاحب البوفيه الصغير الشاى والكاكاو والزلابيه وشقاوة ود معروف ...
دحين يا خوى لقيت اسم الدواء بتاع السكرى ؟ القالوا اصبح السكرى من الماضى ؟

حباب
07-27-2010, 11:15 PM
[COLOR="Blue"][SIZE="5"][SIZE="5"][COLOR="Blue"][SIZE="5"]الاخوه الفاضل رواد هذا البوست العامر
سلام ومحبه
كان نفسى من زمااااااان اجد الفرصه للخول الى هذا الجمال
لكن احتراما لحيشان العزابه لم نبادر
والان اقدم طلبى باعتبارى من القواعد من النساء

وكبدايه كده يا ود الجزولى هديه ليك القصيده حسب طلبك






الرتاين ميتى ، ما رنت طنابير
وين زمان افراحنا ؟ يطراهو الله بالخير
يا رتاين الزفة نورك كان هدى الغير
ليلنا حالك ، بعدو فيه اتعثر السير
في المحل الفيهو كان عامري النقاقير
داق نحاس أحزانَّا ملكو يزيدو نقّير
آه ديارنا الباكية كل أياما عِبّير
سودي تب مافيها حتى ان كان بياض جير
زي تياب مأتمنا وين نلقالا تغيير
ما السعادة الليلي غالي تقول لبن طير
نحن في العش صرنا أيتام كالزرازير
فاقدي حن أماتا مين بيعلما تطير
البرد مازيها في عز طوبه و أم شير
والصبر يي غتاها ، قضَّت ليلا فرفير
الجريف أزهارو حتت للنويوير
صار ترع مقطوعة نيلو الكان زمان كير
القليب مهرود وبربر كيُّو بربير
والصبر ما بيجدي كم صبَّرتو صبّير
كان حِنيِّن زولي صادق في التعابير
بي ونسةً ليهو سوَّ قليبي سكِّير
كان ضحك شفتوني منطلق الاسارير
حالي زي رقصاتا ، مذبوحة العصافير
عاد أقول وجعاتي أسبابا المقادير
ولاَّ نان يا اخوانَّا ده الحظ المعيسير

ميرغني ديمو
07-28-2010, 01:26 AM
[color="Blue"][size="5"][size="5"][COLOR=blue][SIZE=5]الاخوه الفاضل رواد هذا البوست العامر
سلام ومحبه
كان نفسى من زمااااااان اجد الفرصه للخول الى هذا الجمال
لكن احتراما لحيشان العزابه لم نبادر
والان اقدم طلبى باعتبارى من القواعد من النساء

وكبدايه كده يا ود الجزولى هديه ليك القصيده حسب طلبك






الرتاين ميتى ، ما رنت طنابير
وين زمان افراحنا ؟ يطراهو الله بالخير
يا رتاين الزفة نورك كان هدى الغير
ليلنا حالك ، بعدو فيه اتعثر السير
في المحل الفيهو كان عامري النقاقير
داق نحاس أحزانَّا ملكو يزيدو نقّير
آه ديارنا الباكية كل أياما عِبّير
سودي تب مافيها حتى ان كان بياض جير
زي تياب مأتمنا وين نلقالا تغيير
ما السعادة الليلي غالي تقول لبن طير
نحن في العش صرنا أيتام كالزرازير
فاقدي حن أماتا مين بيعلما تطير
البرد مازيها في عز طوبه و أم شير
والصبر يي غتاها ، قضَّت ليلا فرفير
الجريف أزهارو حتت للنويوير
صار ترع مقطوعة نيلو الكان زمان كير
القليب مهرود وبربر كيُّو بربير
والصبر ما بيجدي كم صبَّرتو صبّير
كان حِنيِّن زولي صادق في التعابير
بي ونسةً ليهو سوَّ قليبي سكِّير
كان ضحك شفتوني منطلق الاسارير
حالي زي رقصاتا ، مذبوحة العصافير
عاد أقول وجعاتي أسبابا المقادير
ولاَّ نان يا اخوانَّا ده الحظ المعيسير

اها يا عبد الله .....جبتها ليك من قعرها ....
ومصيبه دا ...الذ شى عنو الكاكاو ...

تخريمه:
انتو حباب دى لاتبقى طاشى ((المحل دا ماهو السوق ))
كيفك وصحتك ان شاء الله تمام والاسره .......
غابتو انا مرقت من زنقتك يا عبدالله شوف غيرها:clap:

عبدالرحمن شامي
07-28-2010, 09:35 AM
[quote=حباب;111731][color="Blue"][size="5"][size="5"][COLOR=blue][SIZE=5]الاخوه الفاضل رواد هذا البوست العامر
سلام ومحبه
كان نفسى من زمااااااان اجد الفرصه للخول الى هذا الجمال
لكن احتراما لحيشان العزابه لم نبادر
والان اقدم طلبى باعتبارى من القواعد من النساء

وكبدايه كده يا ود الجزولى هديه ليك القصيده حسب طلبك
]

الاخوة رفاق الزمن الجميل سلامات خليكم رافعين البوست على طول وعاوزين الاخ الدينمو والرزوقى ينزلو الرحلة الاخيرة 0 نرحب ترحيب شديد بالاخت حباب وماتنسى السوق

عبدالله محمد الجزولي
07-28-2010, 11:45 PM
التحية لك اختنا رباب على مرورك واهلاً بيكى فى هذا البوست وشكراً على القصيده وكمالتها وأنا كان نفسى انو ميرغنى ديمو يجيب بيت واحد عشان بس يثبت انو عندو باقى ذاكره من أيام الزمن الجميل الشكر لأخونا عبدالرحمن شامى ونتمنى أن يأتى بأى ذكري من ذلك الزمن الجميل أيام الأميرية أيام يوسف شامى وود ديمو الكبير وود معروف ومتاعب الرجوع لتنقاسي والعربات ، على الله ، وجاهورى ، عوض دفع الله ، والتاج ابريش واللوارى ومرات الكدارى !! نحن اديناكم رؤس مواضيع ياريت تتذكروا شىْ وممكن تستعينو بصديق ( هاشم شنان ، ميرغنى النقى ، صلاح حسين) ولنا عوده ...

ميرغني النقي
07-31-2010, 12:01 PM
إخوة الزمن الجميل والأعضاء والزوار جميعاً لكم التحايا والأمنيات والشكر على المواصلة رغم الظروف الصعبة.
شدو الهمة وخلوا البوست دا على الصفحة الأولى دائماً، وأنا شخصياً ماشي إجازة إلى ما بعد العيد وربما وهذا الغالب قد لا تتاح لي فرصة التواصل بصورة طيبة نسبة لرمضان والخريف والمشغوليات الكثيرة الراجاني لكن بالرغم من دا سأحاول أن أجمع أكبر قدر من ذكريات تلك الأيام وإذا ما قدرت أغربلو بجيبو ليكم بي شراه.
أتمنى أن أتوفق وأنا أعود بما أتمنى وإلى ذلك الحين أترككم في رعاية الله وحفظه ورمضان كريم وعيد سعيد مقدم.
تحياتي

عبدالرحمن شامي
07-31-2010, 12:26 PM
الاخوه الاحباب لكم تحياتي
الاخ الجزولي الذاكرة اخير مني وديمو . العربات انت نسيت علي عبداللطيف

الاخ ميرغني النقي نتمنى لك اجازة سعيدة مع الاهل والاصدقاء ماتنسى يوم الاتنين تقابل الجماعة ويعملوا رحله بمناسبة وصولك في العيد

علي شنان
07-31-2010, 10:15 PM
رواد هذا البوست التوثيقى الرائع لكم منى الاف التحايا ومع تباشير شهر الصوم الكريم
كل عام وانتم بخير ..وطبعا كانت لنا مع هذا الشهر ذكريات سأتناولها مع حلوله بأذن الله.
الشكر للاخوة المداومين على المشاركة والتعليق وحقا تلك المداخلات هى سبب رئيسى
ومحفّذ لاستنهاض الهمة وتنشيط الذاكرة لاستحضار المزيد من تلك الذكريات الجميلة.
كنا اخر دفعة من تنقاسى ونواحيها تلتحق وتتخرج من القرير الاميرية اذ ان الدفع التى
تلتنا تم تحويل مسارها الى مروى الوسطى ..لذلك كان عامنا الاخير به الكثير من المعاناة
والمشقة بالنسبة للطلوع والعودة للمدرسة كل اسبوعين ...اختفى من حياتنا باص العم
على الله وعربية ابراهيم مصطفى والحداد وذلك لان المردود المادى ولقلة عددنا غير مجزى
لهم ..وبالتالى ظهرت اللاندروفرات وشخصيات اخرى "العم كدكى .العم المتر (ابرنات).
العونى وودمضوى وحسن حسين (المسيكاب)".وبالتالى زادت التعرفة من شلن الى ريال.
كذلك تغير موعد العودة للمدرسة من عصر الجمعة الى صباح السبت وغالبا ما نصل متأخرين
عن الطابور الصباحى والحصة الاولى .واحيانا البعض يأتى ظهرا مع عربات القرير العائدة
من مروى ..ولا عذر لنا مهما تعذرنا ويا ما عوقبنا بالجلد خاصة من مولانا الاستاذ محمد
عبدالله التوم .وكم من مرة ذهبنا ظهر الخميس على أرجلنا "كدّارى"من المدرسة وحتى
تنقاسى ..كان هذا حالنا وهو رغم ذلك اخفّ وطأة من حال ابناء الدبيبة الاربعة الجزولى
وهاشم عبدالمجيد وود القطن وودالباهى ..وابناء ابدوم الله جابو وازهرى وعزالدين .
وكذلك اخوات لنا من تنقاسى كنّ يدرسن فى القرير ويشاركننا هذه المعاناة واعتقد انهنّ
فى نهاية الامر فضلن البقاء بالداخلية حتى ميعاد الاجازات الكبرى...
عموما رغم كل تلك المشقة الا اننا كنا على قدر المسؤولية جهدا ومثابرة حتى اجتزنا
جميعا تلك المرحلة بالنجاح الباهر المشرّف فقد كانت نسبة النجاح لدفعتنا مائة فى المائة.
فالتحية مرة اخرى لكم ولهم ورحم الله من رحل منهم عن هذه الفانية ...(هاشم شنان)

علي شنان
07-31-2010, 10:25 PM
الحبيب الدفعة ميرغنى النقى لك منى اطيب تحية ومودّة
رافقتك السلامة فى الحلّ والترحال ...وليس لديك العذر
فى عدم التواصل ..النت صار فى كل قرية وهجرة والمقاهى
ما تدّيك الدرب ."مع الكهربة دى تانى مافى شئ اسمو مافى
من الخرطوم من سوق القرير من الكنيسة "الصفا" لابد
من التواصل ..خصوصا انك فى اجازة وعندك الوقت الكافى
سلامنا لكل الاحباب والاصدقاء (هاشم شنان)

ميرغني ديمو
08-01-2010, 04:58 PM
الحبيب الدفعة ميرغنى النقى لك منى اطيب تحية ومودّة
رافقتك السلامة فى الحلّ والترحال ...وليس لديك العذر
فى عدم التواصل ..النت صار فى كل قرية وهجرة والمقاهى
ما تدّيك الدرب ."مع الكهربة دى تانى مافى شئ اسمو مافى
من الخرطوم من سوق القرير من الكنيسة "الصفا" لابد
من التواصل ..خصوصا انك فى اجازة وعندك الوقت الكافى
سلامنا لكل الاحباب والاصدقاء (هاشم شنان)
تسلم الاخ هاشم ..ميرغنى ..عبد الله ..ود شامى...
ترى فيكم رقشه لا اسع ...لا تتاخروا ........

عبدالرحمن شامي
08-07-2010, 08:46 PM
الاخوة الاحباب رمضان كريم مقدماً وكل عام وانتم بخير
وين الاخوان الدينمو , الرزوقي مابيدونا الاخبار مع العلم بأنهم مواصلين لقاء يوم الاثنين .

علي شنان
08-10-2010, 12:15 AM
الاخوة الاعزاء فى ادارة المنتدى ..لكم عاطر تحياتى وامتنانى..
اصالة عن نفسى ونيابة عن اعضاء ومنتسبى ومشاهدى هذا البوست
التوثيقى الهام اتقدم لكم بجزيل شكرى وتقديرى على اعادة تثبيتكم لهذا
البوست ..والذى يعنى لى ولاخوتى ابناء جيلى الكثير ..يكفى فقط انه جمعنا
ولم شملنا اسفيريا بعد اربعين عاما بل تزيد وبعد طول تفرق وشتات فى اصقاع
هذه المعمورة ...ومن هنا ايضا اناشدكم احباب ذلك الزمن الجميل باثراء هذا
البوست بمشاركاتكم حتى يظل متجددا وجاذبا .... (هاشم شنان)

عبدالله محمد الجزولي
08-12-2010, 02:20 PM
الأخوة الأعزاء زملاء الزمن الجميل ابناء الأميريه اهنئكم جميعاً بحلول شهر رمضان واسال الله ان يعيننا واياكم على صيامه وقيامه وأن يتقبل منا ومنكم صالح الأعمال ، ولرمضان قصص وحكاوى فى الأميريه فى موضوع الصيام والفطور . واتمنى من اخى شنان ان يأتينا بتلك القصص عن الفطور وعن فطور رمضان خاصة . وسوف نحاول جمع بعض الحكاوى لنسردها هنا

عبدالرحمن شامي
08-13-2010, 03:16 PM
الاخوة الكرام رمضان كريم وكل عام وانتم بخير نضم صوتنا مع الاخ هاشم شنان بمناشدة الادارةبتثبيت البوست ومناشدة الزملاء بشد الهمة

علي شنان
08-20-2010, 10:07 PM
الاحباب لكم اطيب التحايا فى شهرنا الكريم وها هو أوله قد مضى وأوسطه قد اتى ووقت
العتق من النار قد دنا فأكثروا لنا من الدعاء ..أيضا نترحم على أحباب أعزاء رحلوا عنا
الى دار البقاء والخلود نسأل الله ان يجعلهم من اصحاب اليمين وان يجعل الجنة عوضا
لهم فى شبابهم ااميييين...
--------------------------------------------------------
رمضان وما ادراك ما رمضان فى ذلك الزمان وعندما كنا صغارا ...وبطان...
ادركنا اول رمضان ونحن فى الاميرية فى العام 1968م وكان ذلك فى فصل الشتاء..
كانت ادارة المدرسة تخيّر ابناء الصف الاول بين الافطار او الصيام اما بقيّة الفصول
فلا افطار الا لمن يأتى بعذر مرضى . وفعلا سجّلت اسمى مع المفطرين .وقد كنا قليلين
وكنت مستغربا من قلة العدد ولكننى اكتشفت ذلك لاحقا اذ ان الكثير ممن سجلّوا اسماءهم
صائمين لم يكونوا عازمين على الصيام وانما هروبا مما سيفاجئنى .فى اول يوم لنا نهارا
كانت السفرة فقيرة وبائسة شاى الصباح بارد ..الفطور بواقى عشاء الامس ..الغداء
ليس بأفضل من سابقيه والرغيف بايت ومترتس . مضى اليوم بخيره وعندما عصّر
اليوم جاء العم على وطاقمه للسفرة واذا بالروائح تنبعث من المدخنة تجاهنا بما لذّ
وطاب ..بعد اذان المغرب ذهب الصائمون والمتصائمون الى افطارهم الشهى ونحن
نتلفت ونعض الاصابع ندما لأننا كتبنا اسماءنا ضمن المفطرين وما كنا ندرى
بهذا المقلب الكبير ..حيث كان الافطار والعشاء والسحور (فندقيا )حقيقة ...
التمر والفول والكمونيّة والشوربة واللبن والشاى والارز باللبن ,وقمر الدين
.اطايب لم تكن متوفرة حتى فى بيوتنا حقيقة فى ذلك الزمان الا من رحم ربى ...
حينها ادركت لماذا عزف الكثيرون من الزملاء من كتابة اسمائهم معنا.
بعد مضى هذا اليوم نسقت مع اخى عمر فتح الرحمن (له التحية فى هذا الشهر)
على ان تقتسم الوجبات ..صرت احشى له نصف نصيبى من الفطور والغداء
نهارا وهو فى المقابل يأتينى بنصف افطاره وسحوره وهكذا حتى نهاية الشهر.
فيالها من ذكريات ويالها من مواقف باقية .هنالك الكثير من المواقف الطريفة
سأعود لها لاحقا ..لكم جميعا عاطر الود ودمتم .(هاشم شنان)..

عبدالرحمن شامي
08-23-2010, 11:19 AM
الاخ هاشم كل عام وانتم بخير نشكرك على هذه الذكريات الجميلة وحقيقة الواحد بيعيش معك بكل حواسه وكانه رجع بطان من جديد ونحن مع الذاكرة ماعندنا حيلة غير الاستمتاع بما تذكرونه ونشكركم عليه وواصل

عبدالله محمد الجزولي
08-26-2010, 02:43 PM
التحية لكم زملاء الزمن الجميل , اخونا عبدالرمن شامى كل عام وانت بخير وربنا يتقبل منا ومنكم صالح ألأعمال وأسأل الله أن يصلح لكم الذاكره لكى تتحفونا بزكرياتكم عن فترة القرير الأميريه الفترة الذهبيه من عمركم المديد باذن الله ، وانا فى هذه اللحظه ادعو رب العرش العظيم أن يتغمد والدنا سيداحمد شامى برحمته وان يسكنه فى الجنات وأن يجزيه عنا خير الجزاء . ونحن فى بداية دخولنا الأميريه وكان معنا أولياء امورنا وكان الزمن صعب والمواصلات مشكله وفى بعض الناس جاؤوا ( بالحمير) لا مواخذه . وكان ( القوس) رحمه الله فى ذلك اليوم معنا فى الأميريه وقد قال كلمته المشهوره أمام المدرسين والناظر ( أنا ولى أمر التلاميذ ديل من ابرنات وإلى مروى اى واخد منهم انا ولى امرو . اليعمل غلط تأدبوه وما ترجعولى فيهو . رحمه الله بالله هل يوجد فى هذا الزمن مثل هؤلاء ؟ ذلك هو الزمن الزين الزمن الجميل وأولائك هم رجاله . ولنا عوده

ميرغني ديمو
08-28-2010, 08:38 PM
ظظظظظظظظظظظظظظظظظظظظظظظظظظظظظظظظظظ

على الرزوقى
08-29-2010, 10:08 AM
رمضان كريم ياأحباب وكل سنة وانتو طيبين - مشهد من رحلة أبناء القرير الأميرية الفكى هاشم ابريل الماضى :ـ

YouTube - ‫ط§ظ„ط±ط*ظ„ط© 002‬‎ (http://www.youtube.com/watch?v=Ll6iN0Da5YE)

عبدالرحمن شامي
08-29-2010, 11:24 AM
التحية لكم زملاء الزمن الجميل , اخونا عبدالرمن شامى كل عام وانت بخير وربنا يتقبل منا ومنكم صالح ألأعمال وأسأل الله أن يصلح لكم الذاكره لكى تتحفونا بزكرياتكم عن فترة القرير الأميريه الفترة الذهبيه من عمركم المديد باذن الله سيداحمد شامى برحمته وان يسكنه فى الجنات، .هل يوجد فى هذا الزمن مثل هؤلاء ؟ ذلك هو الزمن الزين الزمن الجميل وأولائك هم رجاله . ولنا عوده
الاخ الجزولى كيف عامل مع الغربة تعرف انا الذاكرة قنعت منها لكن لمن تحكى لى حاجة الشريط كله بيرجع والغوث رحمه الله فعلا كان ولى امر الجميع وله قصص كثيرة ونوادر وحكم لكن ننتظر يذكرونا ليها كل مرة

عبدالله محمد الجزولي
08-30-2010, 12:17 AM
ظظظظظظظظظظظظظظظظظظظظظظظظظظظظظظظظظظ

الأخ ميرغنى ديمو رمضان كريم ,,, ده شنو الكاتبو ده بالله طلاسم ؟

ميرغني ديمو
09-04-2010, 07:16 PM
الأخ ميرغنى ديمو رمضان كريم ,,, ده شنو الكاتبو ده بالله طلاسم ؟

ود الجزولى السويتو دا ....عشان كنت مستعجل وانا اصلى ديمه مستعجل ما عارف ليه ..؟اها دى علشان لما ارجع القاها وش ....فرزتو ....
اما قصة رمضان بالداخليه....امانى ان كان باصرت يوسف
شامى وجبيتو هنى ...مابيرحك تب ...
وقصصو كتييييييييرى مع ود عبد المطلب الله يديه العافى..؟
اها باصر يوسف شامى وجيبو
يوسف شامى مطلب شعبى
يوسف شامى مطلب شعبى
يوسف شامى مطلب شعبى
يوسف شامى مطلب شعبى

عبدالرحمن شامي
09-11-2010, 06:25 PM
الاخوة الزملاء كل عام وانتم بخير وربنا يحقق امانى الجميع شنو الجكاية العيد الجاب الناس ماجابكم

عبدالله محمد الجزولي
09-12-2010, 02:37 PM
اخوانى زملاء الزمن الجميل كل عام وانتم بخير وعيدكم مبارك وربنا يحقق الامانى الطيبه وطبعا فيكم المعيد فى البلد ودا المحظوظ والمعيد فى الخرطوم او فى بقاع السودان المختلفه ودا اقل حظا والمعيد فى بلاد الغربه ود معدوم الحظ ربنا يجمعنا واياكم فى ساعات الخير بين الاهل والحباب وكا عام وانتى بخير

ميرغني ديمو
09-12-2010, 04:38 PM
عساكم من عواده...
كل عام وانتم بخير....

ميرغني النقي
09-15-2010, 09:19 AM
الإخوة رفاق الزمن الجميل جميعاً
كل عام وأنتم بخير وصحة وعافية، ولكم أحر التحايا وأطيب الأمنيات
كما يقولون الحلو عمرو قصير، وقد أكدت هذه المقولة إجازتي التي مرت سريعاً دون أن أشعر بذلك وقد كانت الساعة تبدو أقصر من دقيقة، وعزائي إنني دعت لكم يجرني الشوق ويدفعني الحنين.
إلى حين اللقاء تقبلوا تحياتي وأمنياتي وودي