مشاهدة النسخة كاملة : القرير الوسطى- ايام الزمن الجميل-- تعالو نحكى ونوثق


الصفحات : [1] 2 3 4

salah hussain
09-10-2009, 03:05 AM
ارتايت سادتى ان افتح هذا البوست -- توثيقا وحكاوى من الزمن الجميل -- ايام المدارس مدارس واتمنى ان يشاركنى رواد هذا المنتدى من خريجى هذه المدرسة العريقة والذى اراهم يتحكرون وسط هذا العقد الفريد من ابناء تنقاسي -- وبلا فخر -- تخرجت ومعى كوكبة من نوابغ ذاك الزمان --كيف لا وما كان الدخول لتلك القلعة يتثنى الا لافضل اربعين يافعا من جملة 8 مدارس او تزيد -- ما يقارب الاربعماية تلميذا يجلسون لامتحان الابتدائية -- فيقبل اربعين فقط -- واربعين بعدهم لمدرسة بهاء الدين --المدرسة الاهلية
يالله يا الانصارى احمد ود رغيم وود ديمو-- ويوسف شامى ورقاقى وسند والعقد الفريد انحتو الذاكرة وتعالو لينا جاى لنبدا غدا

salah hussain
09-10-2009, 05:12 AM
بعد ان بلغنا من الكبر واشتعل الراس شيبا ارجو ان لا يواخذنى القوم ان سهوت او اضفت - لاختلاط الامر --بمراحل دراسية اخرى -- فغابت عنى دفعا واسماء -- ولكنها محاولة على كل حال -- لتوبيب دفع سبقتنى او سبقتها -- واحيانا سمعا يريد التاكيد من يمتلكون زاكرة افضل منى
فممن سبقونا - دفعة د.احمد شامى وعبد الحليم شامى -- وبشير الانصارى- واعتقد بليل وجعفر مالك واخرين اكيد من تنقاسي --
دفعة -- الصادق حسين والمرحوم مصطفى عبد الرحمن -- والمرحوم ابوالقاسم الحسن ابوحجل من التلبناب -واحمد محمد احمد بشير (شل) و د. محمد خير طه -- والبقارى عطا -- - وميرغنى مالك وختم على سليمان- واخرين
دفعة المقداد سليمان بلول - وحسن محمد احمد ادريس -- وعوض على الله --وسيف سمعريت-- (للتاكيد) ومحمد عوض الحاج وسيد احمد عباس ومحمد احمد اسحق وعمر محمد حسب الله (الرجل الحديدى بايدو وصاحب النوادر )
الدفعة الاخرى -- عبد الرحمن ديمو -و عبد الرحمن شامى -- ويوسف شامى ومحمد احمد التلب وعثمان رغيم واحمد صالح نعمان وحسن على سليمان وعباس عبد الرحمن بشير ( البطرى)-وبابكر اسحق (اعتقد)
الدفعة الماسية -- خليفة الشرق وصلاح سند واسامة محمد الحسين و صالح الانصارى وصالح العمدة -وابراهيم احمد الفكى لفترة صغيرة - وعبد العال ود دغور والمرحوم صلاح محارى وعمر سيد احمد بابكر-وصلاح حسين --ومنو تانى ياربى
دفعة ميرغنى ديمو واحمد الانصارى وعلى رغيم وسعيد شامى واحمد صالح بلول (ميمون) وعبد الرحمن معروف -- وعلى احمد على الرزوقى -- والمرحوم عبد الرحيم شامى ومعتصم شبلى ( الجراي) يالله كمل يالانصارى وديمو
دفعة كمال حسين و عبد الحفيظ عبد الله و عبد الله الجزولى وعمر فتح الرحمن ابوشمة ( الكبروس) وهاشم شنان
ويخيل لى دى الدفعة البعدها بقى القبول لى تنقاسي ( ناس لم ينجح احد بعد تطوره )
لكل واحد من الاسماء المزكورة قصص وروايع ارجو ان تخرج الان

من اشهر الخريجين من غير ناس تنقاسي -- على سبيل المثال لا الحصر -- محمد سعيد دفع الله و السر عثمان الطيب- ومامان والمرحوم محمد طه محمد احمد --واولاد عثمان سعيد د. بكرى وتاج الدين وسيف الدين -والفاتح الرفاعى - ومسعود (عبد الله سليمان ) احسن من غنى الطنبور ويقال ان اليمنى بحكم القرابة سقط حجرو عشان المنافسة -- سمعت منه اغنية --انت مغرورة بجمالك قايلة انو الحب دا لعبة -- والشهير الفنان ايوب محمد الحاج -- الذى كان يغنى بالرق -- ياقايد الاسطول ----تخضع لك الفرسان --- كان يختار اجود مافى الحقيبة ليغنيه -- والسر جدعة اللاعب الحريف--وحسن تلى -- شخصية مرحة للغاية عشانك يا ودرغيم عشان تتذكر وتنكت العندك ---
ديل المامن تنقاسي حنجيهم براهم ونفتح ليهم ساحة لوحدهم
سنعرج على كيفية الدخول للفرير الوسطى ومسمياتها المختلفة -- المدرسة البيضاء --مدرسة ام شديرة -- الاميرية
حنوصف بالتفصيل المبانى وموقع الفصول والداخليات
حنعرج على الفراشين --وود مختار وعلى الطيب --والبدوى
حنعرج على المدرسين --ود طلب والكديسي وعلى عثمان كرار والهبيل وعوض الكريم والشفيع وقرافى واخرين
حنعرج على النظار ود نصر والسر احمد عيسى و كمال محمود حسنين وكامل محجوب بتاع الاتحاد الاشتراكى وعبد الرحمن احسن (كان فى تنقاسى برضو وارتبط اسمه عندنا عندما توفى جمال عبد الناصر قفل المدرسة حدادا)
ونتدكر معا
لا انشاء ولا موضوع -------------------- ود نصر الله ادانا الجوع
والاضراب الشهير الرفتو ونقلو فيهو مجموعة من اولا د تنقاسي
ويلاكم معانا -------

ابو رغيم
09-10-2009, 05:24 AM
معقول يا صلاح تنسي طه و مصيبة

salah hussain
09-10-2009, 05:39 AM
يا عثمان ياخوى اعرف ان لك زاكرة حديدية ولك زكريات ونوادر --تنسينا الهم والغربة لان القرير كانت تجربة ومتعة حقيقية
عشان كدى فتحت البوست دار انكت المخزون عندك --وتبحت لينا يوسف شامى من تحت الواطة تجيبو لينا هنا عشان العالم دى تضحك وتوثق لى فترة غالية جدا من عمرنا -- وتنهم لينا احمد الانصارى ود ديمو -- وتتذكروا وتخبتوا لينا هنا الجمال الصاح والقرير الماها خمج
قلت لى على الطيب --قال شنو الطلبة قالو مافى لبن
قالو تعال ارضع من شطرى دا اللبن انا اجيبو ليك من وين

TANGASAWI
09-10-2009, 08:00 AM
بسم الله والصلاة واللام علي رسول الله

نسيت يا صلاح عيسي عجب سيدو وعمي خليفه السفره نضيفه وقرعم والناظر مصطفي صادق والعبيد

سويكت وولده مجذوب كان يقول انا منعت مجذوب ما يلعب مع الحلب العريانين ( اولاد مصطفي صادق)

عشان ما يعلموهو سب الدين .القرافاب كانو اتنين قرافي الكبير والصغير . مسعود كان دفعتنا وهو

محمد سليمان عبد الله مسعود ومن الوسطي اختفي وفي مروي الثانويه ظهر اخوهو عثمان سليمان

وهوتقريبا علم صديق احمد دق الطنبور لانو في تلك الايام صديق كان ممرض في كريمه وكل خميس

يجي المدرسه ويقعد مع عثمان يغنو طول الليل .

نسيت حسن الحاج من اولاد الكرو كان نايم صحي لقي الجماعه يتونسو وكان الكلام عن جاكلين كندي

قعد علي حيلو وقال لهم انا انا راح اكون لاعب كبير ويسموني جاكلين ومن يومها والي الان لايعرف

بغير جاكلين .

نسيت الجماعه البيقلعوا شجر النيم بالليل .

والله كان زمن جميل وكان التدريس تدريس والمدرس ليهو هيبه . مصطفي صادق كان بيدخن كتير

وبيقح والله يقح في المكتب المدرسه كلها تصن .

تحياتي

تنقساوي

سمير محمد الحردلو شامي
09-10-2009, 10:01 AM
بسم الله والصلاة واللام علي رسول الله

نسيت يا صلاح عيسي عجب سيدو وعمي خليفه السفره نضيفه وقرعم والناظر مصطفي صادق والعبيد

سويكت وولده مجذوب كان يقول انا منعت مجذوب ما يلعب مع الحلب العريانين ( اولاد مصطفي صادق)

عشان ما يعلموهو سب الدين .القرافاب كانو اتنين قرافي الكبير والصغير . مسعود كان دفعتنا وهو

محمد سليمان عبد الله مسعود ومن الوسطي اختفي وفي مروي الثانويه ظهر اخوهو عثمان سليمان

وهوتقريبا علم صديق احمد دق الطنبور لانو في تلك الايام صديق كان ممرض في كريمه وكل خميس

يجي المدرسه ويقعد مع عثمان يغنو طول الليل .

نسيت حسن الحاج من اولاد الكرو كان نايم صحي لقي الجماعه يتونسو وكان الكلام عن جاكلين كندي

قعد علي حيلو وقال لهم انا انا راح اكون لاعب كبير ويسموني جاكلين ومن يومها والي الان لايعرف

بغير جاكلين .

نسيت الجماعه البيقلعوا شجر النيم بالليل .

والله كان زمن جميل وكان التدريس تدريس والمدرس ليهو هيبه . مصطفي صادق كان بيدخن كتير

وبيقح والله يقح في المكتب المدرسه كلها تصن .

تحياتي

تنقساوي


أها يادوب جيتونا في الحتي المابننضم فيها ... والله عرفتولنا .... يعني نقعد فراجة غصب ....زاتو كويسة شان الناس البتتكلم في المنتدي دي كلها تعرف أنها بتتكلم مع جدودها وياخدوا الحذر ... غايتو بي كدي ماب نخليكم وبنرجا الحتي النلقي فيها الفرقة وندخل ... زي دي : مصطفي صادق الله يرحمو سنة 1974 كان مسئول التعليم في مروي ... ولمان أنا جيت الثانوي العام هو جاء عشان يتم قبولنا وكنا ناجحين أظن 69 طالب ... وقال حياخد 40 طالب لفصل واحد فقط ... وحصلت جوطة شديدة ... وجاء جدنا سيد أحمد شامي الله يرحمو وقالوا لا .... تسويهن فصلين ... 35 - 35 ورفض مصطفي .. وأصر الغوث علي رايه وفي الأخر قبلونا 50 بدل 40 عشان أبو التعليم المرحوم سيد أحمد شامي (الغوث) وكنا نحن الدفعة الوحيدة في تنقاسي الكانت فصل واحد ... يعني المدرسة كلها اولتين - تانيتين - تالتين .. الأ دفعة 74 كانت أولي واحدي أ وماعندنا ب ... موش كدي يالفالق ؟.. بالمناسبة أنا كت عاوز مدرسة القرير من حبي ليها ... لكن مصطفي صادق والناس الكانت حاضرة رفضت تحويلي لي أبوي الله يرحموا لأني كنت أول الدفعة وقالوا ماممكن ننقل الأول ... أها رايك شنو ياهندسة .

أنا ماشطحت بي موضوعك ياصلاح لكن بس شان الناس تتذكر وتعرف مصطفي صادق ... بعدين فعلاً عثمان سليمان زول كان غناي خلاص وكان يغني ماخلاص رحل الربيع خلف زهورو ... ووين صوت السواقي .... وعندو اخوه كان الدفعة القدامنا في مروي أسمو عبد العزيز سليمان.

طبعاً ياالبرالمة الصغار ... يعني الأصغر مننا نحن ... مو من ناس صلاح وسند وعوض علي الله وأبورغيم ... المدرسة البيضاء دي كنا نشوفا والله زي أكسفورد .... وطبعاً كونك تشوف المدرسة البيضاء والله دة زاتو كان حلم ... ماتشوفا الأ تكون ماشي حمد الحسن ود دار النعيم في سيرة واللا ماشي للشيخ الهدي ... وساعة العربية تجي بي جنبها الناس دي كلها تشرف أضنيها وعيونا بينات سيخ العربية والكواريك تقع ... وصلنا المدرسة البيضاء ... وصلنا المدرسة البيضاء ... وزاتو الناس القاعدين يقروا فيها لمان تشوفن تزح ليهم من الشارع ... وهم كمان عاملين فيها ولا 50 بي قرش ... والعجب العجيب يوم يبقوا ماشين ليها راجعين ... يعني راجعين يوم الجمعة العصر للمدرسة ... تجي عربية علي عبد اللطيف الوشيها زي أسود ديك .... وناس ود ديمو ديل وناس صلاح ومعروف ... الناس دي كلها مسطحي من فوق ... والشارع دة كيمان كيمان التقول الولاد ماشين وماهن راجعين تاني .. الحريم ... البنات ... الشفع ناس نحن بي فنايلنا أم حمالات وبراءة الأطفال ديك ... وشئ زلابية وشئ قرقوش وشئ تمر وحريم مرات يبكن .... وحقيقة لو قارنت الأيام ديك باليوم دة تلقاهم فعلاً كانو صغار ودايرين يفكوهم براهم للداخليات والبعد من أهلهم .. لكن برضك تحس أنهم ناس فاهمين مو زي قريعتي راحت العندنا اليومين ديل ..... ووالله ياجماعة موش عمرهم كان زي 11 سنة .... لكن تشوفم عاقلين وناس قلاد قلاد كدي .... يعني معقول كانو قدر ولدي الهسي عمرو 12 سنة دة ولاحدي أسي مايعرف يمشي السوق والدكان سمح ؟ غايتو دنيا وفعلاً الراح ماب يرجع .

نحن بعد تخلصوا أنتو بنجي نحن لي تنقاسي المتوسطة كمان ... مو الوسطي زيكم ...لكن أنا خايف موضوع القرير الوسطي دة يبقي زي موضوع منتدي البركل ... مروي الوسطي وذكريات من صنب .... حق ناس عثمان محجوب جعفر وجعفر مصطفي جعفر (هم موش في عمان معاك ياصلاح ؟) والسر وود عبد النبي وعمر خطيب وشلة مروي الوسطي من ولاد البركل ... الناس قالت مروي الوسطي ومنها لي مروي الثانوية ... عليك أمان الله مو تاني حلفو وأجزموا مايمرقوا من حوش الوسطي دة ... وقدر الناس ماتقولهم خلاص أنتهينا ويمشوا الثانوي بلا تاني تلقاهم جوا صادين لي الوسطي .. الناس خلت دة ومشت فتحت بوست تاني وسمته اليوبيل الذهبي لمروي الثانوية ... برضو جماعتك ديل جو هناك وتاني بس الواحد يقولوا سطرين عن مروي الثانوية بلا يرجع لي مروي الوسطي تاني .... بس ياهو المتوقع سياسة بسمارك الداخلية في الأمتحان وقام جاتو سياسة بسمارك الخارجية ... أها بقي مو عارف شئ قام كتب لكي نتكلم عن الخارجية لابد من التطرق لسياسته الداخلية وقام فتح ... فتكم عافي بعد دة صلاح حسين بينعلني ... أصلي سند عارفوا مايقول شئ ... لكن الخوف من ناس ود ديمو وأبورغيم وود حسين الحسن دة ... فتكم عافي.

دة حالتنا قلنا مابنعرف ننضم فيها !!!!! لا بالله !!! أحسن تعرف !!!!!!!!!!!!!!!!!!!!

salah hussain
09-10-2009, 12:36 PM
الكبر حصل من اولو يارفاقه
شكرا تنقاساوى -- تعرف بدل ما اقول محمد سليمان-- مسعود -- كتبت عبد الله سليمان -- تعرفو عبد الله سليمان دا مهندس معرفة جامعة --اصولو من الشمالية--- صحيح -- عثمان سليمان - يدق الطمبور بى مزاج عالى
الشى التانى ---قرعم --دا رابط لى فى راسي -- وخفت اكتبو يطلع فى مروى الثانوية --
دا مش بتاع الموية البيملو الازيار --- معاهو واحد تانى اسمو منو ------------؟

فى شى عايز تزكير === العببيد سوكين -- مش عندو قفطان --والله داك ود نصر الله
وطالبنك بى حليفتا -- كلكم تتاوقو -- وتكتبو --العارفنو

يا ودرغيم خلى مساختك الاتعلمتها على كبرك دى -- تكتب ليك لكزة كدى وتقوم جارى -- لا تتم الكلام لا تبداهو --- هنا تخفس الكلام -- انت قايلنا لاهسع نجيبا طايرة --- حليلك وحليلنا يابا مافى طايرة تانى
لاهسع --- قلت لى طه ومصيبة --- اكتب العندك عنهم تفصيلا

تعرف يا تنقساوى يا خوى --- القرير دى دايره مجلدات --- بس نجعل من هذا البوست استراحة جميله ويا سمير ما تخاف نحن دايرنك معانا لانو اولاد تنقاسي المن القرير ماهم شويه -- اقرا كويس --ولسع فى من نسينا

salah hussain
09-10-2009, 01:14 PM
ا انت عارف يا سمير الطفرنى من منتدى البركل -- الماسكين بوست اولاد مروى الوسطى كلهم من مروى الثانوية وكلهم اصحابى -- عثمان محجوب -وجعفر المعانا هنا --والسر المن مروى شرق واولاد البركل -- كلما ادخل --يوقفونى --اقيف مروى الثانوية جاينها وزى ما قلت لا يومى ويومك
قلت الوسطى احلى والقرير ما كنا فاضين فى مروى --ذاتها --- المدرسة مدرسة --والبلد اش جاب القرير لى صنم
القرير الوسطى كانت ايامها مدرسة زى السجن الحربى --فى نص الخلاء -- يا خوانا دى كانت يفصلها من الحلة ---جبل راسو عديل --- نحن زمان غايتو كنا شايفنو جبل --- قوز ام شديرة ---يبدا من جم ناس طه محمد طه -- محمد طه دا كان المتعهد -- وينتهى جنوبا بقهوة ود مختار--بى فولا الحار --والعيش الحار من الفرن الجمبها -- وكنا كيتا فى عشا على الطيب وفولو الملكلك --نشرد لتلك القهوه --- لانك تاكل بى مزاج وسجارتك قصبة --
تقولى مروى -- صنب المافيها غير ناس الحكومة --- نحن القرير -- الطنابير --والناس السمحين -- خصوصا القلعة --- اول ما سمعت محمد كرم الله ---فى حفلة ان ما اكضب كان عند ناس حمد سعيد او حلتم ---نحن شاردين من المدرسة --- ايام الفنانين جنهم كجنى--- اشوفلك ود كرم الله يشرب فى اللبن --- دا كديسى والله فنان ---

اتصورو -- بيوت المدرسين من الناحية الشمالية -- ناحية تنقاسي
بعدها سهله صغيرة الى الجنوب تقع المدرسة والداخلية فى حوش واحد --- المدرسة والمكاتب اقصى الجنوب
الى الغرب -- هاك يا ميادين كورة القدم --شراب وغيرو يحدها قوز ام شديرة---
شرقا الخلاء والرفيق الفسل -- حدك الاراك --مافى شى -- ان شردت فى هذا الاتجاه -الموية ما تلقاها - وظليل الاراك --مسافه تبرد كرعيك -- يقع فى هذا الجزء --باب قفلتو الرملة --سموها باب الحرية
مره لو تذكر يا ود ديمو --على عثمان جانا يوم خميس -- والناس برة المدرسة فى قمرة وحرينا شغالة
على عثمان --صاحب ود دغور -- -- جاب الكواريق -- وصحى الناس -- لفتح باب الحرية
حنوصف ليك المدرسة جوا كيف== والداخليات --النيل --الدندر -الرهد -- السوباط المشاترى براها فى الناحية الغربية قصاد السفرة---ورونا السكن السوباط منو من تنقاسي

TANGASAWI
09-10-2009, 02:00 PM
بسم الله والصلاة والسلام علي رسول الله

مصيبه اصلو حلفاوي وكان ماسك البوفيه . وكان في فراش برضو حلفاوي اسمو عمي امين وعندو

ولد كان في المدرسه اسمو عثمان لو تتذكرو . ومصيبه كان يستعمل القمشه ويبيعا للطلبه .لكن مابيبيع

من طرف عندو ناس مخصوصين .علي الطيب كان معاهو واحد اسمو فضيل .

تطلع بره الحوش تلقي ست الجيل وبت الناولي وعمك سعيد غنمايه فارشين الموز والبرتكان والجوافه

والمنقه . كان سته موزات بي قرش وما بتقدر تكملن .

يوم الجمعه الطلوع ماكان عشان صلاة الجمعه وبس لكن كان الناس يمشو دكان حسنين ودكان حسنين

كان مثل البقالات الحديثه الان اي شئ عاوزو تلقاهو وبعدين حومه شويه العصر في العامراب وزي

ما قال شاعر حلمنتيش ( عينو الزايغه بتجمع وتطرح ) في قصيدة سيد بشبش . طبعا طلبه قاشرين اخر

بناطلين وقمصان نايلون وفنايل شبكه كانت يادوب طالعه . وفي ناس يوم الخميس يشردو لي دكام وما

ادراك ما دكام .

العبيد سويكت يا صلاح من ناس الدامر وبيدرس انجليزي وبيلبس قفطان زي ما قلت . قال شافوني

بالقفطان قالو ما بيعرف انجليزي والله انا الانجليزي ادرسو بي كراعي دي ( بكسر الكاف ) وفع كراعو

في نص الفصل .

طبعا انت نسيت الصادق حسين والصاق ليهو حكايات كان عندو كلمات انجليزيه مخترعا من راسو

فرطقليماري وكورركجيماري وكان بيسأل الاستاذ من معانيها . كذالك من ابناء تنقاسي ميرغني مالك

ويحيي علي حماد ومحمد احمد خالد وعثمان عبد الله ادم وحسن علي سليمان والمرحوم طه الانصاري

وعطا المنان البقاري وغيرهم كتير كلما نتذكر زول بنكتبو .

لكم التحيه

تنقساوي

سمير محمد الحردلو شامي
09-10-2009, 02:14 PM
تنقساوي وصلاح تحياتنا ... أنتو عمر فتيحابي درس الوسطي وين ؟ وبعدين دحين ماكان معاكم واحد من الرويس دة دفعة هاشم شنان وكمال يمكن أسمه هاشم سعيد وكان لعاب في الكورة ... أها دة ماقرأ في القرير .... نحن بس دايرين نذكركم شان ماتنسوا ... غايتو تنقساوي أحسن منك ياصلاح .. أرجع فرمت رأسك دة ... وبرضو المرحوم عمر رغيم علي حمد ... قرأ وين ؟ علي رغيم الحسن برضو القرير ..... واصلوا ونحن في الفراجة زي ماقلت .... سلملم

ابو رغيم
09-10-2009, 03:22 PM
عمر علي فتيحابي - المقل الوسطي

salah hussain
09-10-2009, 05:14 PM
عفوا فقد سهوت عن اثنين من اولاد دفعتنا
عبد الرحمن الشفيع -- من التبلبناب --- الرايق العزب الدابو اتزوج السنة دى 2009 -- ومازال ذلك الرجل النبيل

اخونا عثمان محى الدين بالرغم من ان اصل جزورو من قنتى --الا ان له علاقة قربى بمحمد الحسن عبد الخالق وقدم معنا من تنقاسي الابتدائية --- ود عبد الخالق دا يا سادة سبب رئيسى فى كرهى وتركى للباسكت بول لا يوم الليلى فراق الطريفى لى جملو

salah hussain
09-10-2009, 11:34 PM
وسهوت كذلك عن دفعة على الشامى --- سيد احمد ود ابراهيم وعبد الرحمن شمسية وهاشم حسن الامين وابوعبيدة عوض الله قنديل و د عبد الرحمن محمد الحسن من التلبناب -- حسب ما ذكر لى هو الان بسونا -ايضا الحاج سرالختم و خليفة حسن عبدالرحيم (صححوا الاسم )--برضو دفعة ناس مقداد بلول -- اخونا حسين النو الحسين من الدبيبة


حوش المدرسة فى الركن الشمالى الغربى تقع سفرة على الطيب -- وعلى الجنوب منها فسحة-- وبعدها داخلية السوباط -- يواجه ذلك من الناحية الشرقية وعلى صف واحد من الشمال الى الجنوب داخليات النيل اولا بعدها الدندر وبعدها الرهد وهى اقرب الداخليات الى الفصول التى تقع فى الجزء الجنوبى بالكامل واذكر فى الركن الجنوبى الغربى كانت هناك مساحة فيها عادة مجسم نهر النيل والسدود ناس نجع حمادى وما عارف ايه بتاعات الجغرافيا
اما جنوب داخلية السوباط ومقابل لداخلية الرهد تقريبا الكنتين --كنتين البدوى --تشرب فيهو الكاكاو واللبن -- اللبن دا موية حارة مع معلفة معلفتين سكر ومعلقة لبن بودرة --- وكثيرا ما تسمع الحجى دفع وما دفع ---
الداخليات ببساطة اربعة عنابر اثنين كبار فى الوسط امامها برندة من الشرق الى الغرب وفى الاطراف عنبر صغير من كل جانب --
-- داخل المدرسة جنب الكنتين ملاعب الباسكت والفولى بول -- ايام الفلى بول ----
ال الداخليات -- تبدا صباحك بشاى الصباح وجرس الشاى بعدو الحصص --- وجرس الغداء ووبعدو جرس الراحة ---- شفتو كيف الناس ترتاح بالقوة --- والساعة اربعة تبدا فترات الالعاب --- لازم تلعب لو بتعرف لان منافسات الداخليات على اشدها --- وبعد المغرب بالقوة برضو جرس المذاكرة -- تمرق منها على جرس العشاء وبعد فترة جوطة وونسة --جرس النوم
كل شى بى مواعيد وترتيب --- وانضباط --- ويا حليللك يازمن

مامان
09-11-2009, 05:23 PM
صلاح حسين

لك خالص التحياي ورمضان كريم

والله مدرسة القرير الأميرية لم تكن مدرسة عادية. وذكرياتها لا تنسى ولن تنمحي من الذاكرة وصداقاتها محفورة حفرا في الذاكرة ومن فقدناهم من زملائنا ما زلنا وسنظل نذكرهم ما حيينا. من منا سينسى المرحوم (ود الزومة) محمد عثمان محمد عبد الرحمن.. ذلك الأديب الفيلسوف... كنت قريبا جدا منه وامتدت صداقتنا حتى الجامعة.. كان رجلا موسوعة .. استشهد في الحرب الأهلية التشادية عندما أرسلته وكالة سونا للأنباء مراسلا لها... كان المراسل الوحيد الذي يغطي حرب تشاد حتى أن وكالة الأنباء الفرنسية كتبت تقريرا عنه وعن شجاعته ومقدرته الفائقة في تغطية الأحداث... حوصر ومعه نفر في منزل قنصل السودان ، وفتح الشباك بعد هدوء زخات الرصاص ليستكشف ما يحدث ، ولكن قناصا كان له بالمرصاد فاستشهد... له الرحمة.

سأواصل معك في هذا البوست
*

salah hussain
09-11-2009, 06:44 PM
الله اكبر
مامان يا رايع - تقبل الله صومك وقيامك
-هذا البوست لك ولكل ابناء القرير الوسطى --- ولو تشوفلنا السرير تجرجرو هنا--- وياريت كمان حمد سعيد

انا وعوض على الله وكل خريجى القرير نعشق القرير واهل القرير ---- فانتم من علمنا ان نعشق الطمبور -- وحفظنا القرير واحياءها -- حته حته --رعانا اهلها ونحن يافعين صغار -- ولا شك ان مدرسة القرير -- جامعة قايمة بذاتها وعلاقات طلابها امتدت لما بعد الجامعة وستظل
اهلنا فى تنقاسى
-- بالمناسبة علاقتى بمامان اضافة لمدرسة القرير ---فقد كان والده صديقا لوالدى عندما لمتهم الغربة فى مصر --- وهذا البوست انشاء الله هى داره بمثل ما ان منتدى تنقاسى هى دار لكل اهل القرير ---
الدعوة لكل خريجى القرير من القرير ومساوى واوسلى والباسا والكرو والزومة ومقاشى -- لاثراء هذا البوست مثلما امتعتنا المدرسة البيضاء ليستمع ويستمتع هذا الجيل الذى لم يخوض تجارب غربة الصغرة ولم تهيا له مدارس هذا الزمان بمثلما تهيا لجيلنا صروحا كالقرير الوسطى

ميرغني ديمو
09-11-2009, 07:22 PM
لاحول ولا قوة الا با الله العلى القدير , اها سكتنا ياسمير انضم انت ..؟أها يادوب جيتونا في الحتي المابننضم فيها ... والله عرفتولنا .... يعني نقعد فراجة غصب ....زاتو كويسة شان الناس البتتكلم في المنتدي دي كلها تعرف أنها بتتكلم مع جدودها وياخدوا الحذر ... غايتو بي كدي ماب نخليكم وبنرجا الحتي النلقي فيها الفرقة وندخل ... زي دي : مصطفي صادق الله يرحمو سنة 1974 كان مسئول التعليم في مروي ... ولمان أنا جيت الثانوي العام هو جاء عشان يتم قبولنا وكنا ناجحين أظن 69 طالب ... وقال حياخد 40 طالب لفصل واحد فقط ... وحصلت جوطة شديدة ... وجاء جدنا سيد أحمد شامي الله يرحمو وقالوا لا .... تسويهن فصلين ... 35 - 35 ورفض مصطفي .. وأصر الغوث علي رايه وفي الأخر قبلونا 50 بدل 40 عشان أبو التعليم المرحوم سيد أحمد شامي (الغوث) وكنا نحن الدفعة الوحيدة في تنقاسي الكانت فصل واحد ... يعني المدرسة كلها اولتين - تانيتين - تالتين .. الأ دفعة 74 كانت أولي واحدي أ وماعندنا ب ... موش كدي يالفالق ؟.. بالمناسبة أنا كت عاوز مدرسة القرير من حبي ليها ... لكن مصطفي صادق والناس الكانت حاضرة رفضت تحويلي لي أبوي الله يرحموا لأني كنت أول الدفعة وقالوا ماممكن ننقل الأول ... أها رايك شنو ياهندسة .


أنا ماشطحت بي موضوعك ياصلاح لكن بس شان الناس تتذكر وتعرف مصطفي صادق ... بعدين فعلاً عثمان سليمان زول كان غناي خلاص وكان يغني ماخلاص رحل الربيع خلف زهورو ... ووين صوت السواقي .... وعندو اخوه كان الدفعة القدامنا في مروي أسمو عبد العزيز سليمان.

طبعاً ياالبرالمة الصغار ... يعني الأصغر مننا نحن ... مو من ناس صلاح وسند وعوض علي الله وأبورغيم ... المدرسة البيضاء دي كنا نشوفا والله زي أكسفورد .... وطبعاً كونك تشوف المدرسة البيضاء والله دة زاتو كان حلم ... ماتشوفا الأ تكون ماشي حمد الحسن ود دار النعيم في سيرة واللا ماشي للشيخ الهدي ... وساعة العربية تجي بي جنبها الناس دي كلها تشرف أضنيها وعيونا بينات سيخ العربية والكواريك تقع ... وصلنا المدرسة البيضاء ... وصلنا المدرسة البيضاء ... وزاتو الناس القاعدين يقروا فيها لمان تشوفن تزح ليهم من الشارع ... وهم كمان عاملين فيها ولا 50 بي قرش ... والعجب العجيب يوم يبقوا ماشين ليها راجعين ... يعني راجعين يوم الجمعة العصر للمدرسة ... تجي عربية علي عبد اللطيف الوشيها زي أسود ديك .... وناس ود ديمو ديل وناس صلاح ومعروف ... الناس دي كلها مسطحي من فوق ... والشارع دة كيمان كيمان التقول الولاد ماشين وماهن راجعين تاني .. الحريم ... البنات ... الشفع ناس نحن بي فنايلنا أم حمالات وبراءة الأطفال ديك ... وشئ زلابية وشئ قرقوش وشئ تمر وحريم مرات يبكن .... وحقيقة لو قارنت الأيام ديك باليوم دة تلقاهم فعلاً كانو صغار ودايرين يفكوهم براهم للداخليات والبعد من أهلهم .. لكن برضك تحس أنهم ناس فاهمين مو زي قريعتي راحت العندنا اليومين ديل ..... ووالله ياجماعة موش عمرهم كان زي 11 سنة .... لكن تشوفم عاقلين وناس قلاد قلاد كدي .... يعني معقول كانو قدر ولدي الهسي عمرو 12 سنة دة ولاحدي أسي مايعرف يمشي السوق والدكان سمح ؟ غايتو دنيا وفعلاً الراح ماب يرجع .

نحن بعد تخلصوا أنتو بنجي نحن لي تنقاسي المتوسطة كمان ... مو الوسطي زيكم ...لكن أنا خايف موضوع القرير الوسطي دة يبقي زي موضوع منتدي البركل ... مروي الوسطي وذكريات من صنب .... حق ناس عثمان محجوب جعفر وجعفر مصطفي جعفر (هم موش في عمان معاك ياصلاح ؟) والسر وود عبد النبي وعمر خطيب وشلة مروي الوسطي من ولاد البركل ... الناس قالت مروي الوسطي ومنها لي مروي الثانوية ... عليك أمان الله مو تاني حلفو وأجزموا مايمرقوا من حوش الوسطي دة ... وقدر الناس ماتقولهم خلاص أنتهينا ويمشوا الثانوي بلا تاني تلقاهم جوا صادين لي الوسطي .. الناس خلت دة ومشت فتحت بوست تاني وسمته اليوبيل الذهبي لمروي الثانوية ... برضو جماعتك ديل جو هناك وتاني بس الواحد يقولوا سطرين عن مروي الثانوية بلا يرجع لي مروي الوسطي تاني .... بس ياهو المتوقع سياسة بسمارك الداخلية في الأمتحان وقام جاتو سياسة بسمارك الخارجية ... أها بقي مو عارف شئ قام كتب لكي نتكلم عن الخارجية لابد من التطرق لسياسته الداخلية وقام فتح ... فتكم عافي بعد دة صلاح حسين بينعلني ... أصلي سند عارفوا مايقول شئ ... لكن الخوف من ناس ود ديمو وأبورغيم وود حسين الحسن دة ... فتكم عافي.


دة حالتنا قلنا مابنعرف ننضم فيها !!!!! لا بالله !!! أحسن تعرف !!!!!!!!!!!!!!!!!!!!

salah hussain
09-11-2009, 07:48 PM
لاحول ولا قوة الا با الله العلى القدير , اها سكتنا ياسمير انضم انت ..؟

يا ود ديمو سمير حيرك ودر لك الفى راسك --- خلو على يابا
جيب رفاقتك وتعال --- القرير دى رحلة عمر واهو جبنالكم مامان كمان ---عقبال السرير --- ان ما سويتلو تلفون --ارجونا نكمل رمضان بس

ميرغني ديمو
09-11-2009, 08:30 PM
والله يا صلاح داك الزمن السمح ولكن زى ما ما قلت الذاكره بقت ماها ياها اسع برجع فى الشريط واسماء بتذكر فيها شويه شويه .واكيد لى رجعه بس خلى الذاكره ترجع شويه .كمان فى اسماء دخلتها ساكت واسماء سقطت سهوا اكيد .اما المرح والنوادر فبقى تشوفوا لينا الشيخ يوسف شامى من سقط لقط تجيبوه .وقصصه مع استاذنا الجليل محمد عبد المطلب فى رمضان غايتو يوسف دا شوفولوا ركن براه .وبعدين هو من مد راسه هنا كبر الزوقه لايومى ويومكم دا ....؟اخوى سمير عليك الله ماتزعل انا قعد اتنفش فيك ساكت وما قعد تلاوينى وسلملم .يا ود ديمو سمير حيرك ودر لك الفى راسك --- خلو على يابا
جيب رفاقتك وتعال --- القرير دى رحلة عمر واهو جبنالكم مامان كمان ---عقبال السرير --- ان ما سويتلو تلفون --ارجونا نكمل رمضان بس

ميرغني ديمو
09-11-2009, 08:36 PM
ياربى الحكايه بخل والله شنو..؟تلغرافاتك امسكها عليك ..؟ ولما تجى املا الصفحه دى من اولها لى اخرها .عمر علي فتيحابي - المقل الوسطي

سمير محمد الحردلو شامي
09-12-2009, 02:46 AM
لاحول ولا قوة الا با الله العلى القدير , اها سكتنا ياسمير انضم انت ..؟

ود ديمو سلامات
الليلي ذكرتي عماد ود صالح بلول عندو شافع أسمو عثمان ... السنة كان ماتماها ... حبوبتوا رقيه جات هنا في قطر وبقت مسافري ... أها قاعدي تستف قام الجنا غلبا ليك غلبة ... تشيل دة يرمي دة ... تدخل دة يمرقلها دة ... زهجت منو زهج شديد خلاص وفت قامت قعدت فوق السرير ... قالتلوا أها ياعثمان ... مو الستيف دة .... خلينا ليك ... ستف أنت !!!!

والله حدو قضارف .... دة حالتي ماقريت في القرير ... والأ كان صلاح حسين زاتو ماكان لقي اليقولوا .... سلملم

ميرغني ديمو
09-12-2009, 05:13 PM
تسسسسلم يا سلملم .ود ديمو سلامات

الليلي ذكرتي عماد ود صالح بلول عندو شافع أسمو عثمان ... السنة كان ماتماها ... حبوبتوا رقيه جات هنا في قطر وبقت مسافري ... أها قاعدي تستف قام الجنا غلبا ليك غلبة ... تشيل دة يرمي دة ... تدخل دة يمرقلها دة ... زهجت منو زهج شديد خلاص وفت قامت قعدت فوق السرير ... قالتلوا أها ياعثمان ... مو الستيف دة .... خلينا ليك ... ستف أنت !!!!


والله حدو قضارف .... دة حالتي ماقريت في القرير ... والأ كان صلاح حسين زاتو ماكان لقي اليقولوا .... سلملم

ابو رغيم
09-12-2009, 05:32 PM
والله يا صلاح المدرسة البيضا منقوشة بين الحنايا ومجدولة في الزاكرة (الكاش مومري)
لكن في حاجة بقيف عندها كل يوم . لو تزكر دروس و مواعظ اخونا حسن محمد احمد انا كنت
مدمن تقريبا عليها . ولقد لازمتني حتي اليوم كل اوقف عند داعية أو واعظ واقارن ما يقول
اجد حسن كان سابقه وهو تلميذ .
احمد الله واشكر فضله أن جعلني في زمنا ما صحبة عابده الزاهد و داعيته المفتوح له بالخير
حسن محمد أحمد إدريس

ميرغني ديمو
09-12-2009, 08:30 PM
ايوه كده بريس بريس ....والله يا صلاح المدرسة البيضا منقوشة بين الحنايا ومجدولة في الزاكرة (الكاش مومري)
لكن في حاجة بقيف عندها كل يوم . لو تزكر دروس و مواعظ اخونا حسن محمد احمد انا كنت
مدمن تقريبا عليها . ولقد لازمتني حتي اليوم كل اوقف عند داعية أو واعظ واقارن ما يقول
اجد حسن كان سابقه وهو تلميذ .
احمد الله واشكر فضله أن جعلني في زمنا ما صحبة عابده الزاهد و داعيته المفتوح له بالخير
حسن محمد أحمد إدريس

مامان
09-13-2009, 04:52 PM
العم المرحوم علي الطيب شيف مدرسة القرير الأميرية


http://www3.0zz0.com/2009/09/13/13/460102275.jpg (http://www.0zz0.com)

salah hussain
09-13-2009, 06:04 PM
العم المرحوم علي الطيب شيف مدرسة القرير الأميرية


http://www3.0zz0.com/2009/09/13/13/460102275.jpg (http://www.0zz0.com)

الله يفتح عليك يا مامان --- شقيش ما تقبل -- دنيا واخرة
انكت ===انكت العندك كثير
ومعا لاثراء هذا البوست الذى سيزداد روعة بمداخلاتك -- من زى دا والمدفون عندك

شتيلة قريرا ---- الفجر نبحن بوابيرا

salah hussain
09-13-2009, 06:27 PM
والله يا صلاح المدرسة البيضا منقوشة بين الحنايا ومجدولة في الزاكرة (الكاش مومري)
لكن في حاجة بقيف عندها كل يوم . لو تزكر دروس و مواعظ اخونا حسن محمد احمد انا كنت
مدمن تقريبا عليها . ولقد لازمتني حتي اليوم كل اوقف عند داعية أو واعظ واقارن ما يقول
اجد حسن كان سابقه وهو تلميذ .
احمد الله واشكر فضله أن جعلني في زمنا ما صحبة عابده الزاهد و داعيته المفتوح له بالخير
حسن محمد أحمد إدريس

شيخنا وحبيبنا الرجل الزاهد -- الزاكر -- العابد -- الصلاي -- الوضاي --
احد جهابزة القرير الوسطى -- تخيلوا سادتى فى ذاك الزمان -- وفى ذاك العمر اليافع يجمعنا حولة ويقرا من كتبه الصفراء -- يشرح لنا اصول واساسيات الدين والحياة -- علمنا بلا خجل -- قطع الجمار وهذا من ضمن ما يجعل اخونا ود معروف والشيخ يوسف وايوب محمد الحاج -- يبداون حكايات اخر يمتصها الشيخ ضاحكا ومركزا على تعليمه الذى بداه -- علمنا الغسل بانواعه -- صلاة الجنازه -- الاستخارة--علمنا مالم --نطرقه فى قاعات الدراسة-- اسال الله ان يجعل ذلك كله فى ميزان حسناته
يا سادتى حسن محمد احمد سابق لعمره وزمانه -- يحق لك ان تحترمه بحق وتحبه بشغف -- لم اره الا هاشا باشا ضاحكا --يلقاك وانت اخوه وابنه واقرب اقربيه --- لم اره متشنجا تشنج دعاة الزمن الجديد-- يسهل لك الدين لتحبه -- ويصعبه عليك لتخاف الله --- وفى هذا ما كان يحكيه عن عذاب القبر واهوال يوم القيامة
(تحضرنى هنا قصة حكاها لى ابن خالى عن المرحوم على خالد يشاغل احدهم فى فراش عند البقادة --سمع انه يقلع الاشميق-- قالو جوه الملايكة فى القبر 00 الاشميقة دى من وين --وبالمندالة فوق صفحتو --دل -- وتانى --دلل دل --دلل -- الاشميقة دى من وين --وتانى دل دلل ---- المهم ود خالنا يحكيها افضل بمسماها قصة الاشميقه )
وما زال هذا الشيخ العابد الزاهد يمتع اهله ومريديه تجده فى كل ملمات اهل تنقاسي -- فكلهم عنده زوى قربى -- التقيته فى فراش المرحوم صلاح محارى والمرحوم حسين شامى -- فقرا وتحدث والناس منصتون بعلمانيه وعقلانية مؤبنا للفقيدين -- واين ما حضر انتدب بحب الناس لرفع الفراش ممثلا لاهل المتوفى
== اذكره كل ما اكبر لصلاتى وانا اخرج حرف الكاف -- اخراجا --مركزا للكاف-- لانه فى ما اذكر وانا فى الوسطى -- والسودانين عامه لهم حروف ينطقونها انى شاءوا --منها الكاف التى قال استاذنا ان الشيطان يسمعك اياها غينا --لكى تنطقها الله اغبر والعياذ بالله
اخونا ايوب كان كثير المشاغلة لشيخنا الصغير وقتها -- وايوب وقتها فيه بعض مرح جاهلية -- يجرى خلف الشيخ -- الحسن فعل -- الحسن ----- --ناقضا وضوه -- فتراه يجرى خلفه -- ملعون === يقولها وهو يضحك وكان بينهما ود واولاد دفعة
الشيخ حسن كما قلت يا ود رغيم -- سابق لعلماء هذا الزمان ---
نسال الله ان يزيده علما ويحبب فيه خلقه --وجزاه الله عن تنقاسي -- فقد كان يتصدى لكل ماهو مخالف للشرع بلطف وموعظة حسنه -- وبدا خطب الجمعة باكرا فى جوامع تنقاسي -- وما زال بارا باهله واصدقائه
وهذا بعض من فيض المدرسة البيضاء -- ومعا ننكت الباقيين واحدا تلو اخر--

ابو رغيم
09-14-2009, 01:35 AM
أول دفعة في القرير الاميرية الوسطي كان من بين طلبتها من تنقاسي د. عبدالله الطيب خلف الله و عبدالله الطيب عثمان ارجو من يتزكر أخرين يتقدم

salah hussain
09-14-2009, 03:19 PM
الدخول للقرير الوسطي كان حلما بالنسبه لاكثر ابناء جيلنا --الذين يريدون التعليم --لم تكن هناك خيارات كثيرة علي كل حال -- اما الاميريه 40 تلميذ --بعدها الاهليه --في القرير ايضا --40 بعدها اعتقد معهد تنقاسي والله تلفلف- هنا وهنا ان لم يحتضنك سوق القش -- ودا عالم قايم بذاتو
لفتره اسبوع او يزيد يقضيها تلاميذ صغار في حدود العاشره --من عده مدارس اوليه شرقا وغربا -- في انتظار امتحان الشهاده الاوليه --- بالمناسبه الاوليه هذه انت تقرا وتكتب وعندك احساس بانك زول فاهم == وكمان مغترب000 --- وايام الامتحانات تجد طلاب كل مدرسه مع بعضهم -- يحدوهم بالتاكيد ان يكون الاوايل منهم -- لذا تبدا انواع من المشاغلات 00 وتمرير اسئله لا انزل الله بها من سلطان 000 بانها في ورقه الاسئله -- هنا تحضرني اسئله من شاكله اسماد الام -- وعدد الحجاره --- تعجيزيه -- من طلاب مدرسه دكام -- وطراهم الله بالخير التيمان --- حسن محمد الحسن والاستاذ حسين محمد الحسن --- ما زلنا حتي يومنا اتساءل --- حكايه انهم بينقلبوا كدسه دي جات من وين -- في الزمن داك صدقناهم
من جميل الصدف ان ذهبت الي حسن محمد الحسن في اجازتي الماضيه --وعرفت ان حسين استاذ ماسك حق البلد - فلهو التحيه --وانشا الله نصلوا في القرير
المهم بعد الامتحان الصارم القسمات --مراقبه--- ونزاهة في التصحيح == ما يمرقك الا قلمك وراسك وللاسف--- عمرك --في بعد الاحيان مثلما حرم اخونا الزبير خالد الذي كان اول لجنته في ذاك الزمان ان لم اكن مخطئا =هو التحق بالمعهد علي كل حال
وارجوان تدونا دفره لي حكاوي ايام الامتحانات دي قبل ان نواصل
تخريمه === الانصاري احمد مالك عامل تقيل يابا --امرق العندك --انت قريت في مروي الوسطي ==

مامان
09-14-2009, 05:31 PM
استعنت بصديقي محمد عوض الحاج الذي ما زال يحتفظ بذاكرة قوية (ماشاء الله ) وهذه قصة من قصصه حول (شراد ) اتنين من ولاد أوسلي من الداخلية وكيف تم تعقبهما حتى تم القبض عليهما وارجاعهما للمدرسة بواسطة الناظر المرحوم مصطفى صادق وجلدهما.

حدثت أحداث هذه القصة في عام 1963م وكان بطلاها طالبين بالسنة الأولى بمدرسة القرير الأميرية. عاد الطلبة من الإجازة بعد عيد الأضحى للداخلية. كانت داخليات المدارس تتميز بنظام صارم. كل شىء مرتب ترتيبا غير عادي ومنذ الصباح الباكر هنالك مواعيد للوجبات ومواعيد للدراسة ومواعيد للمذاكرة ومواعيد للنوم. وقبل النوم هنالك ما يسمى التمام حيث يجمع الطلبة المقيمين بالداخلية ليتأكد ضابط الداخلية وهو أحد المدرسين، ليتأكد من أن جميع الطلبة موجودين. في تلك الليلة افتقد طالبان رغم أنهما كانا موجودين حتى انتهاء فترة المذاكرة.

أبلغ ضابط الداخلية ناظر المدرسة المرحوم مصطفى صادق بالخبر في وقته أن الطالبين زين العابدين جبر الله وصديق الحبيب غير موجودين بالداخلية وهما من أبناء أوسلي . وبدأ التفتيش عنهما. وتأكد أن هنالك آثار أقدام فقزت من السور من الناحية الشرقية واتجهت آثار الأقدام صوب الجنوب... الى أوسلي حيث ديارهما. ويبدو أنهما سارا طول الليل حتى وصلا اليها.

في الصباح الباكر ذهب ناظر المدرسة واستنجد بإدارة المشروع الزراعي فأعطوه عربة الكومر بسائقها واتجه فورا الى أوسلي بعد شروق الشمس. وسأل عن بيوت الطالبين فدلوه عليهما فوجدهما وصلا وكل منهما مستمتعا بالشاي المقنن. فاصطحبهما في الكومر الى المدرسة. وعند وصوله وبرفقته الطالبين تم التحقيق معهما ولما سألهما عن السبب في هروبهما كان الجواب (والله اشتهينا البلد) رغم أنهما عادا لتوهما من الإجازة. جمع الطلبة وتقرر جلدهما أمام الجميع وتم ذلك بالفعل.

عبدالرحمن شامي
09-14-2009, 07:19 PM
العم المرحوم علي الطيب شيف مدرسة القرير الأميرية


http://www3.0zz0.com/2009/09/13/13/460102275.jpg (http://www.0zz0.com)
لك التحية الاخ مامان كيف حالك ولينا زمن ماشفناك
هى حقا ذكريات جميلة ولقد استرجعنا الكثير من الزمن الجميل (واوعى يكون الغداء براطيش )ونرجو المزيد

سمير محمد الحردلو شامي
09-14-2009, 09:50 PM
ياناس القرير الوسطي من أذنكم فاصل أعلاني ونعود (We will be back soon) :

ياجماعة أي زول جاء البوست دة يتأكد أنو مسجل أسمو في حصر العضوية في بوست صلاح حسين في المنتدي العام بأسم : سداد الأشتراك الشهري لعضوية المنتدي ..... أها بعد دة أي زول القاهو دخل هني طوالي راسي عديل بمشي علي العضوية أشوفوا مسجل واللا كمان سوالنا دفن الليل أب كراعاً برة ... فتكم عافي أرجعوا لي قريركم .... سلملم

تخريمة : أنتو معتصم شبلي ماكان معاكم في القرير دي ... قالو كان عندو الحكاوي ... وحسن علي سليمان قال لي مرة مزاج ساكت مكسر لي قزاز في المدرسة دي بالحصايي أفلع فيهو ... والغريبة قال ساعة في الطابور قالوا الكسر الزجاج دة منو قمت طلعت ليهم .... وباقي القصة عليكم ... سلملم.

salah hussain
09-15-2009, 12:41 AM
شكرا رقاقي علي الطله ومنتظرين الحكي بعد الفطر وتديها سفه يا ابوسيداحمد
معتصم شبلي -- اظنو دفعتك يا ديمو
العارفو كان جراي -- وشرادو من المدرسه كثير
مالحقوهو زي اصحاب مامان ومحمد عوض

ميرغني ديمو
09-15-2009, 02:10 AM
ربنا يرحمه ابونا على الطيب ويغفر له .وان كان عندى معاه قصه يوم عرس الصادق شامى .شكرا الاخ مامان يله فرزع الكتب وجيب القديم . العم المرحوم علي الطيب شيف مدرسة القرير الأميرية


http://www3.0zz0.com/2009/09/13/13/460102275.jpg (http://www.0zz0.com)

ميرغني ديمو
09-15-2009, 02:14 AM
يازول انت باقيلنا زى شوكة سمك خالد حجار مالك ..؟محل ما طرنا لقيناك سجلوا ..ادفعوا ..انت حكايتك شنو ....ابيييييييينا اها شن قولك ..مو ربع زين ...؟ياناس القرير الوسطي من أذنكم فاصل أعلاني ونعود (we will be back soon) :


ياجماعة أي زول جاء البوست دة يتأكد أنو مسجل أسمو في حصر العضوية في بوست صلاح حسين في المنتدي العام بأسم : سداد الأشتراك الشهري لعضوية المنتدي ..... أها بعد دة أي زول القاهو دخل هني طوالي راسي عديل بمشي علي العضوية أشوفوا مسجل واللا كمان سوالنا دفن الليل أب كراعاً برة ... فتكم عافي أرجعوا لي قريركم .... سلملم


تخريمة : أنتو معتصم شبلي ماكان معاكم في القرير دي ... قالو كان عندو الحكاوي ... وحسن علي سليمان قال لي مرة مزاج ساكت مكسر لي قزاز في المدرسة دي بالحصايي أفلع فيهو ... والغريبة قال ساعة في الطابور قالوا الكسر الزجاج دة منو قمت طلعت ليهم .... وباقي القصة عليكم ... سلملم
.

حباب
09-15-2009, 06:11 PM
الاخوة خرجيى القرير الوسطى
نحن مثلكم لنا زكريات خاصة بهذه المدرسة
كان يوم الخميس هو الفرحة لنا
منذ الصباح الباكر ونحن فى إنتظار على عبد اللطيف وهو يحمل لنا الفرحة بحضور (ولاد القرير) يوسف....عبد الرحمن....عبد الرحمن ديمو.....سعيد .... و عبد الرحيم رحمه الله ومرغنى واخرين

المهم الجية دى كان ليها شنة ورنة الكل فى حالة استقبال والانتظار فى الشارع
والعربية لما تصل سهلة الطاهر نحنا هنا نكون عرفناها
ولا حسا ريحة الجاز حق البدفور الت على عبد اللطيف اشم فيهو
وهم طبعا بجوا شايلين البرتقال معاهم
لاعارفهم قعد يشتروا ولا قعد يقطعوا ساكن من جناين القرير
المهم طيلة اليومين الخميس والجمعة عبارة عن إحتفال بقدوم الشباب ديل ويوم الجمعة يعملوو داك يا الغداء والتحلية
ويوسف يتحكر فى نص الصالة للحكاوى ونحنا حولينو
وعبد الرحمن يموت من الضحك كأنو اول مرة يسمع الحكاوى
وبعد داك يبدأء ستيف الشنط تحلف تقول هم تانى ما جايين
شى قرقوش وشى كعك شى كيك
من ضمن الحكاوى ودى سمعتها عن طريق التلصص
قالو هم كانو ماشين رحلة للغزالة برفقة الاستاذ محمد عبد المطلب وعوض الكريم ابراهيم على طه واخرين
وقف العربات على عبد اللطيف وعز الدين وطوالى غشوا سوق تنقاسى عشان يأخدوا معاهم العيش فى الوكت دا انسحب يوسف من العربية
ومشى لى عوض بحيرى اشترالو سعوط بى شلن(كيس السفنجة داك لا نصو)
لما وصلو الغزالى اتقسموا الى مجموعات واحدين كوشتينة وواحدين كورة ووا حدين للطبيخ ووحدين نقل حطب
من ضمن الطبخجية كان يوسف
المعلمين شافولم شجرة بقوا يلعبوا الكوشتينة فيها
بعد شوية اكتشفو انهم ولا واحد فيهم شايل سعوط مافى
والعرب فى الغزالة يسفو ويرجعوا السفة فى الحقة تانى
عشان كدا الاساتذه ما كان ممكن يشحدوهم
وبما ان الاستاذ عوض الكريم كان عندوا علاقة حميمة مع الطلبة بالزات يوسف وهو مشكوك فيه ليهم انا عارف للو
قال لييهم انا عرف لى واحد لكن تدونى الامان ماف زول يسألو
قام طوالى مشى على يوسف ناداهو
وقالو الجماعة ديل كلهم خرمانيين لو عندك سعوط ادينا وانا بعاهدك ماف زوول بيسألك

قام يوسف اتبسم وقال ليه يا زوول انا جايب لى سعوط يكفى الرحلة دى كلها
اداهو ليهو بعد يومين
يوسف اصلا تعود فى الحصص الاوائل يخت السفة فوق والحصة كانت دين مع استاذ طلب
الى كان متعود يضحك الطلبة
قام وقف يوسف على حيلو قالو يا يوسف شامى
انت مالك ساعة الناس يضحكوا بتخت ايدك فوق خشمك
قالو خشمى قارصنى فيهو دنان
قالو تعال مارق لا برة ورينا دنناك دا
لمن اكتشفا سفة طردوا من الحصة وقال ليه ما تجى المدرسة لامن نشوف امرك
ويوسف قاعد 3 يوم فى الداخلية عايش نفسيات وخوف رهيب وبعد داك مشى حنس استاذ عوض الكريم قال ليهو خلى يحل المشكلة
وهو وعدوا لى بكرة
وفعلا بكرة رسل ليهو الغفير طه
لمن وقف قدام استاذ طلب قال ليهو يا يوسف طبعا نت عارف السعوط دا من الكبائر ومن المعاصى ..........الى الاخر
عشان كدا رسلنا للوالد بصفته فى مجلس الاباء عشان كدا امشى قابل والدك فى مكتب المدير
يوسف فرد جرية فى الاتجاه المعاكس على الخلا
قام رسل العوين قبضوا
وقالو
انا عارفك بى كرشك دى ما بتقدر تجرى
والسعوط ما بتخلى
دحين تانى ما تسف جنب الولاد ديل

****************************************
اما على الطيب كان يجى يوم التلاتاء للسوق ومرة سألو عوض الحردلو قال ليه الولاد المعاك إنشاء الله كويسين
قال ليه ان كان لى خدم خالك الاتنين الغليدى والطويلى (يوسف وعبد الرحمن) لى شق الصباح فى الحفلات قدر قرايتم

يوم الجمعة العصر على عبد اللطيف يجيهم تانى والرجعة تكون فيها الغنى بالجركانت
البيضاء خلينا بلا نكد
وخلسينا النمشى البلد

ولنا عودة

salah hussain
09-15-2009, 06:27 PM
حباب الله يديك العافى
ما تجرجرى لينا يوسف دا هنى
بديك شلن بى حالو
يوسف شامى بمناسبة عدم جريهو دى -- اذكر كنا بنلعب يوم الخميس امام باب الحرية الباب الا فوق على الخلا--
هو قاعد فى محلو ويجرجرو ليهو العواين الصغار -- يغمتتك تحت كراعو -- ابس ياها دي مهمتو -- الغمتى ---
انت قايلى ضحك عبد الرحمن ساكت --لا يوم الليلى تراهو يضحك --- لكن العندو مو شوية
بس اجتهدى لينا فى جرجير يوسف دا القرير والبوست دا بلاهو ما بيبقى

salah hussain
09-15-2009, 06:31 PM
اذكر كل ما نرجع يوم الجمعة الناس تبعد من جم عباس عبد الرحمن البطرى
كان عندو جن اسمو نرجع ---- اول ما نصل نهاية سهلت ابرنات ونجى جم الطلعة وهى قوز عالى شويه بعدو تظهر المدرسة --- الجماعة الراكبين فوق بى صوت واحد
ظهرت --- ظهرت
قاصدين المدرسة ظهرت --البطرى بام دلدوم فوق الزول الجمبو --ومعاها سبة دين
بالله الزول دا وين العارف لو مكان وتلفون ينزلو لينا هنى

سمير محمد الحردلو شامي
09-15-2009, 09:46 PM
الليلي مادام الونسي الملك فيها عمنا يوسف شامي وبالمناسبة باقي هو من المتابعين للمنتدي دة وخاصة الليلة السوق لغوه .... لاقيتوا وقال لي والله أبدعتوا في السوق لغوه لكن حباب دي مني ؟ وقلت ليهو ماعارف .... التحايا ليهو ورمضان كريم ياعم ...

قالو يوسف شامي دة مرة في القرير المدرسة الأميرية لاعبة مباراة مع الأهلية ... يوسف من عصراً بدري قالوا نزل علي الصالحاب وشحدلو نوبة شان التشجيع .... قالو يدقدق فيها لامن المباراة أنتهت طلع مغلوب ... قالوا قال للجماعة هسع دة كلو هين ... نوبة الصالحاب دي الداير يرجعا شنو ؟

ومن اليوم داك نحن مسوين نوبة الصالحاب دي كناية لي أي شئ ماتتوفق فيهو خاصة لو محضرلوا ...... سلملم

salah hussain
09-15-2009, 11:09 PM
نقلت هنا
http://www.tungasi.com/vb/t3982.html
وصف جميل بلغه عالية للغاية للدكتور عثمان محجوب جعفر لمروى الوسطى
وفى المدرستين تشابه كبير مع اختلاف الشخوص
ايام المدارس مدارس -- ونحن فى بدايات الحياة -- علمونا ما بقى فى الدواخل والاعتماد على النفس - والانطلاق لحياة كانت بكل المقاييس ممتعة
عندما دخلنا الوسطى --فى اعمار ابنائنا الان --- علمونا كيف تنسج عنقريبك بنفسك وتغسل ملابسك بنفسك وتتدبر امرك فى كل شى --- ابنائنا ياللحسرة وهم فى طريقهم للجامعة -- كل شى تعمله انت وامهم لهم
--ارجعو ان كان لكم وقت للاستمتاع للكتابه --المقننة-- الرجوع للبوست اعلاه --- وشوفو نتاج المدارس الوسطى

بهذه السلاسة كان اكثرنا يكتب مثل هذا ايام الوسطى -- والجمعيات الادبية
بمناسبة الجمعية الادبية -- كلما خطرت ببالى --اتذكر ابن خالى المقداد سليمان بلول -- فقد كان من هواة الالقاء -- واتذكر به دايما
الله اكبر كم فى الفتح من عجب
يا خالد الترك جدد خالد العرب
فقد شارك بها فى احد المسابقات واحرز المركز الاول --او الثانى ان لم تخنى الزاكرة

salah hussain
09-16-2009, 08:12 PM
يا ود رغيم ياخى ما تشوف لنا هاشم عريج تجرجرو لينا هنى
هاشم على سليمان عريج من مشاهير كرة القدم فى القرير الوسطى من اوسلى
اذكر عندما امتحنا الجامعة وفى انتظار النتيجة كان يعمل كمسارى --اجازة -- فى البصات الحمر ( بصات السجانة)
ارتبط معه دايما فى ذاكرتى --- على الله الريح فضل المولى الريح -- من ذات المنطقة- عربى جراى ومجنون كورة
التقيته اول قدومى الى مسقط كاستاذ منتدب فى منطقة البريمى فى الثمانينيات -- وكان له صداقة مع اخونا ود معروف -- ---

ميرغني ديمو
09-17-2009, 12:08 AM
الباشمهندس الاخ هاشم اخر مره شفتو قبل سنه تقريبا[ وربنا يشفيه كان مريض بفشل والمفروض يزرع بس والله ما عارف الحصل شنو ؟لانى مشيت اجازه .quote=salah hussain;47568] يا ود رغيم ياخى ما تشوف لنا هاشم عريج تجرجرو لينا هنى
هاشم على سليمان عريج من مشاهير كرة القدم فى القرير الوسطى من اوسلى
اذكر عندما امتحنا الجامعة وفى انتظار النتيجة كان يعمل كمسارى --اجازة -- فى البصات الحمر ( بصات السجانة)
ارتبط معه دايما فى ذاكرتى --- على الله الريح فضل المولى الريح -- من ذات المنطقة- عربى جراى ومجنون كورة
التقيته اول قدومى الى مسقط كاستاذ منتدب فى منطقة البريمى فى الثمانينيات -- وكان له صداقة مع اخونا ود معروف -- --- [/quote]

علي شنان
09-17-2009, 07:46 PM
"]الاخ الاكبر مقاما صلاح حسين والاخوة المتداخلون لكم التحية حقا ان لهذا البوست مذاق خاص لانه
يروى عن حقبة زمنية لم نحضرها ولكنها ماثلة امامنا حية باقية وذلك ممن عاشوها وشاركو فى
صياغتها .ومنهم اخى وزميلكم هاشم شنان الذى له مذكرات خاصة وغنية جدا بعبق وذكريات تلك
الحقبة ومن قبلها ذكرياته بمدرسة تنقاسى الاولية ومن قبلها خلوة صالح اليمنى (له الرحمة) ثم
مروى الثانوية ,هذه المراحل مدونة فى سفر اسماه(ذكريات الطفولة والصبا حلوها وبراءتها)وطالما
بدأتموها بالقريرفسوف اداخلكم بعد ان استأذنه لأننى كنت اتمنى مشاركته شخصيا ولكن الى ان يتم
ذلك فلتكن ضربة البداية منى بعد اذنه والى اول مداخلة مع ودى وتقديرى[/size]

علي شنان
09-17-2009, 08:28 PM
السلام عليكم ورحمة الله وبركاته ونحن فى هذا الشهر المبارك وفى خواتيمه لا يفوتنا ان نترحم على
من خطفتهم يد المنون وهم فى زهرة شبابهم وهم حسب ما احصاهم اخى هاشم فى مذكراته من تلك
الحقبة (القرير الوسطى)
(1) صلاح محمد عثمان محارى
2)مصطفى او صلاح صالح احمد على يموبة
3)صلاح محجوب محمد عثمان الدوش (دفعة)
4)عبدالرحيم سيداحمد شامى
5)فخرى حمزة جيب الله مريمى
6)حماد العوض على حماد (الكلس)
7)عبدالواحد محمد صالح سراج النور القرير(دفعة)
8)عبدالرحمن الحسن حاكم القرير (دفعة)
9)محمد نور عباس قرافى (دفعة) القرير
10)محمد طه محمد احمد القرير
11)السر بابكر قرافى (ود الكليب) القرير
12)يحيى حسن محمد بخيت (الدابى ) القرير)
13)عبيد على (امين زكى) مساوى
14)محمد فضل عطا الله الكرى الصلحاب
15)بابكر على بابكر (التجشو) القرير
اسال الله العلى القدير ان يرحمهم وان يجعلهم فى عليين مع الصديقين والشهداء ااميييييين والى لقاء

salah hussain
09-18-2009, 12:33 AM
السلام عليكم ورحمة الله وبركاته ونحن فى هذا الشهر المبارك وفى خواتيمه لا يفوتنا ان نترحم على
من خطفتهم يد المنون وهم فى زهرة شبابهم وهم حسب ما احصاهم اخى هاشم فى مذكراته من تلك
الحقبة (القرير الوسطى)
(1) صلاح محمد عثمان محارى
2)مصطفى او صلاح صالح احمد على يموبة
3)صلاح محجوب محمد عثمان الدوش (دفعة)
4)عبدالرحيم سيداحمد شامى
5)فخرى حمزة جيب الله مريمى
6)حماد العوض على حماد (الكلس)
7)عبدالواحد محمد صالح سراج النور القرير(دفعة)
8)عبدالرحمن الحسن حاكم القرير (دفعة)
9)محمد نور عباس قرافى (دفعة) القرير
10)محمد طه محمد احمد القرير
11)السر بابكر قرافى (ود الكليب) القرير
12)يحيى حسن محمد بخيت (الدابى ) القرير)
13)عبيد على (امين زكى) مساوى
14)محمد فضل عطا الله الكرى الصلحاب
15)بابكر على بابكر (التجشو) القرير
اسال الله العلى القدير ان يرحمهم وان يجعلهم فى عليين مع الصديقين والشهداء ااميييييين والى لقاء

اللهم اغفر لهم وارحمهم وادخلهم الجنة مع الصديقين والشهداء وحسن اولئك رفيقا

الاخ على ياريت تسجل لينا تلفون هاشم الضيعناهو --- وتسعى جاهدا لان يسجل اخونا هاشم
اعرف انه مطلع على هذا المنتدى وقد وعدنى بالدخول والمشاركة -
صراحة انا احتاجه لهذا البوست واعرف زاكرته وعلاقاته الطيبة مع طلاب القرير وهو دفعة الاخ كمال حسين --- جاءنا زائرا مرة فى البيت ولى اصغر اخواتى --- كانت فى بدايات تجارة -- عاملا ليها جرم -- ولما جاءنا هاشم ماكان الا فى اكرام الضيف الا ان اتت بعلبة الجرم -- ووضعتها لهاشم -- ولان هاشم رجل وناس-- وكلام-- فقد بدا الونسة وبدا التهام الجرم =كلمة--- وكمشة --كلمة ---وكمشة -- واختنا من وراء المزيرة تنطط --- كملو--- واى الليلى كملو --- وفعلا اتى على الجرم باكمله وخلالا العلبة طارت مديح
كلمنا بها اخونا ود معروف --- فاتى بالمرحوم سيد احمد صالح --وطلبو الجرم تحديدا --والمسكينة تانى ختتوا --- هذه المرة اكلوهو ودفعوا القروش وهم يتضاحكون

salah hussain
09-18-2009, 12:37 AM
الاخ شنان --- باذنى انا قبل اذنه عليك بهذا الكتاب هنا --عن القرير الوسطى
وحقو محفوظ
لك الشكر اجزله على المداخلة ---واستمر يا حبابك

مامان
09-18-2009, 03:45 AM
الإخوان الكرام

نشكركم ونشكر العضو( من بعيد) هاشم شنان. ونترحم على من فقدناهم في شهر الرحمة والغفران اللهم أغفر لهم وارحمهم وادخلهم فسيح جناتك مع الصديقين والشهداء. من أبناء دفعتنا الذين توفاهم الله الى رحمته:

أبو القاسم الحسن محمد صالح من أبناء التلبناب وكان ضابطا بالجيش واستشهد
محمد عثمان محمد عبد الرحمن الشهير بود الزومة من أبناء فتنة وقد استشهد في تشاد وكان مراسلا لوكالة سونا للأنباء يغطي أحداث الحرب الأهلية التشادية

salah hussain
09-18-2009, 07:50 PM
طه الانصارى
اللهم اجعل قبره روضة من رياض الجنة

salah hussain
09-19-2009, 11:31 PM
السر عثمان الطيب ذلك الرايع --- احد ابناء القرير الوسطى
يتحفنا الان على الشروق ---

ابو رغيم
09-20-2009, 08:28 PM
دفعة 1964 - 1968


1 المقداد سليمان بلول تنقاسي – السوق
2 حسن محمد أحمد ادريس تنقاسي - الرويس
3 سيد احمد عباس محجوب تنقاسي – السوق
4 محجوب احمد البشير( بدلا عن الزبير خالد) تنقاسي – سمعريت
5 سيف الدين حسن سعيد سمعريت تنقاسي - سمعريت
6 عمر محمد عبد الرحمن الانصاري تنقاسي – سمعريت
7 عبد الفتاح بابكر تنقاسي – الدبيبة
8 فتح الرحمن البشير ( الحقور) تنقاسي – الدبيبة
9 مصطفي فضيل تنقاسي – الدبيبة
10 حسين النو الحسين تنقاسي – الدبيبة
11 الحاج علي الامين تنقاسي – فتنة
12 محمد عثمان الزومة تنقاسي – فتنة
13 أحمد محمد الحسين الشيخ تنقاسي – فتنة
14 الرشيد محمد الحسين الحسونة القرير
15 كمال عبد المنعم القرير
16 عبد الرحمن محمد صالح (مامان) القرير
17 محمد أحمد عبدالله ادم القرير
18 سرالختم محمود شورة القرير
19 بابكر مسعود القرير
20 ادريس علي ادريس القرير
21 ضمرة محمد خير القرير
22 محمد أحمد ابو زيد القرير
23 عبدالله محمد الحسن القرير
24 عبد الرحمن محمد زين القرير
25 عبدالله سليمان احمد القرير
26 محمود أحمد البشير القرير
27 علي البهادور القرير
28 عمر محمد النجيب القرير
29 عبد الوهاب محمد الحسن مساوي
30 محمد عثمان سليمان الراقي مساوي
31 علي ابراهيم النقرش مساوي
32 احمد البشير أبو سوار مساوي
33 هاشم جبرالله أوسلي
34 عبد الرازق عبد الرحمن أوسلي
35 يحي أ؟حمد عبد الله أوسلي
36 محمد علي الطيب العجوز أوسلي
37 محمد الحسن ابراهيم الباسا
38 نور الدين شمس العلا الغريبة
39 يحي صديق احمد الكرو




المصدر : المقداد سليمان بلول

مامان
09-20-2009, 09:02 PM
الأخ أبو رغيم

لك التحية وعيدك سعيد وتحياتي كذلك للأخ المقداد سليمان بلول. هذه القائمة بمثابة هدية العيد بالنسبة لي. رغم ذكرى وفاة 3 من الزملاء وهم : ود الزومة (توفي بتشاد)، علي ابراهيم النقرش (توفي أثناء غزوة خليل لأم درمان) ويحي صديق الذي توفي بالخرطوم لهم الرحمة جميعا.

لدي تصحيح في بعض الأسماء التي وردت وأكتبها حسب الرقم الذي وردت به:
7- عبد الفتاح بابكر الخليفة
8- فتح الرحمن عبد الماجد ادريس
12- محمد عثمان محمد عبد الرحمن (ود الزومة)
13- أحمد محمد الحسن الشيخ
14- الرشيد محمد الحسن نعيم
15- كامل عبد المنعم حمد
19- بابكر سليما عبد الله مسعود
24- عبد الرحيم الزين عبد الماهل
27- علي محمد البهادير
35- يحي أحمد عبد الله

salah hussain
09-20-2009, 11:31 PM
الله عليك يا مامان
عبد الله محمد الحسن --- اوليس هو البا مسيكا
اعتقد --- شقيقيه التيمان حسن وحسين ---- دفعتنا من اولاد حى الشاطى
على البهادير --- له ايضا شقيقه دفعتنا
سيد احمد محمد الحسن البهادير -- الكنيسة ان لم تخنى الزاكرة فى التسمية بالكامل --على كل حال هو البهدير نفسه
--- احاول ان اعمل اعادة مسح للهارد دسك الذى لعبت فيه الغربة وعملت ليهو فورمات اضطرارى
هذه الاسماء -- اعادت مراتع الزمن الجميل --- وياريت كلنا نقدر ننحت اسماء الدفع هنا -- والرجاء ان تنهموا لنا اولاد القرير --الذى اعرف ان هناك مجموعة منهم --- حرصت فى الايام الاخيره على اللقاء فى حدايق الهيلتون كل اثنين -- دعوني هذا الصيف ولم استطع الوصول اليهم --- ولكن ساحاول الاتصال باخونا عبد الحفيظ عبد الله --- مستر بيرد --- لانه من المواظبين على اللقاء واظن فيهم الدينمو --- --وسيف الدين عثمان سيد احمد
--- سمعت ايضا ان الاستاذ الفاضل ادم الهبيل --اصبح من قاطنى ارياف بحرى --- جيهات الفكى هاشم ---
من اسرة الهبيل -- الذين عندهم كم واحد فى المدرسة
من اولاد دفعتنا اذكر من القرير
اسامة عوتيب --استاذ --اظنه استوطن ريف ام درمان الشمالى
طه محمد طه
على احمد على قرافى
الفاتح الرفاعى
زيد الكامل
سيد احمد البهدير
التيمان حسن وحسين محمد الحسن
من الكرو والزومة
ازهرى حسن الحاج الخليفة
على محمد جيب الله ----- وكان ضمن الطاقم الهندسي -- لمطار مروى
صلاح احمد
عبد الحليم سيد احمد زروق --- من اشهر مطاعم السمك فى امريكا الان
عمر مختار -- فى السعودية وما زال اعزبا -
من اوسلى
هاشم على سليمان
على الله الريح
محمد بشير الزين --الباسا
تاج الدين شمباتى
عبد الباقى محمد احمد
وياريت تسعفنى الزاكرة بالباقين

نحن الدفعة الورا وراء ناس مامان ---تفصلنا بينهم --دفعة عبد الرحمن شامى وود رغيم --وحسن تلى وجدعة وحسن على سليمان ويوسف شامى وتاتى بعدنا دفعة ناس ميرغنى ديمو والانصارى وميمون وسعيد شامى والطاهر حجة ومحمد طه محمد احمد وتاج الدين عثمان سعيد وابوزر الكامل --
ما تجيبوا لينا ابا زر دا يا ود رغيم ياخى --- تا

علي شنان
09-21-2009, 02:47 PM
بسم الله الرحمن الرحيم فى نهاية العام الدراسى 1968 م ونحن فى السنة الرابعة الاولية
تهيانا للذهاب لأداء امتحان اللجنة (كما كان يسمى انذاك) بمدرسة القرير الوسطى ولا بد هنا
ان انحنى اجلالا وتقديرا وعرفانا لاساتذة كان لهم الفضل بعد الله على ما احرزته مدرستنا فى
ذلك الامتحان من تفوق كمى ونوعى وهم ان لم تخنى الذاكرة/
1)الناظر محمد عبدالله فضل المولى (ابوحمد)
2)الاستاذ ادريس محمد مالك يرحمه الله
3)الاستاذ حسن محجوب طه النور
4)الاستاذ عوض محمد ميرغنى
5)الاستاذ حسن محمود العطا (قنتى)
6)الاستاذ يحيى عبيد مبروك(الدامر)
7)الاستاذ الفاضل احمد سمساعة (شندى)
وعذرا ان سقط اسم وارجو من الاخوة الاضافة اذا قصرت فى حق احد .انتهت الامتحانات
وظهرت النتائج الباهرة حيث كان ترتيب المدرسة الاولى من ضمن ثمانية
مدارس حيث تم قبول ثمانية طلاب من مجموع 40 طالب.هم كل الدفعة وبعدهم 40 طالب
بمعهد تنقاسى الاوسط و40 طالب لمدرسة تنقاسى الاهلية والباقى وهم زهاء
ال 200 طالب (فاقد تربوى) ؟؟؟ ابكى يابلدى الحبيب.
وقد كان ثمانيتنا هم كما يلى :-
الاول على كل اللجنة هو محمد الهميم عبد المجيد
الثانى على اللجنة هو شخصى هاشم سيداحمد شنان
السابع على اللجنة هو الصادق سعيد عبدالحميد (جدى)
ثم بقية العقد الماسى وهم :-
دكتور كمال حسين الحسن محمد عثمان
احمد محمد الشريف على (شبا)
احمد محمد حسين الامام (شقيق المدير العام)
هاشم عبدالمجيد احمد حسين (كبلو)
المرحوم صلاح محجوب محمد عثمان الدوش
الى هنا اترككم والى اللقاء فى سرد قصص وذكريات تلك الفترة الزاهرة وطرائفها مع
الاساتذة والطلاب والفراشين والعمال والطباخ عمى على وجمعة الذى لايعرف الحساب
والمواهب الفنية والرياضية والاكاديمية فالى اللقاء سلام

salah hussain
09-21-2009, 08:43 PM
احمد محمد حسين الامام
يا سبحان الله ---- انت يالسنجك ما ودرناك ودير ---
شكرا يا شنان --- وافتح الجراب ---- بداياتك مشجعة للغاية
بمناسبة الاستاذ حسن النور --قابلته هذا الصيف ---فى السوق فلم اعرفه
وهذا الرجل ذاق الامرين -- وحالتو تحنن الكافر --ويحتاج لمن علمهم ان يقفوا معه والسؤال عنه وهذا اضعف الايمان
كل من علمنا حرفا --له دين علينا --- وانى لادعو للاستاذ الانسان ادريس مالك بالمغفرة وان يجعل الله مسكنه الجنة وان يجزيه عن كل ما قدم لتنقاسي ولمدرسة تنقاسي باحسن منه ويجعله فى موازين حسناته --ذلك الرجل رحمه الله كانت له عادة-- ايام كان طالبا فى الجامعة--- بان يجمع كل سنة الطلاب الذين درسهم من كل المناطق فى احتفال تعريفى فى نادى الاتحاد --وذلك مع مجموعة من مدرسي الابتدائى الذين يدخلون الجامعة ---مفتخرا بابنائه القادمين للجامعة --وقد تشرفت ان كنت احد طلابه المحتفى بهم فى العام 1974 اول دخولى الجامعة ---وقد كان ان عرفنى باحد طلابه من المحس -- وكرمنا ونحن اكثر من اربعة طلاب --متباهيا بنا امام زملائه --ايضا كان يجمع كل الدفع منذ دخوله الجامعة ويربطهم بمعرفة انهم ابنائه الذين درسهم فى الابتدائى
فانظروا الفرق بين اساتذه ذاك الزمان --وزمننا الغابر هذا --زمن ان يتابعك استاذك من الاولية وحتى الجامعة وانت حتى لا تعرف -- حتى وان كان درسك لمدة شهر واحد -- تخيلوا

تاج السر محمد حسين
09-21-2009, 09:42 PM
احمد محمد حسين الامام (شقيق المدير العام)


احمد محمد حسين الامام
يا سبحان الله ---- انت يالسنجك ما ودرناك ودير ---


ماشاء الله ياشنان ذاكرتك حديد
متذكر الاسم للجد الرابع بعد طول هذا الزمن الطويل - وشكرا ليك انك وصلت اخونا صلاح لدربى بعد ما ودرنى ودير

شكرا للجميع على هذا التوثيق الرائع والذى هو من اهم اهداف المنتدى التى قام لاجلها
ومتابعين معاكم

احلى الامنيات

علي شنان
09-22-2009, 03:33 PM
السلام عليكم ورحمة الله وبركاته مواصلة للموضوع ومن ذكريات القرير الوسطى
بمذكرات اخى هاشم .هنالك طرفة ظريفة عن الاخ احمد محمد حسين شقيقك ياالسر
كان للداخلية فى ذلك الزمان نظام صارم جدا جدا وكانت هنالك فترة تسمى الراحة
وهى من بعد الغداء وحتى الساعة الرابعة ساعتين بالتمام تكون مستلقيا على فراشك
وغيرمسموح لك بأى شئ اما نايم او تذاكر .حتى الونسة مع جارك ممنوعة وقد كنا فى
داخلية الدندر وهى بين داخليتى النيل والرهد وكنا فى شهر رمضان وكنا فعلا صائمين
حضر فجأة ضابط الداخلية الاستاذ محمد احمد على قرافى (ودشمة) وفاجأ احمد عند
مدخل العنبر وبيد الاستاذ عصا وجاهز للضرب وقال له كنت وين؟ فأجاب احمد بدون
ان يفكر .مشيت المزيرة اشرب .فما كان من الاستاذ ونحن الا انفقعنا ضاحكين واحمد
بكل براءة يحلف ويكررنفس الاجابة والله مشيت اشرب يااستاذ ونحن والاستاذ ميتين
من الضحك .ثم استدرك صاحبنا بعد ذلك وبدأ الاعتذار وقد عفى عنه الاستاذ وهو يقول
عفوت عنك يا احمد لأنك اتيت بعذر اقبح من الذنب . وكانت لنا ايام يا (ابو الهول)

salah hussain
09-22-2009, 04:26 PM
ادريس نمير --عطا الله الحسن كركراب -عبد الواحد كمبال -- -- خليفة حسن عبد الرحيم -
محمد عبد الله جيب الله مريمى -محمد احمد على عمر شمسية (العمدة) الله يفتح عليهو بالعروس
ديل كلهم يا ود رغيم قروا فى القرير --حسب رواية على الحسين شامى
--- لا هسع ما جمع لينا دفعة --عبد الله الطيب وعبد الله الطيب--
وكثر خيروا الاتذكر لينا ديل هسع --

الله يجيبوا ليكم --وللبوست دا بالذات

salah hussain
09-22-2009, 04:29 PM
السلام عليكم ورحمة الله وبركاته مواصلة للموضوع ومن ذكريات القرير الوسطى
بمذكرات اخى هاشم .هنالك طرفة ظريفة عن الاخ احمد محمد حسين شقيقك ياالسر
كان للداخلية فى ذلك الزمان نظام صارم جدا جدا وكانت هنالك فترة تسمى الراحة
وهى من بعد الغداء وحتى الساعة الرابعة ساعتين بالتمام تكون مستلقيا على فراشك
وغيرمسموح لك بأى شئ اما نايم او تذاكر .حتى الونسة مع جارك ممنوعة وقد كنا فى
داخلية الدندر وهى بين داخليتى النيل والرهد وكنا فى شهر رمضان وكنا فعلا صائمين
حضر فجأة ضابط الداخلية الاستاذ محمد احمد على قرافى (ودشمة) وفاجأ احمد عند
مدخل العنبر وبيد الاستاذ عصا وجاهز للضرب وقال له كنت وين؟ فأجاب احمد بدون
ان يفكر .مشيت المزيرة اشرب .فما كان من الاستاذ ونحن الا انفقعنا ضاحكين واحمد
بكل براءة يحلف ويكررنفس الاجابة والله مشيت اشرب يااستاذ ونحن والاستاذ ميتين
من الضحك .ثم استدرك صاحبنا بعد ذلك وبدأ الاعتذار وقد عفى عنه الاستاذ وهو يقول
عفوت عنك يا احمد لأنك اتيت بعذر اقبح من الذنب . وكانت لنا ايام يا (ابو الهول)

الظاهر الايام ايام صيام --رمضان كريم يا شنان والله ما كدى ---

salah hussain
09-23-2009, 12:47 AM
الاستاذ ود شمة ( قرافى) كان من الاساتذة الذين يستخدمون العصا بمقولة الضرب ينفعهم --- ذكرنى بالاستاذ احمد عبد الرحمن والذى اطلق عليه لقب الكافر لانه كان يضرب ضربا موجعا بيده اليسرى -- هو اعسر على كل حال --
التقيته بالصدفة --- عام 1980 بعد تخرجى حيث كنت مهندس مقيم لمبنى الجمارك القريب من داخلية حسيب --كلية الطب -- القريب من كبرى الحرية -- والمبنى فى بداياته -- تقع الى الشمال منه مدرسة الخرطوم الاميرية الوسطى -- لا ادرى ان كانت قايمة حتى الان او اخذتها هوجة التكسيرات التى اجتاحت هذا الجزء من العاصمة ---- كنا قد نصبنا امام مدخل المدرسة هذه --الهويست بتاعنا (الرافع الخرصانى ) الكرين على تسمية هذا الزمن -- فلم يكن حينها استعمال للكرينات ويتم رفع الخرصانة للطوابق العليا بى شطارة المهندسين والبركة---- بالله دى هندسة دى ---
المهم وانا عامل حجة مع الجنوبين ---اذا بالكافر بلحمه وشحمة امامى مع بعض الاساتذه --باستياء من تللك الغلبة والدوشة ---قبل ان يتكلمو --نطقت اسمه كاملا ولم يعرفنى هو
للاسف اظنه كان منقولا من المدرسة وفى اواخر ايامه فيها ولم اتمكن من مواصلته او معرفة مكانه حتى الان --- اذكره الان لان هذا الرجل -- ماخدلى منو سيطان نجاض فى بعض الكلمات الانجليزية -- وكنت ضعيف فى الاسبلن -- اخلط حرفى ال a والe لكن بفضله وبفضل الخوف -- من اللبع طبعا --- بقيت الكلمات الفوق ديك الفى الريدر مزازيها بالحفظ-- وما زلت ازكرة فى كثير من كلمات الانجليزى ---
اسال الله ان يجزيه عنى وعن طلابه خير الجزاء
بمناسبة الخرطوم الوسطى وموقعها --الغريب مازلت اتسال ما الحكمة فى موقعها الغريب هذا على مرمى حجر من بيوت الشبهه ويافطات هذا منزل احرار -- للذين يعرفون هذه المنطقة ايام جاهليتها الاولى --قبل ان يغلق النميرى بيوت الماتتسماش

علي شنان
09-23-2009, 01:30 AM
جيل السلم التعليمى دفعة 1968/1973م جيل مايو نحن اؤلئك الذين نشأنا
فى العهد المايوى وتفتحت عقولنا وترعرعت فى ذلك العهد ودرسناكتب التربية
الوطنية التى جعلت ادمغتنا ترى ان مايو شئ مقدس وخط احمر لايمكن ان
يأتيها الباطل واذكر وانا فى اولى فى مروى وحينما ضيق على الخناق الاخوان
تاج الدين وودمعروف بالانضمام لهم كان السبب الرئيسى لرفضى هو ان هذا
التنظيم على خلاف مع مايو ومايتعارض مع مايو لا اقبله مهما كان........
تلكم الحقبة التى جعلتنا ندرس بالقرير 5 سنوات بطلها كان ذلك الوزير
محى الدين صابر .وهنا تحضرنى قصيدة حسن الدابى الشهيرة والتى كم تغنينا
بها فى ذلك الزمان والتى لخص فيها انجازات ذلك العهد
حقنا فى رقابكم يا نميرى امانه ورونا القصاص كيف فى اللى مصوا دمانا
اتركوا من حديث الفوضى ولا زمانه اشنقوا بالحبل لاتخسروا الجبخانه
صابر وسع التعليم شمل افنانه يادوب انجلت والحق رأينه عيانه
ثوار مايو فوق القصرجابو بيانه عشرات الالوف وسكى وكباب وصحانه
هذه الخواطر ادونها وفيها كثير من الدروس والعبر لمن يعتبر

علي شنان
09-23-2009, 03:55 PM
نواصل
من مبدعى وعازفى الطنبور فى ذلك الزمان الجميل 1968-1973م
على الحسن من جزيرة ابرنات وهو دفعة صلاح حسين او قبله.
عبد الرحمن الشيخ (اب نوز) من اوسلى الدفعة القدامنا مباشرة
ابراهيم صالح .وكان يتميز بصوت جميل بجانب العزف على الطنبور
عبدالواحد محمد صالح سراج النور دفعتنا وقد كتب الشعر فيما بعد
وغنى وابدع .من منا لم يسمع ويترنم بأغنية الله الله يازينه يا الطول
مجافينا ؟ نسأل الله له الرحمة والمغفرة اااامين.
الشيخ التيجانى الحسن من ابناء بربر تعلم الطنبور بالمدرسة بعزف
الغناء الحديث واجاد وابدع ايما ابداع ولايزال صدى عزفه لأغنية
الفنان ابراهيم عوض (الزمان اشقانى مرة) يرن فى اذنى .
عبدالله محمد العوض (دفعة ورانا) من ابناء القرير .
من ذكرتهم اعلاه هم المتميزين وقد كان هنالك الكثيرين غيرهم.
وياله من زمان ....

علي شنان
09-23-2009, 04:44 PM
نواصل
اساتذة ذلك الزمن الجميل 1968-1973م
(انهم فتية امنوا بربهم وزدناهم هدى) صدق الله العظيم
اولا التحية و التجلة والعرفان لكل من علمنى حرفا .من
اخلص فى اداء تلك الرسالة السامية فأجره على الله ومن
قصر فيها نسأل الله ان يتجاوز عنه ااامين.
الناظر كامل محجوب اولا ثم ثانيا
عبد الرحمن محمد محمد عثمان
محمد احمد ابراهيم
محمد احمد سليمان (شقيق عبدالرحيم ومحمد الحسن)
ابراهومة مولانا استاذ ( عربى ودين)
محمد عبدالمطلب
ادم محمد على الهبيل
احمد عبدالرحمن
انور
عبدالوهاب
شقدى
عوض الكريم ابراهيم على طه
عثمان الامين من كاب الجداد
علاء الدين حسن ابوبكر
ابراهيم دنقلاوى (مع علاء الدين)
محمد احمد على قرافى (ودشمه)
الشفيع العبيد الشفيع
محمد عبدالله التوم
على عثمان كرار
خلف الله محمد احمد
احمد الامين خليفة الشيخ
كمال حسن عثمان (يرحمه الله)
ارجو الا اكون نسيت فيهم شخص لأن الذاكرة شاخت وهرمت .
ويالها من ايام.......

salah hussain
09-23-2009, 09:10 PM
شكرا -- يا بركة يا ود شنان
متواصلين ومنتظرين خلى العجايز --الزينا ---ينحتو ويتذكروا

علي شنان
09-24-2009, 12:23 AM
نواصل .. الاستاذ عبدالوهاب
من اغرب من صادفنى طوال دراستى هذا الاستاذ الذى كان
يعانى من عقدة نفسية لا ادرى لها سببا وكان له مواقف
مع بعض الطلبة ويكرههم لله بدون اى سبب جنوه واخرين
يحبهم برضو بدون سبب .فمن الذين كرههم من الدفعة
احمد محمد الشريف . والله جابو (ابدوم) ولى انا شخصيا
موقف طريف.كان يدرسنا الرياضيات واعطانا واجب فيه
مسألة حليته صاح وهو غلطها لى .حضرت له بالمكتب
وانا محتج على ذلك واستشهدت على صحتها بانه معطيها
لزميلى عزالدين احمد الفكى صاح ونفس الحل .طلب منى
احضار كراس عزالدين للتأكد .ذهبت لاحضار الكراس ورجعت
فأذا به بالعصا وينزل فى ضرب مبرح وهو يقول لى انا
مخصوص غلطها لك لانك باصيها منو.علما بأننى كنت
اشطر من هذا العزو فى الرياضيات وهو يعلم ذلك .
ولى عوده لقصص له مع الكثيرين.....

مامان
09-24-2009, 12:38 PM
اضراب العيش
( لا انشاء ولا موضوع ، ود نصر الله أدانا الجوع)

تمعنوا في هذا القول بالله عليكم، وكيف واتتنا الجرأة حينها في ترديده ، رغم أنه يشير الى اتهام خطير لمدير مدرستنا (ود نصر الله) بأنه جوع الطلبة. كان هذا الشعار هو أحد شعارات المظاهرة التي تم تنظيمها بواسطة الطلبة وخرجت من المدرسة هادرة واتجهت صوب الحلة ووقفت أمام طابونة (دودة) متعهد الخبز للمدرسة في حلة (العامراب) وتم ترديد الشعارات : (العيش العيش مخلوط بالدود) ووجهت اللعنات لـ (دودة).. ينطق الاسم كما تنطق كلمة دو في الكوتشينة، ثم اتجهت المظاهرة الى (المحطة) وهي المنطقة التي تقع فيها مكاتب إدارة المشروع الزراعي على النيل، وكأننا فسرنا الأمر على أنها المكان الذي توجد فيه (الحكومة) لإسماع صوتنا. ونادى أحد قادة المظاهرة ، الطالب حسن عبد الله ، نادى بأعلى صوته: " اشربوا من هذا الماء الزلال، واشار الى مياه النيل " فنزل الجميع يرتشفون الماء ويغرفونه بأياديهم.

ما يحيرني حتى الآن في تلك المظاهرة هو لماذا اشتركت فيها أنا وبعض الإخوة رغم أنا كنا طلبة (خارجيين) أي لا نسكن في الداخلية نظرا لأننا من المناطق القريبة من المدرسة، علما بأن المظاهرة اساسا هي احتجاج من الطلبة الذين يسكنون في الداخلية على سوء خدمات التغذية. وربما كان ذلك فقط بسبب تضامننا مع الطلبة الداخليين.

وكان يوم العقاب... انزعجت ادارة المدرسة أيما انزعاج وحددت يوما ونادت أولياء الأمور الذين أتوا واتفقوا مع إدارة المدرسة على معاقبة الطلبة بالجلد أمام آبائهم . وهرع عيسى عجب سيدو فراش المدرسة وأحضر سيطان (شجر الرمان) من جنينة ود مختار، ويتميز الرمان بفروع مطياعة ومرنة
وقد تقرر جلد الطلاب الداخليين 10 جلدات وتقرر جلدنا نحن الطلاب الخارجيين 15 جلدة، وتم تنفيذ الحكم أمام أولياء الطلبة.

salah hussain
09-24-2009, 01:19 PM
تعرف يا مامان نحن لم نحضر المظاهرات ولكن قبلنا في المدرسه بعدها مباشرة -- يمكن حضرنا الجلد--- واذكر ان لطلبة تنقاسي القدح المعلي في العقاب الاعلي من الجلد --- فاخي الاكبر الصادق حسين كان من ضمن المفصولين من الداخلية -- وقد سكن هو والمرحوم مصطفي عبد الرحمن-- والمرحوم ابوالقاسم الحسن ابو حجل وعلي ما اظن عوض علي الله --مع المرحوم علي الطيب---
اما ميرغني مالك وختم علي سليمان فقد تم نفيهم ---نقلهم --الي جهات دنقلا
من الصدف اني تعرفت هنا في مسقط علي الاستاذ السر احمد عيسي الذي افادني بانه نقل الي القرير الوسطي ناظرا في اعقاب تلك المظاهرات --وهو الذي كان في لجنة الجزاءات -- ولم يمكث طويلا في القرير
-- الرجل متعه الله بالعافية --من المحافظين علي شكلو --- نشوف ليك منو خبر خبرين
بعدين يا مامان يا ريت تتذكر لينا المدرسين -- الذين اصابهم بعض الاذي -- وهل كان ذلك بداية ام بعد ان صتوا الحلي وطلعتو -- ارجو ان نلقي الضوء علي هذه الحادثة --- اعتقد ان بعض المدرسين استهدفوا في المظاهرات فتم نقلهم --- فيهم واحد اسمو فرحات
عيدك مبارك يا مامان والله يديك العافي
ومتواصلين --- علنا نلقي المزيد ---

مامان
09-24-2009, 08:22 PM
الاستاذ السر احمد عيسي

صلاح حسين : عيدك مبارك

الراجل دحين مش اسمو عبد الفتاح أحمد عيسى؟

ابو رغيم
09-24-2009, 09:55 PM
صلاح حسين : عيدك مبارك

الراجل دحين مش اسمو عبد الفتاح أحمد عيسى؟


اخونا مامان
تحياتي و عيد مبارك

عبدالفتاح أحمد عيسي ( الحمام) ناظر مروي الثانوية العليا
تشابهت عليك المظاهرات

علي شنان
09-24-2009, 11:28 PM
نواصل..... شقاوة
اولا التحايا لمن يرد ذكرهم فى هذا الموضوع واتمنى ان يشاركوا
بذكرياتهم لتلك الحقبة الجميلة .
فى احدى ليالى الجمعيات الادبية كان المسؤول من النظام
زميلنا بابكر على بابكر (التجشو) له الرحمة.
وقد حدث موقف ادى لبعض الهرج والفوضى فصاح فيه
احد الاساتذة بأن يسجل المهرجلين .وقد كنا نحن ابناء
تنقاسى نجلس كلنا فى زاوية واحده فما كان من التجشو
الا ان سجلنا كلنا مهرجين ولم يسجل اى طالب غيرنا.
فى صباح اليوم التالى وفى الطابور الصباحى بدأوا فى
جلدنا واحد تلو الاخر ولما جاء الدور على يوسف شامى
رفض ان يجلد .فطلب منه احضار ولى امره ثم تلاه
رقاقى وعبدالرحيم (له الرحمة) ثم عبدالرحمن ديمو
ثم ميرغنى واخرين .ولما جاء الدور على معتصم شبلى
رفض ايضا الجلد فما كان من الاستاذ الشفيع الا ان
قال له يلا روح فصلك ماحندقك يامعتصم. فكانت المفاجأة
على معتصم كالصاعقة .لانوا كايس له سبب يذهب ولم
يجده .وصار يكرر رفضه والاستاذ يكرر رده. فما كان
من معتصم الا ان اتجه نحو باب الخروج وهو يردد
لا لن ادخل الفصل اروح اجيب ولى امرى وذهب ولم
يعد الا بعد شهر تقريبا ...





















0

salah hussain
09-24-2009, 11:35 PM
صلاح حسين : عيدك مبارك

الراجل دحين مش اسمو عبد الفتاح أحمد عيسى؟

والله يا مامان --ما عندك عوجى
لكن برضو الكبر كبرنا -- بنديك التسعين اكراما للسن
غايتو جبتها جمب الخشبة
السر احمد عيسى --- يطلق عليه هنا السر السرين
خلى بالك نشحدو صورة -- بمناسبة الصور كدى نفض الكراتين --جم صورة عمك على الطيب
انت الصورة ديك يوم عرسك والله شنو لانو من اللبس صورة طنابير كاربى لابرة من محل الاكل داك
اها يا ود رغيم -- مامان لسع فيه رقشة -- المسكين الغربة مرة تديهو شوية خلطة ---شويي ماها كثيري
كدى النشوفك انت يا با

salah hussain
09-25-2009, 03:31 PM
بشرونا بدخول اخونا ابزر الكامل قريبا --منتظرين -- وبى علبة حلاوتنا كمان
ادفر يا ود رغيم -- الباقين وين

salah hussain
09-25-2009, 05:23 PM
دفعة 1964 - 1968


1 المقداد سليمان بلول تنقاسي – السوق
2 حسن محمد أحمد ادريس تنقاسي - الرويس
3 سيد احمد عباس محجوب تنقاسي – السوق
4 محجوب احمد البشير( بدلا عن الزبير خالد) تنقاسي – سمعريت
5 سيف الدين حسن سعيد سمعريت تنقاسي - سمعريت
6 عمر محمد عبد الرحمن الانصاري تنقاسي – سمعريت
7 عبد الفتاح بابكر تنقاسي – الدبيبة
8 فتح الرحمن البشير ( الحقور) تنقاسي – الدبيبة
9 مصطفي فضيل تنقاسي – الدبيبة
10 حسين النو الحسين تنقاسي – الدبيبة
11 الحاج علي الامين تنقاسي – فتنة
12 محمد عثمان الزومة تنقاسي – فتنة
13 أحمد محمد الحسين الشيخ تنقاسي – فتنة
14 الرشيد محمد الحسين الحسونة القرير
15 كمال عبد المنعم القرير
16 عبد الرحمن محمد صالح (مامان) القرير
17 محمد أحمد عبدالله ادم القرير
18 سرالختم محمود شورة القرير
19 بابكر مسعود القرير
20 ادريس علي ادريس القرير
21 ضمرة محمد خير القرير
22 محمد أحمد ابو زيد القرير
23 عبدالله محمد الحسن القرير
24 عبد الرحمن محمد زين القرير
25 عبدالله سليمان احمد القرير
26 محمود أحمد البشير القرير
27 علي البهادور القرير
28 عمر محمد النجيب القرير
29 عبد الوهاب محمد الحسن مساوي
30 محمد عثمان سليمان الراقي مساوي
31 علي ابراهيم النقرش مساوي
32 احمد البشير أبو سوار مساوي
33 هاشم جبرالله أوسلي
34 عبد الرازق عبد الرحمن أوسلي
35 يحي أ؟حمد عبد الله أوسلي
36 محمد علي الطيب العجوز أوسلي
37 محمد الحسن ابراهيم الباسا
38 نور الدين شمس العلا الغريبة
39 يحي صديق احمد الكرو




المصدر : المقداد سليمان بلول

40- سيد احمد عبد السلام ---تنقاسي فتنة
رقم 27 البهدير وليس البهادور

نفس المصدر --مشكورا

علي شنان
09-25-2009, 07:05 PM
نواصل .... الخال (عمر فتح الرحمن ابوشمة)
لك التحايا ياخليفة عمر وكل عام وانت بخير ودعواتى
لك بالشفاء التام (الاخ عمر اجرى عملية زراعة شرايين
بالقلب فى الاردن قبل 3 شهور تقريبا) وهو بخير
طبعا عمر كان الدفعة القدام الاخ هاشم وكان يلقب ب
(ام شو) وكان يتمتع بروح الدعابة وخفة الدم وكثيرا ما
كان له مقالب مع الاخ يوسف شامى . اذكر فى احدى
ليالى الصيف وكنا ننام فى حوش المدرسة .حضر يوسف
وود معروف وشالوه بى سريرووقلبوه (up side down)
وهربوا قام وهاج وماج وتانى استعدل الوضع ونام. تانى
اعادوا نفس السيناريو. وبعد الدعى عليهم .قام فرش بطانيتو
فى الوطة ورقد وهو يصيح باعلى صوته (المرة دى تعالوا
اقلبوا الكرة الارضية) والله ايام يازمان......

علي شنان
09-25-2009, 07:54 PM
نواصل... الطالب النابغة سيف الدين عثمان سعيد(لك التحية وعيدك سعيد)
لله درك ذلك الفتى الاسمر صاحب الجسم الصغير والذى وهبه الخالق قدر
من الذكاء قل ان يوجد فى اقرانه سعدنا بصداقته وزمالته منذ العام1968
بالقرير الوسطى وحتى نهاية مروى الثانوية 1976م.وطيلة هذه السنين
كان مثاليا فى كل شئ .وكان ترتيبه الاول اكاديميا طيلة هذه الفترة بدون منافس
بل كان التنافس من الثانى .علما بانه كان لايبذل اى جهد فى التحصيل والمذاكرة
مقارنة بجهد اقرانه.واعتقد بل اجزم بانه هو الشخصية الثانية من خريجى مروى
الثانوية منذ تأسيسها بعد(النابغة جعفر مالك الذى احرز اول السودان)
ثم هذا السيف الدين الذى احرز المركزالثانى على مستوى السودان عام 1976م
والذى واصل دراسته بهندسة الخرطوم ثم ابتعث منها لبريطانيا ونال اعلى الدرجات
ومكث فيها 25 عاما (ولذلك قصة سأعود اليها) وهو الان بالسودان يعمل فى عدة
مجالات اكاديمية رفيعة . ولى عودة للكثير من المواقف التى تحكى نبوغ هذا الفتى
فى بواكير ايامنا بالقرير ومروى .والى لقاء.

salah hussain
09-25-2009, 10:01 PM
نواصل... الطالب النابغة سيف الدين عثمان سعيد(لك التحية وعيدك سعيد)
لله درك ذلك الفتى الاسمر صاحب الجسم الصغير والذى وهبه الخالق قدر
من الذكاء قل ان يوجد فى اقرانه سعدنا بصداقته وزمالته منذ العام1968
بالقرير الوسطى وحتى نهاية مروى الثانوية 1976م.وطيلة هذه السنين
كان مثاليا فى كل شئ .وكان ترتيبه الاول اكاديميا طيلة هذه الفترة بدون منافس
بل كان التنافس من الثانى .علما بانه كان لايبذل اى جهد فى التحصيل والمذاكرة
مقارنة بجهد اقرانه.واعتقد بل اجزم بانه هو الشخصية الثانية من خريجى مروى
الثانوية منذ تأسيسها بعد(النابغة جعفر مالك الذى احرز اول السودان)
ثم هذا السيف الدين الذى احرز المركزالثانى على مستوى السودان عام 1976م
والذى واصل دراسته بهندسة الخرطوم ثم ابتعث منها لبريطانيا ونال اعلى الدرجات
ومكث فيها 25 عاما (ولذلك قصة سأعود اليها) وهو الان بالسودان يعمل فى عدة
مجالات اكاديمية رفيعة . ولى عودة للكثير من المواقف التى تحكى نبوغ هذا الفتى
فى بواكير ايامنا بالقرير ومروى .والى لقاء.


سيف الدين عثمان سعيد هو شقيق الاخوين تاج الدين وبكرى
وهم من اسرة كريمة --كلهم حفظهم الله نوابغ كل فى مجاله
مشكور اخى شنان -
بس ادعو لى ود دفعتك ان يرزقه الله الزوجة الصالحة
انشاء الله عبد الحفيظ عبد الله وولدو يقروا الكلام دا ويصروه ليهو --ان كان يتحرك شوية
كمال حسين وفرتك منو ---
للذين يعرفونه --- رجل يلقاك باسما وان غبت عنه اعواما --وكذاك تاج الدين وبكرى

salah hussain
09-25-2009, 10:10 PM
بمناسبة الاخوان على زمننا --ذكرنا منهم بعضا
من تنقاسي
انا والصادق اولا ثم انا وكمال حسين
عبد الرحمن ويوسف وعبد الرحيم اولاد الغوث---احمد كان قبلنا -- لم احضره
عبد الرحمن وميرغنى ديمو
عثمان وعلى رغيم
صالح واحمد الانصارى
حسن وختم على سليمان --قبل نقله الى جهات بحرى
من القرير
عبدالله وحسن وحسين محمد الحسن
صديق الحسين وعبد الرحمن الحسين
تاج الدين وسيف الدين عثمان سعيد
على البهدير وسيد احمد البهدير --من الكنيسة
زيد وابا زر الكامل
الفاتح وعلى الرفاعى--كان دفعة الصادق حسين --واخاله من المعاقبين فى مظاهرات ود نصرالله
من مساوى --
بشير محمد الحسن وعلى محمد الحسن
(بشير بلدنق وعلى فللا)
ومن جهات الباسا ----
اولاد عجوبة ---اخوان د مختار عجوبة ---فيهم واحد دفعة ودرغيم --انشاء الله يكون متذكر الاسماء
واظن من الباسا ايضا --اولاد شمباتى ---تاج الدين شمباتى دفعتنا
ومن يا ترى تملونا الباقى -----
يبقالى العواتيب من القلعة -- ان لم يكونوا اولاد عمومة
كمان ود شمة الاستاذ --اخوه على احمد على قرافى
حسين الهبيل --- واخوه ادم الهبيل الاستاذ ان لم يكن ابن عمه
واعتقد استاذ عوض الكريم له اخ معكم يا هاشم -- والله الزاكرة راحت

salah hussain
09-25-2009, 10:25 PM
بمناسبة عمر فتح الرحمن --- اختلط على الامر فى اول البوست بينه وبين الكبروس الذى اظنه دفعت اخونا هاشم الذى ارجو ان ياتينا باسمه كاملا
على ما ازكر ان الكبروس هذا من اولاد الكرى--- الحدود المقابلة ابورنات--- وكان يجلب معه سمنا --- للفول طبعا --السمن سمن غنم-- متربية مع حبوبتو التى ترعاهو --وكان عندو صحابة مع الشيخ يوسف شامى --- وان ما اخاف ود معروف -- الظاهر والله يعلم انهم معه فى السفرة والسمينى محجوزة لى فول الشيخ يوسف --- مثل ما كانت العادة ان يكون عندك صحبة مع الطلبة الخارجيين -- لانهم ديل بيجيبوا معاهم الليمون فى جيوبم --- وعدس عمك على الطيب بلا ليمون ---تبلع بليع ساكت --وما تقدر تفتح خشمك --على كل حال ارحم من البراطيش
من ما اذكر اخونا على احمد على الرزوقى ---كان احيانا يخلط الفاصوليا وجك اللبن وان بقى فى شى تانى حتى ان كان الكستر الرجاف ابموية داك --- يقولك الحكاية كلها فى الاخر مخلوطة فى البطن اخير نسهل ليها المامورية ---ود دغور البوم ورفاقتو --يحردوهو --- اخونا على يقوم بالصحن ---وهو يضحك

salah hussain
09-25-2009, 11:51 PM
شكرا يا هاشم شنان على الرسالة --
شوف تانى --رجعنا بالتعديل والاضافة
الله يديك العافى

بالمناسبة هاشم شنان يتاوق باستمرار --- قال قلمو ماهو مبرى
اظنو خايف عبد الوهاب ينطلو هنا تانى

ابو رغيم
09-26-2009, 12:27 AM
بمناسبة الاخوان على زمننا --ذكرنا منهم بعضا
من تنقاسي
انا والصادق اولا ثم انا وكمال حسين
عبد الرحمن ويوسف وعبد الرحيم اولاد الغوث---احمد كان قبلنا -- لم احضره
عبد الرحمن وميرغنى ديمو
عثمان وعلى رغيم
صالح واحمد الانصارى
حسن وختم على سليمان --قبل نقله الى جهات بحرى
من القرير
عبدالله وحسن وحسين محمد الحسن
صديق الحسين وعبد الرحمن الحسين
تاج الدين وسيف الدين عثمان سعيد
على البهدير وسيد احمد البهدير --من الكنيسة
زيد وابا زر الكامل
الفاتح وعلى الرفاعى--كان دفعة الصادق حسين --واخاله من المعاقبين فى مظاهرات ود نصرالله
من مساوى --
بشير محمد الحسن وعلى محمد الحسن
(بشير بلدنق وعلى فللا)
ومن جهات الباسا ----
اولاد عجوبة ---اخوان د مختار عجوبة ---فيهم واحد دفعة ودرغيم --انشاء الله يكون متذكر الاسماء
واظن من الباسا ايضا --اولاد شمباتى ---تاج الدين شمباتى دفعتنا
ومن يا ترى تملونا الباقى -----
يبقالى العواتيب من القلعة -- ان لم يكونوا اولاد عمومة
كمان ود شمة الاستاذ --اخوه على احمد على قرافى
حسين الهبيل --- واخوه ادم الهبيل الاستاذ ان لم يكن ابن عمه
واعتقد استاذ عوض الكريم له اخ معكم يا هاشم -- والله الزاكرة راحت



فيصل محمد الحسن عجوبة
و حيدر محمد الحسن عجوبة

د. مختار عجوبه عمهم

حيدر مقيم بأبوظبي

salah hussain
09-26-2009, 01:59 AM
شكرا يا ابو رغيم ---فيصل وحيدر ---تسلم
من الاخوان ايضا ولاد التلب
محمد احمد ومحمد الحسن احمد التلب
وولاد اسحق
بابكر ومحمد احمد
والله ما كدى يا اخوانا
العافيى درجات ---ما عندك شى ثانى
شغل التلغرافات دا هنا ما بيخارج --انكت انكت -- العندك كثير

ابو رغيم
09-26-2009, 02:25 AM
ياخي قاعد احنس في هاشم عريجي
وحيدر تلفونه مقفول اظنه معيد في السودان
وكذلك ابو القاسم ياسين لكن ده في الغربية مع رقاقي
ادني صنه .....

salah hussain
09-26-2009, 04:12 PM
[QUOTE=salah hussain;49241] شكرا يا ابو رغيم ---فيصل وحيدر ---تسلم
من الاخوان ايضا ولاد التلب
محمد احمد ومحمد الحسن احمد التلب
وولاد اسحق
بابكر ومحمد احمد
والله ما كدى يا اخوانا
العافيى درجات ---ما عندك شى ثانى
شغل التلغرافات دا هنا ما بيخارج --انكت انكت -- العندك كثير [/QUO


نواصل الاخوان
عبد الرحيم ومحمد الحسن سليمان ----من مروي شرق والاستاذ محمد احمد سلينمان
عبدالله سليمان ومحمد احمد سليمان (مسعود) احسن من غنى بالطنبور فى المدرسة
من القرير --قوز قرافى

ونشوف باقى الاخوان

salah hussain
09-26-2009, 04:53 PM
من الاشياء التى تعلمناها فى المدرسة ايامها -- نساجة العناقريب-- اذكر اننا حين دخولنا المدرسة -جمعونا امام مخزن --اظنه --فى الركن الشمالى الغربى بالقرب من داخلية النيل -- وبداوا يصرفون لنا حبالا --حبال جديدة والمخزن هذا مليان فل ذى ما بيقولو -- اوقفونا صفا ويعطوك حقك -- تخيلوا انت فى عمر العاشرة او يزيد بقليل سنين - يدوك الحبال ويدوك عنقريب -- حديدى -- وتشوف الناس جمبك -- يتكرموا بقطع بواقى الحبال القديمة --ويدوك الجقود فاضية -- امشى يالله انسج سريرك -- وامتلات الساحات بالنساجين والمتعلمين
يتخطفك ابناء بلدك الذين فى الغالب --اوصتهم اماتنا علينا --وصية الام فى هذه السن فعالة فى هذا العمر لانها تاتى عبر الامات -- فبالكاد والدتى اوصت امهات ابناء اهلى واصحابها على ابنها--
يتخطفك اولاد بلدك والموصون بك على طرف-- هم على كل حال شحيحين شوية -- يعلموك زى ما علموهم البداية فقط --الكراب والسدايا ويبدوليك و--يالله -- تبكى وتتمخط وتتموا --والا نومك واطة --اذكر انى من اواخر الناس الذين اكملوا --ولم يقصر ابناء قريتى واهلى --بالدفرة --لكنى بعدها وفى الاعوام التالية كنت من الحريفين فى النساجة -- واذكر انه فيما تقدم من عمرى ولحين تخرجى من مروى -لم يزر بيتنا --نساج عناقريب --فقد حزقت الشغلة وان ساعدنى احيانا شقيقى الاصغر -- ولصديقى سند --تشهد له سبيقة ود حدربى التى خلف دارهم --الذى كمل الضلله فيها ينسج ويدخل -ولتلك السبيقة قصص اخرى له فقد كان موهوبا فى-- نزلوا مكنه اللاندروفر-- وارفعوها ايضا--وكثيرا ماتجد خليفة التليفة بجواره فى ركن السبيقة يكسر فى الحطب للمطعم وللفرن

ايضا من الاشياء التى يتعلمها البعض وبكل اسف لم اكن منهم ---الحلاقة والطنبور --- ففى الحلاقة برع من دفعتنا احد ابناء الباسا --محمد بشير الزين -- وهو من اوايل الحلاقين الذين شفت عندهم ادخال الموسى فى المشط وتسريحك --وما زلت ازكره كلما زرت حلاقا يستخدم هذا الاسلوب فى التشطيبة والتسريحة الاخيرة -- محمد بشير الزين هذا كان قصيرا ودقيق الحجم ولم اعرفه اول الامر عندما التقيته امام نادى الباسا فى الثمانينات -- فى بدايات سفر الباصات السفرية للشمالية من منطقة السجانة--فقد كان هو الكموسنجى المكلف بالتذاكر واشوف ليك زول ساوى الحجى --بتاعت الكماسرة والكموسنجية ديك -- طويلا محجاجا --اخاله بذلك من ايام الوسطى -- لفتنى له اخونا ود معروف -- فقد كانت له زاكرة حديدية - واظنه كذلك برغم ابتلاءاته --مرضا وسجنا ( اسال الله ان يفك كربه )-- وود معروف هذا كان مشاغبا ومداقرا لهذا المحمد بشير فى الداخلية --اشتهروا معا بعملية الحريقة --وتفننوا اثنينهما فى ذلك --وبلغت بهم القسوة استخدام البلاستيك بدل الورق --ياتوك نايما -- بورقتهم الملفوفة ويحشروها حشرا و باحكام بين الاصابع --ويشعلون النار -- ويراقبوك او احيانا يمثلون النوم تحت البطانية جمبك -لتقوم مزعورا او باكيا- والعالم من حولك يضحك
اما الطنبور -- فمن اميز المتعلمين والعاشقين له لحد الهيام --اخونا الشيخ حسن على سليمان --الذى تفنن فيه عزفا وحبا واخاله صناعة ايضا -- واذكر انه فى مرحلة ما لم يكن يفارقة على الاطلاق --فاذكر اننى فى السنة النهائية من كلية الهندسة سكنت فى داخلية ترهاقا القريبة من الكلية --وكان حسن يعمل بوزارة الرعاية الاجتماعيى المقابلة ركنيا لداخليتنا --والتى كان سيداحمد الحردلو وكيلها يوما-- كان لحسن طمبورا يحمله معه اينما ذهب يرعاهو كطفل ويحفظه بحذر-- وضعه يوما عندى فى الغرفه قبل ذهابه للعمل -- وكان يسترق بعض فسح من العمل لياتى ليعزف عليه ---وقد ضاهى بعزفه انذاك ملوك الطمبور وقتها -- وان لم يستخدمه فى المحافل الفنية --وقد تركه وفارقه فراق الطريفى لى جملوا عندما تبع جماعة البلاغ وخروجه الذى نرجو له القبول --وان يذكرنا بدعائه الطيب--اتسائل من ذاك الذى حاز ذلك الطمبور المدلل من الاخ حسن يوم ان طلق دربه

علي شنان
09-26-2009, 08:39 PM
الاخ الباشمهندس صلاح والاخوة رواد هذا البوست لكم التحايا
بالاضافة لمن ذكرت من الاخوانيات .الاستاذ ودشمة له اخ تانى
غير( على )اسمه عثمان وهو الدفعة الورى ناس كمال اخوك .
كذلك فعلا استاذ عوض الكريم له اخ اسمه سعيد وقد درس
فترة من الزمن فى تنقاسى حتى انتقل للاميرية.
اما بخصوص الاخ عوض محمد عثمان سعيد (الكبروس)
فهو كما ذكرت من الكرى ولكن والدته من الرويس( الرزوقة)
وايضا جدته لوالده وهى الملقبة بالكبروس ايضا من الرويس
وهو ابن خالة صلاح على عبدالعزيز زميلكم ايضا بالاميرية
وهم الاثنين صاروا من مواطنى بورسودان لهم التحية.

علي شنان
09-26-2009, 09:18 PM
نواصل.... بخصوص نساجة العناقريب (من مذكرات هاشم)
ونحن فى الصف الثالث كان هنالك حوالى 40 عنقريب عاوزات النساجة
وكان الاستاذ ودشمة يتفاوض مع طه عبدالفتاح (الفراش) عليها ولم
يتفقوا على السعر. حيث طالب طه بمبلغ 30 قرش للعنقريب وودشمة
واقف عند الطرادة. جينا انا والاخ محمد محمد احمد خليفة من ابناء
الكرو وقد كنا معلمين فى النساجة .خاصة انا تلميذ محمد احمد
ودالشيخ (ابرنات) وقاولنا ودشمة بمبلغ 20 قرش .قام عملنا
اختبار بصورة سرية حتى لايخسر طه .نجحنا فيه بجدارة واقتدار
وانطلقنا . فى اليوم التانى انضم الينا النابغة سيف الدين بعد ان
تعلمها ثم بعده الاخ محمد على حضيرى . وخلال اسبوعين كانت
الاربعين عنقريب جاهزة.جمعنا ودشمة وبعد مقدمة طويلة عن
المثالية والثناء علينا اعطى لكل منا خمسون قرشا مكافأة .
فرحنا بها ايما فرح .ولكن وحتى مغادرتنا للمدرسة كان العم
طه يشوفنا عشرة عشرة .ويازمن هل من عوده هل؟؟؟؟

salah hussain
09-27-2009, 10:22 AM
وصلتني رساله عتاب من صديق عزيز -- علي بعض المداخلات وارجو ان اوكد اعتزازي بهذا اللوم واكرر افتخاري بالقرير الوسطي وبحبي لها ولاهلها وطلابها لدرجه العشق الذي قد يوقعني في خطا غير مقصود-- وازداد تقديري للرساله لاني تاكدت ان ابناء القرير الوسطي يزورون هذا المنتدي ضيوفا --وهذا ما نرجوه لتجميعهم وهذا دعوه للجميع السمع يكلم الماسمع من ابناء القرير-- للمرور وتصحيح ما نكتب وذلك بملاحقتنا بالبريد الالكتروني وعن طريق الاعضاء-- وذلك لانشاء نواه تجمع بداه بعض الاخوان في السودان - يجتمع فيه خريجي القرير للتوثيق وايراد الزكريات الطيبه والحلوه --وتلمس اخبار من علمونا والتواصل معهم واكرر اعتزازي بكل المعلمين الذين مروا علينا فقد كانوا حقيقة جهابزة زمانهم وقل ان يجود الزمان بمثلهم -- كانوا اباءا لنا قبل ان يكونوا معلمين -- ربونا وعلمونا واعطونا ماعندهم باخلاص منقطع النظير-- كيف لا وقد كانو غدوة لنا في ذلك العمر وقد تاثر البعض منا ببعضهم ومن ضمن هولاء اخونا ود دغور الذي احب الاستاذ علي عثمان لدرجة العشق حتي انه التحق بالتدريس --واصبح يتبع نفس اسلوبه الراقي لايصال المعلومه لطلابه -- الاستاذ علي عثمان كانت له طريقه مختلفه للغايه واحبه اولاد دفعتنا بشكل خاص لانه كان صديقا لهم -- ولم يلجا لاسلوب الضرب الذي كان متبعا حينها --وان كان عنده اسلوب النكته والاشاره الزكيه مثله مثل استاذ طلب فالتحيه موصوله لهم ولابنائهم اينما كانو --ونسعي لنفض غبار النسيان لايراد اسمائهم جميعا -- فارجو ان يعيننا اصحاب الزاكره الحديديه امثال شنان ومامان والمقداد وودرغيم-- التحيه كذلك للاساتذه من ابناء القرير والمنطقه -- الشفيع وعوض الكريم والهبيل وودشمه والشايب وود الطلب و العقد الفريد
الدعوه لكل ابناء القرير وعلي راسهم اخونا --الدينمو وابازر الكامل وعبد الحفيظ عبد الله وزيد الكامل والفاتح الرفاعي و سيف الدين وتاج الدين والطاهر حجة والعواتيب واولاد حي الشاطئ والباسا واوسلي ومساوي-- وكل ابناء القرير خارج المنتدي للتواصل معنا وسانسق مع الاداره لاضافه عضويتهم --
salahh50@hotmail.com
وللاخ صاحب اللوم الجميل اعده باني ساراجع كل المداخلات وتصحيح كل المعلومات وتنقيحها --فله العتبي حتي يرضي وسررت جدا برسالته -- ورسالة اخونا مامان ومداخلاته -- التي ارجو ان تستمر وتصحح فنريد لهذا البوست لايراد الجميل والتوثيق للقرير واهلها -- وطلابها
برضوارجو ان لا يلومني ضيوفي الكرام في استخدام كلمات مثل اعتقد واظن وما شابهها --فالكبر حصل والزاكرة شاخت والسهو وارد --واني ارمي بالمعلومه حتي التي فيها شكك هكذا -- ازكاءا لروح التشجيع بالدخول -- لدخول الاخرين للتصحيح وايراد ايه معلومه للتواصل --
بالمناسبه بعض المعلومات استقيها من بعض الزملاء خارج المنتدي بنفس شكوكهم ==فلنسعي جاهدين للكتابه عن القرير الوسطي--- وايراد الاسماء والشخوص الذين كان لهم الفضل في هذا الصرح العظيم وايفائهم بعض حقهم علينا

salah hussain
09-27-2009, 01:31 PM
يا اخوانا لو فى واحد عارف اسماء-- الفراشين والغفراء وجماعة المطبخ المع عم على الطيب --
ناس قرعم وبدوى و العقد الفريد الذي خدم الطلاب -- والحماعة الكانو بيشيلو مننا المفاتيح نص الحصص ويفتشوا الدواليب --يطلعوا الامواس والسكاكين والتمباك والسجاير --ويجهزوا ساحات الطابور والعقاب للذين حازوا ودسوا الممنوعات فى دواليبهم --- اجمل ما كان فى هذا التفتيش -- الفجائيه ---وعشان ما تجى تقولوا مش بتاعتي --ر}ساء العنابر والداخليه معاهم--والمشرفين برضو
بالله شوفوا الحرص والتربيه --صحيح تربيه وتعليم ---اين يا تري نحن من ذاك الزمان---
العارفين اسماءالاساتذة --ايضا -- والكلام لى اخوانا الذين يتاوقو --يوميا من خارج المنتدي ارجو ان يرسلوا لى مزكراتهم ومداخلاتهم بالبريد الالكترونى المذكور فى المداخله السابقة -- وان دايرين التلفون نديهم --- بس عليهم بالمس كول ---
009689459210

تاج السر محمد حسين
09-27-2009, 02:00 PM
من حكاوى طلبة القرير حسب ما سمعنا كانو يوم الخميس يجو من القرير باللوارى
ومن هناك اللورى يتملى فل وكل زول اول من يصل قصاد بيتهم وفى اول رملة يجى ناطى واللورى ماشى .
صاحب اللورى المسكين لامن يصل السوق ويقيف يجى يعاين للورى يلقاهو فاضى ما فيهو ولا زول .
اها الكلام ده صاح يا جماعة ولا وشاية عزال ساكت.

احلى الامنيات

ابو رغيم
09-27-2009, 05:22 PM
يا اخوانا لو فى واحد عارف اسماء-- الفراشين والغفراء وجماعة المطبخ المع عم على الطيب --
ناس قرعم وبدوى و العقد الفريد الذي خدم الطلاب -- والحماعة الكانو بيشيلو مننا المفاتيح نص الحصص ويفتشوا الدواليب --يطلعوا الامواس والسكاكين والتمباك والسجاير --ويجهزوا ساحات الطابور والعقاب للذين حازوا ودسوا الممنوعات فى دواليبهم --- اجمل ما كان فى هذا التفتيش -- الفجائيه ---وعشان ما تجى تقولوا مش بتاعتي --ر}ساء العنابر والداخليه معاهم--والمشرفين برضو
بالله شوفوا الحرص والتربيه --صحيح تربيه وتعليم ---اين يا تري نحن من ذاك الزمان---
العارفين اسماءالاساتذة --ايضا -- والكلام لى اخوانا الذين يتاوقو --يوميا من خارج المنتدي ارجو ان يرسلوا لى مزكراتهم ومداخلاتهم بالبريد الالكترونى المذكور فى المداخله السابقة -- وان دايرين التلفون نديهم --- بس عليهم بالمس كول ---
009689459210


اتذكر تفتيش فجائي مشهور قاده الاستاذ محمد عبد المطلب و وجد علبة سجائر متني في دولاب اتنين من تنقاسي الدفعة القدامنا و لم يتعرف الاستاذ علي السجائر و قال لزميله عوض الكريم :-
:-عليك الله شوف جنس الصابونة الحلوي دي
:- يا استاذ دي سجائر

و عينك ما تشوف الا النور

علي شنان
09-27-2009, 08:56 PM
نواصل .... صلاح سأبدأ والعهدة على الراوى (هاشم)
اولا الغفير الليلى كان العم ود مصطفى (محمد احمد مصطفى)
والد سيداحمد دفعتين قدامنا. السقايين قرعم وودمكى
الفراشين طه .محمد عثمان مصيبة . عم امين واعتقد ثلاثتهم
دناقلة . ثم ابن العامراب البدوى وداعة قريب اولاد الحسين
نجى للسفرة بقيادة المايسترو العم على الطيب ومعاونة
جمعة واسماعيل .
فى واحد كان متخصص فى شغلانة مع مصيبة ماعاوز أجيب
اسمها وما كان عندوا احتكاك خالص بالطلاب .
اخوتى نسال الله ان يطيل عمر الاحياء ويرحم الاموات
منهم اااامين.

علي شنان
09-27-2009, 09:35 PM
دفعة 1968 1973م معذرة اذا سقطت بعض الاسماء
ولكن ساحاول بقدر الامكان الا انسى احد منهم.....
سيف الدين عثمان سعيد
محمد الهميم عبد المجيد
كمال حسين الحسن
احمد محمد حسين الامام
عبدالله محمد الجزولى
عبدالله الباهى الحسين
احمد على الحسن(ود القطن)
هاشم عبدالمجيد احمد
عبد المنعم عبد الرحمن الانصارى
عبد الحفيظ عبدالله احمد محمد خير
عبد الحميد سعيد عبدالحميد
صلاح محجوب الدوش
عبد الوهاب على عثمان
ابوبكر عبدالله ادم
احمد على خلف الله (التعريفة)
احمد على محمد احمد الفقير
السر محمد احمد الفقير
محمد عبد الرحمن الفقير
العوض حسن احمد عطا الفضيل
بابكر محمد احمد نصر
على ابراهيم نصر
صلاح محمد صالح على
ميرغنى على محمد النقى(فرفر)
يحيى فضل المولى حامد
محمد محمد احمد خليفة
عبدالواحد محمد صالح سراج النور
احمد حمد محمد محمود
عثمان محمد عثمان احمد(الدينمو)
محمد نور عباس قرافى
احمد محمد الشريف على
على محمد الحسن محمد خير
على محمد الحسن النافعابى
عوض عبد الرحمن سيداحمد
عبدالله محمد الفضل الرفاعى
ابوبكر سيداحمد يوسف
على طه خليفة
بابكر محمد احمد دفع الله
عمر محمد احمد دفع الله
عبدالعزيز تاج السر محمد صالح
محمد على حضيرى
كامل على وداعة
ابراهيم محمد ابراهيم
عثمان محجوب الجنفاوى
عثمان محمد احمد البرهان
عثمان الشيخ جيب الله
صديق الحسين محمد طه
هاشم سيداحمد شنان
مع ملاحظة بان كل هذه الاسماء لم تواصل كل
هذه الفترة .بعضهم اتنقل منا والبعض اتى الينا منقول....

salah hussain
09-27-2009, 10:38 PM
فى اتصال هاتفى مع احد خريجى القرير الوسطى الذين يتابعون هذا البوست -- اخونا الدينمو--- سمعت ما سرنى وافرحنى --ان مجموعه طيبة من خريجى هذا الهرم -- يلتقون شهريا ويتلمسون اخبار الاخرين -- اسال الله ان يكون هذا البوست امتدادا لتواصلنا معهم وتواصلهم الذى ارجو ان يكون قريبا -- وادعو الاخوة المشرفين والادارة --- بالتعاون لضم ضيوف المنتدى وضيوف هذا البوست --وهذا بمثابه دعوة اخرى لهم --للاشارة لهذا البوست كدعوة
من اجمل ما قام به هؤلاء الاشاوس انهم نظموا زيارة --مجتمعين ---للاستاذ ود شمة -- عافاه الله وحفظه --كان لها الاثر الطيب فى رفع روحه المعنويه --وافتخاره بخريجيه --واتمنى ان يشارك البعض فى الزيارات التى ارجو ان تستمر -- كذلك زاروا -- الاستاذ الرايع عبد الرحمن احسن --- وعبد الرحمن احسن كان ناظرا فى مرحلة ما فى تنقاسي الاميرية -- وغالبية اهل تنقاسي يعرفونه --- هو والاستاذ الشفيع العبيد --- زيارتهم للاستاذ عبد الرحمن -- كما علمت افرحته --- وجمع اهل بيته بالكامل وعرفهم بهم --وكان فى معيتهم الاساتذه عوض الكريم و ادم الهبيل و على عثمان كرار ---- بالمناسبة انا نسيت كرار - بالرغم من مناداته بعلى كرار احيانا --- لولا تذكرة اخى الدينمو
ارجو ان نشيد بما يقوم به الاخوان --النسميهم --- مجمع لقاء الخرطوم --- ونسعى لضم هذا البوست معهم
الشكر موصول للاخ شنان --واحب ان انوه --- بان مذكراته كلها تقرا وحنوريها الاساتذه الذين سمعوا عنها ونتعشم ان يكتبوا لنا طرائفهم مع الطلاب --- عشان كدة دايرين اسماء كل معلمينا بلا القاب --- ما يقوموا تانى على التفتيش --والعصى موجودة
الحكايه فيها سيطان عنج كمان
وياريت اخونا الدينمو واخوانو يطلبو من اساتذتنا التداخل كذلك --والتوثيق بالكثير العندهم
التحية موصولة لابن دفعتى بشير بلدنق الذى سينضم لهذا التجمع قريبا ---

أها ياناس منتدى تنقاسي--- من هنا ولا قدام انا دا ياهو محلى البتلقونى فيهو -- ومصاقر البوست دا ومرة مرة --نطل عليكم --- والادارة تدعمنا تدخل لينا ولاد القرير باسمائهم كيف شاءوا
----والقرير بى ناسو جالو ---- من سماحتو والله

علي شنان
09-27-2009, 11:58 PM
نواصل...النابغة سيف الدين او كما كان يسميه استاذنا محمد عبدالله
التوم (البتار) كان الاستاذ يسأل السؤال وكلنا يشارك فى الاجابه صاح ام
خطأ ماعدا هذا السيف لايرفع يده ولا يشارك ولكن حينما يسأل
يجاوب الاجابة النموذجية (ماشاء الله) .اذكر ونحن فى حصة
اللغة الانجليزية .مع الاستاذ على عثمان كرار .كان هنالك درس
فى احد كتب الreaders والله لا انسى قصته وهى تحكى عن
طبيب ذهب لعلاج امرأة باحدى الجزر واثناء العلاج توفيت هذه
المرأة .غضب ذووها من الطبيب الذى تسبب فى قتلها وهموا
بأن يفتكوا به ,فهرب وهم من خلفه حتى وصل البحر وقفز فى
الماء وسبح حتى وصل الشاطى .ونجا منهم. لما وصل منزله
وجد ابنه الطالب الذى يدرس الطب ايضا وهو وسط اكوام من
الكتب والمراجع ولكنه لايجيد السباحة .اخذ الكتب من امامه
ورمى بها وقال له ماهذا الذى تقرأه.؟يا ابنى
(the first thing for the doctor to
learn is how to swim)
بعد ان فرغ الاستاذ من قراءة هذه القصة .طلب منا ان
يقوم كل طالب ويتكلم عما استوعبه من هذه القصة .
حاولنا وبانجليزية ركيكة ودراب .وبعد محاولة 3 طلاب
نهم الاستاذ هذا السيف وقال له اشرح لنا مافهمته.
فما كان من هذا السيف الا وسمع (بتشديد الميم)هذه
القصة كلمة كلمة وكأنه يقرأمن الكتاب .اصيب الكل
بالذهول خاصة استاذ على عثمان قال له اقرأ تانى
برضو تانى كررها .قال له هل قرأت هذا الموضوع
قبل الان؟ اجاب سيف بلا .قام قال لنا صفقوا له صفقوا
له .امشى للناظر ياسيف قول له انا سمعت الموضوع دا.
لله درك ياسيف ويا ذلك الزمن....

سمير محمد الحردلو شامي
09-28-2009, 09:46 AM
أها ياناس منتدى تنقاسي--- من هنا ولا قدام انا دا ياهو محلى البتلقونى فيهو -- ومصاقر البوست دا ومرة مرة --نطل عليكم --- والادارة تدعمنا تدخل لينا ولاد القرير باسمائهم كيف شاءوا
----والقرير بى ناسو جالو ---- من سماحتو والله

مبروك عليـــــــــــــك ياود حسيــن الحســـن فراشـــة المنقــة في المدرســة البيضـــــاء .... كما يحلو لنا تسميتها .... وزي ماقلت لك قبل دة ... البوستك حقك دة ماشي فوق دريب أخيو بتاع ذكريات من مروي الوسطي وصنب حق ولاد المرحوم محجوب جعفر ... دي تاني لوبايي في سيسبانايي .... حالتنا لايوم الليلي ماجينا لي حكاوي الكورة والمباريات وقعاد قوز الرملة ودق الطمبور والغناء والزوغان للقلعة والعامراب .... ربنا يحيينا للزمن داك ونحضر معاكم ....

والله البوست سمح سماحة يقسموا منها .... يمكن شان كانت رغبتي أقرأ في القرير لكن كلو من مفتش التعليم في 1974 المرحوم مصطفي صادق ... مو حلف وأجزم كراعي دي ماتمشي علي القرير ... بس علي الأقل كت أرافق الوالد الله يرحمو في عربية السوق ....

تخريمة: غايتو ياصلاح أتذكر ونحن ممتحنين من الأبتدائي للعام (الوسطي بي حسابكم) سنة 74 جانا مراقب أستاذ من القرير أسمه الأمين محمد بكر أظن ... وأظن الأستاذ دة توفي علي حسب علمي ....وهو يمكن أصلاً من الأراك .... خط الشرق ..... غايتو مامتأكد من الأسم كويس ... أها دة كان عندكم واللا في الأبتدائية ؟ سلملم.

salah hussain
09-28-2009, 05:29 PM
شكرا ابو سمرة -----انت اخرابة ما اتلاقينا فى مروى ---لانو 74 انا جلست لى امتحان الشهادة --- كدة بينا مرحلة كاملة -- ودار تسوينى فراشة--
بعدين انا لاقى اكون فى القرير المدرسة البيضا ومابى --فراشه --
بالتالى استاذ الامين يكون بعد ما مرقنا لكن الناس البيجيبوا الاكيدة --جايين ---وسنصل --كل هولاء العباقرة --بالمناسبة تاثرت كثيرا بى بوست منتدى البركل الزكرتو --والشيخ عثمان ادانى الاذن --للنسخ واللصق ايضا
تعرف ليه ---فتحت البوست دا --لانى احب القرير --اشمعنا صنب ليها البوست --- ونحن بى قريرنا التهز وترز ما نبدا
واهو الناس دافرة --اصبر شوية --متفائل انا لان نوثق بصدق واكثر --ونسوى لى منتداكم دا شنا ورنا ---
ما اخير من--- كاع كرف---
والقرير ما جنة قالو
جنة ونص ---كمان --

علي شنان
09-28-2009, 09:34 PM
نواصل ..... الطالب كامل على وداعة (ياحباب) انا متأكد 100%
الان وبمجرد قراءة هذا الاسم اى واحد من الدفعة( مدّ تلاليشو )
تقليدا لطريقة هذا الكامل فى كلامه الساخر والهزلى البرئ
اسف لهذا التعبيرولكن ماعندى تعبير يوصل المعلومة احسن من
هذا. وكان دائما( يقعّد )اسمو وبعد ذكره كاملا يختم بكلمة ياحباب
أتى الينا هذا الشخص فى منتصف الحقبة الدرسية 68-1973م.
حضرنا من اجازة وكان الطلاب بطبعهم يحجزون الاماكن الامامية
فى الفصول ولما قلت له يلا نحجز لينا مكان رد بسخريته المعهودة
انا محلى محجوز ماركة مسجلة اخر درج فى الفصل ما لى
مضايق سيف الدين داير اجى الاول بدلو ؟
كذلك كنا فى حصة انجلبزى مع الاستاذ الشفيع وهو يتكلم عن
الغرب (اوربا واميريكا ) وكيف انهم شعوب يختلفون عنا
وانهم شعوب مفككة اجتماعيا وان الاسرة غير مسئولة
عن بنتها او ابنها بعد سن الرشد وكل منهم يعمل مايشاء
بلا رقيب او حسيب وتشعب الكلام وكل ادلى بدلوه
فرفع كامل يده لمداخلة ولما اذن له زولك طوالى قال:
والله يا استاذ كمان لو الله غضبان عليك اعمل لك مشكلة
مع واحد منهم .والله ماعندو مفاهمة غير يسل سكينو
ويبجشنك بيها بجشين.فأنفجر كل الفصل ضاحكا لان
صاحبنا كان فاكر الموضوع دا كلو عن غربنا الحبيب.
والله زمان.....

ابو رغيم
09-28-2009, 11:48 PM
اخونا صلاح عندي إقتراح بإعتبار سمير من ناس المدرسة البيضا بالمراسلة

سمير محمد الحردلو شامي
09-29-2009, 12:04 AM
اخونا صلاح عندي إقتراح بإعتبار سمير من ناس المدرسة البيضا بالمراسلة

أها جيت .... خليتوا أنا البوست ده !!!!! نحن في زمنا أتعكست ... بقوا يجونا مدرسين القرير في تنقاسي .... لقيتوها هاملي زمان ..... أيامكم ... هسع مابتخجلو ؟.... الوسطي والثانوي والجامعة كلهن تأكلوا وتنوموا علي الحكومة ؟ سلملم

علي شنان
09-29-2009, 12:32 AM
نواصل..... النشاط الرياضى
من منكم لايذكر اللاعب الموهبة السر عبدالله جدعة ؟
اذكر فى السنة الاولى تم تقسيمنا رياضيا الى اربعة مجموعات
كل مجموعة يرأسها احد الشخصيات الرياضية القدامى وهى
مجموعة/كمال على محمدالشيخ
مجموعة /السر جدعة
مجموعة /ود اللمين (محمد الامين)
مجموعة /هاشم على سليمان
وقد كنت انا ضمن مجموعة كمال على الشيخ واذكر من
اول تمرين تم استبعادى نهائيا من كرة القدم وحتى
تاريخ اليوم .ولكن نجحت نجاحا باهرا فى التشجيع
خاصة عندما تكون المباريات ضد المدارس الاخرى
وكان هنالك نظام يسمى السداسى وهو مباراة بين
فريقين كل فريق يتكون من ستة لاعبين.
ومن اشهر اللعيبة فى ذلك الزمن اضافة لمن
ذكرت اعلاه هم/
صلاح حسين سند/ عمر سيداحمد بابكر/ تاج الدين عثمان سعيد/
معتصم شبلى /عبدالله عثمان(الموتر) /احمد حمد محمد (صلاح)
محى الدين محمد الامين عوتيب/محمد الحسن عبدالله(تلّى )
علاء الدين محمد نصر(وهو دفعة وسقط سهوا من القائمة)
والحارس على ابراهيم نصر. وهناك كثر ولكن الذاكرة
الرياضية خربة. ااااه......

علي شنان
09-29-2009, 12:43 AM
وصلة مهمة جدا لاهمية اصحابها ومعذرة ان نسيناهم ضمن
الاصطاف وهم الكتبة وهم ثلاثة شخصيات
احمد سعيد فضل الله نوار (شقيق عمر سعيد)
عبد الرحيم (ابوعبده) ذلك الزاهد فى عالمه الخاص
وقد كان رجل موسوعة .يجاوب اى سؤال.
خضر حسن ذلك الشاب الانيق المهندم انذاك
وثلاثتهم قريرابيون.

علي شنان
09-29-2009, 09:05 PM
سلام وتحايا للكل.انتو ياناس, القرير الوسطى دى
ماكان فيها زول غير هاشم وصلاح وابورغيم
ومامان وسمير ؟ اين البقية ؟
همتكم ياناس .البوست دا لايحتل تانى .

سمير محمد الحردلو شامي
09-29-2009, 09:35 PM
عجبني ليك يابو رغيم .... وجع !!!!! ياحليلك ياحبوبتي ..... الكبيري لقتتوا !!!!!!!! سلملم

علي شنان
09-29-2009, 10:19 PM
نواصل.... شقاوة عيال .
ان انسى فلن انسى اؤلئك الحريمات الكبار الكانن بيجن
يفرشن قدام باب المدرسة الشمالى .يفرشن مالذ وطاب من
خيرات القرير والتى لخصهاالقامة الدابى فى بيت الشعر التالى :-
منقة وبرتكان وقرين فروت متاكى بالشيل. ناقص الموز.
واذكر منهن - ست الجيل وعزيزة والزلال وبت الناولى
ولا انسى فى احدى العصريات وبينما احداهن فارشة المنقة
فوق شوالة حضر احد الاشقياء ربنا يشفيه ويعافيه حضر
وهو متغطى ومتلفلف بملاية ومسك الشوالة بما فيها من
اركانها الاربعة واطلق ساقيه للريح على الداخليات.
والحاجة طقت الزغاريد والسكليب. جاء ضابط الداخلية
وضرب الجرس وعمل تمام لكل الداخلية واذكر كان خلف
داخلية النيل شمالا وحضرت الحاجة وتفرست جميع
الوجوه ولكن لسوء حظها اختارت طالب من خيرة الطلاب
والذى من المستحيل ان يقوم بهذا العمل وهو محمد الحسن
سليمان .ولكن الاستاذ طيب خاطر الحاجة واعطاها ثمن
المنقة .وجاء للطالب محمد الحسن واعتذر له لانه كان
على قناعة تامة بانه ليس الفاعل .وسجلت ضد مجهول.
حقيقة نسيت الاستاذ ولكن على ما اعتقد احد اثنين هما
احمد الامين خليفة الشيخ او خلف الله محمد احمد
اسأل الله ان يجزيهم عنا خير الجزاء......

salah hussain
09-29-2009, 10:34 PM
عجبني ليك يابو رغيم .... وجع !!!!! ياحليلك ياحبوبتي ..... الكبيري لقتتوا !!!!!!!! سلملم
يرضوك يا سمير يسوى شنو طالما اولاد القرير من تنقاسي زايغين -- نقول شنو كدى شوفم لينا --- هاشم شنان بى زاتو جايى ---
---باقى لى الا مع ستات المنقة --- كدى اعرف الختف منكم منو

انت شوف سند
مشى لى الزلابية الت دكان خالد ---واكل لامن بطنو وجعتو -- بى جاي نحن حارسنو
ود ديمو --- الانصارى --- مانى عارف حكايتم شنو
هل تعلم ان عبد الحليم قرا فى القرير الوسطى ---المعلوما الوصلتنى انو دخل الوسطى من اول مرة -- كان مع جعفر مالك --- احاول ابحت من ابوالحسن بى بصارة شوية --طبعا ابو الحسن قرا مروي الوسطى -- والثانوي --وكان لاعبا مسجلا فى اهلى مروي وهو دفعة محمد سعيد دفع الله --- محمد سعيد كان من الرياضيين ايضا

سمير محمد الحردلو شامي
09-30-2009, 10:02 AM
شكراً ياهندسة .... والله البوست حقكم دة الواحد بقي لو ماجاء عليهو مايعرف يسوي أي شئ .... شكراً ليكم كتير وشكراً لي أخونا هاشم شنان ... وأنت ياصلاح حسين .... دحين سيد أحمد عمي دة ما أخدلوا قراية في القرير ؟ كدي نتأكد من المعلومة دي ... لأني أظن مرة أبوي الله يرحمو زي القال لي قرأ في القرير .....

ود سند جاء بي هنوك لكن بنشوفوا ليك .... جاء بي هنوك دي طبعاً عمتنا رقية بت سيد أحمد شامي الله يرحمها يوم ميرغني مشي العراق... يظهر قالوا ليها لاتجيبي سيرة العراق دي ... ناس نميري بيمسكوكن .... أها طبعاً ميرغني سافر بيروت ومن هناك للعراق ... هي الله يرحمها تغني وتقول ....
ياحليلوا القام لي بيروت ... ومن هناك قام بي هنوك .....
سلملم

قمر الدين
09-30-2009, 11:38 AM
الاخ شنان اظن المقصود هو محمد على الحسن من جزيرة ابورنات لان على الحسن هو والده وشكرا

علي شنان
09-30-2009, 12:51 PM
الاخ قمر الدين سلام وبعد. بعد رجوعى للاخ هاشم اوضح
لى مايلى :-الاخ محمد على الحسن شيخ الحيران
لم يدرس بالقرير وانما زاملهم فى مروى الثانوية وهو
كان دفعة الاخ صلاح حسين وتخصص رياضيات معهم
اما الشخص المقصود فهو لازال يصر على ان اسمه
على الحسن وكان متميز فى العزف على الطنبور .
ارجو ان تبحت لينا الزول دا وين الان ولك شكرى على
المتابعة ودمتم....

salah hussain
09-30-2009, 08:12 PM
ان لم تخنى الزاكرة يا شنان --ود على الحسن الفى مروى --من اولاد الحجير

على الرزوقى شفتو فى بوست بى هناك
ما يدينا طلة ---شايفو حيا مامان وودديمو والانصارى ---

salah hussain
10-01-2009, 01:22 PM
سعدت اليوم وبعد انقطاع دام لاكثر من ثلاثين عاما --- بسماع اصوات ثلاثة من المعلمين الذين كان لهم الفضل علينا فى مانحن فيه الان -- واعتقد انهم كان لهم النصيب الاكبر فى تربيتنا -- وتحقيق اسم الوزارة التى سميت التربية والتعليم --بتقديم التربية --- كيف لا وقد دخلنا القرير الوسطى ونحن ابناء احدى عشر عاما ---وتخرجنا منها بعد خمس سنوات ونحن على اعتاب الرجولة --- والوقت الذى قضيتاه فى ذاك الزمان اكثر من ما قضيناه فى منازلنا ومع اهلنا
بفضل هذا المنتدى والبوست --الذى جمعنى باخوة اعزة بالتلفون --حتى الان--- اتصلت بالاساتذة الكرام --
ودشمة --على عثمان --وادم الهبيل
وبرغم ان الاستاذ ود شمة حسب ما علمت كان طريح الفراش الا انه ما شاء الله يتمتع بذاكرة ممتازة فقد سالنى عن اخوانى بالاسم وكعادة اولئك الجيل -- تحس حتى اليوم انك تكلم ابوك --- كذلك كان الوضع مع الاستاذ الهبيل الذى تقاعد الان --حدثنى عن ابنه وبناته وبالطبع الاستاذ على كرار الذى يعمل فى احدى المدارس الخاصة -- لم يخطئ الاسم
ادعو الله لهم بدوام الصحة والعافية وان يجزيهم الله عنا خير الجزاء --واتمنى ان نكون على اتصال بهم ---

salah hussain
10-01-2009, 01:36 PM
يا قايد الاسطول ----- تخضع لك الفرسان
يا ذا الجلال والطول
ارحم بنى الانسان

من اجمل وافضل اغانى الحقيبة التى سمعتها لاول مرة وانا فى القرير الوسطى --باداء ممتع للغاية

حيوا الفنان المبدع ايوب محمد الحاج من اولاد مقاشى -- والذى كان حاضرا فى كل حفلات المدرسة ومن بعدها مروى الثانوية -- غنى اجمل اغانى الحقيبة -- واحسن اختيارها بكلماتها الرصينة وطربها العالى كما يتغنى باغانى حبوبتو -- والذين يذكرون --القريش الشالو ينضر
وفاطنى اللورد مستر ينق ماجات ------ وفيها ----داقى رطل صعوط --ميتين سجارات --- وكذلك مجارتها وردها لا سماعيل حسن - والجواب ----منعم نقلية
قارنو بين اختيار اغانى ذاك الزمان --وطلاب اليوم --بل فنانين اليوم
ايوب استخدم الرق وصوته الرايع لتطرب المدرسة يوميا قبل جرس النوم
لايوب محمد الحاج التحية اين ما كان

TANGASAWI
10-01-2009, 04:01 PM
استعنت بصديقي محمد عوض الحاج الذي ما زال يحتفظ بذاكرة قوية (ماشاء الله ) وهذه قصة من قصصه حول (شراد ) اتنين من ولاد أوسلي من الداخلية وكيف تم تعقبهما حتى تم القبض عليهما وارجاعهما للمدرسة بواسطة الناظر المرحوم مصطفى صادق وجلدهما.

حدثت أحداث هذه القصة في عام 1963م وكان بطلاها طالبين بالسنة الأولى بمدرسة القرير الأميرية. عاد الطلبة من الإجازة بعد عيد الأضحى للداخلية. كانت داخليات المدارس تتميز بنظام صارم. كل شىء مرتب ترتيبا غير عادي ومنذ الصباح الباكر هنالك مواعيد للوجبات ومواعيد للدراسة ومواعيد للمذاكرة ومواعيد للنوم. وقبل النوم هنالك ما يسمى التمام حيث يجمع الطلبة المقيمين بالداخلية ليتأكد ضابط الداخلية وهو أحد المدرسين، ليتأكد من أن جميع الطلبة موجودين. في تلك الليلة افتقد طالبان رغم أنهما كانا موجودين حتى انتهاء فترة المذاكرة.

أبلغ ضابط الداخلية ناظر المدرسة المرحوم مصطفى صادق بالخبر في وقته أن الطالبين زين العابدين جبر الله وصديق الحبيب غير موجودين بالداخلية وهما من أبناء أوسلي . وبدأ التفتيش عنهما. وتأكد أن هنالك آثار أقدام فقزت من السور من الناحية الشرقية واتجهت آثار الأقدام صوب الجنوب... الى أوسلي حيث ديارهما. ويبدو أنهما سارا طول الليل حتى وصلا اليها.

في الصباح الباكر ذهب ناظر المدرسة واستنجد بإدارة المشروع الزراعي فأعطوه عربة الكومر بسائقها واتجه فورا الى أوسلي بعد شروق الشمس. وسأل عن بيوت الطالبين فدلوه عليهما فوجدهما وصلا وكل منهما مستمتعا بالشاي المقنن. فاصطحبهما في الكومر الى المدرسة. وعند وصوله وبرفقته الطالبين تم التحقيق معهما ولما سألهما عن السبب في هروبهما كان الجواب (والله اشتهينا البلد) رغم أنهما عادا لتوهما من الإجازة. جمع الطلبة وتقرر جلدهما أمام الجميع وتم ذلك بالفعل.


بسم الله والصلاة والسلام علي رسول الله

كيف حالك يا مامان وبلغ تحياتنا الي محمد عوض الحاج .

زين العابدين جبر الله وصديق الحبيب دفعتنا واذكر اول يوم اصبحنا في الداخليه قاموا الصباح صديق فتح الشنطه وقال لي زين العابدين هي عابدين امرق لك قلم الطروبليي ( قلم الtru pen ) والعنبر كلو اتفقع ضحك . زين العابدين كان ملقب ب دانقو . واذكر نحن في السنه الثانيه قطع كتبو وكراساتو كلها وختاها في الدرج وبهذا السبب تم جلد الفصل بالكامل .

المرحوم مصطفي صادق كان فيه ميزه غريبه جدا كان يقيف في البرنده البين مكتب الناظر ومكتب نايب الناظر ويتابع التمام ومن هناك كان بيعرف الغياب في الداخليات الاربعه مع انو التمام كان قدام البوفيه قريب من داخلية سوباط . ايضا كان يميز الاصوات وهو جالس في مكتبو بيعرف المهرجلين في الفصل .
دفعتنا كان ميرغني مالك . ايوب محمد الحاج . عمر الخضر من الكرو (ود ام عشي عمو ) المرحوم ختم علي سليمان . المرحوم طه الانصاري . محمد احمد خالد . عثمان عبد الله ادم . حسن علي الشيخ من مقاشي . حسن عبد الله ودقمبور من القرير . المرحوم بابكر محمد الحسن من القرير ايضا .الصادق حسين الحسن .
والله يامامان الكبر حصل والذاكره ضعفت .

قمر الدين
10-01-2009, 05:23 PM
الاخ شنان كل التحايا قايتو انا البعرفوا الاخ محمد على الحسن شيخ الحيران اظن هو المقصود كما قال الاخ صلاح حسين ان على الحسن الفى مروى من الحجير وممكن نتاكد من الكلام ده عن طريق ناس كسلا لان الاخ محمد على الحسن شيخ الحيران يقيم فى كسلا منذ سنين طويلة والى الان ودمتم

salah hussain
10-01-2009, 07:59 PM
بسم الله والصلاة والسلام علي رسول الله

كيف حالك يا مامان وبلغ تحياتنا الي محمد عوض الحاج .

زين العابدين جبر الله وصديق الحبيب دفعتنا واذكر اول يوم اصبحنا في الداخليه قاموا الصباح صديق فتح الشنطه وقال لي زين العابدين هي عابدين امرق لك قلم الطروبليي ( قلم الtru pen ) والعنبر كلو اتفقع ضحك . زين العابدين كان ملقب ب دانقو . واذكر نحن في السنه الثانيه قطع كتبو وكراساتو كلها وختاها في الدرج وبهذا السبب تم جلد الفصل بالكامل .

المرحوم مصطفي صادق كان فيه ميزه غريبه جدا كان يقيف في البرنده البين مكتب الناظر ومكتب نايب الناظر ويتابع التمام ومن هناك كان بيعرف الغياب في الداخليات الاربعه مع انو التمام كان قدام البوفيه قريب من داخلية سوباط . ايضا كان يميز الاصوات وهو جالس في مكتبو بيعرف المهرجلين في الفصل .
دفعتنا كان ميرغني مالك . ايوب محمد الحاج . عمر الخضر من الكرو (ود ام عشي عمو ) المرحوم ختم علي سليمان . المرحوم طه الانصاري . محمد احمد خالد . عثمان عبد الله ادم . حسن علي الشيخ من مقاشي . حسن عبد الله ودقمبور من القرير . المرحوم بابكر محمد الحسن من القرير ايضا .الصادق حسين الحسن .
والله يامامان الكبر حصل والذاكره ضعفت .


شكرا يا عزيز وياريت تواصل ---العافى درجات بتتذكر شوية شوية ---وياريت تتذكر الدفعة----- الكتبتو دا شويى بلحيل
كدى شوف تانى
المرحوم مصطفى عبد الرحمن --واحمد محمد احمد بشير (شل) -ودكتور محمد خير طه ومحمد احمد اسحق --,وعمر محمد حسب الله وسيداحمد خالد --وفى واحد من ناس الشرق فيهو اسم صديق غايتو --وعبد الرسول الهسع ناظر فى الرويس --دحين مامن الدفعة دى --- او يحيى على حماد--اولم يقرا فى القرير
بعدين هل تذكر ان عبد الحليم مالك قرا القرير للتاكيد --سمعت انوامتحن فى دفعة جعفر مالك وكان وقتها مميز ----السر عثمان الطيب ايضا للتاكيد ---- بعدين فى معلومة غايبة عن المعاقبين فى الاضراب لماذا اغلبهم من تنقاسي
الحاصل شنو ---مامان ما قصر لكن دايرين الهوادة

salah hussain
10-01-2009, 08:01 PM
لظروف قاهرة للغاية
ساتغيب عن هذا البوست الحبيب
ارجو من اخونا مامان واخونا هاشم شنان --ان يولوا البوست رعايتهم --- ويمرقوه فى الواجهة باستمرار --- وياريت اولاد القرير الغايبين ينضموا ليهم
ودمتم عافية

علي شنان
10-01-2009, 08:20 PM
نواصل ... هنالك شخصين مهمين جدا سقطوا سهوا من
كشف دفعة 68-1973م وهم :-
1)ابوعبيدة عبدالحليم القاضى (الناظر عبدالرحمن خالو)
2)ازهرى حامد المهدى (من ابناء ابو دوم )
ارجو من الادارة (اسامة) عمل اللازم والاضافة للدفعة.
مع امتنانى للجميع.

علي شنان
10-02-2009, 10:07 AM
صلاح حسين تحايا كيمان كيمان تصحبك السلامة فى غيابك
ولا تتطول . حقيقة انت ملح هذا البوست.
مامان وتنقاساوى سلام عليكم . هنالك شخص من الرويس
اسمه عمر على عبد الرحمن درس معاكم فى القرير واهله
من كوستى (دفعة كم هذا الشخص) .
كذلك المرحوم عبد الرحمن محمد الشرق (شقيق خليفة
الشرق) هل درس بالقرير ام لا؟ مع التحية .......

علي شنان
10-02-2009, 11:08 AM
.نواصل .. جزيرة مساوى تلك الجزيرة الساحرة كما اسمع
عنها لاننى لم اراها والتى على ما اذكر ونحن فى القرير وفى
لقاء مع استاذنا محمد عبدالله التوم فى الجريدة الحائطية
وصفها بأنها اجمل من جزيرة كابرى بايطاليا .كان ابناء
مساوى متميزين فى كل شئ .اكاديميا .ورياضيا ووو..
وخير مثال لذلك الاخ النابغة الدفعة على محمد الحسن
(ابوحازم) فلله.السابع على مستوى السودان 1976م
وكذلك سباحة الاخ حسين سيداحمد على .حقيقة كنا ننزل
البحر فى القرير وكان يسبح بمهارة فائقة كنا جميعا
نعجز ان نجاريه .وهناك الكثير من هذه الامثلة...

علي شنان
10-02-2009, 11:12 AM
نواصل ...قامت ادارة المدرسة ونحن فى ثانية ثانوى عام
بالعون الذاتى بعمل مكتبة كبيرة وقد جمع لها مبلغ من
المال .تم احضار الكتب من مكتبة ميرغنى محمد
البدوى بكريمة وقد كانت من اكبر المكتبات بالسودان
فى ذلك الزمان.(تحولت لاحقا الى قهوة) عجبى!!!!!!!
بعد احضار الكتب قامت الاداة بوضع ختم المدرسة فى
الصفحة الاولى الفاضية من كل كتاب .تصادف ان كان
هنالك لجنة للتجنيد بالجيش فى مروى.قام بعض الطلبة
وعلى رأسهم الاخوة عوض الرفاعى وحمزة محمد على
وابوعبيدة عبدالحليم واحمد محمد حسين وعبدالواحد
محمد صالح وغيرهم ممن اتمسحوا من الذاكرة .
قام هؤلاء بقطع الورقة التى عليها ختم المدرسة
وكتبوا فيها بانهم قد اكملوا الثانوى العام ومضوا
عليها امضاء المدير وذهبوا للجنة بمروى وقد كانت
كلها بتاريخ واحد .ومر الموضوع فى البداية ولما
جاءوا للمعاينة .واثناء معاينة حمزة .سأله الضابط
هل انتم كلكم دفعة ؟فأجاب حمزة بالنفى. وقال انا
الدفعة القدامهم .وبما ان الخطابات كلها تشير الى
انهم جميعا دفعةواحدة انكشف المستور وتم حجزهم
والاتصال بالمدرسة .وقامت الادارة الحكيمة بمعالجة
الموضوع وتم احضار اولياء امورهم ومعاقبتهم ...
والله شقاوة عيال .

علي شنان
10-03-2009, 08:09 PM
انضم اليوم لهذا البوست شخص عزيز وهو من ذلك الجيل
الذى اتحفنا بذكرياته الجميلة الا وهو الاخ الاكبر والصديق
وعضو المنتدى الاستاذ عبدالله محمد الجزولى وفى
انتظار كنوزك المخبأة . فلا تبخل علينا ...

عبدالله محمد الجزولي
10-03-2009, 10:17 PM
التحية والشكر الجزيل للأخ صلاح حسين الحسن على هذا البوست الجميل الرائع روعة ذلك الزمن الجميل والشكر موصول لكل من درس فى هذا الصرح العظيم والشكر لأخى هاشم شنان على مداخلاته الجميله وقد نحت الذاكرة بشدة واتى بما لم نكن نتذكره ، أولاً فى قائمة اللذين رحلو لم تذكر المرحوم عبدالعزيز تاج السر ( الجمل)( له الرحمه ) ولكن لك العذر لأنك اتيت بالكثير ولك قصص كثيره ومثيره وارجو ان تواصل فيها . و أنا اتصفح هذا البوست كنت أعيش لحظات فى هذه المدرسه الصرح العظيم وأتجول بين الداخليات وأرعرج على السفره وطالت السرحه ولقيت نفسي قاعد قدام ست الجيل وعزيزه انكان القى لى موزه ولا برتقاله .. بدأت انبش فى الذاكره واتمنى أن تسعفنى وأواصل . لكم الشكر ،،،

عبدالله محمد الجزولي
10-03-2009, 10:56 PM
اخى العزيز شنان أنا اظنك نسيت البشير زين العابدين ( العتود) ؟ هل هو من الدفعه ولا أنا بقيت الخبت ؟

عبدالله محمد الجزولي
10-05-2009, 10:33 PM
أواصل بعض الذكريات فى المدرسة البيضاء زى ما قال خال عوض الكبروس واطنى نسيت اسمه قالو يا عوض بقيت تقرأ فى المدرسه البيضاء يمين عيشتك مرقت ! تلك المدرسة البيضاء التى تحفها الرمال البضاء من جميع الجهات وخاصه من الجه الشرقيه حيث طريق اللوارى وما ادراك ما اللوارى عندما يصلك صوت الكوز من السفنجات والنيسان وكأنها سمفونية وكانت هذه الأصوات تستهوينا جميعاً وبالأخص جدى عبدالحميد سعيد و كامل على وداعة عندما يأتى صوت الكوز ونحنا فى الفصل يقوم كل من عبدالحميد سعيد وكامل بوضع المسطره فى خرم المحبره ويجعلوه عصاية جربكس ويشتغلوا مع نغمات الكوز نمرة 2 نمرة 3 نمرة 4 اه اداها سايرين الله ينصردينك يا احمدى ويشتد الغلاط بينهم دا احمدى والله دا مو احمدى دا جابر ! وهكذا كانت اصوات هذه العربات ( الكوز) موسيقى عديل وعندما نخرج لؤية اللورى وتشوف المساعد قاعد فوق الصندوق القدام ومنزل العزبه كم تمنينا أن نكون فى مكانه . شوف كيف كان الزمن !!! ونواصل

عبدالله محمد الجزولي
10-05-2009, 10:47 PM
كنا نحن 4 من اولاد الدبيبة هاشم عبدالمجيد وأحمد على الحسن ( ودالقطن) وعبدالله الباهى ( الناظر) وشخصى وأخونا هاشم شنان كان مسمينا الدبابه كان يلمنا الأربعه صف ويقيف جنبانا ويقول ( وقف الشعب مع الدبابه) طبعاً كانت هذه من أرهاصات مايو . ود القطن كان رافض الأكل فى السفره بحجة انو ما بحب ريحة الطبيخ ! وكان أياميها الأستاذ الجليل آدم الهبيل مريض وكانوا بيرسلوا له الأكل من البيت فيهو الملاح المفروك وخلافه وكان بيناديهو يأكل ولكن بعد ان شفى الأستاذ واخونا لسع رافض الأكل وصل الخبر للناظر كامل محجوب وناداهو وين الطالب المش عاوز يأكل وجاء الطالب وسأله ليه رافض الأكل ياولد ؟ قالوا والله انا من اشم ريحة الطبيخ بطنى تطم قالوا شوف من اليوم فى كل وجبه تدخل السفره واى وقت ما تدخل السفره تنجلد عشسرة جلدات لامن تتعود بلاش كلام فارغ وبعد ذلك بدأ اخونا فى الدخول للسفره رويدا رويدا حتى بقي يخرج آخر واحد منها . ونواصل لو تسعفنا الذاكره

عبدالله محمد الجزولي
10-05-2009, 10:48 PM
أواصل بعض الذكريات فى المدرسة البيضاء زى ما قال خال عوض الكبروس واطنى نسيت اسمه قالو يا عوض بقيت تقرأ فى المدرسه البيضاء يمين عيشتك مرقت ! تلك المدرسة البيضاء التى تحفها الرمال البضاء من جميع الجهات وخاصه من الجه الشرقيه حيث طريق اللوارى وما ادراك ما اللوارى عندما يصلك صوت الكوز من السفنجات والنيسان وكأنها سمفونية وكانت هذه الأصوات تستهوينا جميعاً وبالأخص جدى عبدالحميد سعيد و كامل على وداعة عندما يأتى صوت الكوز ونحنا فى الفصل يقوم كل من عبدالحميد سعيد وكامل بوضع المسطره فى خرم المحبره ويجعلوه عصاية جربكس ويشتغلوا مع نغمات الكوز نمرة 2 نمرة 3 نمرة 4 اه اداها سايرين الله ينصردينك يا احمدى ويشتد الغلاط بينهم دا احمدى والله دا مو احمدى دا جابر ! وهكذا كانت اصوات هذه العربات ( الكوز) موسيقى عديل وعندما نخرج لؤية اللورى وتشوف المساعد قاعد فوق الصندوق القدام ومنزل العزبه كم تمنينا أن نكون فى مكانه . شوف كيف كان الزمن !!! ونواصل

ميرغني ديمو
10-06-2009, 08:44 PM
فى اتصال هاتفى مع احد خريجى القرير الوسطى الذين يتابعون هذا البوست -- اخونا الدينمو--- سمعت ما سرنى وافرحنى --ان مجموعه طيبة من خريجى هذا الهرم -- يلتقون شهريا ويتلمسون اخبار الاخرين -- اسال الله ان يكون هذا البوست امتدادا لتواصلنا معهم وتواصلهم الذى ارجو ان يكون قريبا -- وادعو الاخوة المشرفين والادارة --- بالتعاون لضم ضيوف المنتدى وضيوف هذا البوست --وهذا بمثابه دعوة اخرى لهم --للاشارة لهذا البوست كدعوة
من اجمل ما قام به هؤلاء الاشاوس انهم نظموا زيارة --مجتمعين ---للاستاذ ود شمة -- عافاه الله وحفظه --كان لها الاثر الطيب فى رفع روحه المعنويه --وافتخاره بخريجيه --واتمنى ان يشارك البعض فى الزيارات التى ارجو ان تستمر -- كذلك زاروا -- الاستاذ الرايع عبد الرحمن احسن --- وعبد الرحمن احسن كان ناظرا فى مرحلة ما فى تنقاسي الاميرية -- وغالبية اهل تنقاسي يعرفونه --- هو والاستاذ الشفيع العبيد --- زيارتهم للاستاذ عبد الرحمن -- كما علمت افرحته --- وجمع اهل بيته بالكامل وعرفهم بهم --وكان فى معيتهم الاساتذه عوض الكريم و ادم الهبيل و على عثمان كرار ---- بالمناسبة انا نسيت كرار - بالرغم من مناداته بعلى كرار احيانا --- لولا تذكرة اخى الدينمو
ارجو ان نشيد بما يقوم به الاخوان --النسميهم --- مجمع لقاء الخرطوم --- ونسعى لضم هذا البوست معهم
الشكر موصول للاخ شنان --واحب ان انوه --- بان مذكراته كلها تقرا وحنوريها الاساتذه الذين سمعوا عنها ونتعشم ان يكتبوا لنا طرائفهم مع الطلاب --- عشان كدة دايرين اسماء كل معلمينا بلا القاب --- ما يقوموا تانى على التفتيش --والعصى موجودة
الحكايه فيها سيطان عنج كمان
وياريت اخونا الدينمو واخوانو يطلبو من اساتذتنا التداخل كذلك --والتوثيق بالكثير العندهم
التحية موصولة لابن دفعتى بشير بلدنق الذى سينضم لهذا التجمع قريبا ---

أها ياناس منتدى تنقاسي--- من هنا ولا قدام انا دا ياهو محلى البتلقونى فيهو -- ومصاقر البوست دا ومرة مرة --نطل عليكم --- والادارة تدعمنا تدخل لينا ولاد القرير باسمائهم كيف شاءوا
----والقرير بى ناسو جالو ---- من سماحتو والله
الباشمهندس والله اظنه الفاتنى كثير فى البوست دا ... اسع بذاكر وصلت الصفحه عشره ..يازول يبقالى الكبر دخل تب ..اسع الاسماء دى احاول اتذكر الشخصيات وغايتو اختى واصيب ..اسع هاشم شنان دا متذكر الحاجات دى كلها ما شاء الله ...اه والله على قال من مذكراته..اها ما قلت لك دخل المابينداوى...اسع لى ساعتين كدى اللسوى لى تلفونات واجى راجع اواصل المذاكره..دنيا .........؟

ميرغني ديمو
10-06-2009, 11:14 PM
أها جيت .... خليتوا أنا البوست ده !!!!! نحن في زمنا أتعكست ... بقوا يجونا مدرسين القرير في تنقاسي .... لقيتوها هاملي زمان ..... أيامكم ... هسع مابتخجلو ؟.... الوسطي والثانوي والجامعة كلهن تأكلوا وتنوموا علي الحكومة ؟ سلملم

اها تانى الكع والكف بدا لاحوله ولا قوه خلونا نتم المذاكره ونتفرق ليكم باقى انا عايد ....؟

ميرغني ديمو
10-06-2009, 11:26 PM
شكراً ياهندسة .... والله البوست حقكم دة الواحد بقي لو ماجاء عليهو مايعرف يسوي أي شئ .... شكراً ليكم كتير وشكراً لي أخونا هاشم شنان ... وأنت ياصلاح حسين .... دحين سيد أحمد عمي دة ما أخدلوا قراية في القرير ؟ كدي نتأكد من المعلومة دي ... لأني أظن مرة أبوي الله يرحمو زي القال لي قرأ في القرير .....


ود سند جاء بي هنوك لكن بنشوفوا ليك .... جاء بي هنوك دي طبعاً عمتنا رقية بت سيد أحمد شامي الله يرحمها يوم ميرغني مشي العراق... يظهر قالوا ليها لاتجيبي سيرة العراق دي ... ناس نميري بيمسكوكن .... أها طبعاً ميرغني سافر بيروت ومن هناك للعراق ... هي الله يرحمها تغني وتقول ....
ياحليلوا القام لي بيروت ... ومن هناك قام بي هنوك .....

سلملم

الله لاكسبك ياسلملم انت بتجيب الكلام دا من وين..؟

ميرغني ديمو
10-06-2009, 11:46 PM
نواصل ... هنالك شخصين مهمين جدا سقطوا سهوا من
كشف دفعة 68-1973م وهم :-
1)ابوعبيدة عبدالحليم القاضى (الناظر عبدالرحمن خالو)
2)ازهرى حامد المهدى (من ابناء ابو دوم )
ارجو من الادارة (اسامة) عمل اللازم والاضافة للدفعة.
مع امتنانى للجميع.انت ياعلى هاشم دا وينو ..؟مايظهر بى هنى ..مالو مسويلو عمله ماداير يظهر........؟الزول اللفح المنقه يبقالى ود....مجهول .لايبقى صاحب المنقه دى ..؟

آلاء علي شامي
10-07-2009, 11:36 AM
دفع القرير الوسطى الأولى / من ذاكرة الجد أبو سن والوالد

1955 /
محمد عبد الله آدم الأنصاري , محمد عبد الله جيب الله مريمي , عبد الحفيظ أبوجوله , ادريس علي نمير , علي أحمد كمبال ( رحمه الله ) , ميرغني الخير ادريس .
1956 /
عبد الله الطيب خلف الله , عبد الله الطيب عثمان , علي الخليفة الحسن , يحيى دفع الله آدم , جعفر محمد الحسن سمعريت , ميرغني حامد , حسن مصطفى قنيب , محمد الحسن بطران
1957/
محمد اسحق الخليفة

عبدالله محمد الجزولي
10-07-2009, 10:56 PM
يا ميرغنى ديمو كيف حالك وأحولك انت غاطس فى ابو طبي دي لامتين ؟ تحياتى لك ولعبدالرحمن ديمو أكثر ناس الأميريه حضوراً وكل اجازه نلتقى والتحية لأولاد تنقاسي واترحم على ولى أمرنا وأبونا المرحوم سيداحمد شامى رحمه الله لما دخلنا القرير الأميريه وكان معانا أولياء امورنا والناس كانت تعبانه عربات بسيطه وناس جات بالحمير لامواخذه وبعد انتهى اللقاء وقف المرحوم القوس سيداحمد شامى وقال للناظر التلاميذ ديل من مروى وابودوم والدبيبة وفتنه وتنقاسي والرويس كلهم ولى أمرهم أنا . جزاك الله عنا كل خير ونواصل ،،،

ميرغني ديمو
10-07-2009, 11:34 PM
يا ميرغنى ديمو كيف حالك وأحولك انت غاطس فى ابو طبي دي لامتين ؟ تحياتى لك ولعبدالرحمن ديمو أكثر ناس الأميريه حضوراً وكل اجازه نلتقى والتحية لأولاد تنقاسي واترحم على ولى أمرنا وأبونا المرحوم سيداحمد شامى رحمه الله لما دخلنا القرير الأميريه وكان معانا أولياء امورنا والناس كانت تعبانه عربات بسيطه وناس جات بالحمير لامواخذه وبعد انتهى اللقاء وقف المرحوم القوس سيداحمد شامى وقال للناظر التلاميذ ديل من مروى وابودوم والدبيبة وفتنه وتنقاسي والرويس كلهم ولى أمرهم أنا . جزاك الله عنا كل خير ونواصل ،،،
عبدالله الجزولى انشاءالله شديد وطويب دحين ما اتلاقينا بى غادى عند طارق العوض فى الكرسى الساخن ..؟لاقيت الاخ احمد فى مروى فى الاجازه .ايام القرير مابتتنسى واسع برجع فى الشريط ريوس ان كان اتذكر الشخصيات .انت ياخوى الحكايه شنو الناس الماتت كتار خلاص.

على الرزوقى
10-08-2009, 10:58 AM
ود ديمو ياحليلك شوق شدييييييد والله، شكرا للأخ/ صلاح حسين الحسن الذى فتح لنا هذه النافذة لنطل منها عليكم وعلى كل الاحباب الذين عاصروا ذلك الزمن الزين. فى ناظر جاْء بعد ود نصر الله إسمو/ كمال محمود حسنين ، زول أبيض كدة وبيلبس رداء وكان شاطر فى الباسكت بول، أنا زيك راسى خربان لكن فى حاجات بدأ الواحد يتذكرها ولى اليكم عودة.

salah hussain
10-08-2009, 12:05 PM
يا سلام يا رزوقى
نلزلزكم لزليز --- اها بعد عليك بى شيخك يوسف ياتجيبو يا تجيب منو--- تتوهط لو بعد الحولية و ادو بس راس الخيط
يجيبلك مش كمال محمود --يجيب لك الاسماء بالكامل ومكانن وين
بالمناسبة --- كمال حسين قابل الاستاذ كمال محمود حسنين -- اعتقد فى جامعة القران -- قريب واظنو يعرف مكانو
اهلا بيك اخونا على وهذه داركم --فعمروها بالحكى الجميل والذكريات الحلوة
علمت ايضا ان اخوانا الكرام مجموعة لقاءات الهيلتون --وعلى راسهم اخونا الرايع الدينمو فى طريقهم لزيارة الاستاذ محمد التوم --بعد ان لمونا فى الاستاذ ود شمة وكرار والهبيل -- وجزاهم الله خير متابعين لهذا البوست وحريصين كما علمت على لقاءهم الشهرى --الذى سنسعى للكتابة عنه هنا والتنويه لموعده -- عسى ان يلتحق بهم المزيد --هم محافظين على لقاء شهرى ---امام حدايق الهيلتون --وسيجتمعوا يوم الاثنين القادم ايضا-- يعنى من استطاع ان يمر عليهم بعد صلاة المغرب -- ويصلى معاهم العشاء --يكون افضل وهذه اول الدعوات منى لمن بمر على هذا البوست ومتواجد فى الخرطوم الان
اتمنى ان اكون وفقت فى الهدف من هذا البوست لجمع الناس --وتواصلهم --- وسنسعى للحصول على تلفونات الافراد وتنزيلها هنا لمزيد من التواصل بعد اذنهم --ياريت الموافق على الفكرة يدينا خبروا وموافقتو --
ومزيد من الترابط -- لمعرفة بعضنا واحياء الزمن الجميل --الذى انستنا اياه مشاغل العيال والغربة--ولكن لن تمحاحو من دواخلنا وذاكرة الزمن --فلنوثق له بكل الحب

على الرزوقى
10-08-2009, 09:58 PM
يا سلام يا رزوقى
نلزلزكم لزليز --- اها بعد عليك بى شيخك يوسف ياتجيبو يا تجيب منو--- تتوهط لو بعد الحولية و ادو بس راس الخيط
يجيبلك مش كمال محمود --يجيب لك الاسماء بالكامل ومكانن وين
بالمناسبة --- كمال حسين قابل الاستاذ كمال محمود حسنين -- اعتقد فى جامعة القران -- قريب واظنو يعرف مكانو
اهلا بيك اخونا على وهذه داركم --فعمروها بالحكى الجميل والذكريات الحلوة
علمت ايضا ان اخوانا الكرام مجموعة لقاءات الهيلتون --وعلى راسهم اخونا الرايع الدينمو فى طريقهم لزيارة الاستاذ محمد التوم --بعد ان لمونا فى الاستاذ ود شمة وكرار والهبيل -- وجزاهم الله خير متابعين لهذا البوست وحريصين كما علمت على لقاءهم الشهرى --الذى سنسعى للكتابة عنه هنا والتنويه لموعده -- عسى ان يلتحق بهم المزيد --هم محافظين على لقاء شهرى ---امام حدايق الهيلتون --وسيجتمعوا يوم الاثنين القادم ايضا-- يعنى من استطاع ان يمر عليهم بعد صلاة المغرب -- ويصلى معاهم العشاء --يكون افضل وهذه اول الدعوات منى لمن بمر على هذا البوست ومتواجد فى الخرطوم الان
اتمنى ان اكون وفقت فى الهدف من هذا البوست لجمع الناس --وتواصلهم --- وسنسعى للحصول على تلفونات الافراد وتنزيلها هنا لمزيد من التواصل بعد اذنهم --ياريت الموافق على الفكرة يدينا خبروا وموافقتو --
ومزيد من الترابط -- لمعرفة بعضنا واحياء الزمن الجميل --الذى انستنا اياه مشاغل العيال والغربة--ولكن لن تمحاحو من دواخلنا وذاكرة الزمن --فلنوثق له بكل الحب
شكرا كتير على فتح هذا الحوار الشيق ، وربنا يعظم أجر القائمين على هذا المنتدى ، وحقيقة إتصلت بى شيخى واستاذنا يوسف الشامى ، وبالرغم من مسؤلياته الجسام الا أنه وعد بالاطلالة علينا فى هذا البوست إن شاء الله كل إسبوع مرة ، وبالمناسبة فهو مطلع على هذا المنتدى وله مشاركات واسهامات نالت الإعجاب الشديد بواسطة ( نافذة )أحد متألقى هذا المنتدى .ونتمنى أن يطل على هذا البوست من ذات النافذة التى أعجبت كل المتابعين .
تحياتى لكم واتمنى لأخونا ود معروف عاجل الشفاء وربنا يفك أسره ـ ومستعدين لكل ما من شأنه أن يعيد لاسرته الابتسامة.

عبدالرحمن شامي
10-08-2009, 10:56 PM
السلام عليكم ورحمة الله وبركاته
الاخ علي الرزوقي والاخ عبدالله الجزولي والاخ هاشم شنان والاخ علي شنان كيف حالكم مشتاقين شديد
وواصلوا وانا من مشاركاتكم بديت اتذكر الايام الجميله القضيناها في المدرسه البيضاء

اتمنى ان نلتقي في ساعه خير

ميرغني ديمو
10-08-2009, 11:14 PM
ود ديمو ياحليلك شوق شدييييييد والله، شكرا للأخ/ صلاح حسين الحسن الذى فتح لنا هذه النافذة لنطل منها عليكم وعلى كل الاحباب الذين عاصروا ذلك الزمن الزين. فى ناظر جاْء بعد ود نصر الله إسمو/ كمال محمود حسنين ، زول أبيض كدة وبيلبس رداء وكان شاطر فى الباسكت بول، أنا زيك راسى خربان لكن فى حاجات بدأ الواحد يتذكرها ولى اليكم عودة.
على الرزوقى كيفك وصحتك والله شوقى كيمان كيمان قدر تمر الرزوقه كله .اها وين بلدك ؟لكن يبقالى فى بورتسودان ماطال لميت فى شيخنا يوسف .عليك الله ياشيخنا يوسف تدينا طله فرد ويحيدى ارملك قنبله قليدى وزوق تانى مانا جارين وراك وان بقى مو عشانا عشان على الرزوقى الظهر دا.وكمان حلفتك بالرسول(ص)البى مقطع بحركم داك .

علي شنان
10-09-2009, 02:20 AM
نواصل ...اخونا يوسف شامى له التحايا وقد كان له صوت
رخيم حين يلقى القصايد ويلحنها واذكر في احدى الجمعيات
الادبية .اتحفنا بهذه المرثية والتى كانت فى وفاة الحسيب
النسيب السيد على الميرغنى .وقد القاها بصوته وكم كانت
مؤثرة حتى طلب منه الحضور اعادتها وهى:-
السودان جميع الليلة فقد الشورة
والخرطوم عموم الليله اظلم نوره
انقلع الاساس واتهدت المعموره
ومن هول الفجيعة الناس جميع مذعورة
الجو اضطرب وقمر النجوم ظلّم
ومات اسد الخلاء الفى الوادى يترنم
لولاك ماب يرفرف فوق بلادنا علم
ولا سودانى بالحرية يتكلم
كم حليت مشاكل وكم نصرت ضعيف
يالظل الرهين ساعة سموم الصيف
مقلوبة المدن والليلة يبكى الريف
ويا ابعثمان خلافك نحن نسكن كيف؟
حقيقة من شدة تأثرى بهذه القصيدة حفظتها منذ
ذلك الزمن ولم يطويها النسيان (مذكرات هاشم)

على الرزوقى
10-09-2009, 12:15 PM
أحبـــــابى
رقاقى ـ ودديمو ـ هاشم شنان ـ على شنان ـ عبد الله الجزولى سلامى ليكم كتير وإن شاء الله نتلاقى فى ساعات الخير ، والله ياود ديمو أنا قاعد فى الخرطوم دى لى خمسة سنة تقريبا ، وكتر خير الباشمهنس / صلاح حسين الحسن اللمانا ، والقائمين على أمر هذا المنتدى إن شاء الله ربنا يجزيهم بيهو خير الجزاء ـ وعاد بعد ده ياشيخ يوسف وبعد حليفة ودديمو دى مافى أى طريقة ليك وزى ما قال ليك أرمى لك ويحيدتن غليدى وزح منها الباقى بنتمو . نتلاقى......

علي شنان
10-09-2009, 09:12 PM
نواصل....فى احدى صباحات تلك الايام الندية والحصة حسب
جدول الحصص عربى. دخل علينا شاب انيق مهندم يرتدى
بنطلون وقميص ونظارة شمسية وبيده عصا محنية(ركابة)
وهو فى ريعان الشباب انذاك .وقف الفصل كالمعتاد وبعدالسلام
امرنا بالجلوس .فسرت بيننا همهمة من هذا اهو استاذ جديد؟
ولكنه احس بتساؤلنا .فبدأ وقال اعرفكم بنفسى انا اخوكم الاكبر
محمد سعيد دفع الله. طالب فى كلية الاداب جامعة الخرطوم
جئت فى اجازة .وارغب فى مساعدة زملائى واخوانى المدرسين
بتدريسكم.لله درك يا محمد سعيد.بدأت الدهشة ترتسم على وجوهنا
أهذا محمدسعيد ؟شاعر القامة النعام ادم لا أصدق .لقد رايت النعام
ادم كثيرا وكان فى مخيلتى ان شاعر النعام هو فى سنه .فكم كان
اعجابنا وفرحنا به كثيرا .وتطرقنا لذلك الابداع الخالد خلود النيل
الزول الوسيم . القلب الجريح . العين بصيرة .ياطير روح امشلو
تعال واشرح قولى كيف اخبارو. طبعا فى ذلك الزمان لم تولد رائعته
الطيف . والتى ان لم يكتب غيرها لكفته لما فيها من ابداع وتطريب
وزادها ألقا الاداء الراقى للفنان المبدع الكروان محمد كرم الله.
ذلك هو أول لقاء لى بهذا الاستاذ والذى امتد منذ ذلك الزمان
بين تواصل وانقطاع حتى جمعتنا هذه الغربة لفترة من الزمن
وها قد عاد الشاعر لارض الوطن .نتمنى له عودا حميدا ونسأل
الله ان يرد غربتنا جميعا ااامين (هاشم)

علي شنان
10-10-2009, 08:13 PM
نواصل ....الاخ الصديق الصدوق (صديق الحسين محمد طه) له التحايا
اتى الينا محولا من معهد تنقاسى بعد ان قضى به ردحا من الزمن تعرف
خلالها على الكثيرين من ابناء تنقاسى. كان ذلك هو مفتاح العلاقة الاخوية
التى ربطتنا معه .. كان يحلو للاستاذ علاء الدين ان يناديه دائما
ب (الترد المشحون من تنقاسى) ويقصد بذلك الطرد .ولكن نسبة للهجة
الاستاذالمحسية كان ينطق الطاء (تاء) .صديق له الكثير من المواقف الطريفة
واظرفها كان فى امتحان العلوم .كان المراقب احد اساتذة العربى والدين
وبما انهم لايعرفون الانجليزى حضر صاحبنا بالليل وكتب على الدرج كل
مقرر العلوم بحروف انجليزية. فى الصباح زولك شغال نقل ساكت والاستاذ
مولانا ما جايب خبر .فجأة حضر الاستاذان ودشمة والشفيع وكشفا صاحبنا
وقد كانت فضيحته بجلاجل .حقيقة الشفيع اثنى على ذكائه ومستواه العالى
فى الترجمة ولكن الاستاذ ودشمه استبدل ورقة اجابته بأخرى وقام
بجلده بعد نهاية الامتحان حتى يكون عظة وعبرة لغيره من الطلاب .
والله ايام يازمان ...(هاشم)

عبدالله محمد الجزولي
10-11-2009, 07:44 PM
الأخ هاشم شنان ذكرنى بالأستاذ الرائع الشفيع العبيد هذا الرجل الفنان كان رجلاً شفوق فى مرة من المرات ونحن فى الفصل الثالث دخل الأستاذ الشيفع وعمل اختبار سريع كده وكان مفاجىْ يمكن ثلاث ارباع الفصل صدر حكم بجلدهم وكنت انا من بينهم وطبعاً الجلد فوق طربيزة المدرس الخضراء ديك وبدأ الجلد والعصا من النوع الطرى الفقرى داك وكنت انا فى ذلك الزمان نحيلاً ضعيف البنية أقرب إلى الهيكل منه للجسم الأنسانى وعندما طلعت فوق الطربيزه ورفع ايده فوق للضرب نزلها وقالى قوم امشى والله لو نزلت الصوت دا كان قطعتك النص ونزلت ومانى مصدق ورجعت مكانى وبعدها نادانى وقالى شوف ما تفتكر انو كل مره بنزلك !!

عبدالله محمد الجزولي
10-11-2009, 07:49 PM
اخونا العزيز على الرزوقى كيفك ياخى وعساك طيب ما زلت اتذكر دندنتك باغنية عليل انا ما برايا اتمنى ان اراك فى الخرطوم ولا البلد . لك التحية على أحمد على الرزوقى

على الرزوقى
10-11-2009, 08:16 PM
اخونا العزيز على الرزوقى كيفك ياخى وعساك طيب ما زلت اتذكر دندنتك باغنية عليل انا ما برايا اتمنى ان اراك فى الخرطوم ولا البلد . لك التحية على أحمد على الرزوقى
أخى / عبد الله محمد الجزولى، سعدت كثيرا برؤيتك عير هذه النافذة وإن شاء الله ربنا يجمعنا فى ساعة الخير .. ذكرتنى بهذه الاغنية وتلك الاغنيات التى كنا نعشقها تلك الايام وختيتنى فى إمتحان لأتذكر طرف بيت الأغنية التانى ونحت راسى شديد وقد تذكرته:ـ
عليل أنا مابراى والطب قل من تشخيص أزاى .... كان فى ولد من القرير حى الشاطئ فى فصلنا إسمو / ابراهيم مسعود أو / ابراهيم محمد مسعود قريب الفنان عثمان اليمنى دقاق فى الطنبور وصوتو حلو شديد .

عبدالله محمد الجزولي
10-11-2009, 08:19 PM
أحبـــــابى
رقاقى ـ ودديمو ـ هاشم شنان ـ على شنان ـ عبد الله الجزولى سلامى ليكم كتير وإن شاء الله نتلاقى فى ساعات الخير ، والله ياود ديمو أنا قاعد فى الخرطوم دى لى خمسة سنة تقريبا ، وكتر خير الباشمهنس / صلاح حسين الحسن اللمانا ، والقائمين على أمر هذا المنتدى إن شاء الله ربنا يجزيهم بيهو خير الجزاء ـ وعاد بعد ده ياشيخ يوسف وبعد حليفة ودديمو دى مافى أى طريقة ليك وزى ما قال ليك أرمى لك ويحيدتن غليدى وزح منها الباقى بنتمو . نتلاقى......

السلام عليكم ورحمة الله وبركاته
الاخ علي الرزوقي والاخ عبدالله الجزولي والاخ هاشم شنان والاخ علي شنان كيف حالكم مشتاقين شديد
وواصلوا وانا من مشاركاتكم بديت اتذكر الايام الجميله القضيناها في المدرسه البيضاء

اتمنى ان نلتقي في ساعه خير
الأخ الفاضل عبدالرحمن سيد أحمد شامى ( ود القوس) لك التحية والسلام بالكوم وينك ياخينا ضارب الخليج؟ نشكر اخونا وفى كل يوم صلاح حسين على فتحه لهذه النافذه التى جعلتنا نطل من خلالها لنتواصل مع اخونا ربنا يجمعنا وأياكم فى ساعات الخير عاوزين نشوف ذكرياتك هنا يا (رقاقى) والجابك يجيب الشيخ يوسف شامى

عبدالله محمد الجزولي
10-11-2009, 08:27 PM
أخى / عبد الله محمد الجزولى، سعدت كثيرا برؤيتك عير هذه النافذة وإن شاء الله ربنا يجمعنا فى ساعة الخير .. ذكرتنى بهذه الاغنية وتلك الاغنيات التى كنا نعشقها تلك الايام وختيتنى فى إمتحان لأتذكر طرف بيت الأغنية التانى ونحت راسى شديد وقد تذكرته:ـ
عليل أنا مابراى والطب قل من تشخيص أزاى .... كان فى ولد من القرير حى الشاطئ فى فصلنا إسمو / ابراهيم مسعود أو / ابراهيم محمد مسعود قريب الفنان عثمان اليمنى دقاق فى الطنبور وصوتو حلو شديد .

أخى على الرزوقى تحياتى الولد الأنت قاصدو دا إبراهيم صالح ولد خالت اليمنى وكان معاهم محمد أحمد سليمان مسعود اخو الفنان عثمان سليمان وابراهيم صالح كان بارع فى دق الطمبور ولو تذكر كانوا بيغنوا الأغانى الحديثه هو وتاج الدين عثمان سعيد . وانشاء الله يطلو من هذه النافذه

الدينمو
10-12-2009, 12:19 AM
الاخوة الاعزاء .. لكم التحية والاحترام ..وكم انا سعيد وسعيد جدا ان اكون معكم .. طبعا البعض نسى شكلى ,. مش كدة يا ودديمو وعلى الرزوقى ..والله مشتاقين لكم كلكم .. واخونا صلاح ما قصر .. انا الليلة ماداير اكتب كتير .. بس عايز اذكر الناس الفى الخرطوم اننا بكرة الاتنين بعد صلاة المغرب بنجتمع فى حدائق مايو قصاد الهيلتون وظاهرين بى لمتنا .. لاننا حنقوم بزيارة للاستاذ محمد عبدالله التوم .. نرجو الحرص على الحضور .. تلفونى يا الرزوقى 0912986393 وكان حيين بنتلاقى ان شاء الله ..

الدودابي
10-12-2009, 07:34 AM
والله ياصلاح أماني ما إتلومت

كيف تنسى أحمد الشريف ياخ.

تحياتي

عبدالوهاب أخوه



وبرضو خريج القرير وياما أكلناوشبعنا من

يد عمنا على الطيب الطاعمه وهو طبعاً رجل

ساخر و لا أنسى مقولته لنا عندما يضع لن

الوجبــات على السفـــره (يالله اكلــوا يا ولاد

الحيكومه.




:bigsmile:

مامان
10-12-2009, 07:53 AM
الإخوان الكرام

تحية

رايكم شنو كل واحد منكم ينزل صورة من صوره في أو بعد فترة المدرسة عشان نتخيل الشكل . يعني هسع علي الرزوقي دا منزل صورته حاليا لكن أنا متخيلو بشكل يختلف تماما عن صورته الحالية أيام القرير الأميرية. أما المهندس صلاح حسين فشكلو ما اتغير كتير.

عندي صور لبعض الإخوان من زملاء القرير الأميرية بعضها أخذ أثناء الدراسة الجامعية سأبحث عنها وأنزلها وأذكر منها لسيد أحمد عباس محجوب ومحمد أحمد اسحق والمرحوم ود الزومة وكذلك صور للمرحوم عبد الرحيم شامي عندما كنا سويا في جدة.

الدينمو نرحب بك في منتديات تنقاسي

سيداحمد عبد الرحيم
10-12-2009, 06:46 PM
السلام عليكم العم مامان لو سمحت نزل صور المرحوم الوالد عبد الرحيم سيداحمد شامي

على الرزوقى
10-12-2009, 07:46 PM
الإخوان الكرام

تحية

رايكم شنو كل واحد منكم ينزل صورة من صوره في أو بعد فترة المدرسة عشان نتخيل الشكل . يعني هسع علي الرزوقي دا منزل صورته حاليا لكن أنا متخيلو بشكل يختلف تماما عن صورته الحالية أيام القرير الأميرية. أما المهندس صلاح حسين فشكلو ما اتغير كتير.

عندي صور لبعض الإخوان من زملاء القرير الأميرية بعضها أخذ أثناء الدراسة الجامعية سأبحث عنها وأنزلها وأذكر منها لسيد أحمد عباس محجوب ومحمد أحمد اسحق والمرحوم ود الزومة وكذلك صور للمرحوم عبد الرحيم شامي عندما كنا سويا في جدة.

الدينمو نرحب بك في منتديات تنقاسي
حبيبنا مامان ـ الرجل الذى كان يتمنى كل طالب فى القرير الأميرية أن يكون مثله ، فهو الشاعر والفنان الذى يطربك فى كل المجالات إذا اعتلى خشبة المسرح ( الجمب الصفرة الله يطراها بالخير ) مغنيا أو عازفا للطمبور أو ممثلا فى مسرحية بامسيكا أو وددكين أو ملقيا لقصيدة أو موضوع فى الجمعية الأدبية ـ كل ذلك وغيره حببنا فيه فهو من الشخصيات التى لاتنسى ، وحقيقة كلما أستمع الى أستاذنا السر عثمان الطيب فى لقاءاته الإذاعية والتلفزيونية أتذكر تلك الحميمية التى جمعت بين هذين الشخصين ، وتلك الكاريزما التى مزجوا بها فجعلتنا نحبهم ... ولازلنا .
أخى مامان تلك عاطر التحايا وسوف انزل لك صورة وأنا صغير لكن كنت جنايا خلاقى كدى.

علي شنان
10-12-2009, 08:16 PM
نواصل .. نترحم على جميع الاخوة الزملاء الذين رحلوا عن
هذه الفانية ..... الاخ المرحوم عبد الرحيم شامى ربطتنى به علاقة
اخوية صادقة .وقد كان بحق وحقيقة رجل اخو اخوان كريم مجامل
وهذه الحقيقة يلمسها كل من نعم بصحبته .تصادقنا منذ الطفولة
ثم تفرقت بنا السبل فى مرحلة الشباب .هو اغترب فى مرحلة
مبكرة من العمر ونحن اغتربنا للدراسة وكنا نلتقى فى بعض
الاجازات القصيرة وهذه الصداقة لم تفتر ابدا .اذكر انه فى احدى
زياراته لى وجد عندنا جدتى المغفور لها (نفيسة حامد ابوشمة)
وعندما عرفتها به قالت له (والله انت اايابا ابوك ابن عمى لزم,مو
تعمعما لصاقة)ضحكنا على هذا التعبير الجميل وكان يذكره لى
فى كثير من المواقف .التقيت به فى مدينة جده فى اوائل الثمانينات
وقد كان (قوس) بالجد وكان منزلهم فى كيلو 7 سبيل للغاشى
والماشى .التقيت فيه بكل ابناء تنقاسى تقريبا .وكذلك ابناء
القرير والذى كانت تربطه بهم اوثق الصلات .وكذلك ابناء كل
محافظة مروى شرقا وغربا. وكان اخر لقاء به عام 1989م
عندما حضرت للزواج وقد عاتبنى اذ لم تصله دعوة منى .
لان المرسال لم يوصلها له.وفى ليلة الحناء وبعد العشاء
يقيف البوكسى وينزل منه الفنان الطيب وداعة والكورس
والمكرفونات .واذا بالاخ عبدالرحيم يقول لى ياهاشم دى
مشاركتى لك .وقد ابدع الطيب فى تلك الليلة ايما ابداع.
الف رحمة تنزل عليك اخى عبدالرحيم واسال الله لك الجنة
عوضا لشبابك وان يجعل البركة فى ذريتك اامييين(هاشم)

عبدالرحمن شامي
10-12-2009, 08:17 PM
السلام عليكم ورحمة الله وبركاته
الأخوان الاعزاء تحياتي وأشواقي.

نرحب بالأخ الدينمو ترحيب حار في دياره وبلغ تحياتي الى كل الزملاء ويا ريت كلهم يشتركوا لكي نتذكر الأيام الجميله . الاستاذ محمد لقيتوه كيف.
الأخ مامان كيف حالك, نؤيد تنزيل الصور وانشاء الله حننزله وانت ما تقصر .
الأخ ابوزر الكامل حاول الدخول ولم يستطع اول مره وسيكرر المحاوله
الأخوان علي الرزوقي و عبدالله الجزولي لو ربنا حيانا سأحضر شهر 12 وورونا ارقام تلفوناتكم من اجل التواصل وانا رقمي 00971507015133

salah hussain
10-12-2009, 10:49 PM
الا ليت ايام الصفا جديد ------ودهرا تولى يا بثينة يعود
تاكدت يا سادتى الان ان لمثل هذه المنتديات فوائد جمة -- لم احسها قبل هذا البوست --وتاكد لى هذا مساء الليلة اانى وانكم باذن الله تجددون العهد برفاق صبى ترمى بهم وبكم دروب الحياة فلا نكاد نجدهم الا فى مثل هذه المنتديات --واسعدنى جدا ان هذا البوست سيستقدم اهله بنفسه --ابناء القرير الاميرية الواحد تلو الاخر --- فقدوم اخونا الذى استحق لقبه الدينمو --هو دينمو بحق وحقيقة-- لهذا البوست تحديدا وسترونه انشاء الله دينمو المنتدى ككل بعد ان خرجت توربينات الكهرباء فى سد مروى هذه الايام ليصينها الفرنجة القادمون من باريس
سعدت ايما سعادة وانتشيت بعد ان شنفت اذناى باصوات نفر كريم من ملتقى ابناء القرير امام فندق الهيلتون --استصحبت اصواتهم كوامن الجمال وعشق القرير واهل القرير وشعراء القرير --- اتصلوا بى --- واتصلت بهم
عبدالرحيم (الغبرة)--حسن الفحل ---والنحيل ---(دا عشانك يا ديمو عشان تعرف من هو النحيل الصغير والنحيل الكبير)--متعمدا اسماءا اشتهروا بها ذلك الزمان علها تضرب مكامن الزكريات الجميلة والقفشات البرئية - فى زاكرتكم وذاكرتى التى فعلت بها الغربة والزمن ما فعلت ----علنا ننفض غبار النسيان --باسمائهم التى اتمنى ان لا تثير استيائهم --
وحدثنى على مهل الرجل الماهل-- على الرزوقى --ابو البنيات الكبار والولاد الشغالين ---وابو سلومى لاهسع راجياهو بواقى اقساط الجامعات --ابوسلومى دا ود ديمو يا رزوقى --شفت الغربة تعمل الناس كيف--
اخوتى --بكم ولكم جميعا هذا البوست --وبكم ولكم سيستمر ويفتح ابواب اللقيا --التى اتمنى ان نحتل بها حدايق الهيلتون الصيف القادم --نسال الله ان يطيل الاعمار وينعم بالصحة --لنبدا مشوار التعارف ونفتح نوافذ الزكريات الجميلة -نسطرها معا --فى هذا البوست
اتمنى ان تعاوننا الادارة بان تزلل مصاعب الدخول بازالة هذه الميتدعات بتحقيق الحروف المشقلبة --والمتداخلة --ورسايل المحاولات الفاشلة --والاستعاضة بها بكلمة القرير --والقرير وحدها تكفى للدخول --ارجو ذلك
الشكر موصول لاخونا الدوش --وادارته ---مقدما ارجو تسهيل مهمة دخول اخونا-- اباذر الكامل-- وحسين الفحل وذلك على عجل على عجل ---للسير قدما بهذا البوست لطريقه المرسوم
الاقتراح الجميل ببث الصور --اقتراح جميل اثنيه بشدة --وسابدا بنفسى فى ايام قلايل
الشكر لكل من اتصل او سعى للاتصال اوحتى فكر بالاتصال والمتابعة -- وما انا الا فرد بدا البوست ليكمله اسياده الحاضرين قريبا انشاء الله
وعدت من اخونا الدينمو --ودايرين همة مامان معانا لقدوم السرير وحمد سعيد ---ما يقولينا شن عندو ليك يا السر --العندو كثير ---بالمناسبة هناك فى منتدى البركل بوست جميل يوثق لهذا القامة --حمد سعيد --فالحقو به

احمد صغير
10-12-2009, 10:58 PM
دفع القرير الوسطى الأولى / من ذاكرة الجد أبو سن والوالد

1955 /
محمد عبد الله آدم الأنصاري , محمد عبد الله جيب الله مريمي , عبد الحفيظ أبوجوله , ادريس علي نمير , علي أحمد كمبال ( رحمه الله ) , ميرغني الخير ادريس .
1956 /
عبد الله الطيب خلف الله , عبد الله الطيب عثمان , علي الخليفة الحسن , يحيى دفع الله آدم ,
جعفر محمد الحسن سمعريت
, ميرغني حامد , حسن مصطفى قنيب , محمد الحسن بطران
1957/
محمد اسحق الخليفة
مشكورة الاء علي والشكرا للوالد والجد
مشكورين خريجين المدرسة البيضاء
بس تعديل جعفر محمد الحسن محمد صغير

عبدالله محمد الجزولي
10-12-2009, 11:58 PM
نواصل .. نترحم على جميع الاخوة الزملاء الذين رحلوا عن
هذه الفانية ..... الاخ المرحوم عبد الرحيم شامى ربطتنى به علاقة
اخوية صادقة .وقد كان بحق وحقيقة رجل اخو اخوان كريم مجامل
وهذه الحقيقة يلمسها كل من نعم بصحبته .تصادقنا منذ الطفولة
ثم تفرقت بنا السبل فى مرحلة الشباب .هو اغترب فى مرحلة
مبكرة من العمر ونحن اغتربنا للدراسة وكنا نلتقى فى بعض
الاجازات القصيرة وهذه الصداقة لم تفتر ابدا .اذكر انه فى احدى
زياراته لى وجد عندنا جدتى المغفور لها (نفيسة حامد ابوشمة)
وعندما عرفتها به قالت له (والله انت اايابا ابوك ابن عمى لزم,مو
تعمعما لصاقة)ضحكنا على هذا التعبير الجميل وكان يذكره لى
فى كثير من المواقف .التقيت به فى مدينة جده فى اوائل الثمانينات
وقد كان (قوس) بالجد وكان منزلهم فى كيلو 7 سبيل للغاشى
والماشى .التقيت فيه بكل ابناء تنقاسى تقريبا .وكذلك ابناء
القرير والذى كانت تربطه بهم اوثق الصلات .وكذلك ابناء كل
محافظة مروى شرقا وغربا. وكان اخر لقاء به عام 1989م
عندما حضرت للزواج وقد عاتبنى اذ لم تصله دعوة منى .
لان المرسال لم يوصلها له.وفى ليلة الحناء وبعد العشاء
يقيف البوكسى وينزل منه الفنان الطيب وداعة والكورس
والمكرفونات .واذا بالاخ عبدالرحيم يقول لى ياهاشم دى
مشاركتى لك .وقد ابدع الطيب فى تلك الليلة ايما ابداع.
الف رحمة تنزل عليك اخى عبدالرحيم واسال الله لك الجنة
عوضا لشبابك وان يجعل البركة فى ذريتك اامييين(هاشم)

الشكر لجزيل للاخ هاشم شنان رحم الله اخونا عبدالرحيم شامى ذلك الرجل الكريم اخو الخوان نسأل الله ان يسكنه الجنه لقد كان رجلا هاشا باشا والله لم ارى يوما عبدالرحيم شامى غضبان مكشر كان دائم الأبتسامه ضاحكا ومهلل صديق لكل من يعرفه كانت له صداقه ومناكفه مع المرحوم عبدالواحد سراج النور رحمهم الله جميعاً وجعل البركه فى الزرية

ميرغني ديمو
10-13-2009, 12:03 AM
الاخوة الاعزاء .. لكم التحية والاحترام ..وكم انا سعيد وسعيد جدا ان اكون معكم .. طبعا البعض نسى شكلى ,. مش كدة يا ودديمو وعلى الرزوقى ..والله مشتاقين لكم كلكم .. واخونا صلاح ما قصر .. انا الليلة ماداير اكتب كتير .. بس عايز اذكر الناس الفى الخرطوم اننا بكرة الاتنين بعد صلاة المغرب بنجتمع فى حدائق مايو قصاد الهيلتون وظاهرين بى لمتنا .. لاننا حنقوم بزيارة للاستاذ محمد عبدالله التوم .. نرجو الحرص على الحضور .. تلفونى يا الرزوقى 0912986393 وكان حيين بنتلاقى ان شاء الله ..
كل الاخوه بلا فرز انشاءالله طيبين .الاخ الدينمو والله انت مابنساك ابدا والله زى القاعد معاى اسع .الا يكون شكلك اتغير ..على الرزوقى وود الجزولى تاج الدين يبقالى فى الخرطوم مدير ادارة الثروه الحيوانيه .مره شفته فى مقابله بالتلفزيون .بعدين استاذ الشفيع دا انا بخرته والله ما حاضره..؟كدى ورونا ..؟

عبدالله محمد الجزولي
10-13-2009, 12:09 AM
وين يا شنان اخونا محمد فضل المولى مبيوع والدقيل ووالبشير زين العابدين البشير وحتروش كان معانا ولا ورانا الزول العطشنا عطش ادريس عبدالكامل اظنو

علي شنان
10-13-2009, 12:32 PM
نواصل.....اخوتى المشاركون فى هذا البوست والقراء لكم التحية
فردا فردا .اخى الجزولى اشكرك جزيلا على مداخلاتك القيمة والتى
اضافت الكثير من وقائع طواها النسيان.كيف بالله اننى نسيت الاخ
المهندس محمد فضل المولى مبيوع الولد النجيض الذكى اللماح
فى زمانه .وسأعود له فى مواقف عديدة لاحقا كى اؤكد ذلك.
ايضا كذلك الاخ محمد احمد عبد الرحمن الدقيل ذلك الشخص
الوقور المهذب والذى كان يفرض عليك ان تحترمه.
اما الاخ( حتروش) فهو من ابناء تنقاسى السوق وقد قدم
محولا من الخرطوم وهو الدفعة الورانا .؟واسمه كاملا
بشير عبد الكامل ادريس .وهو قريب ال (شمشية).
اما البشير زين العابدين ايضا جاءنا من مدرسة المقل
الوسطى .له التحية والتجلة وهو الان من كبار رجال
التربية والتعليم (هذا الاسد من ذاك الاسد) لانه ليس
بشبل بل صار اسدا كوالده له الرحمه . (هاشم)

الدينمو
10-14-2009, 01:00 AM
الاخوة الاعزاء .. السلام عليكم .. شرفنا بالامس اخونا على الرزوقى وقدكان اضافة حقيقية لجلستنا الجميلة ,. وبالرغم من انو لم يكن من دفعته الا اخونا عبدالرحيم (القبرة بضم القاف) الاانه عرف كثير من الاخوة ,, ما داير اتكلم عن حلاوة الجلسة بى شايها وقهوتها لافسح المجال للاخ الرزوقى لكتابة انطباعاته .. الشكر الكتير للاخ صلاح حسين لاتصاله فقد ترك انطباعا جميلا ..التحية لكل الاخوة مع الشكر للاخ عبدالرحمن شامى (وبالمناسبة وين سعيد شامى) وود ديمو .. والتحية للاخوان الدفعة شنان وود الجزولى .. اخى مامان فكرة الصور ممتازة وجهزت صور ونزلتها ولكن ابت تنزل معاى فى المنتدى .. بحاول مرة تانية..وكان حيين بنتلاقى ان شاء الله..

سمير محمد الحردلو شامي
10-14-2009, 09:29 AM
فاصل أعلاني
بالله ياجماعة شوفو الوقعت علينا دي .... مو مجبورة خادم الفكي علي الصلاة .... ياهو نربع أيدينا ونسمع في أعمامنا ديل .... ياربي الشفع المولودين بعد 90 ديل يقولو شنو ؟ وبوستيكم دة أن مافات بوست البركل بتاع مروي الوسطي قولو لي الكضاب .... بالمناسبة داك لايوم الليلي ماشي .... حدو وين مو معروف ....

والله ونستكم سمحي والمدرسة البيضاء أسمح ... وبالناسبة والله المدرسة البيضاء دي كنا نشوفا زي أمبريال كولدج .... وأن شاء الله ياود حسين الحسن يوم شكرك مايجي .... أسكتو واصلوا ..... ود ديمو لاترجو منو كتير .... أتلحس خلاص وفيوزاتو كلها ضاربي .... والعم رقاقي أن ما أديتو رأس الخيط ياهو زي رفيقو ... البركة في هاشم شنان .....ربنا يديهو العافي .... وبالمناسبة هاشم شنان دة لي له أحترام ومعزة خاصة جداً.....

المرحوم عمنا عبد الرحيم شامي والله دة موش كان عم وبس ....دة تشهدلوا تنقاسي كلها بي كرموا وجودو وغيرتو علي البلد ... كان أخو وصديق ونصير لي كل ناس البلد .... صفات أبوهو الله يرحمو كلها شالا .... ربنا يغفر ليهو ويرحمو ويرزقه الجنة مع الأبرار .... ووصية ليكم ياناس المدرسة البيضاء متين الله مايجمعكم مع بعض تشيلوا الفاتحة علي أرواح المتوفين من دفعتكم ولكم الود أجمله.... سلملم

ميرغني ديمو
10-14-2009, 11:14 AM
فاصل أعلاني

بالله ياجماعة شوفو الوقعت علينا دي .... مو مجبورة خادم الفكي علي الصلاة .... ياهو نربع أيدينا ونسمع في أعمامنا ديل .... ياربي الشفع المولودين بعد 90 ديل يقولو شنو ؟ وبوستيكم دة أن مافات بوست البركل بتاع مروي الوسطي قولو لي الكضاب .... بالمناسبة داك لايوم الليلي ماشي .... حدو وين مو معروف ....

والله ونستكم سمحي والمدرسة البيضاء أسمح ... وبالناسبة والله المدرسة البيضاء دي كنا نشوفا زي أمبريال كولدج .... وأن شاء الله ياود حسين الحسن يوم شكرك مايجي .... أسكتو واصلوا ..... ود ديمو لاترجو منو كتير .... أتلحس خلاص وفيوزاتو كلها ضاربي .... والعم رقاقي أن ما أديتو رأس الخيط ياهو زي رفيقو ... البركة في هاشم شنان .....ربنا يديهو العافي .... وبالمناسبة هاشم شنان دة لي له أحترام ومعزة خاصة جداً.....


المرحوم عمنا عبد الرحيم شامي والله دة موش كان عم وبس ....دة تشهدلوا تنقاسي كلها بي كرموا وجودو وغيرتو علي البلد ... كان أخو وصديق ونصير لي كل ناس البلد .... صفات أبوهو الله يرحمو كلها شالا .... ربنا يغفر ليهو ويرحمو ويرزقه الجنة مع الأبرار .... ووصية ليكم ياناس المدرسة البيضاء متين الله مايجمعكم مع بعض تشيلوا الفاتحة علي أرواح المتوفين من دفعتكم ولكم الود أجمله.... سلملم


فاصلك فاكهه مشكله يا عسل (اوع راسك يطير) ربنا يرحم موتانا اجمعين. بعدين يااخوانا المدرسه دى دحين ما قلبوها عالى.وتانى قلبوها حاجه .دحين ورونا رست على شنو ...؟

احمد عبدالحفيظ الانصارى
10-14-2009, 12:57 PM
الاخوه الاعزاء الافاضل الود والاحترام لقاماتكم صلاح حسين 0 الاخ مامان 0 على احمد على 0 الخال0 الدينمو0 وديمو 0 عبد الرحمن شامى 0 الاخ هاشم شنان والاخ على0 والعم المتواضع سمير الحردلو والى جميع خريجى القرير الاميريه 0 واساتذتنا الافاضل الذين ناضلو من اجلنا 0 اعزائ من هنا نسعى للقاء بكم لو كان للعمر بقيه 0 واسال الله ان يتقبل زملائنا الذين ذهبو لجواره ونعم الجوار القبول الحسن مع الصديقين والشهداء 0 ودمتم فى الرعايه ولكم الود

علي شنان
10-14-2009, 02:13 PM
نواصل.... فى ذلك الزمان الرائع الغض .وفى احدى صباحاته جاءنا فى الفصل
استاذنا عوض الكريم ابراهيم وافادنا بأننا سوف نستقبل رحلة مدرسية زائرة
لنا من مدرسة الدبة الوسطى .وعليه فسوف نخلى داخليتكم لأستضافتهم فيها
وكل واحد من الطلبة المجاورين للمدرسة يستضيف احدابناء الداخلية المخلاة
واذكر ان استضافنى اخى صلاح محمد صالح على ابامدين .ذلك الانسان
الهادئ الخلوق .بيتهم فى شارع النيم شمالا ولوالده(له الرحمة) فى
ذلك الزمان دكان (بقالة بلغة هذه الايام) وقد اكرمتنى هذه الاسرة ايما
كرم لازلت استنشق رائحة الكيكة التى عملتها والدته لنا صباحا مع الشاى
وباقيها ملفوفا لى لاخذه معى للداخلية. حضر ابناء الدبة وقد كان هنالك
برنامج حافل بدأ عصرا بمباراة فى كرة القدم ثم ليلة ثقافية فنية .
صعد على المنصة شاب اسمر اللون نحيف البنية ويحمل طنبوره ومعه
مجموعة من طلاب الدبة عبارة عن كورس .وقف هذا الشاب الذى
نلتقيه لاول مرة وبدأ ويالها من بداية لم ولن تنسى ماحيينا .وبذلك الصوت
القوى عالى التطريب والذى فتق تلك الظلمة والسكون الموحش .بدأ
بتلك الاغنية الخالدة رائعة الاستاذ الراحل المقيم عبدالله محمد خير
ليه جار الزمان وعلىّ قساكى وللبلد الحبايبك فيها نساكى
قالوا على البعاد امك موصاكى حياتى انا ماب تطيب ياحلوة لولاكى
آه ياعبلة كيفن قلبى ينساكى ؟
التهبت المشاعر وطربنا جميعا حتى الثمالة اساتذة وطلاب وحضور
وواصل هذا الفنان المبدع من اغنية والى اغنية ..على ظلم الزمن
زاد يالطيف .سيد الفتنة. و و.واخيرا ختمها ب مغرورة ..
ذلكم ياسادتى هو الفنان القامة وهو غنى عن التعريف بعد الذى
كتبت.كانت هذه اول اطلالة للفنان صديق احمد علينا وعلى جميع
من حضر تلك الليلة الليلاء.متعك الله بالصحة والعافية واسعدك
استاذنا صديق احمد بقدر ما اسعدت الملايين.. واكثر.. (هاشم)

علي شنان
10-14-2009, 02:29 PM
اخوتى لكم التحية .هذه ايضا قامة من قامات بلادى درس فى
القرير الوسطى .انه الاستاذ الاديب استاذى بمروى الثانوية
عوض الكريم فضيل .نقلته لكم من منتدى البركل .له ولكم
وللاخ بابكر التحايا.....(هاشم شنان)


رقية بت باردوس
8/1/1995م

(1)

عام 1955م كنت فى الحادية عشر من عمرى ، قبلت ىبمدرسة القرير الوسطى فى الدفعة الأولى التى أفتتحت بها المدرسة ..... ورغم الفرح الغامر الذى كان يغمرنى ، كنت تحت وطأة كربين عظيمين ... لنبدأ بأمر إيجابى هو السؤال عن سر الفرح الغامر الذى غمرنى حين قبلت بالوسطى (آنذاك) لم أدرك تماماً قيمة التعليم كشىء يفضى إلى توسيع المدارك (وما أدركته فى وقت لاحق) تطوير مقدرة التحديق فى الشمس !! ( شاعرية دى مش كده) التعليم فى نظرى كان جميلاً آنذاك لأن المتعلمين الذين رأيتهم فى القرية كانوا مختلفين جداً عن بقية الناس ، فلو إنك مثلى فى قريتنا آنذاك ورأيت (الأولاد المهندمين) الذين يحسنون الكلام والمبتسمين دائماً فى وجوه الناس لأردت أن تكون مثلهم ....
كنت أتلصص النظر إليهم .... محمد عمر بشير فى جلبابه الناصع وعمامته الأنصع وهو يحادث الناس فى السوق ويضحك ضحكة لها جرس خاص ... حسن عبيد الشايقى .. الأناقة التى تسير على قدمين .. يوزع كما يقول الإبن عاطف خيرى النكات والضحكات على الناس ... ورغم الإفراط فى النظافة والأناقة يشاركان الناس أكل الترمس على البنابر فى برندة بت الدتى فى السوق ... دكتور حسن علوب ( قانونى حالياً) كان يحمل سيماهما ولكنه لم يكن يكثر الحديث ... وحين تسأل يجيك جواب (أولاد الحلة) دا ؟ ولد عمر بشير ... قالوا قاعد يقرأ لامن كمل الجامعة ... وأما الثانى حسن عبيد فلم أكن محتاجاً للسؤال عنه لأن أمه إبنة عمى .. برضو المدارس العليا والجامعات ....
- لهذا غمرنى الفرح حين تم قبولى بمدرسة القرير الوسطى إذ أننى إتخذت قراراً بالنضال من أجل التعليم حتى آخر مراحله لعلى أكون شيئاً شبيهاً بهؤلاء ( الأولاد الفناجرة) ولهذا السبب جاء عنوان قصيدتى عن بروفسير محمد عمر بعنوان ( محمد الفنجرى) شوية نضم مع عالى المقام المذكور بعاليه بضم الميم والحاء أستاذى ومن يشرف بلدى أن يكون إبنها : محمد عمر بشير (الخرطوم 16/6/1994م) ألا رحم الله محمد وحسناً ,أطال الله عــُمر دكتور حسن علوب الذى لم أتشرف بالتعرف عليه معرفة وثيقة .. نعود لقصة الكربين العظيمين ....
قبل أسبوع من ذهابنا للمدرسة مر على ( صديق العـُمر) عامر الزاكى المقبول بذات المدرسة وجلس يحدثنى :
إستعديت خلاص ؟
- أيوه ملابسى جاهزة واشتريت لى شنطة صفيح وجابولى نعلين من تنقاسى
- هدوم شنو ؟ نعلين شنو ؟ أنا بسألك إستعديت للإنجليزى ؟
(تطير عيشتنا يا عامر بلغة اليوم ، إنجليزى الجن دا يستعدولو كيفن ؟ )
وطفق عامر يكتب على الأرض حروف الهجاء للغة الإنجليزية على التراب .. وتسمع ..أى .. بى ..سي ..دى ... وشعرت برعب لا حدود له ..إذ كيف سأنجح والجماعة المعاى ماشين وقد حفظوا (الإنجليزى كلو ؟) مصيبتك يا عوض مصيبة !
واتخذت فى ذلك اليوم قراراً لم أطلع عليه صديقى عامر الزاكى حتى كتابة هذه المفكرة ...
هذه المصيبة الجديدة المسماة بالإنجليزى .. تجب مواجهتها بالحسم الثورى (يا عوض كفاية لا حد هنا ) وذهبت (وهذا القرار فى نفسى ) للقرير عام 1955م ولم أفق إلا على هول أنى قد أصبحت مدرساً للغة الإنجليزية فى مدرسة دنقلا الثانوية عام 1967م وحتى هذه اللحظة لا أعرف الآن وقد كشفت السر ، هل أشكر أخى وصديقى عامر الزاكى أم أقطع كل العلاقات الدبلوماسية معه خاصة حين أذكر أجزاء من قول أستاذى محمد محمد على
(يرحمه الله ) عن التدريس :
يا لعنة الله على التدريس
ورزقه المصرد الخسيس
من الخميس وإلى الخميس
تأكلنا الأعباء أكل السوس

ورعاك الله يا عامر الزاكى أينما كنت

عوض فضيل
بدون تابلت ( ص 45)

(2)

وقد أكلتنى سبعة وعشرون عاماً من التدريس أكل السوس حتى فقدت ما يتعدى سبعين بالمائة من قدراتى الإبداعية (يعنى الولد عنده مقدرة إبداعية )
- نعود لأمر الكرب الثانى ، هذا كان مصدره أنى حتى قبولى بالوسطى لم أفارق أبى وأمى منذ مولدى يوماًواحداً كاملاً !!! وأنا ولدهما الوحيد مع أخت كانت آنذاك متزوجة ..
وأجلس أرسم للقرير صورة فى خيالى و أرانى عائداً عبر حقول الفواكه والبرسيم فاراً من المدرسة عائداً إلى البركل ... , أخيراً وجدت نفسى فى القرير ( ولك يا منازل فى القلوب منازل) إستقبلنا أهل البلد إستقبالاً يليق بالأبطال لا ( الشـُفع اليـُفع) فقد كانوا شديدى الفرح بإفتتاح المدرسة ، وجلست فوق (قوز أم شديرة) أنظر إلى ما يمكن أن أصفه بلغة اليوم .. أنظر إلى بلد هو فى الأساس قصيدة شديدة الإخضرار وأنا أعرف سر ضخامة الموهبة الشعرية لدى أولاد القرير ومثلما قال نزار قبانى عن السودان : وفى السودان إما أن تكون شاعراً أو مغنياً أو عازفاً على طنبور أو مستمعاً من الدرجة الأولى أو أن تقدم فى رأيى إلى محكمة عسكرية تطيح برأسك (وتريحنا منك) ورعى الله القرير وأهلها
أعود لكرب بـُعدى عن أبى وأمى للمرة الأولى فى حياتى .. كنا فى الأسبوع الأول من المدرسة ولم نكن قد تعرفنا على بعضنا بما يكفى ولهذا فقد خرج الذين يقطنون فى مناطق غير نائية من المدرسة كأولاد القرير وألاد تنقاسى وجلسنا نحن (أولاد كريمى) فى الداخلية نحمل حزناً ثقيلاً ببعدنا عن أهلنا فالأمر كان لنا نوعاً من الإغتراب ولهذا وفى وقت لاحق لم أستغرب شكاة الصديق محمد الحسن سالم (حميد) الشعرية لأمه :

ورينى شن طعم الدروس ما دام بـُكانا مشى قطر
وكيف ذاتا ترتاح النفوس تقبل قرايتاً فى ســــفر

وللمعلومية فقد كانت غربته فى عطبرة وكان مقيماً مع خالته ومع ذلك أحس بالغربة ....

- فى يوم جمعة ونحن جلوساً فى فناء الداخلية دخلت علينا إمرأة سلمت علينا : إزيكم يا أولاد ، وحين رددنا عليها السلام سألت : أنا سمعت إنو فى ولاد من كريمى مقبولين فى المدرسة دى . وينن؟
قلنا ليها نحن ديل .. قالت : إنت هول منو ؟ قلت أنا ود فضيل ... قالت : إنت ولد السهوة بت حمد ؟ .. واآآآشريرى يايمه .. وإنت .... وإنت ... ثم تركتنا بعد الإستفسار عن (الأفندى المسعول عن الداخلية ) وذهبت وعادت وهو معها ... شا يف يا الأفندى الولاد ديل كلهن ولادى .. أنا أصلى من كريمى .. دحين من الليلى الولاد ديل يجونى كل جمعة ونبدأ من اليوم دا ... قال لها الأستاذ : بس يا حاجة الأولاد ديل لازم يجيبوا خطابات من أولياء أمورهم بالموافقة على إنو يخرجوا من الداخلية لبيت أى زول ...
- يا الأفندى قلت ليك أنا أمهم .. مانى أى زول وأنا ولية أمور أولاد كريمى كلهن ..وأخيراً إنصاع (الأفندى) كما أسمته لإصرارها وأخذتنا لمنزلها وذبح خروف (مدنكل) على شرف أولاد كريمى ....

رعاك الله يا خالة رقية بت باردوس .. يا إمرأة فارعة الطول ومد الله فى أيامك حتى حضور زواج أولاد سليمان وبخيت

عوض فضيل
بدون تابلت ( ص47)
__________________

على الرزوقى
10-14-2009, 05:41 PM
الاخوة الاعزاء .. السلام عليكم .. شرفنا بالامس اخونا على الرزوقى وقدكان اضافة حقيقية لجلستنا الجميلة ,. وبالرغم من انو لم يكن من دفعته الا اخونا عبدالرحيم (القبرة بضم القاف) الاانه عرف كثير من الاخوة ,, ما داير اتكلم عن حلاوة الجلسة بى شايها وقهوتها لافسح المجال للاخ الرزوقى لكتابة انطباعاته .. الشكر الكتير للاخ صلاح حسين لاتصاله فقد ترك انطباعا جميلا ..التحية لكل الاخوة مع الشكر للاخ عبدالرحمن شامى (وبالمناسبة وين سعيد شامى) وود ديمو .. والتحية للاخوان الدفعة شنان وود الجزولى .. اخى مامان فكرة الصور ممتازة وجهزت صور ونزلتها ولكن ابت تنزل معاى فى المنتدى .. بحاول مرة تانية..وكان حيين بنتلاقى ان شاء الله..
ما أروعكم أحبة الصبا ـ ذهبت اليهم وبين جوانحى اليهم شوق وحنين.. وجدتهم كما وصفتهم لى أخى صلاح :ـ
عبد الرحيم عبد الرحمن محمد المصرى (الغبرة)
حسين الفحل
عبد الرحيم عثمان ( دكى )
عثمان محمد عثمان ( الدينمو )
فتح الرحمن محمد أحمد
عوض سليمان على نصر
حافظ محمد خير احمد
عثمان محمد احمد ( النحيل)
عطاالمنان عبد المجيد حضيرى
الحسن عبد الماجد سيد احمد
تعانقنا بعد فراق طال ... عاد إخاؤنا كان لم يفنه الزمن الماضى .. عدت بذاكرتى نيفا وثلاثون عاما لتكتمل الصورة بهاءا ورقة (( أيام كنا لب هذا الكون والباقى قشور )) تخيلت نفسى (منبطحا) على كثبان الرمل أمام باب الحرية كما كان يحلوا لنا أن نسميه ، والغبرة ذلك الرائع يحكى ... وجدته كعادته مرحا كما تركته لم تشخ له ذاكرة . واغلب الظن أن هذا عائد الى المرح الذى ظل يلازمه حتى يومنا هذا ..الدينمو بكل تلك الجدية والهدوء كما تركناه ، عرفت أنهم تعودوا على هذه الجلسة واجترار الماضى بكل إرثه الممتع ، والحاضر بكل مشاعر النبل والعون لأبناء الدفعة ..يحضرون معهم ترامس الشاى والقهوة والبسكويت وحتى القراصة المخمرة بالرغم من تخميرها بنظام الخواجات على شكل قلوب ، لكنها لذيذة شكر الله صانعتها إن كانت خواجية والله بت بلد سامع الغبرة قال حمبير معرسلو خواجية .
اتصل علينا تلفونيا حسن محمد الحسن ابن فصلنا الطيب المطيب وقد وعد بان يحضر الى جمعنا الاسبوع القادم ، وقد كانت مكالمتك أخى صلاح هى ثمرة ذلك اللقاء ... تلقينا مكالمة أخرى من حبيبنا/ بشير محمد الحسن ( بلدن )
عدت فيها معه من تلك الاتكاءة فوق الرمال الى عنبرنا بداخلية الدندر وصديقنا خليفة محمد الشرق لا يقرمش التمر الا بعد جرس النوم وتغطيه الكامل ببطانية الصوف التى كتب عليها اختصارا r of s حكومة السودان ( ماصدق عمى على الطيب الله يرحمو يانا ولاد الحكومة).... سرى بنا الزمن من غير ان نعيه حتى الحادية عشر ليلا ، ليؤذن مؤذننا بالفراق على أمل اللقيا يوم السبت القادم فى زيارة الى أستاذنا الجليل / محمد عبد الله التوم أحد رواد التعليم فى ذلك الزمن الجميل كما تقول أخى صلاح والذى سيكون بعد صلاة المغرب مباشرة ، وتواصينا بأن يحدث منا الحاضر الغائب لتكون زيارتنا بقامة هذا الاستاذ .. ويكون وصف منزله لمن لايعرفه بأن يتصل على أخونا الدينمو وتلفونه رقم 0912986393 أو عبد الرحيم الغبرة وتلفونه 0923724933 .
توادعنا وتواعدنا على اللقاء يوم الاثنين القادم فى نفس الزمان والمكان متشرفين بحضور المزيد لاسيما اخونا حسن محمد الحسن وتاج الدين عثمان سعيد وبشير بلدن وقد وعد الفنان / محمد جبارة أن يكون أحد رواد جمعنا هذا لحضوره فى حلسة سابقة شدته بقوة ترابطها ، وهذا يقوى أملنا فى الجاب محمد جبارة يجيب السرير والله مش كدة ياصلاح .
لكم معزتى والى اللقاء ....

salah hussain
10-14-2009, 07:01 PM
اخونا الرزوقى
كانك تقرا افكارى فكدت اطلب منك ومن اخونا الدنمو كتابة الاسماء --اللات الميلاد --- واظنها من كراماتك ---لانى دخلت خصيصا --للطلب فوجدت الاسماء المتلته --كما اردتها--
اها النشوف الكبر وصل وين --- الاسماء دى يا على اخوي --كتبوها ليك وملوها --والله حفظتها -- وانت مزكرا---
هسع كدى قول عثمان محمد عثمان وعثمان محمد احمد ---ولا تعاين فوق --ديل منو--- والنحيل الكبير اسموا منو --الجبتو دا النحيل الصغير
بمناسبة -- اخونا تاج الدين عثمان سعيد ---خلوه يجيب اخونا سيف الدين --بس ما يقرا البوست دا --تتفزعوا فوقو بى سلامتكم ---وتعقدولو ---
بمناسبة العقد دى ---اخونا عبد الحفيظ عبد الله --مستر بيرد --- --عندما حضر مفتش اللغة الانجليزية --وكان اسمو مستر بيرد --- عبد الحفيظ اتكيف من شكل الخواجة وكان عندو شعرات عاجباتنو -- مسبسبن --- قلد ليك الخواجة واطلق عليه اولاد دفعتو --- Mr Bird- عبد الحفيظ ايام زوزوت وعزوف كمال حسين عن الزواج -- كان عد الحفيظ حريص على زواجو ما خلا ليهو ---بت ما عزلا ليهو --ويوم عزبو-- وراهو واحدى دار يمقلبو -- كمال جابلو رخوة اللت موافقة --- وقد كانت البت بنت عبد الحفيظ --- وقالو هسع اعرس ليك بتى تقول شنو --عرست لى واحد قدر ابوى -- وما كان كمال عارف انو دى بنتو --

الشكر الجزيل للاخ شنان لايراد مداخلة الاستاذ عوض فضيل القيمة جدا والمعلومة المهمة التى نستخلصها
ان الدفعة الاولى بالقرير الوسطى كانت 1955
--- خلونا نسميها الدفعة الاولى -- وكل واحد يقيس على كدة -- لنضع الدفع بالترتيب

الوصية بالمهلى --- عند زيارتكم للاستاذ ود توم- توصلوا سلام اهل هذا الحوش كلهم --وياريت نتحصل على بعض الصور للاساتذه الافاضل --القديم والجديد ---
وكمان يتبرع واحد يصور لينا المدرسة البيضاء بى حالتا الهسع --- للذكرى --- قبل ان تطالها -- ايادى التعمير القادم --بالمناسبة لحد هسع عندها هيبة --اذا مررت بها ---بس الراح فيها جبل ام شديرة --الذى كنا عندما نصعد علية --نخال انفسنا على قمة --افرست ---
لكم المودة --واعزرونا لظروف تبعدنا عن المنتدى لايام --- بس راجعين --

مامان
10-14-2009, 07:42 PM
من هم؟

http://www10.0zz0.com/2009/10/14/16/834628459.jpg (http://www.0zz0.com)

http://www10.0zz0.com/2009/10/14/16/205388528.jpg (http://www.0zz0.com)

salah hussain
10-14-2009, 09:47 PM
اخونا مامان --- الله يديك العافى
البراهو دا سيد احمد عباس محجوب --شقيق اختنا المستشارة منى محجوب -- الموجود فى قطر حاليا
اما الزول المعاك دا يا مامان --- الا بالشبه --
طبعا ابنظارات دا اخونا مامان --ياربى النظارة دى بقت قدر شنو هسى مع الكمبيوترات دى
شفتو القجى دى كيف

عبدالله محمد الجزولي
10-14-2009, 11:12 PM
جزاك الله خير يا على الرزوقى ونشكرك على ذهابك للأخوان فى الحدائق وياريت كنا هناك عشان نلاقيكم ونشوف كيف عمل الزمن فيكم نحن لسع راسمين لكم الصوره الزمان ديك وبارك الله فى مسعاكم وزيارتكم لأستاذنا محمد عبدالله التوم شىْ جميل وجهد مقدر ونحنا بدورنا نرجو ان تبلغوا تحياتنا الحاره له على أمل ان نلقاه وشدوا حيلكم جيوا الباقين ناس كمال حسين وسيف الدين عثمان سعيد وعلى فلله وبقية العقد الفريد

عبدالله محمد الجزولي
10-14-2009, 11:22 PM
على ذكر موضوع التمر طبعاَ التمر كان بمثابة التعويض عن النقص الحاصل فى الأكل وكان الواحد تجيهوا جوعه كدى لمان يشم ريحة مصارينوا والتمر المعاهو يكون كمل لأنو نحن كنا بنطلع كل 15 يوم والتمر كان دائما بيكون عند كمال حسين وكنت انا بالزات احنس كمال دا عشان يدينى شوية تمر وكان مابيقصر بس بالعدد يديك ياهن ومايخليك تشوف الدولاب من جوه عشان ما تعرف كمية التمر الباقى ، نوع من الحرص . وكان احونا عوض سيداحمد . عوض مساوى برضو من اللذين يكنزون التمر وكان بياكلوا بالليل بعد جرس النوم وبعدين عشان ما حد يعرفوا والحصى ما يعمل صوت كان يمسك الحصايه ويختها براحه فى البلاط ولا حس ما يطلع منها وما كان بيعشم زول فى تمره إلا لذوى القربي . كانت أيام جميله وذكريات لا تنسي حفظكم الله جميعاًُ وجمعنا وأيام فى ساعات الخير

ميرغني ديمو
10-14-2009, 11:40 PM
من هم؟

http://www10.0zz0.com/2009/10/14/16/834628459.jpg (http://www.0zz0.com)

http://www10.0zz0.com/2009/10/14/16/205388528.jpg (http://www.0zz0.com)
مامان علك طويب الاول سيداحمد طبعا وانت علم على راسه نار بس المعاك ما عرفته...؟بعدين ياخوى ماتخمنا خت صورتك الحديثه....

عبدالرحمن شامي
10-14-2009, 11:42 PM
الاخ مامان سلامات
يبقالي الجمبك ده محمد احمد اسحاق ومنتظرين باقي الصور .راجين تنزل صورتك الحديثه.

مامان
10-15-2009, 12:02 AM
مامان علك طويب الاول سيداحمد طبعا وانت علم على راسه نار بس المعاك ما عرفته...؟بعدين ياخوى ماتخمنا خت صورتك الحديثه....

يا ود ديمو كيف حالك:

غايتو تعرف الزول المعاي في الصورة دا أعرضوه على المقداد سليمان بلول ياهو الزول الوحيد البيعرفو، بعدين يا عبد الرحمن شامي أرجع للقائمة الجابا عثمان رغيم واستعرض الأسماء يمكن تصل للزول.

ميرغني ديمو
10-15-2009, 12:09 AM
مساك الله بالخير شيخنا مامان .انت المدرسه اسع رست على شنو..؟يعنى شغاله شنو ...؟

الدينمو
10-15-2009, 12:11 AM
طبعا لو قلت ما زعلان اكون كضبت عليكم .. وعندى لوم لى نفرين عزاز دخلو ومرقو بى فوقى عشرة مرات او اكثر .. وسلام الله دا ماقالوهو لى .. ياربى مالن ؟ الاتنين هم ود شنان وود الجزولى .. ومابزيد .. اخوانى الاعزاء نرجو المعذرة فقد اتصلو بى بعض الاخوة وطلبو تاجيل زيارة استاذ محمد عبدالله التوم .. لظرف مقدر .. وابدينا الموافقة واحتمال كبير تكون بالاتنين ان شاء الله وسنوافيكم بالموعد الجديد .. اما صور الاخ مامان .. الاخ المعاهو هو كامل عبدالمنعم حمد .. واللا مش كدة يامامان .. وكان حيين بنتلاقى ان شاء الله ..

علي شنان
10-15-2009, 12:21 AM
نواصل...اخوتى شايف البوست دا اليوم وهوفى ابهى حلله وقد
ازدان بحروف الكثيرين من ابناء ذلك الزمن الزين النضر
فلهم جميعا التحايا كيمان كيمان.
استاذى ودتوم (ابو عبد الله) له منا التحايا العطره.وطبعا ابنه
عبدالله كان شافع صغير دريفين عمره حوالى الخمس سنوات
فى ذلك الزمان,اين هو الان له التحايا ولاتنسوا الصور
أستاذنا ودتوم كان دائما وعندما يذكر تنقاسى يذكر الاخ
محمد الحسن رغيم بأعجاب وانه يتبوأ اعلى وظيفة فى
ذلك الزمان حسب كلام ودتوم .قمت انا ومن تكراره لهذا
الموضوع وقفت وقلت له والله يا استاذ محمدالحسن دا
ود خالتى (وهذه حقيقة ) فثار فى وقال لى اسكت ياغبى
خلاص طوالى اتسلبطت فيهو .قريبك بى وين.؟
انت قايلنى مابعرفو والله القى الكلام دا ما صاح والله
ما اسيبك.(وقد كانت كلمة مااسيبك دى طوالى ملازماه)
له ولكم كل الود ....(هاشم)
9

عبدالله محمد الجزولي
10-15-2009, 10:51 AM
الأخ العزيز عثمان محمد عثمان الدينمو لك التحيا والود وانت تقوم على جمع زملائنا من أهل المدرسة البيضاء ولك الشكر الجزيل على هذا الجهد المقدر وارجو من الله ان يوفقكم فى مسعاكم وصلنى راس السوط لكن ياخى والله الموضوع ما هو مروراً بى فوقك متجاهلين لكن أولا الفرقه بسيطه والبوست ما شاء الله متوسع ولسع فيهو الكثير . وماشاء الله شايف اخونا على الرزوقى انضم لكم واتمنى أن تجيبوا الباقين . عندك ود الباهى وعندك هاشم عبدالمجيد لكن ود القطن فى البلد وعندك كامل على وداعه موجود فى امدرمان وخلى ازهرى حامد يجر الله جابو
يجيبوا ليكم وتحياتى لكم وانتم تزورو استاذنا الجليل محمد عبدالله التوم وانشاء الله يكون فى صحة طيبه ...

عبدالرحمن شامي
10-15-2009, 07:02 PM
(انا لله وانا اليه راجعون )
توفى اليوم الى رحمة مولاه هاشم على سليمان عريج (اوسلى) وقد كان المرحوم يعمل بالمستشارية الاقتصادية لسفارة السودان بدولة الامارات
وقد كان يتلقى العلاج فى باكستان ومعه ابنه صغير وقد كان يعانى من فشل كلوى وبعد ثلاثة ايام من العملية توفى وترك ابنه الصغير فى حالة لا يحسد عليها ولا يدرى ماذا فعل سماسرة الاعضاء الباكستانيين بوالده,وهناك اتصال من السفارة لمعرفة ما حدث وتحديد مكان الدفن
ونقول الله واحد واليوم واحد .
الا رحم الله الفقيد وادخله فسيح جناته مع الصديقين والشهداء وحسن اولئك رفيقا وان يلهم آله وزويه الصبر وحسن العزاء

عبدالله محمد الجزولي
10-15-2009, 08:33 PM
انا لله وانا اليه راجعون رخم الله اخونا هاشم على سليمان رحمة واسعه واسكنه فسيح جناته مع الصديقين والشهداء وحسن اولائك رفيقاً وأجارنا الله واياكم واهله واهل اوسلى ورفاقه فى المدرسة البيضاء نسأل الله العلى القدير ان يسكنه الجنه ويلهمنا واياكم واهله الصبر والسلوان , كان نعم الأخ وقد كان يوماً رئيس عنبرى عنبر 1 فى داخلية النيل .والعزاء لأبنه وربنا يوفقه فى أموره ويهون عليه هذا المصاب

الدينمو
10-15-2009, 10:30 PM
اللهم ارحم واغفر لاخونا المرحوم هاشم على سليمان وادخله فسيح جناتك مع الصديقين والشهداء وحسن اؤلئك رفيقا .. وانا لله وانا اليه راجعون ..

salah hussain
10-15-2009, 10:32 PM
لا حول ولا قوة الا بالله العلى العظيم
انا لله وانا اليه راجعون
الا رحم الله اخونا وابن الدفعة هاشم عريج ---نسال الله ان يسكنه فسيح جناته مع الصديقين والشهداء والصالحين وحسن اولئك رفيقا --وان يجعل البركة فى ابنه واسرته --لهم ولنا حسن العزاء

الدينمو
10-15-2009, 10:51 PM
الاخ العزيز عبدالله الجزولى .. لك التحية .. والامنيات الطيبة .. وشكرا على الرد .. اخى نحن الحقيقة مجموعتنا توسعت كثيرا .. وجونا ولاد الدهسيرى ناس المفك .. وودعكرة ومجموعتهم كلها تقريبا .. اما الاخ كامل على وداعة وخالو ابراهيم عندهم الخبر وحيكونو معانا الاسبوع القادم .. والله جابو معانا .. وهاشم عبدالمجيد معانا بالتلفون وود الباهى قالو فى السكن الشعبى وسوف نصل اليه ان شاء الله .. واليوم الصباح وصلت اخونا صلاح خضر فى بيتو بامتداد ناصر عند عودتى منعزاء ناس عبدالحفيظ عبدالله ..ووعدنى صلاح بالحضور ..وبصراحة نحن تمام وما تخافو علينا .. اليوم سالت اخوك صلاح هل عبدالله بالسودان .. وكان حيين بنتلاقى ان شاء الله ..

ميرغني ديمو
10-15-2009, 11:15 PM
لاحول ولا قوه الا بالله العلى القدير .انا لله وانا اليه راجعون .تعازى للاخوه وذويه بالسودان ويلزمهم الصبر .

علي شنان
10-16-2009, 10:29 AM
انا لله وانا اليه راجعون .ولله ماأعطى ولله ماأخذ
رحمك الله أخى (وسميّى) هاشم .اللهم ابدله دارا خيرا
من داره واهلا خيرا من اهله مع الصديقين والشهداء
وحسن اؤلئك رفيقا .تعازىّ وصادق مواساتى لأسرته
وال عريج .وكذلك لجميع زملائه ورفاق الصبا أبناء
القرير الوسطى واساتذته .

علي شنان
10-16-2009, 11:01 AM
أخى (القارح) لك منى اطيب التحايا وصادق المودة وعتابك
له مدلوله الكبير جدا فى نفسى .كيف يهون علىّ ان أمر بي فوقك
وما أسلّم؟؟ ولكن كما تلاحظ وحتى الان انا ضيف فى هذا المنتدى
لاننى لست عضوا ولكن .اخى على شنان ادخلنى من نافذته قبل
ان ادخل بالباب .حيث انه أخذ الكثير من قصاصات مكتوبه منى
وانزلها واستمر الموضوع على هذا المنوال .فمعذرة لكن
مواضيعى معاك ومع ذكريات القرير الاميرية طويلة وشيقة
وعاوزه ليها صفحات وصفحات .الاخ الدينمو اكيد الكثيرين
من اعضاء منتدانا هذا ما عارفين هذه المعلومة وهى
انك الاخ الاكبر للفنان الكبير (عبود تبورى) له التحية
ومرة اخرى لك كل التقدير وسأهاتفك قريبا (هاشم)









9

احمد عبدالحفيظ الانصارى
10-16-2009, 11:43 AM
انا لله وانا اليه راجعون لقد فقدنا عزيز علينا الاخ هاشم عريج لكن ليس عزيز على ربنا 0 بل نحتسبه عند الله شهيدا ونسال الله ان يتقبله القبول الحسن فى عالى الجنان مع الصديقين والشهداء وان يلزم اهله وزملائه وخريجى القرير الاميريه الصبر والسلوان0 والتعازى موصوله لكل ال عريج باوسلى

عبدالله محمد الجزولي
10-17-2009, 12:26 AM
الاخ العزيز عبدالله الجزولى .. لك التحية .. والامنيات الطيبة .. وشكرا على الرد .. اخى نحن الحقيقة مجموعتنا توسعت كثيرا .. وجونا ولاد الدهسيرى ناس المفك .. وودعكرة ومجموعتهم كلها تقريبا .. اما الاخ كامل على وداعة وخالو ابراهيم عندهم الخبر وحيكونو معانا الاسبوع القادم .. والله جابو معانا .. وهاشم عبدالمجيد معانا بالتلفون وود الباهى قالو فى السكن الشعبى وسوف نصل اليه ان شاء الله .. واليوم الصباح وصلت اخونا صلاح خضر فى بيتو بامتداد ناصر عند عودتى منعزاء ناس عبدالحفيظ عبدالله ..ووعدنى صلاح بالحضور ..وبصراحة نحن تمام وما تخافو علينا .. اليوم سالت اخوك صلاح هل عبدالله بالسودان .. وكان حيين بنتلاقى ان شاء الله ..

الأخ الدينمو لك التحية والشكر الجزيل ومادام الجماعة ديل وصلوك انشاء الله تجيب الباقين كلهم وانشاء الله نلتقى انا رجعت السعودية بعد لقاءنا فى عزاء بنت ودعلى ود دفع السيد جزاك الله خيرا وسوف نتواصل

على الرزوقى
10-17-2009, 12:21 PM
انا لله وانا اليه راجعون ولاحول ولاقوة الابالله العلى العظيم ، ببالغ الحزن والأسى ننعى الأخ/ هاشم على سليمان عريج ونعزى أسرته بأوسلى ونسأل الله ان يجعل البركة فى ذريته ـ الفقيد إبن فصلنا فى مدرسة القرير الاميرية الوسطى . نسأل الله أن يتغمده بواسع رحمته ويدخله جنته مع الصديقين والشهداء وحسن أؤلئك رفيقا ـ التعازى موصولة للأخ/ على الله الريح .

ELDOUSH
10-17-2009, 01:05 PM
الاخوة ابناء القرير الاميرية .. جمعكم الكريم
احسن الله عزاءكم فى فقدكم الجلل
واسال الله له الرحمة وان يتقبله قبولا حسنا
ويلهمكم صبرا جميلا
والتحية لكم جميعا

علي شنان
10-18-2009, 08:22 PM
سلام رفاقى الكرام نريد ان يكون هذا البوست مثل المثبت
ارجوكم لاتخلوه يحتل ثانى مع امتنانى

الدينمو
10-18-2009, 09:12 PM
اخوانى الاعزاء رفاق الزمن السمح ..لكم منى التحية والاحترام .. وعشان البوست ما يحتل .. احبتى اذكركم بالاجتماع غدا الاتنين بالحدائق بعد صلاة المغرب مباشرة ان شاء الله .. ونتمنى ونتوقع مهاتفتكم لنا .. بدون فرز.. وكان حيين بنتلاقى ان شاء الله ..

عبدالله محمد الجزولي
10-18-2009, 10:03 PM
السلام يا اخوانى انشاء الله البوست ما يحتل ابداً ونحن وانتم شاركوا وكل ناس الزمن الجميل يطلعوا ويظهروا لينا
اخونا الديمنو ربنا يديك العافيه وونتلم واياكم ونحى الزمن الجميل تحياتى لكم وبالمناسبة المشغوليه نستنا الأتصال بكم المعذره انشاء الله نهاتفكم المره الجاية

عبدالرحمن شامي
10-18-2009, 10:20 PM
الاخوة ابناء القرير الاميرية .. جمعكم الكريم
احسن الله عزاءكم فى فقدكم الجلل
واسال الله له الرحمة وان يتقبله قبولا حسنا
ويلهمكم صبرا جميلا
والتحية لكم جميعا
الاخ eldoush
لك التحايا العطره ونشكرك على مشاركتك لنا العزاء في فقدنا لاخونا هاشم (رحمه الله رحمتا واسعه )

علي شنان
10-19-2009, 01:50 PM
[نواصل.....تيمان الشفة .ارتبطت ذكرياتنا بالاميرية بهاتين
الشخصيتين التوأم .بالله من منكم لم يقابل هذا التوأم ويستمتع
بقفشاتهم وحكاويهم . طبعا اى احتفال فى المدرسة هم دائمى
الحضور المشاكس .فى المحطة جنب كنتين العم بابكر عبدالله
حجتهم ضاربة مع الرائح والغادى .من الطرائف التى تحكى
عنهم انهم كانوا ينتحلون شخصيات بعضهم البعض للاحتيال
على عوض دفع الله فى اجرة المساعدية .حيث احدهم يعمل معه
والثانى يجى يأخذ القروش ويهرب والحجة تقوم .لعدم مقدرة عوض
دفع الله فى التمييز بين من يعمل معه والثانى .وقد يكون هو التوأم
نفسه ويأخذ منه الاجرة مرتين .ولهم الكثير من القصص والحكاوى
اذكر فى احد الرمضانات كانوا فاتحين مطعم قصاد المدرسة
وجبة غداء فقط للفاطرين من كبار القوم غير الحريصين على
الصيام ....(هاشم)

على الرزوقى
10-19-2009, 06:04 PM
بالصدفة قابلت اليوم علاء الدين الشبلى وأدانى تلفون عمه معتصم الشبلى أكبر المشاكسين بالقرير الاميرية آنذاك ( اكتر من الغبرة) وقد إتصلت عليه تلفونيا ووعد بحضور جلسة اليوم ، وهو ساكن شمبات ويعمل فى مجلس تشريعى ولاية الخرطوم ـ (استلم يالدينمو )وتلفونه بديك ليه بعدين ، لكن ماتتصور كان سعادته قدريش لمان عرف الموضوع ده .

عبدالله محمد الجزولي
10-19-2009, 08:48 PM
الأخ على الرزوقى لك التحية والله ياخى ماقصرت وكتين لميت فى المشاكس معتصم شبلى هذا الرجل له حكايات ظريفه فى المدرسه كان يلم من الطلاب القروش ويمشى يجيب سندوتشات فول من ود مختار باليل وطبعاً بينط السور ويمشى وكان ابداً ما بيخاف لذلك كانت هذه بالنسبه له تجاره يجيب الفول فى صحن ويبدأ يحشى فى السندوتشلت حسب العدد المطلوب وبعد كده يجمعهم فى كرتونه ويجى راجع للمدرسه ويبارى العنابر يوزع للجماعه وطبعاً هو يجى متعشى تمام التمام . طبعاً فول ود مختار بالنسبه لفول المدرسة يعتبر شىْ من الترفيه . ومافى طالب بيحاول الخروج للقهوة ، واخونا معتصم شبلى كان بيكسر القاعده ويمشى ولا يهمه . له التحية ونأمل ان ينضم للكوكبه

salah hussain
10-19-2009, 10:34 PM
اخونا الجزولى ----فتحنا ليك شهيتك --وحننكت المخزون---ا
اسامة العوتيب يا رايع ---بعد ااكثر من ثلاثين سنة --- اتحدث اليه الليلة
والبركة فيك اخونا الدينمو
ولان الغنا سمح فى خشم سيدو --- المفاجاءات تتوالى
سيتحفنا بها اخوانا المجتمعين الليلة بحدايق الهيلتون -- الدينمو والرزوقى والعقد الفريد

بس رجاء للادارة ---نرجو تثبيت البوست فى العام
رجاءا

الدينمو
10-20-2009, 01:04 AM
الاخوة الاعزاء لكم التحية .. اولا الشكر كل الشكر للادارة لاستجابتها السريعة لطلب اخونا صلاح حسين بتثبيت البوست .. رجعنا قبل قليل من الاجتماع والشكر للاخوان صلاح وعبدالرحمن شامى ومرغنى حسن ويوسف شامى لاتصالهم ولهم ولكم التحية .. وربنا يصبحنا بخير .. اتونسنا وضحكنا كتير والله .. ويا ريت لو كنتو معانا .. وهناك اقتراح جميل من اخونا يوسف شامى .. ينزلو ليكم الصباح اخونا الرزوقى .. وكان حيين بنتلاقى ان شاء الله ..

على الرزوقى
10-20-2009, 11:47 AM
الاخوة الاعزاء لكم التحية .. اولا الشكر كل الشكر للادارة لاستجابتها السريعة لطلب اخونا صلاح حسين بتثبيت البوست .. رجعنا قبل قليل من الاجتماع والشكر للاخوان صلاح وعبدالرحمن شامى ومرغنى حسن ويوسف شامى لاتصالهم ولهم ولكم التحية .. وربنا يصبحنا بخير .. اتونسنا وضحكنا كتير والله .. ويا ريت لو كنتو معانا .. وهناك اقتراح جميل من اخونا يوسف شامى .. ينزلو ليكم الصباح اخونا الرزوقى .. وكان حيين بنتلاقى ان شاء الله ..
شكرا أستاذ/ الدينمو
والله كان شوقى أكتر من اللقاء الفات لانى حاقابل ناس جداد ـ وقد تمتعت أيما متعة بلقاء إبن فصلنا أسامة عبد الرحمن عوتيب أقول ليكم مبالغة هذا الرجل يحفظ أسماء جميع ابناء فصلنا فردا فردا وأكتر من ده يحفظ أرقام جلوسهم لامتحان الشهادة وغالتنى فى رقم جلوسى ولقيت كلامو صاح
حضر الى جلستنا اخونا حسن محمد الحسن الرجل الراقى لم يتغير شكله كثيرا ، الا أنه زاد هدوءا على هدوءه السابق. أزهرى حامد المهدى من أولاد ام سبيل كدى إتذكروه وطبعا ود ديمو يخربو ياهو زى ماسح، محمد فضل المولى مبيوع نجم الدين قطبى وده من الاولاد الجو بعدنا ماحاضرنو .... اعتذر تاج الدين عثمان سعيد وعلى بلدن
حضر جميع من كانوا حضورا فى الاسبوع الماضى ماخلينا شئ ..الصلاة على النبى عوتيب حيتحف الجلسات القادمة وساوافيكم منه بالكثير . طبعا الجمعية الادبية كان حضورها إجبارى ومن المغرب تتولع الرتاين وكل المعلمين يكونوحضور أها اليوم داك المرحوم محمد طه محمد أحمد كان قاريلوا كتاب لى طه حسين ومسك المكرفون ده وأبا يفكو وقدانا بيهو قد ، اها الاولاد الورا بقو ينضمو وصوتن مرق استاذ الشفيع قال لى صلاح محارى تكتب المهرجلين ,طبعا ماياهو رقاقى وعبد الرحيم شامى ومعتصم الشبلى ، عاد باكر من الصباح وفى الطابور نادوهم وجابو الصيطان ، نط معتصم شبلى من نص الناس يسوى والله مابنندقا ،،، بدو بى عبد الرحمن شامى قال مابيندقا قالو له طوالى أمشى جيب ولى أمرك بعده عبد الرحيم شامى برضو قال مابيندقة استاذ الشفيع أداه صوط واحد فى ضهرو انطلق جرى الشفيع قال اجرو جيبو الاولاد ساكنو لى عن قوز الكرى واخيرا جاء ساكيهم بى كراع كرس جو متقلبين راجعين، لمان بقو على معتصم الشبلى وهو بعيد يسوى والله مابنندقا وماشى على استاذ الشفيع عرفو انو داير يشرد شردة عبد الرحيم قالو يامعتصم ارجع محلك انا ماداير ادقك ، لكن رغم كده انطلق جرى وطفر الحوش وهادى شردة....
المرة الجاى عاد ماشين على عنبر ولاد الكرو ناس عبد الله كرو وشلتو ،، يرجو الراجاهن. .... نواصل....

علي شنان
10-20-2009, 08:03 PM
نواصل.....( متصنّع ) هل تذكرون هذه الكلمة ؟ كانت بعبع لكل من
يدّعى المرض تهربا من المدرسة ثم يكتبها له المساعد الطبى فى
دفتر العيادة. أذكر مرة من المرات كنت مصاب بحمى وراقد طوال
اليوم فى الداخلية .حضر لى الأخوة عمر فتح الرحمن وود معروف
يطراهم الله بالخير .اخذنا الدفتر وركبنا مواصلات المدرسة للطوارئ
وهى(حمير السقايين) قرعم وودمكى. وتوجهنا للعيادة وهى بعيدة
جدا وكما تعلمون فى القلعة .فى الطريق ضربنى الهمبريب البارد
داك من الجناين لما جسمى ثلّج.المساعد الطبى اذكر كان اسمه
وراق .دقينا له باب منزله و جاء ومعه بطارية وهى نور ذلك الزمان.
أخذ قياس الحرارة ووجدها عادية .وانفجر فينا .وين الحمى ؟انشاء
الله الحمى اليتبنوها بالعود .الواحد فيكم ماعاوز يقرأ يجى يزعجنا
هاك أشرب وشربت دواء حتى يومنا هذا لم اذق أمرّ منه وكتب لنا
بالخط العريض متصنعون . ولكن شفع لنا من العقوبة وعند وصولنا
المدرسة وأمام الطلبة فى المذاكرة ان استفرغت ذلك الدواء الذى
سقانى له وهو ما يسمى (مزيج )فى ذلك الزمان .. (هاشم)

salah hussain
10-20-2009, 09:23 PM
الاخ ود شنان ---متعك الله بالصحة والعافية
انت يا خوى تبارى ود معروف وعمر فتح الرحمن وما داير يكتبو ليك متصنع --- ود معروف الله يديهو الصحة --كان يجيد التصنع وكذلك اخونا عمر
بمناسبة المساعد الطبى وراق رحمه الله ونحن نوثق لتلك الفترة --- احب ان اذكر انى فى وجودى فى عمان هيات لى الظروف التعرف بالراحل وراق وهو من اهل دويم ود حاج لان ابنه المهندس صلاح وراق --زميلى فى العمل --فى مدينة صلالة --- والوالد وراق رحمه الله زارنى فى منزلى عند زيارته لابنه فى صلالة فى طريق العودة للسودان فى ا التسعنيات --- فيا سبحان الله من كان يتخيل ان تلتقى شخص قابلك فى السبعنيات -- ولكن السودان دا بى كبروا --صغير والعالم اصبح الان كذلك ---وشوفوا هسع نحن بهذا البوست فتحنا ابواب جميلة للعودة لايام الصبا
رحم الله العم وراق -- فقد كان صارما فى تعامله مع الطلاب --- وكان من الصعوبة ان يديك راحة --غايتو بس لى بعد المسافة للعيادة --ممكن تتخارج من الحصة الاولى --خاصة اذا كان فيها تسميع
يحضرنى هنا قصة بطلها اخونا ود الباهى ---حسب رواية ود معروف الصغير --فى مروى الثانوية ---الله يستر ما يكون ود الجزولى ذاتو معاهم---
فقد كان ممرض المدرسة --حمد النيل من الدويم برضو --- الذى كان لين الجانب مع الطلاب فى حكاية الراحة دى -- واخونا صاحب القصة كانت له علاقة مع حمد النيل --كتب ليهو راحة يومين او ثلاثة فى الاورنيك --- وكانت الايام ايام زوغان من المدرسة بكثافة -- يتلملم الطلاب فى داخلية البركل هاك يا كوشتينة وونسة --- وفجأة دخل الناظر بعد ان كان قبلها ذهب الى الفصول واحس بنقص الطلاب فاتجه الى الداخليات متلبدا --- ذلك الاستاذ الفاضل ابراهيم احمد طه (التكاسي)-- الرجل الساخر - الرايع
اخونا ود الباهى ملصق الاورنيك فى الملاية المتغطى بيها وساوي ليهو خرم يعاين بيهو --اول دخول التكاسي --انجبد ليك فى الملاية --والاورنيك ملصق ظاهر--- الباقين الجرى --والانحشر تحت السراير مع قولة-- ياسلام على الشطارة والنجاح --التى بدا بها الناظر------ توجه الناظر مباشرة لى صاحبنا الانجبد بالملاية ---وبدا بهدوء شديد وتانى يقرا ويمط الكلمات --بسخريته المعهودة وبصوت عالى --المندسين كلهم يسمعوا
من اول الاورنيك ----مدرسة مروى الثانوية للللللللبنيييييييييين
اورنيك مرضىىىىىىىىىىىىىىىىىا
اسم الطالب------------ الصف--------------المرض ----------------
حتى اتى الى --علاج وراحة لمدة كذا يووووم
قالها بسخرية -----طيب نشوف ناظر المدرسة العريقة دى منو --- حمد النيل الممرض والله ابراهيم احمد طه --
واخرج قلمه --- وبصوت عالى ايضا --كتب --علاج وعمل --- ومتصنع
والمندسين ميتين بالضحك --كلهم ظهروا الواحد ورا التانى

على الرزوقى
10-20-2009, 10:03 PM
نسيت حاجة أمبارح تم الاتفاق على زيارة أستاذنا الجليل عبد الله محمد توم يوم الجمعة الجاية إن شاء الله بعد صلاة المغرب نتلاقى فى الطلمبة والانت ماشى بى شارع الوادى وبعد الكبرى البعد العاشرة أول اسطب على يدك الشمال تدخل غرب زى الماشى على سوق حلايب تلاقيك الطلمبة نتقابل هناك ، وبرضو تلفون الدينمو 0912986393 للوصف .
كان فى مقترح من أخونا يوسف الشامى بأن نشوف يوم أو يومين نمشى نعسكر فى مدرسة القرير الاميرية لكل الدفع منذ نشاتها وحتى آخر دفغة لربط الماضى بالحاضر والمقترح مقدم للتفاكر حوله .
تحياتى،،،،

عبدالله محمد الجزولي
10-20-2009, 10:38 PM
الأخ صلام حسين لك الشكر على طلب التثبيت والحمدلله تم ذلك . نرجع للزمن الجميل وخونا هاشم شنان ذكرنا بتيمان الشفه هذا الثنائي العجيب وديل كانوا بيجو المدرسه و أى مناسبه يحضروها وطبعاً الشبه بينهم كبيرا جداً ما مكن تقدر تفرزهم يوم كنا عند ود مختار وكان بيتكلم مع حسن ويترجاه أن يرجع الجنيه المتسلفو منه وحسن يحلف أنا ؟ أنا ؟ ياخى انت ما عارف الزول السلفتو منو؟ انا ماكنت موجود ذاتو يمكن دا حسين وود مختار احتار فيهو واخيراً حسن مشى وبعد قتره ونحن لسع قاعدين جاء حسين ودمختار خلاص ضمن انو بينتهى الموضوع الليله قام قال ياحسين ياخى يالله رجع الجنيه العندك قالوا جنيه شنو انت بى صحك ؟ يمكن دا حسن اخوى انا قاعد اسلف منك ياخى ؟ وبعدين ود مختار قنع من الجنيه قالو والله أنا الا المكم الأثنبن وبعدين نشوف منو الشال الجنيه تانى ماتجونا هنا الله يحرق يومكم .

عبدالله محمد الجزولي
10-20-2009, 10:43 PM
الاخ الرزوقى لك الشكر انت والدينمو على جهودكم واخيراً ظهر يوسف شامى ؟ والله اقتراح يوسف جميل جداً انشاء الله تقدروا تعملوه ويا ريت كنا هناك عشان نشارك فى اللمه هذه . موفقين انشاء وزى ما بقول اخونا الدينمو كان حيين بنتلاقى .

ميرغني ديمو
10-21-2009, 12:34 AM
الاخ الرزوقى لك الشكر انت والدينمو على جهودكم واخيراً ظهر يوسف شامى ؟ والله اقتراح يوسف جميل جداً انشاء الله تقدروا تعملوه ويا ريت كنا هناك عشان نشارك فى اللمه هذه . موفقين انشاء وزى ما بقول اخونا الدينمو كان حيين بنتلاقى .
والله يا اخونا هنيئا لكم اللمه الطيب دى...اول شى يوسف شامى دا ما قلنا جيبوه بى هنى بعدين نشوف المعسكر . وعاد يا الرزوقى والله ازهرى مسح جد.... وانت يا الدينمو ما قلنا لك المدرسه اسى شنو ..؟

سمير محمد الحردلو شامي
10-21-2009, 11:31 AM
ناس المدرسة البيضاء .... السلام تجيبوا ليكم الملايكة ..... أن شاء الله طيبين ....

أولاً البركة فينا وفيكم في زميلكم هاشم عريج .... ربنا يرحمو ويسكنه فسيح جناته مع الصديقين والشهداء ... والعزاء لزويه ...

الليلي ونستكم ياعاملات هاشم خليفة طاااعمي ..... خاصة كمان لمان يكون فيها ود معروف ... والمرحوم عبد الرحيم .... ومعتصم شبلي ويوسف شامي ..... والعجب العجيب أن جاكم حسن علي سليمان .... بالمناسبة أنتو مالكم مابتقولولوا تعال علينا وهو قريب منكم ..... غايتو أن ود معروف ويوسف وشبلي وحسن جوكن هني ... انتو تاني ياكن قاعدين ناس عرضو حال ... تكتبوا وبس ......

تحياتي ليك ود الجزولي جبت سيرة نجم الدين قطبي .... بالمناسبة هو شقيق صديقي ودفعتي عصام قطبي .... لمان جينا أولي في مروي الثانوية لقينا نجم الدين في تالتة .... دة ليكم ياصلاح حسين شان تعرفوا صغرتنا الأمها بت أعم أبوها .....

تحياتنا ليكم ومقترح العم يوسف دة لاتدو الواطة .... وماظنيت في فرصة لي تحقيقه غير عيد الضحيي ... غير اللحم شيتاً يلم الناس دي مافي .... سلملم

تخريمة : عندي حبوبتي أم أبوي الله يرحمها ... عمة يوسف وعبد الرحمن شامي .... ساعة لقتنا كلنا يجيبنا للبلد عيد الضحيي قالتلنا هسي ياوليداتي كلكن جايبكن الخروف ؟ هسع أن كان أشركتولكن خروف لافوق ماك أحسن لكم من الدرادر دي ؟ فتكم عافي.

ناصـر محمد الحسن
10-21-2009, 11:49 AM
غـــــايتــــــو نقــــــرأ بـس
مادام عمــو سمــــــير ....

ميرغني ديمو
10-21-2009, 12:39 PM
غـــــايتــــــو نقــــــرأ بـس


مادام عمــو سمــــــير ....


ناصر انشاءالله طيب .امانى صفورايتك ديل عاجباتنى جنس عجب وداخلات فى نفسى.انت يا خرابه مالن سمحات كدى ......

ميرغني ديمو
10-21-2009, 12:44 PM
غـــــايتــــــو نقــــــرأ بـس


مادام عمــو سمــــــير ....

والله يا ناصر صفورياتك ديل عاجباتنى جنس عجب وداخلات فى نفسى .انت هن مالن سمحات كدى ...؟ناصر انشاءالله طيب ..

سمير محمد الحردلو شامي
10-21-2009, 12:59 PM
غـــــايتــــــو نقــــــرأ بـس
مادام عمــو سمــــــير ....

أنتو ياجماعة الليلي الجنا دة المسلطوا في رقبتي دي شنو ؟ محل ما أمشي ألقاك وراي ... كمان جيت هني ... أها داير شنو ؟ موضوع مايخصك .... والله ساعة ديل في المدرسة البيضاء أنت يلولوا فيك ويقولولك قول أبا ..... ويمكن دي زاتا ماها في ..... سلملم

معليش ياناس التوثيق .... بس علي الأقل تكونوا وثقتوا لي ناصر دة ..... التميرات ياود ديمو كلنا عاجباتننا وهو قاصد يحندكني بيهن .... سلام

عبدالله محمد الجزولي
10-21-2009, 01:59 PM
التحيه لكم جميعاً الأخ ود ديمو انت وكت نفسك فى التميرات ديل ما تمشى محل التمر موجود والا خايف من الخدمى وحش التمر .

اتصلت اليوم بأخونا وزميلنا الدفعه د/ كما حسين الحسن وبشرنى بأنه قد رزق بولد ارجو من الزملاء ان يباركوا له هذا الفارس القادم ربنا يديه الصحة ويتربي فى عزه

علي شنان
10-21-2009, 02:04 PM
نواصل..... بمناسبة زيارة الاخوة لأستاذنا مولانا محمد عبدالله التوم
تحضرنى قصص ومواقف معه .اذكر كان دائما يجمعنا من العنابر
لأداء صلاة المغرب جماعة وكان الكثيرين يتهربون وهو يلاحقهم
مرة من المرات وجد بشير بلدم مندسى تحت العنقريب ,ومرة اصطاد
واحد خارج من دورة المياه وطوالى عديل على برش الصلاة بدون
وضوء .طبعا بعد ان يقيم الصلاة تجد الصف الامامى فقط يصلى
والباقين واقفين خلفهم الى يقرب يسلم حتى يدخلوا فى الصلاة
يالها من شقاوة نسأل الله ان يهدينا ويهدى ابناءنا ....

ايضا هذه القصة رواها لى فى زمانها احد ابناء مساوى ولكن
نسيتو وربما هو فللة او النافعابى اوعوض او محمد احمد؟؟؟
فى بدايات ثورة مايو وايام توجهها الشيوعى ومصادرتها لاملاك
الميرغنى قام نميرى بزيارة للشمالية ومساوى ما كانت فى برنامجه
قام اهل مساوى بربط حبل بعرض البحر لأعتراض طريق باخرة
الرئيس .لما نميرى شاف الحبل والناس واقفين فوق البحر وافق
على زيارتهم .وكان الخطيب فى هذا الجمع ممثلا لال مساوى هو
استاذنا ودتوم .أعدّ كلمة ترحيبية بالرئيس وصحبه ولكن لما
سأله اهله عما سيقول اجابهم بأنه سوف يحتج على ما قامت
به مايو من مصادرات لاملاك الميرغنى. فوجئ الجميع بالخطاب
الترحيبى وبدأت الهمهمة وارتفعت اصوات الاحتجاج .بعد الفراغ
من الخطاب وقف نميرى وقال لهم بالحرف الواحد طبعا ياناس
مساوى انا عارف مشاعركم تجاهنا شنو .لكن عاوز اسأل سؤال
العاوز مايو منكم يرفع يده .ولم يجد اى استجابة. قال لهم طيب
الماعاوز مايو يرفع يده وكانت الايادى مرفوعة بالاجماع .
صمت نميرى من هول المفاجأة ثم قال .شوفوا السودان دا
للعاوز مايو والماعاوز مايو دى يشوف له بلد تانى ....
ثم امر الباخرة بالمغادرة وهو فى غاية الغضب. (هاشم)

ناصـر محمد الحسن
10-21-2009, 02:10 PM
ناصر انشاءالله طيب .امانى صفورايتك ديل عاجباتنى جنس عجب وداخلات فى نفسى.انت يا خرابه مالن سمحات كدى ......



مقـدمات يا ديمــو
إنت وعيـالك لعـلكم عـافى

ناصـر محمد الحسن
10-21-2009, 02:13 PM
أنتو ياجماعة الليلي الجنا دة المسلطوا في رقبتي دي شنو ؟ محل ما أمشي ألقاك وراي ... كمان جيت هني ... أها داير شنو ؟ موضوع مايخصك .... والله ساعة ديل في المدرسة البيضاء أنت يلولوا فيك ويقولولك قول أبا ..... ويمكن دي زاتا ماها في ..... سلملم

معليش ياناس التوثيق .... بس علي الأقل تكونوا وثقتوا لي ناصر دة ..... التميرات ياود ديمو كلنا عاجباتننا وهو قاصد يحندكني بيهن .... سلام



كــترت ريــدهـ .. تصـــــدق

معـليش يا عـم صـــــلاح

ناصـر محمد الحسن
10-21-2009, 02:19 PM
التحيه لكم جميعاً الأخ ود ديمو انت وكت نفسك فى التميرات ديل ما تمشى محل التمر موجود والا خايف من الخدمى وحش التمر .

اتصلت اليوم بأخونا وزميلنا الدفعه د/ كما حسين الحسن وبشرنى بأنه قد رزق بولد ارجو من الزملاء ان يباركوا له هذا الفارس القادم ربنا يديه الصحة ويتربي فى عزه



ود الجزولى
كـيف حالك عساك طـيب
أولاً :عـبرك نبارك للأخ كمال حسين نسـأل الله أن يجعله من الصـالحين

معليش يمكن خرمجنا عليكم , أنا أصلى تربات حبوبات وكلام الناس العجايز دا كـيفن قاع يعجبنى
لكن أها الخمسة فوق الإثنين بطـالع فقـط بـس إنت كـلم عمـو سمـير ما يسـألنى .

ابو رغيم
10-21-2009, 05:00 PM
يا شباب السموحة مقصرين معاكم مشغولين في حش التمر

على الرزوقى
10-21-2009, 05:04 PM
مبروك د. كمال وان شاء الله يتربى فى عزكم ، لكين دايرنك تظهر فى جلسة يوم الاتنين أن شاء الله مرة واحدى عارفنك مزحوم مع العيادة ، وحقت أستاذ/ ودتوم دى حتمية ، ارجو ان تتصل عليهو ياعبد الله الجزولى لو مابيخش المنتدى .أما معتصم الشبلى ده قطع شك الاسبوع الجاى بجيبو. طبعا فى الزيارة دى استاذ الشفيع وعلى عثمان حيمشو معانا، أها على عثمان يوم جاء مع المغربية مبسوط ديك يالبسطة ، ونادى لك على الطيب (الله يرحمه ) يسوى لو أسمع ياعمى على بكرة أنا داير الفسحة القدام السفرة دى كلها مزروعة برسيم سامع الكلام دة والله ماسامع ـ عمى على يسوى لو حاضر يالافندى بزرعة كلها وتشوفى بى عينك.... ويضحك ويقول ان شاء الله اريتا دى شبعتى الليلى...

على الرزوقى
10-21-2009, 05:16 PM
يا شباب السموحة مقصرين معاكم مشغولين في حش التمر

عثمان رغيم ياحليلك وان شاء الله تكون مبسوط ورايق ، أظهر معانا بى جاى نحن ناس ونسى ساكت واجترار ماضى ، عليك الله محل الدفسيبى البى غادى ديك تانى ماتمشيلها، خليك معانا دايرنك بى جاى وذاكرتك ماشاء الله القديم كلو طارى ...... تحياتى

مني عباس محجوب
10-21-2009, 07:57 PM
بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين

الأخوة / حريجي المدرسة البيضاء

السلام عليكم ورحمة الله وبركاته

لكم تقديري وإحترامي ؛؛؛

مستمتعين ومتابعين ذكرياتكم لذلك الزمن الجميل؛؛؛؛؛

بوست رائع ؛؛؛؛؛؛وتوثيق يستحق الإشاده والتقدير؛؛؛؛؛


ولكم ودي وتقديري ؛؛؛؛

أم عمــــــــــــــــــا ر

الدودابي
10-21-2009, 09:42 PM
--------------------------------------

عبدالرحمن شامي
10-21-2009, 10:36 PM
الأخ علي الرزوقي

بمناسبه جري معتصم شبلي قبل ما يجري قال حقو الواحد يقوم جاري وقايل نفسو قاله في سرو والجماعه في الطابور كلهم سمعوه .

الأخ يوسف شامي اتصلت به وهو متابع ولكن محتاج لي كورس بعد داك يشارك معانا .

الاخ سمير
نشكرك على تعزيتنا في وفاة المرحوم هاشم , وجودك ومشاركتك لنا تسرنا .

الاخ ناصر والاخت منى
نشكركم على المتابعه وشاركونا بمداخلاتكم .

عبدالله محمد الجزولي
10-21-2009, 11:18 PM
نواصل الزكريات أخونا هاشم شنان له موقف مع الأستاذ محمد عبدالله التوم وودشنان كان عندو خاتم بتاع فضه عاجبو كده ويوم فى شى حصل من شنان لا اذكره قام ود توم شال منو الختام وبدى يحاول فى تفجيخ الخاتم والخاتم من النوع القوى ما قدر يعمل فيهو حاجة وشنان جايط مع الأستاذ عشان يرجعوا ليه لكن شالوا ومشى المكتب وشنان ماشى وراهو على المكتب وقام شنان اتقدم قدام الأستاذ مسرع ود توم كان قايل هاشم ماشى للناظر قالوا ماشى تشتكينى لعبدالرحمن باقى أنا وياهو راكبين فوق سرج واحد !! المهم شنان الخاتم كان غالى عنده وجاء فى الفسحه ولقى الأستاذ مافى والخاتم فوق الطربيزه لفحوا وفات ولا يوم الليلى الاستاذ ما سأل من الخاتم ،، شقاوة عيال زمان

ميرغني ديمو
10-25-2009, 04:04 PM
مبروك د. كمال وان شاء الله يتربى فى عزكم ، لكين دايرنك تظهر فى جلسة يوم الاتنين أن شاء الله مرة واحدى عارفنك مزحوم مع العيادة ، وحقت أستاذ/ ودتوم دى حتمية ، ارجو ان تتصل عليهو ياعبد الله الجزولى لو مابيخش المنتدى .أما معتصم الشبلى ده قطع شك الاسبوع الجاى بجيبو. طبعا فى الزيارة دى استاذ الشفيع وعلى عثمان حيمشو معانا، أها على عثمان يوم جاء مع المغربية مبسوط ديك يالبسطة ، ونادى لك على الطيب (الله يرحمه ) يسوى لو أسمع ياعمى على بكرة أنا داير الفسحة القدام السفرة دى كلها مزروعة برسيم سامع الكلام دة والله ماسامع ـ عمى على يسوى لو حاضر يالافندى بزرعة كلها وتشوفى بى عينك.... ويضحك ويقول ان شاء الله اريتا دى شبعتى الليلى...

الله لا كسبك يا الرزوقى والله ضحكتنى جنس ضحك الليلى .دى من بيت الكلاوى .متخيل المنظر ...الله يرحم عمنا على الطيب ...لكن بالصح يبقالى المحل دا اتزرع لاحقا .

على الرزوقى
10-25-2009, 07:16 PM
http://www.csit4sudan.com/upload/uploads/thumbs/csit788e4c868f.jpg (http://www.csit4sudan.com/upload/uploads/images/csit788e4c868f.jpg)http://www.csit4sudan.com/upload/uploads/thumbs/csitc85ca524b8.jpg (http://www.csit4sudan.com/upload/uploads/images/csitc85ca524b8.jpg)http://www.csit4sudan.com/upload/uploads/thumbs/csitd562044d00.jpg (http://www.csit4sudan.com/upload/uploads/images/csitd562044d00.jpg)http://www.csit4sudan.com/upload/uploads/thumbs/csitb5ea58a4b5.jpg (http://www.csit4sudan.com/upload/uploads/images/csitb5ea58a4b5.jpg)

أحبتنا هذه بعض لقطات من زيارتنا لاستاذنا الجليل / عبد الله محمد توم وحقيقة رأيت أن اوثق لها بصورة اشمل ، لكننى فى هذه العجالة أريد أن اختبر ذاكرتكم لكى تعرفوا من هؤلاء الذين كانو حضورا فى هذه الزيارة المباركة ، وبعد ذلك سأعدكم بتقرير يروى بعض ظمأكم لهذه الزيارة ومعليش نسيت الكمرة وما كان لنا الا أن نصور بالموبايل فالمعذرة.... نلتقى .... سلام..

salah hussain
10-25-2009, 10:54 PM
يا راقى انت--- يا رزوقى
يا راقى انت --- يا دينمو
فتح الله عليكم وعلى من كان معكم ----
حمد سعيد-- يا رايع --فى اقصى يسار الصورة ---اظن هذه الصورة--اخذت عندما اسمعنى الدينمو --قصيدة --يحيى اخوى كاملة على التلقون --جلست لها --- كجلوس طالب امام استاذه ---
افرحنى واسعدنى جدا هذا اللقاء -- وافرحنى اكثر الكلمات الطيبات التى غمرنى بها استاذى محمد التوم --الرجل القامة -- الذى كان مبسوطا لدرجة الفرح الذى احسسته فى كلماته لى على التلفون --والشكر الذى افاض فيه للمجموعة التى زارته --اخونا احمد السر --مثل دفعتنا --واخونا الباشمهندس على محمد الحسن --اظنه احد افراد الصورة يا الرزوقى --ويبقالى الزول اب دقون دا يا هو --
تانى ما تنسى الكمرا يا زول --
امتعونا بمواصلة هذا البوست -- وياريت الصور والاسماء الحضور بالقابهم

على الرزوقى
10-25-2009, 11:18 PM
YouTube - ‫ظٹط*ظٹ ط§ظ„ط¹ط²ظٹط² ظ…ط*ظ…ط¯ ط³ط¹ظٹط¯ ط¯ظپط¹ ط§ظ„ظ„ظ‡‬‎ (http://www.youtube.com/watch?v=QF_aZA67uPA)


القصيدة التى القاها الاستاذ/ محمد سعيد دفع الله عند زيارتنا لاستاذنا/ محمد عبدالله التوم يوم الجمعة23/10/2009

salah hussain
10-25-2009, 11:49 PM
حيوا معى اخوتى رواد هذا البوست
حيوا هذا الهرم --محمد سعيد دفع الله ---
لاستجابته للدعوة ومرافقة هذا التجمع الرايع لزيارة استاذنا الفاضل محمد التوم
الاستاذ محمد التوم عندما كان استاذنا -- فى القرير الوسطى --محمد سعيد --كان قد تخرج منها
حمد سعيد يا سادتى ليس شاعرا فحسب --- هذا رجل قامة -- تفخر القرير والقرير الوسطى والسودان به -- ابنا بارا لاهله --ومعارفه --- عشق الشمال واهل الشمال --ويحق لنا ان نعشقه بكلياتنا --

هذه لمسة وفاء لا ساتذه --ارضعونا العلم ارضاعا --- وسقونا من معينهم الذى لا ينضب --وحمد سعيد ضمن من علمنا ان نعشق الشمال واهل الشمال --- الوسيم صاحب الزول الوسيم --الذى نقش فى دواخلنا معنى ان تكون ابنا لبلد -- تفتخر بانك من طلاب القرير ---تعشق الطمبور وكلمات اغانيه فى زمن كان كبارنا ينظرون لمن يغنى بالطمبارى --- حمد سعيد والسرير من غير تلك النظرة التى ضاقت وقتها -- غيروها بعفة كلماتهم ---لنفخر باننا نسمع الغنا بدل ان نتوارى خجلا --والطيف براها تغنيكم وتزيد --- تخيلوا سادتى الزول الوسيم كتبها وهو طالب قبل الجامعة --وقارنوا الان وين لى وين --وايش جاب لى جاب --- شاكلة تتى وتتى--- وماعارف شنو وشنو
وتقولى شنو وتقولى منو
والجواب الفوق دا --دا جواب اسمعوهو تانى وتانى ---ومشتهيك انا يا بلد --
هسع اركب الطيارة اجيكم يا الدنمو والله شنو يعنى

سعدنا برققتك يا محمد سعيد الليلة وكل ليلة --ونتعشم ان تشرف البوست والمنتدى بيراعك---لنوثق معنا للقرير الوسطى --ولزمنكم الجميل قبلنا --- فانتم من اعطى الكلمة معناها --- وطبع على القرير الوسطى فخارها بابنائها واساتذتها
ارجو ان تنقلوا منى للاستاذ الرايع هذه الدعوة --اخونا الدينمو عليك طباعة هذه المداخلة --وتسليمها له شخصيا --وارجو ان لم يكتب هو --يجيبلينا --- الدكتور على ---لا استبعد ان يكون حمد سعيد شايلو منجل --والله مشرك للطير --

انت مدعو بشدة هنا توثيقا وشاعرا ومعلما ---وسيد بوست
التحية عبركم جميعا للاستاذ --على كرار وادم الهبيل وود شمة والشفيع العبيد --- والذين كان من المفترض ان يكون بعضهم ضمن هذا التجمع
ما قصرت يا حمد سعيد ---ما قصرنك الايام

على الرزوقى
10-25-2009, 11:54 PM
زيارة ملتقى طلاب القرير الاميرية الوسطى للاستاذوالمربى الجليل محمد عبد الله التوم يوم الجمعة الموافق 23/10/2009
كانت الزيارة برئاسة استاذنا الجليل محمد سعيد دفع الله وكل من تلاميذ الاستاذ الفاضل:ـ
عثمان احمد عثمان الدينمو
اسامة عبد الرحمن عوتيب
عوض سليمان عريبى
حسين الفحل محمد سيداحمد
حسن محمد الحسن امير
معتصم الشبلى الحاج
عثمان عبد الرحيم محمد احمد ودكى
محجوب سيداحمد محجوب / الدقونى
على محمد الحسن محمد خير / فللى
فتح الرحمن
احمد السر صالح الفحل
حافظ محمد خير احمد عبد الله قرافى / حمبير
عبد المنعم محمد احمد / النحيل الكبير
عبد السلام عيسي عجب سيدو / من اولاد العامراب ابوه عيسى عجب سيدو كان من الاولاد اللعابين فى كرة القدم ونحن ماحضرناه
محمد فضل المولى مبيوع
فتح الرحمن ابراهيم على طه وهو شقيق استاذنا/ عوض
الكريم ابراهيم على طه
عثمان محمداحمد محمد / النحيل الصغير
وقد اعتذر عن المجئ بسبب ظرف طارئ كل من تاج الدين عثمان سعيد عبد الرحيم الغبرة استاذ الشفيع استاذ عوض الكريم وهاتفنا فى منزل الاستاذ كل من صلاح حسين الحسن / هاشم سيد احمد شنان/بشير محمد الحسن بلدم وكثير من تلاميذ المربى الجليل

ناصـر محمد الحسن
10-26-2009, 03:55 PM
يا نــاس هـووووووووووووووووووووووووى
مشـيتــــوا وييييييييييييييييييييييييييييييييييييييين

جينـا كمـين مـرَة يا هـندسـة ما لقينـاك أمـرق من محـل الكُف كُـف دا تعـال جـاى
عــندى لـيك وللمعـاك هـــدية .
إن شـاء الله تعجبكـم

http://www.tungasi.com/uploader/uploads/al%20leel.mp3

علي شنان
10-26-2009, 09:44 PM
سلام للكل بلا استثناء حقا لقد كان لقاء الاخوة بأستاذهم واستاذى
الجليل ود توم لمسة وفاء لاهل العطاء .من ابنائه الطلاب .لقد
تداخلت معهم تلفونيا وكم كان فرحى وسعادتى بتلك المكالمة
ولقد سعدت ايما سعادة بمن تحدثت معهم وعلى رأسهم المحتفى
به الاستاذ ود توم ثم القامة الشاعر محمد سعيد ذلك الانسان
الذى مهما كتبت لن افيه حقه .ويكفى ان وصلتنى منه رسالة
بعد هذه المكالمة يشكرنى على مداخلتى والتى اعتبرها واجب علىّ
ولكن هذا هو محمد سعيد دوما.وهذا ديدنه وقد القى قصيدته
الشهيرة (اخى العزيز يايحيى) وللتاريخ هذه القصيدة ارسلها
محمد سعيد ليحبى فى رسالة ونحن فى ثالثة ثانوى عام
بالقرير الوسطى واول من قرأ هذه القصيدة مع الاخ يحيى
هو شخصى المتواضع . ايضا كلمت اخى الدينمو اسم
على مسمى وهو دينمو كل هذا الرباط وكذلك الاخ (بعشر)
معتصم شبلى الذى لم التقيه ولا ادرى اين هو منذ اكثر من
35 عام .كذلك النحيل الكبير فردة تاج الدين فى الشعر الحلمنتيشى
لذلك الزمان وقد داعبته بقصيدة (يامنقتنا مكينى) وقد ضحكنا كثيرا
كذلك اخى وصديقى الذى لم ينقطع وصلى معه النابغة على فلله
وكذلك اسامة عوتيب واسفى اننى ولضيق الوقت لم اتكلم مع بقية
العقد الفريد (من جم) وحتى لا اضيع عليهم بهجة اللقاء مع استاذهم
فلهم العتبى حتى يرضوا خاصة الاخ الدفعة محمد فضل المولى مبيوع
واخى على الرزوقى وعثمان توب السوق وهذا الاسم الجميل ليه كنتم
بخلانين بيهو علينا فى الاميرية يا النحيل اخوان؟ كذلك الخ احمد السر
ابن مساوى الانيق المهندم الذى قدم لنا من الخرطوم .وتحضرنى له قصة
مع ود شمة عندما كان ضابط الداخلية واصدر قرار بعدم لبس البناطلين
فى الداخلية مراعاة لشعور الماعندهم بناطلين واكتشف ان هذاالاحمد السر
ليس فى دولابه ولا عراقى ولا جلابية بل كلها بناطلين واستثناه من القرار
ارجو يا احمد السر ان تؤكد كلامى هذا حتى لايظن البعض بأن هذه الروايات
من بنات افكارى بل هى حقيقة واسال الله ان يجمعنا فى ابرك الاوقات
معكم جميعا انه قادر مريد ااامييييييين (هاشم ) .

ودالشريف
10-26-2009, 09:55 PM
والله متعكم الله جميعا بالصحة والعافية نفتخر بهذا البوست الذى لم شمل ابناء هذه الدفعة ابناء الزمن الجميل

فلكم منى جميعكم دون فرز كل التحية والتقدير واتحفونا بروائعكم ونحن كلنا اذان ضاغية لنستفيد من تجاربكم

فى الحياة ولنتعلم منكم معانى الحب والاخاء واسف ان كنت تداخلت عليكم وانا الاخ الصغير ولكن غلبنى يراعى

والزمنى ان اقول لكم ما فى خاطرى من محبة لكم جميعا من اعرفهم او من خلال المداخلات والله احس انى بينكم

واسعدنى هذا الوجود واتمنى ان يستمر العطاء واتحفونا بهذا الجمال ولكم كل محبتى وتقديرى

تخريمة : الخال الحبيب هاشم شنان اعلم انك متابع لهذا البوست بالله عليك ان تدخل باسمك وتتحفنا بوجودك

واعلم انك تكتب كل صغيرة وكبيرة ومتاكد ان لديك مذكرات ووعدتنى بالدخول واناشدك خالى العزيز ان تلبى النداء

ولك كل محبتى وتقديرى

عبدالله محمد الجزولي
10-26-2009, 10:59 PM
الأخوة الأعزاء الدينمو والعقد الفريد وأخونا على الرزوقى الذى اجتهد كثيرا ونرجو منه انزال المزيد من الصور لكم جميعاً التحية والتقدير وانتم تسجلون أروع انواع الوفاء والتقدير لأستاذ جليل قدم لنا الكثير ولم نقدم نحن ولو اليسير ولكن زيارتكم هذه وفى هذا الزمن تعد شىْ كبير جداً جداً أسأل الله أن يجعله فى ميزان حسناتكم ويجزيكم خير الجزاء لذلك السرور الذى ادخلتموه بزيارتكم هذه فى صدر معلمنا الفاضل الأستاذ الجليل محمد عبدالله التوم والشكر موصول للرجل الفنان الشاعر الأديب ذو الخلق الرفيع القامة محمد سعيد دفع الله الرجل اللذى قل ما يجود الزمان بمثله رجل مرهف الحس نبيل الخلق ذو تواضع جم وادعو الله ان يرفعه لأعلى مكانه لأنه رجل متواضع و من تواضع لله رفعه له الشكر والثناء لمرافته لكم فى هذه الزياره وتكبده المشاق . وانشاءالله يوم شكرك ما يجى ياحمدسعيد . التحية لكل الزملاء ألأفاضل ومن رافقهم فى هذا المسعى الحميد والشكر لمن اتصل وتحدث معهم ونحن والله مقصرين شغلتنا ظروف الحياة والعمل الذى لا يكمل ولا ينتهى من ان نتصل بالهاتف . فنرجو المعذره منكم جميعاً . وأكرر شكرى للرجل الرائع صلاح حسين اللذى جعلنا نتواصل عبر هذا البوست الجميل . وسوف نواصل الذكريات انشاءالله .

salah hussain
10-26-2009, 11:32 PM
ود الجزولى يا راقى انت --- امانى الكرفتة اللتك دى عاجبانى عجب ---بس قدر ما حاولت البسك ياها ايام القرير --والردا الشين داك --ابت ضمة تركب عليك

انتو اجماعة --كهربتنا الليلة قاطعى مالا --الدينمو دا -- الليلى تلفون الاثنين -- ما عمل لينا المس كول
يا ربى يكون مشى يوصل الرسالة لى حمد سعيد---انشاء الله يمسكو من ايدو يجيبو هنا -- امانى ما النحاس يرزم رزم --

ناصـر محمد الحسن
10-27-2009, 09:43 AM
أهـا والله دى لـيك يا هـندســة هـــــدية خاصـة

الذكـريات نامـت على الحـيل متكـى
مـال حـيلها هـداهـو الوقـاف
الأغنيــات مالـت على الـلـيل تشتكـى
لملم ضـلامـو الـليل وخــــاف
شـرقـت شمـس يـوم الـفــراق
صـبحـت ديـار الشـوق جفـاف
وإتلاشـت أيـامى الخضـر
وأدابكتـنى أيـام عجـاف


http://www.tungasi.com/uploader/uploads/al%20zekriat.mp3

salah hussain
10-27-2009, 10:08 AM
الله عليك --يا ناصر
المدرسة البيضاء تحييك
انت وسمير --تستاهلو نديكم ---عضوية فخرية وزيادة
عليك الله يا ناصر ساعة تدخل هنا ما قاعد تنجما
ايش جاب لى جاب --- والعوك عوك البيهنوكا --
ما اخير لينا يابا --- اوعك الليلى شايفك نفسك حار ---ما من طبعك -- ان غلبتنى بجرجرك هنا --واحرسك البوست
امانى جاياكم جنس متعة ---بس خلى الدينمو --يظهر
اى بسم الله --دار انسا
مامان وينو --البارح تاوق وزاغ --- ان سواها بزازيهو تلفونات
بالمناسبة يا ناصر مامان --معاكم فى الرياض -- شوف محمد عوض الحاج --امرقو من كونية الجمعية --يلمك فيهو
وباصرو لينا محمد عوض دا زاتو ---امرقو لينا منو واحدى ثانى ---اكيد عندو مخزون --الوسطى

ناصـر محمد الحسن
10-27-2009, 10:34 AM
الله عليك --يا ناصر
المدرسة البيضاء تحييك
انت وسمير --تستاهلو نديكم ---عضوية فخرية وزيادة
عليك الله يا ناصر ساعة تدخل هنا ما قاعد تنجما
ايش جاب لى جاب --- والعوك عوك البيهنوكا --
ما اخير لينا يابا --- اوعك الليلى شايفك نفسك حار ---ما من طبك -- ان غلبتنى بجرجرك هنا --واحرسك البوست
امانى جاياكم جنس متعة ---بس خلى الدينمو --يظهر
اى بسم الله --دار انسا
مامان وينو --البارح تاوق وزاغ --- ان سواها بزازيهو تلفونات
بالمناسبة يا ناصر مامان --معاكم فى الرياض -- شوف محمد عوض الحاج --امرقو من كونية الجمعية --يلمك فيهو
وباصرو لينا محمد عوض دا زاتو ---امرقو لينا منو واحدى ثانى ---اكيد عندو مخزون --الوسطى



الحـبيب
والله آسـف جـداً .. فعـلاً الـليلى مانى يانى
لكـن بالله عـليك ماشـىء يـزعل الواحـد كل ما نقـول خلاص وصـلنا لحـل المشكلة
يجـيك واحـد ناطى بطـريقة غـريبة وخبيثة , أنا ما فهمت من المشاركة دى غـير
إنـو عايز يخـرًب بين الإثـنين المذكـورين مع أنى متأكـد أنهم أكــبر من أن يعكـر
صفـوة العلاقة البينهم مثل هـذا الشخص . لك كل محبتى على التنبيه.

محمد عـوض الحاج ودى لـيك على إن ما جـاء
براهـو أجـيبلك جـرابـو , وهـو جـرابـو ما شـاء الله مليـان لامن مدفـق .
تسـلم يا حـبيب وتانى أكـــرر أسـفى الشـديد على النفـس الحــار

salah hussain
10-27-2009, 11:03 AM
الحق يا ناصر صلح
قبال يظهر كبرنا والزهماير --الله يستر
انا غايتو اللتى صلحتها --
وتسلم --فهت قصد تنبيهى --- انت عزيز عندى -- والمابيشبهك -- ما ب اخليك --

ناصـر محمد الحسن
10-27-2009, 11:10 AM
الحق يا ناصر صلح
قبال يظهر كبرنا والزهماير --الله يستر
انا غايتو اللتى صلحتها --
وتسلم --فهت قصد تنبيهى --- انت عزيز عندى -- والمابيشبهك -- ما ب اخليك --


كــدة تمـام .. ياعمــــو
والقـلوب عـند بعضيهـا
وأنا جـايييييييك

على الرزوقى
10-27-2009, 12:15 PM
http://www.9m.com/upfiles/ZSv34071.jpg (http://www.7be.com/vb/)

حقيقة قفلة المنتدى الكم يوم دى لخبتت علينا التوثيق شوية مع انو كان أيام هامة زيارتنا لى استاذنا / محمد عبد الله التوم ،لكن الشغل كلو موثق وبنزلو ليكم ربنا يجيب الفضا ، أمبارح الاثنين إجتمعنا كالعادة وكان معانا أحد الاساتذة الاجلاء دايرك تعرفوا ياصلاح ووديمو ورقاقى واحمد عبد الحفيظ الجيل الى ورا ديل ماحاضرنو ـ ـ ودى صورة جماعية احتمال تكون ماواضحة لكن برضو داير تتمعنوا فيها.
تم الاتفاق على زيارة استاذنا / على عثمان كرار يو السبت القادم، كما تم الاتفاق على تحديد موعد لاحق لزيارة الزميل / طه ابراهيم محمد ( جحا ) دفعة 74 من اولاد قوز قرافى وهو يعانى من فشل كلوى وغسيل اسبوعى ، نرجو الدعاء له ربنا يديهو العافية ـ الكلام كتير لكن الناس شاغلنى ، ولى عودة خلال هذا اليوم ...... سلام .....

على الرزوقى
10-27-2009, 12:21 PM
http://www.9m.com/upfiles/lP734071.jpg (http://www.7be.com/vb/)

معليش دى صورة الاستاذ/ يالله شغلوا مخكم شوية

salah hussain
10-27-2009, 12:46 PM
اقطع دراعى --يا عاملات عادل امام ان عرفت لى واحد ان كان الدينمو
انت نحن ما كبرنا --الناس دى كبرت كيف
النرجى الجزولى وودديمو --اصغر مننا ويمكن فيهم رقشة اكثر --ان بقى ما محرق حلتو
مبارى المنتدى --لامن الحلة --تقولك ---طااااااااااخ
انت اميرغنى --البيوديك بى هنوك شنو --امرق جاى ---مرق------(اسويلك الليلك زاتو)
الاستاذ --ياربى --الهبيل --- --يبقالى كدى

سمير محمد الحردلو شامي
10-27-2009, 01:14 PM
ناس المدرسة البيضاء سلام .... يعلم الله الزول يرتاح ساعة يجيكم .... بس أنا فرق العمر دة مخليني ما أنتاوق كتير ..... والعجب العجيب ناصر كمان جاء .... أها هو زاتو يشوفني أنا زي ماقلت فيكم ...

أنت ياناصر وصلاح مسعولين من الخير ... الأستاذ محمد عبد الله التوم ياتو فيكم في الصورة دي ..... والله كلكم أستاذ هني ...... أنا لايوم الليلي أتذكر الدينمو دة بالشارلستون والشعر المخنفس داك في القرير والشبط البنقولوا الدبابة حق مصر ... متذكرنو ؟ .... مو كنا نمشي لي خالتي هناك ونصادف حفلة ياهو يجو ناس الدينمو ديل .... اها يالدينمو شفت الشفع المنبطحين في الرملة قدام صف الحريم داك في الحفلة ؟ يانا نحن مبارين خالاتنا ....

مامان زاتو مشيت القرير مع سيد أحمد لي عرس محمد سعيد دفع الله ... يعلم الله شافع قاعد فوق كرعين عمي في اللاندروفر ... ومعانا ود كرم الله وناس كتيري ... أها مامان دة ومعاهو واحد تاني .... دقو أغنية المشتهنك في غيابك بي طمبورين ... والله لايوم الليلي ماسمعت أحلي من صوتهم في الأغنية دي .....

غايتو قاعدين نجي نخرمج لكم البوست دة لكن معليش .... مو أخير من أقفلوا ليكم ... شوف النجوم ياصلاح .... هبة من رب العباد .... سلملم ليكم كلكن ...

ميرغني ديمو
10-27-2009, 03:46 PM
ناس المدرسة البيضاء سلام .... يعلم الله الزول يرتاح ساعة يجيكم .... بس أنا فرق العمر دة مخليني ما أنتاوق كتير ..... والعجب العجيب ناصر كمان جاء .... أها هو زاتو يشوفني أنا زي ماقلت فيكم ...


أنت ياناصر وصلاح مسعولين من الخير ... الأستاذ محمد عبد الله التوم ياتو فيكم في الصورة دي ..... والله كلكم أستاذ هني ...... أنا لايوم الليلي أتذكر الدينمو دة بالشارلستون والشعر المخنفس داك في القرير والشبط البنقولوا الدبابة حق مصر ... متذكرنو ؟ .... مو كنا نمشي لي خالتي هناك ونصادف حفلة ياهو يجو ناس الدينمو ديل .... اها يالدينمو شفت الشفع المنبطحين في الرملة قدام صف الحريم داك في الحفلة ؟ يانا نحن مبارين خالاتنا ....

مامان زاتو مشيت القرير مع سيد أحمد لي عرس محمد سعيد دفع الله ... يعلم الله شافع قاعد فوق كرعين عمي في اللاندروفر ... ومعانا ود كرم الله وناس كتيري ... أها مامان دة ومعاهو واحد تاني .... دقو أغنية المشتهنك في غيابك بي طمبورين ... والله لايوم الليلي ماسمعت أحلي من صوتهم في الأغنية دي .....


غايتو قاعدين نجي نخرمج لكم البوست دة لكن معليش .... مو أخير من أقفلوا ليكم ... شوف النجوم ياصلاح .... هبة من رب العباد .... سلملم ليكم كلكن ...


اخير من خرمجة المنتدى

على الرزوقى
10-27-2009, 04:46 PM
[URhttp://www.9m.com/upfiles/vR250900.jpg (http://www.7be.com/vb/)Lhttp://www.9m.com/upfiles/9AD50900.jpg (http://www.7be.com/vb/)=http://www.7be.com/vb/]http://www.9m.com/upfiles/iyx50900.jpg[/url]

أها ياصلاح أوعى تقول لى ديل كمان ماعرفتهم؟؟؟؟؟؟
طيب الصورالفوق ده حسين الفحل والفى النص ده معتصم الشبلى والتحت ده عبالرحيم الغبرة

على الرزوقى
10-27-2009, 05:10 PM
http://www.9m.com/upfiles/edP51956.jpg[/url[URL=http://www.7be.com/vb/]http://www.9m.com/upfiles/4Gu51956.jpg (http://www.7be.com/vb/)]

الصورة البراها الفوق ده أستاذنا / محمد الحسن أحمد عبد الرحمن ولو تتذكروا جانا من السعودية سنة 69 وبعدين كان بيلبس فل سوت البدلة لمان تكون لون كل التوابع تكون بى نفس اللون حتى استيك الساعة الرومر ديك يغيرو بى نفس لون البدلة .... زمن ...
أما الصورتين ديل الفوق نفس استاذ محمد الحسن والمعاهو ده أسامة عوتيب الرجل صاحب الذاكرة الما شاء الله .
التحت دى صورة أستاذنا / محمد عبد الله التوم ياسمير .
بس مشكلتكم زول عرف لى معتصم الشبلى الفى الصفحة الفوق دى مافى.
تحياتى ..... ونواصل ....

علي شنان
10-27-2009, 07:57 PM
سلام الاخ الرزوقى لك التحايا وانت توثق بالصورة حقيقة
نحنا والله كبرنا وعجزنا عجز شديد خالص والله انا فى مخيلتى
هؤلاء الاخوة وهم فى سن الصبا ولكن الان بعد ماشفتهم مشيت
عدل على المراية وفعلا لقيت حالى ليس بأفضل من حالهم وهذه
هى الدنيا فهل من معتبر ؟ ارجو ان يستمر التواصل حتى نقضى
باقى ايامنا المفضلى دى . ابنى الاصغر (ابوبكر) وهو الان يستعد
لامتحان الشهادة قبل سنوات قليلة قاعد يتونس مع صاحبه وانا
سامع ومصهين بيقول له شوف اسع ابوى دا ما خلاص عجّز
وشيّب وحا يموت . والله زعلت جنس زعل من الكلام دا لكنها
هى الحقيقة فنسأل الله حسن الخاتمة لنا جميعا .
الاستاذ الذى ذكرته (محمد الحسن) كان بالمدرسة قبل حضورنا
لها اى قبل العام 1968.لكن ماشاء الله استاذنا ود توم وحمّد
سعيد دفع الله ينشافوا اصغر من تلاميذهم (عينى باردة) .....
(هاشم شنان)

على الرزوقى
10-27-2009, 08:12 PM
لك التحية اخى العزيز هاشم شنان وحقيقة طولة شديدة وده ياهو حال الدنيا يمضى جيل لياتى جيل ، وحقيقة أستاذنا/ محمد توم ماشاء الله وحكيت ليهو عندى صاحبى فى رفاعة اسمو مبارك عوض الكريم لمان الترابى كان فى اولى وسطى هو كان فى رابعة والسنة القبل الفاتت دى عرس، وماشاء الله نشيط فكنت دايما أسالو عن السر وراء ذلك فكان دايما بيقول لى (إنما هى جوارح حفظناها فى الصغر فحفظتنا فى الكبر ) واستاذنا / محمد توم من اولئك الذين حفظوا جوارحهم فى الصغر فحفظتهم فى الكبر ، إتصل على قبيل أستاذنا / محمد سعيد دفع الله وهو ممتن لهذا الشعور الطيب من قبيلة أبناء القرير الاميرية ، خصوصا بعد أن علم أنك أول من قرأ القصيدة مع المرحوم يحيى حسن الدابى ، لدى تسجيل للاستاذ/ محمد عبدالله التوم بنزلول ليكم فى المنتدى بواسة الyoutube ان شاء الله . لك حبى .....

salah hussain
10-27-2009, 08:33 PM
الرزوقى
عمرت البوست
عمر الله قلبك ايمانا ومحبة
وجزاك الله عنى وعن ابناء القرير الوسطى كل خير
بلغ تحياتى الخالصات للهرم حمد سعيد --- وياريت تلحقنا بى تلفونو
ارسل رسالة -- برقمو ورقمك --على الرقم 0096899459210
بمناسبة الصور --- يالرزوقى --الكبر حصل ---لكن القلوب شباب --وستظل
الدينمو وين
احرصوا على هذا البوست ---بمثل هذه المداخلات الجميلة --لنكتب للناس خير ما فينا --واجمل ما عندنا
هذه الزيارات يجب ان تتواصل --- للاساتذه --وللزملاء -- ولنسعى للتجمع المقترح --من اخونا يوسف --لنجعله واقعا ونطوره ---ابناء القرير الوسطى --كوكبة --- تربوا على اصول وهم صغار -- بفضل اساتذة امثال محمد التوم والهبيل وعلى كرار والشفيع واستاذ محمد الحسن --- الذى ضيعت شكله ولم انساه استاذا -- من ذلك الجيل الذى تعزه الان ابا ومربيا --وستشعر بصداقته ايضا -- فى هذا العمر --- بالله شوف صورتو مع اسامة عوتيب -- وانتبه لهذه المشاعر التى تعبر عنها الصورة
لاننا تتلمذنا على ايدى هولاء -- ندين لهم بالحب --ونرجو ان نكون فخرا لهم ولابنائهم ---
استاذ محمد التوم كان وسيظل بسيطا متواضعا --وقامة ---
اتحفونا بجميل اخبارهم --- ولنتعرف بهم من قرب --بمثل هذه التجمعات --- التى انستنى الغربة وتوابعها ---وليتعلم ابنائى منها الكثير ---وياليت هولاء الذين يتجادعون بالكلمات -- ان يطلوا ويعتبروا --- ففى الحلق غصة
ودمت يا جميل

علي شنان
10-27-2009, 09:35 PM
[تصحيح الاخوة الاعزاء .رائعة محمد سعيد (اخى العزيز يايحيى)
ليست للمرحوم يحيى الدابى ولكن كانت للاخ الصديق العزيز والذى
مازلت اعتز بصداقته واحىّ فيه تلك الروح والعزيمة والاصرار
التى جعلته يقهر الاعاقة التى لازمته منذ الطفولة وقد كان ولايزال
يمارس حياته كأى شخص منا انه الاخ ( يحيى فضل المولى حامد)
الذى يعمل الان بأدارة المشروع الزراعى بالقرير ولمن
لم يعرفه .فهو قد درس فترة من الزمن فى معهد تنقاسى ثم
جاءنا فى الاميرية واستمر معنا ايضا فى مروى الثانوية
وله الكثير من الصداقات مع اهل تنقاسى فله التحية.....(هاشم)

ميرغني ديمو
10-28-2009, 12:15 AM
[urhttp://www.9m.com/upfiles/vr250900.jpg (http://www.7be.com/vb/)lhttp://www.9m.com/upfiles/9ad50900.jpg (http://www.7be.com/vb/)=http://www.7be.com/vb/]http://www.9m.com/upfiles/iyx50900.jpg[/url]

أها ياصلاح أوعى تقول لى ديل كمان ماعرفتهم؟؟؟؟؟؟
طيب الصورالفوق ده حسين الفحل والفى النص ده معتصم الشبلى والتحت ده عبالرحيم الغبرة
لاحول ولاقوه الا بالله العلى القدير .والله يالرزوقى ولا واحد ما عرفته بى معتصمهم وهو لقيته وين دا.....؟

سمير محمد الحردلو شامي
10-28-2009, 07:37 AM
لاحول ولاقوه الا بالله العلى القدير .والله يالرزوقى ولا واحد ما عرفته بى معتصمهم وهو لقيته وين دا.....؟

تحياتي.... وزي ماقال أخونا صلاح حسين والله الزول يرتاح مع كلامكم دة ...

أنت ياود ديمو تعرفم كيفن وأنت ضاربلي الكندشة دي وشايف نفسك لا يوم الليلي دريفون .... لمان تمشي هناك ويجيك كم مشوار كدي لاعند أم بدة وسوق ليبيا وتلحقن بي واحد في الكلاكلة بعدين بتعرف الكبر حصل واللا لا ......

ماشاء الله .... أستاذ محمد الحسن دة يالرزوقي موش محمد الحسن أحمد عبد الرحمن قرافي ؟ طبعاً الرجل قامة ودرسنا في تنقاسي العامة وكان المدير .... له تحياتي

أخونا هاشم شنان صاحب القلم الرائع لك مني أجمل تحية وأنت تزين هذاء البوست .... والله حقو يدوك ماهيي جماعتك الماسحين ديل ..... لك والله معزة خاصة .

الرزوقي مع أني لا أذكر أني قابلتك قبل كدة لكن برضو ماشاء الله عليك وأن شاء الله تواصل هنا وتواصل في حدائق الهلتون ....

صلاح حسين دة طبعاً زول حقاني ومرات كدي الواحد يخاف منو ..... لك أحلي الأمنيات لأنك والله أخ وصديق وعزيز علينا شديد .... لي قدام أن شاء الله ...

وتحياتي لجميع خريجي المدرسة البيضاء .... سلملم